სასტუმრო ,,დუენდე’’ ლაგოდეხში. “დუენდე,” რომელიც ესპანურად ვნებას ნიშნავს, ესპანელმა წყვილმა ლაგოდეხის სოფელ ხიზაში ააშენა. ტყიანი ეზო, ნომრები ტყეში და მდინარე ნინოს პირას მდგარი კოტეჯი დაუვიწყარ შეგრძნებებს დაგიტოვებთ.
„საქართველოს მდგრადი სოფლის მეურნეობის, ირიგაციისა და მიწის პროექტი“ ხორციელდება
საქართველოს გარემოს დაცვისა და სოფლის მეურნეობის სამინისტრო მსოფლიო ბანკის ფინანსური მხარდაჭერით „საქართველოს მდგრადი სოფლის მეურნეობის, ირიგაციისა და მიწის პროექტს“ ახორციელებს
აღნიშნული პროექტის ფარგლებში, კახეთის რეგიონში, ახმეტის მუნიციპალიტეტში, მდინარე ილტოზე, ზემო და ქვემო ალაზნის სარწყავი სისტემების სარწყავი წყლის რესურსებით უზრუნველყოფის გაუმჯობესების მიზნით ახალი საირიგაციო დანიშნულების წყალსაცავის მშენებლობის მიზანშეწონილობის დასადგენად, დაგეგმილია ტექნიკურ-ეკონომიკური დასაბუთების მომზადება.
ტექნიკურ-ეკონომიკური დასაბუთება ითვალისწინებს როგორც არსებული კვლევებისა და ტექნიკური მასალების შესწავლას, ასევე ახალი საერთაშორისო სტანდარტების შესაბამისი კვლევების ჩატარებას და გარემოზე ზემოქმედების შეფასების დოკუმენტის მომზადებას.
აღნიშნულ საკონსულტაციო მომსახურებაზე გამოცხადებულია საერთაშორისო ტენდერი.
ზურაბ გურიელიძემ ამისთვის მოსახლეობას მადლობა გადაუხადა
ზოოპარკის დირექტორმა, ზურაბ გურიელიძემ ამისთვის მოსახლეობას მადლობა გადაუხადა.
„ზოოპარკის მიმდებარე ტერიტორიაზე მცხოვრებლებმა გაითვალისწინეს თხოვნა და ახალი წლის ღამეს პიროტექნიკის გამოყენებისგან თავი შეიკავეს. წინა წლებთან შედარებით, გაცილებით მშვიდად ჩაიარა. სროლები არ ყოფილა, შორიდან კი ნაკლებად მოქმედებს ხოლმე. ყველაფერმა მშვიდობიანად ჩაიარა. ჩვენი ვეტექიმი იმყოფებოდა ღამე ადგილზე და ეს მისი ინფორმაციაა“, – განაცხადა ზურაბ გურიელიძემ.
#datashvil #drpkhakadze #sheniganatleba #sheniambebi #sheniekimi
რევოლუცია ღვინის დაყენებაში…
რევოლუცია ღვინის დაყენებაში
მრავალი საუკუნის განმავლობაში მევენახეებისა და ღვინით მოვაჭრეების საზრუნავი ჩვეულებრივ, ყოველდღიურად მოსახმარ ღვინოზე მოთხოვნის დაკმაყოფილება იყო. მაგრამ XVII საუკუნის დასასრულიდან შეძლებულ ფენას გამორჩეული გემოს მქონე ღვინით ტკბობის სურვილი გაუჩნდა.
კარგი ღვინის მოყვარული
ჯერ კიდევ ანტიკურ ხანაში რომაელები საუკეთესო მოსავლის წლის ღვინოებს ანიჭებდნენ უპირატესობას. შუა საუკუნეების მეფეები და აბატებიც საუკეთესო ღვინოს მიირთმევდნენ. ეს ახალი მოვლენა საფრანგეთსა და ინგლისში შეძლებული ფენის წარმოქმნასთან ერთად გაჩნდა. ისინი მზად იყვნენ, მაღალი ხარისხის ღვინისთვის დიდი თანხა გაეღოთ. საფრანგეთში, რეგენტობის პერიოდში, სამეფო კარის წარმომადგენლებმა (1715-1723) მოითხოვეს და მიიღეს დიდი რაოდენობის საუკეთესო ხარისხის, გაცილებით ცქრიალა შამპანური. იმავე პერიოდის ინგლისში, სამეფოს მნიშვნელოვანი ფიგურები, მათ შორის პრემიერ-მინისტრი რობერტ უოლპოლი, ბორდოს საუკეთესო წითელი ღვინის მოყვარულნი გახლდნენ.
სწორედ აქედან იღებს სათავეს ცნება – მაღალი ხარისხის ღვინო. აქამდე ღვინო მთელი წელი ისმებოდა და რთველის მოახლოებასთან ერთად „ძველი“ ღვინის ფასი ეცემოდა. თუმცა, 1714 წლიდან, ერთმა პარიზელმა ვაჭარმა ბორდოდან მომწოდებელს მოსთხოვა „კარგი, უმაღლესი ხარისხის, ძველი, შავი, ხავერდოვანი ღვინო.“ ამ პერიოდიდან უკვე შეეძლოთ ღვინის ხარისხის ამაღლება და გაუმჯობესება.
ბორდოს დიდი ღვინოები
ღვინის ხარისხზე მოთხოვნის დამკვიდრებას მიაწერენ არნო დე პონტაკს, 1660 წელს ბორდოს პარლამენტის თავმჯდომარეს. შატო o-brionis (château Haut-Brion) მესაკუთრემ ახალი ტიპის ღვინის წარმოება წამოიწყო, ხოლო მოგვიანებით, მის მიერ გამოყენებული მეთოდები მყარად დამკვიდრდა: დაბალი რენტაბელობა, ფრთხილი სელექცია, ვენახების გაშენებაზე მკაცრი კონტროლი. მიზანი, ცხადია, ხარისხი იყო, რაც ღვინოზე დაწესებულ მაღალ ფასს გაამართლებდა. ლონდონში o-brionis -ის ღვინო სხვა მაღალი ხარისხის სასმელზე სამჯერ ძვირი ღირდა. ბორდოს ახალმა მამულებმაც – ლატურმა (Latour), ლაფიტმა (Lafite) და მარგომ (Margaux) წარმოების პროცესში იმავე მეთოდების გამოყენება დაიწყეს. მათი დახვეწა გრძელდებოდა: საუკეთესო ჯიშის ვაზის შერჩევა, ვენახის დრენაჟი, გაშენებისას დიდი სიზუსტე, სარდაფში შენახვის პირობები. დაიწყო მაღალი ხარისხის ღვინის დიდი რაოდენობით წარმოება.
საშუალო ხარისხის ღვინის დიდი რაოდენობით წარმოება საფრანგეთში მხოლოდ სამრეწველო რევოლუციის შემდეგ გახდა შესაძლებელი. ქალაქების განვითარებამ და მუშათა ფენის ზრდამ, იაფფასიანი ღვინისადმი მოთხოვნა გაზარდა. რკინიგზამ ამ პრობლემის გადაჭრა გააადვილა სამხრეთის გაშლილი ზვრების საშუალებით.
ახალი ღვინოები
XVII-XVIII საუკუნეები. XVII საუკუნიდან დაწყებული, მთელი XVIII საუკუნის ჩათვლით, მევენახეობა პარიზთან ერთად ვითარდებოდა. დედაქალაქში ღვინოზე მეტი მოთხოვნა გაჩნდა და მის დასაკმაყოფილებლად ორლეანის რეგიონის ღვინოსაც დაედო ფასი. XVIII საუკუნის ბოლოს, სწორედ პარიზელებისთვის, ბოჟოლეს წარმოება გაიზარდა. მომმარაგებლები პარიზისა და ინგლისის მოსახლეობის მოთხოვნებს ვეღარ აუდიოდნენ. მევენახეებზე მეტად ისინი მწარმოებლებისგან ყიდულობდნენ ღვინოს. ამ პერიოდში ახალი ტიპის ღვინის მწარმოებლებს ვენახები არ ჰქონდათ. ისინი აგროვებდნენ, ბოთლებში ასხამდნენ შეძენილ ღვინოს და როგორც საკუთარ `სამარკოს“ , ისე ყიდდნენ.
XIX საუკუნეში. პარლამენტარებისა და მოსამართლის თანაშემწეების მდიდრულ სუფრებს ბორდოში „ბურჟუაზიული“ ღვინო ამშვენებდა. ვაჭრები გაყიდვის მეთოდებს სულ უფრო ხვეწდნენ, კასრების ნაცვლად ახლა ღვინო ბოთლებით იყიდებოდა. ინდუსტრიალიზაციამ და რკინიგზის გაყვანამ განაპირობა ქვეყნის ერთ-ერთ მთავარ პროდუქტად ღვინის ქცევა. ლანგედოკ-რუსიონის მზიან ზვრებში ახალი, განსხვავებული ვაზის ჯიშებისგან დიდი რაოდენობით ყო-ველდღიური მოხმარების ღვინოს ამზადებდნენ.
ვაზის ჭირი
საფრანგეთის სამხრეთში (უფრო ზუსტად, გარდში, პუჟოში) 1863 წელს ვაზის გამანადგურებელი ჭირი გაჩნდა. ფილოქსერა (Phylloxéra vastatrix) ქინძისთავისხელა ტილია, რომელიც ვაზის ფესვების წვენით იკვებება და მას კლავს. ის ჩრდილოეთ ამერიკიდან, გემით, შემთხვევით მოხვდა ევროპაში. ამერიკიდან შემოტანილ მცენარეებს გამოყოლილი ეს პარაზიტები გადარჩნენ და მთელ ევროპას მოედვნენ: მათ ერთი ძირი ვაზიც კი არ გადაურჩა. 40-წლიანი განადგურების შემდეგ, როგორც იქნა, გამოსავალი იპოვეს, ადგილობრივი ვაზი ამერიკულზე დაამყნეს, რომელსაც ეს მწერი ვერაფერს აკლებდა.
ფილოქსერა ერთადერთი პრობლემა როდი იყო. იმავე პერიოდში ევროპულ ვაზს ორი სოკოვანი დაავადება, ოიდიუმი (ნაცარი) და მილდიუ (ჭრაქი) შეეყარა და დააზიანა. საფრანგეთსა და ევროპის სხვა რეგიონებში ფილოქსერათი განადგურებული ვენახები ხელახლა აღარ გაშენებულა.
იცით თუ არა, რომ… შუა საუკუნეების ადამიანისთვის ღვინო და ლუდი ფუფუნება კი არ იყო
წყარო: დიდი ენციკლოპედია – ღვინო (გამომცემლობა პალიტრა L)
როგორ დავგეგმოთ ნაკვეთი, სად რა და როგორ დავრგოთ…
როგორ დავგეგმოთ ნაკვეთი, სად რა და როგორ დავრგოთ
ასე შეგიძლიათ დაგეგმოთ ნაკვეთი:
თუ ამ შესანიშნავი, ყველასათვის მოსაწონი საქმის დაწყებას აპირებთ, აუცილებლად გაითვალისწინეთ ჩვენი რეკომენდაციები.
მაშ ასე, თქვენ შეიძინეთ მიწის ნაკვეთი, სადაც მხოლოდ სარეველა ბალახი და, შესაძლოა, თქვენთვის უსარგებლო მერქნიანი მცენარეები დაგხვდათ. პირველ რიგში, მიწა გაათავისუფლეთ ამ ზედმეტი `ბარგისგან~; მერქნიანები ძირიანად ამოთხარეთ, დაწვით და ნაცარი შეინახეთ, სასუქად გამოგადგებათ. თუ საშუალება გექნებათ და მოხნავთ, ძალიან კარგი იქნება, თუ არადა, რაც შეიძლება, ღრმად დაბარეთ, სარეველების ფესვები (განსაკუთრებით, შალაფის, ჭანგასა და გლერტის ფესურები) გულდასმით შეაგროვეთ, ერთ ადგილას დაყარეთ და გახმობის შემდეგ ისიც ნაცრად აქციეთ. ისე, გახსოვდეთ, რომ ჭანგასა და გლერტის ფესვები საუკეთესო შარდმდენია და შეგიძლიათ სამკურნალო მიზნისთვის შეინახოთ. ქვა და ღორღი აკრიფეთ, შორს ნუ გადაყრით, შეიძლება, ისიც დაგჭირდეთ, მოხნული ან დაბარული მიწა გააფხვიერეთ. ნაკვეთი ისე დაგეგმეთ, რომ გქონდეთ ბაღიც, ბოსტანიც, ვენახიც და დეკორატიული კუთხეც. ქაღალდზე დაიტანეთ ყველაფრის სქემა, მათ შორის საბაღე სახლის ან თუნდაც ქოხის მონახაზი, არც ჭიშკარი დაგავიწყდეთ. ახლა კი შეღობვაზე ვიზრუნოთ.
ძალიან დიდი მნიშვნელობა აქვს, როგორ და რით შეღობავთ. რა თქმა უნდა, ეს შესაძლებლობებზეა დამოკიდებული. დღესდღეობით ყველაზე პოპულარულია მავთულის ბადეები და სხვადასხვა მასალისგან ნაშენები კედლები, მაგრამ ყოველივე ამას საკმაოდ დიდი თანხები სჭირდება; ამიტომ, გირჩევთ მცენარეული მოსავლიანი ღობეებით შემოღობვას. შესანიშნავი ქართული ანდაზაა: `კაცი კაცითაო და ღობე ქაცვითაო~. დიახ, ეს ისეთი ღობე გახლავთ, რომელშიც ეშმაკიც ვერ გაბედავს შეძრომას. ქაცვი მშვენიერი, ნაცრისფერფოთლიანი და ნარინჯისფერნაყოფიანი მცენარეა, დეკორატიული თვალსაზრისით – მეტად ეფექტური, ხოლო მისი ნაყოფი საყოველთაოდ ცნობილი საკვები და სამკურნალწამლოა. იგივე შეიძლება ითქვას კუნელზე, მაყვალსა და ასკილზეც. თითოეული მათგანის დახასიათება იხილეთ ქვემოთ.
თუ თქვენი არჩევანი ცოცხალ ღობეზე შეაჩერეთ, მაშინ, პირველ რიგში, მავთულის ბადე უნდა შემოავლოთ ნაკვეთს და მერე გააშენოთ ღობისათვის გათვალისწინებული მცენარეები.
თუ სარწყავი წყალი არ გაქვთ და არც მისი შეყვანის პერსპექტივაა, ბაღის გაშენებაზე ფიქრიც ზედმეტია.
გთავაზობთ ნაკვეთის მოწყობის სავარაუდო გეგმას, მაგრამ საკუთარ ფანტაზიასაც მიეცით გასაქანი. ნურც იმ კულტურებით დაკმაყოფილდებით, რაც გეგმაზეა მოცემული. დარგეთ თითო ძირი მაინც ის მცენარე, რომელზეც მანამდე ოცნებობდით.
გახსოვდეთ
ხეხილი დარგეთ ნაკვეთის ჩრდილოეთ ნაწილში. გირჩევთ, დარგოთ ნახევრად ნაგალა (ჯუჯა) საძირეებზე დამყნილი ვაშლის ნერგები, რომელთა შორის მანძილი 4X4მ ან 3X5მ-ზეა. მთლად ნაგალა საძირეებზე დამყნილ ნერგებს შორის მანძილი უფრო მცირეა – 3X2,5 მ-ზე ან 3X3 მ-ზე. აუცილებლად დარგეთ 1 ძირი ბალი, 2 ძირი ალუბალი, 2 ძირი ქლიავი, 1 ძირი ლეღვი, 3 ძირი ატამი, 2 ძირი მსხალი – ერთმანეთისაგან არანაკლებ 3მ-ის (ჯობია, 4 მ) დაშორებით.
ღობის გაყოლებით ერთ მხარეს გააშენეთ სახეივნე ვაზი – დაცილება 2-2,5 მ. ღობის მეორე მხარეს 3 ძირი თხილი – 3X3 მ-ზე (უმჯობესია 4X4-ზე). ერთი ძირი საუკეთესო ჯიშის კაკალი ისეთ ადგილას დარგეთ, რომ არც თქვენ დაგიჩრდილოთ ბაღი და არც მეზობელს.
წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)
დღეიდან შესაძლებელია საგამოცდო ბარათების ამობეჭდვა
დღეიდან შესაძლებელია საგამოცდო ბარათების ამობეჭდვა აბიტურიენტებისათვის, სტუდენტთა საგრანტო კონკურსის მონაწილეებისათვის, მაგისტრანტობის კანდიდატებისა და მასწავლებლის გამოცდაზე რეგისტრირებულებისათვის.
შეფასებისა და გამოცდების ეროვნული ცენტრი გამოსაცდელებს შეახსენებს, რომ გამოცდებზე დაშვების აუცილებელ პირობაა პირადობის დამადასტურებელ დოკუმენტთან ერთად საგამოცდო ბარათის წარდგენა.
ბარათზე მოცემულია: საგამოცდო ცენტრის მისამართი, თითოეული გამოცდის თარიღი, გამოცდაზე რეგისტრაციის დაწყების დრო და სხვა მნიშვნელოვანი რეკომენდაციები. ცენტრი სთხოვს მონაწილეებს, ყურადღებით გაეცნონ ბარათზე მითითებულ ინფორმაციას და გაითვალისწინონ, რომ რეგისტრაციის დასრულების შემდეგ გამოცდაზე აღარ დაიშვებიან.
ვრცლად: https://naec.ge/#/ge/post/3198
2023 წელს, სოფლის მეურნეობის სამეცნიერო-კვლევითმა ცენტრმა 36 ათასზე მეტი ნერგის და 700 ტონაზე მეტი სათესლე მასალის სერტიფიცირება განახორციელა
საქართველოს ევროკავშირთან ასოცირების ხელშეკრულებით ნაკისრი ვალდებულებების შესრულების ფარგლებში, სოფლის მეურნეობის სამეცნიერო-კვლევითი ცენტრი, 2015 წლიდან, თესლის, 2017 წლიდან კი, სარგავი მასალის ნებაყოფლობითი სერტიფიცირების პროცესს ახორციელებს. 2023 წელს, სტანდარტების, სერტიფიცირების, დაგეგმვისა და ეკონომიკური ანალიზის სამსახურმა, განაცხადის საფუძველზე, სათესლე და სარგავი მასალის 27 მწარმოებელი კომპანია შეამოწმა, რომელთაგანაც 8 სერტიფიცირების პროცესში ჩაერთო, – ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
მათივე ინფორმაციით, აღსანიშნავია, რომ საქართველოს მთავრობის დადგენილების თანახმად, მხოლოდ კვალიფიციური სანერგე მეურნეობის რეესტრში რეგისტრირებული სანერგე მეურნეობა არის უფლებამოსილი, საკუთარი სტანდარტული კატეგორიის ნერგის (CAC სტანდარტის) შესაბამისი პროდუქცია განათავსოს ბაზარზე.
კანონის თანახმად, სოფლის მეურნეობის სამეცნიერო-კვლევითი ცენტრი მინიმუმ წელიწადში ერთხელ ახორციელებს კვალიფიციური სანერგე მეურნეობის ინსპექტირებას. 2023 წელს, სურსათის ეროვნულ სააგენტოსთან ერთად, 49 სანერგე მეურნეობის დოკუმენტური და ფიტოსანიტარიული მდგომარეობა შემოწმდა. სათესლე მასალის 6 მწარმოებლის სასაწყობე მეურნეობაში ჩატარდა სათესლე მასალის საანალიზო ნიმუშების აღება; სარეალიზაციო სათესლე მასალიდან აღებულ 46 ნიმუშს ჩაუტარდა ლაბორატორიული ანალიზი.
სათესლე და სანერგე მასალაზე ხარისხის კონტროლის სისტემის შემოღების მიზანი ჯიშური და გენეტიკური სიწმინდის შენარჩუნება, ფერმერისთვის გენეტიკურად სუფთა სათესლე და სარგავი მასალის მიწოდება და მაღალხარისხიანი მოსავლის მიღების გარანტიაა. ამავე დროს, სერტიფიცირებული სისტემის შემოღება ბაზარს ფალსიფიცირებული პროდუქციისგან დაიცავს.
კივის ნაყოფი შეიცავს ფერმენტ აქტინიდინს, რომელიც ხელს უშლის სისხლის შედედებას
კივი რომ ბიოლოგიურად აქტიური ნივთიერებების შემცველობის მხრივ ერთ-ერთი მდიდარი მცენარეა, ეს საყოველთაოდ ცნობილია. მის წვენს ჩინეთში უძველესი დროიდან იყენებენ, როგორც საკვებად, ისე სამკურნალოდ, მრავალი დაავადების, მათ შორის ავთვისებიანი სიმსივნეების, თავიდან ასაცილებლად.
კივის ნაყოფი, პირველ რიგში, შეიცავს ფერმენტ აქტინიდინს, რომელიც ხელს უშლის სისხლის შედედებას, და დიდი რაოდენობით A, B1, B2, C ვიტამინებს. C ვიტამინის შემცველობა კივიში ლიმონთან შედარებით 5-ჯერ მეტია. მასშია აგრეთვე P-ვიტამინური აქტივობის ნივთიერებები: რუტინი, კატექინები, ნახშირწყლები, ორგანული მჟავები. იგი მდიდარია იოდით და სხვა მიკროელემენტებით. ასე რომ, თქვენს მამულში ერთ-ერთი საპატიო ადგილი კივის მიუჩინეთ.
კივის გამრავლების ყველაზე ეფექტური საშუალებაა მწვანე კალმების დაფესვიანება პოლიეთილენით გადახურულ სათბურებში. ამისთვის საუკეთესო სუბსტრატია (ნიადაგი, რომელშიც კალმები ირგვება) ტორფისა და მდინარის სილის ნარევი 1:2 შეფარდებით (1 წილი ტორფი და 2 წილი სილა), მისი სისქე უნდა იყოს არანაკლებ 20 სმ-ისა. დაფესვიანების ტემპერატურა 25-30ºC-ია. კალმებს დარგვისთანავე ზედ აყრიან მდინარის გარეცხილ სილას 5სმ სისქეზე და რწყავენ დღეში 2-3-ჯერ წვრილნასვრეტებიანი სარწყულით. მწვანე კალმებს აფესვიანებენ ივლისის პირველ დეკადაში. ჭრიან 2-3-კვირტიან 12-15 სმ სიგრძის კალმებს, ქვედა ფოთლებს აცლიან, ზედას – ამოკლებენ ნახევრამდე. რგავენ 5-6 სმ სიღრმეზე ერთმანეთისაგან 5X5სმ დაცილებით.
პლანტაციის გასაშენებლად საუკეთესოა ალუვიური (მდინარის მოტანილი) ფხვიერი, ნეიტრალური ან დაბალი მჟავიანობის მქონე ნიადაგი.
პლანტაციის გაშენების დროს, შპალერული ფორმის შემთხვევაში, მწკრივში მცენარეთა შორის მანძილი 5-7 მ უნდა იყოს, მწკრივებს შორის – 4-5 მ. მდედრობითი და მამრობითი მცენარეები ირგვება 1:5 ან 1:6 შეფარდებით, ანუ 5-6 მდედრობითზე ერთი მამრობითი.
1 ჰა ფართობზე შეაქვთ: ნაკელი 50-80 ტ, სუპერფოსფატი 5-10 ც. კალიუმიანი სასუქები შეაქვთ 12-13 ც 1ჰა-ზე, ორ წელიწადში ერთხელ, ხოლო ნაკელი 3 წელიწადში ერთხელ (1ჰა-ზე 30-40 ტ). სავეგეტაციო პერიოდში პლანტაციას უხვად რწყავენ 8-10-ჯერ. დაავადებებისა და მავნებლების მიმართ კივი ძალიან მდგრადია, თითქმის არ ზიანდება.
კალმების დასაფესვიანებლად საუკეთესო შედეგს იძლევა ბიოენერგოაქტივატორი „ბიორაგი“. კივის დაფესვიანებისა და შემდგომი მოსავლიანობის შესახებ საინტერესო მონაცემებს იძლევა ჩხოროწყუს რაიონის სოფ. პირველ ჭოღაში მცხო-
ვრები ფერმერი
რ.ჯანაშია: გამერქნებული კალმების დასაფესვიანებლად (რომლებიც
ძალიან ცუდად ფესვიანდება) „ბიორაგის“ გამოყენებამ საუკეთესო შედეგი გამოიღო – დაფესვიანება 100%-იანი იყო, ნაყოფმსხმოიარება სამი წლით დაჩქარდა და ერთ მცენარეზე საშუალოდ მოიკრიფაო 920 ცალი ნაყოფი. 10 ათასი კალმის დასამუშავებლად საჭიროა 2,5ლ პრეპარატის ხსნარი. `ბიორაგი~ იყიდება მემამულეთა კავშირის მაღაზიაში, რომელიც მდებარეობს დიდუბეში, სამთო ქიმიის შენობის გვერდით. გამოყენების ინსტრუქცია პრეპარატს თან ახლავს.
ლეღვი ერთ-ერთ უძველეს ნაყოფმომცემ ხედ ითვლება, რომლის წარმოშობის ისტორია უხსოვარი დროიდან მოდის
წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)
საქპატენტი ადგილწარმოშობის დასახელება „ზეგაანის“ შესახებ სტატიას აქვეყნებს
გეოგრაფიული აღნიშვნებისა და ადგილწარმოშობის დასახელებების შესახებ საინფორმაციო კამპანიის ფარგლებში, საქპატენტი ადგილწარმოშობის დასახელება „ზეგაანის“ შესახებ სტატიას აქვეყნებს.
ზეგაანის ღვინის განვითარება პირდაპირპროპორციულადაა მიბმული წინანდლის ღვინის ისტორიაზე. ეს ორი სოფელი ერთმანეთისგან მხოლოდ 20 კილომეტრითაა დაშორებული. შესაბამისად, მე-19 საუკუნის ბოლოს, წინანდალში დაწყებული პროცესები – ღვინის ქარხნის აშენება, წარმოების გაფართოება, მამულების შესყიდვა და ვენახების გაშენება პირდაპირ აისახა ზეგაანში მეღვინეობის მოდერნიზებაზე. თუმცა, გამორჩეულად აღსანიშნია ის, რომ ზეგაანი უკვე დამოუკიდებელ მიკროზონაშია მოქცეული, მისი ვენახები არ მიეკუთვნება „წინანდლის“ მიკროზონას, ამიტომ ზეგაანის ღვინო ცალკე დარეგისტრირდა ადგილწარმოშობის დასახელებად და დიდი პოპულარობით სარგებლობს სხვა ქართულ ღვინოებს შორის.
მისი მიკროზონა მოიცავს უშუალოდ სოფელ ზეგაანს და მის სავარგულებს, შესაბამისად, ღვინო „ზეგაანი“ მზადდება მხოლოდ ამ მიკროზონაში მოწეული საფერავის ჯიშის ყურძნისგან.
1920 წლიდან შეეხო ზეგაანს ღვინის წარმოების განვითარება. სოფელში აშენდა ქარხანა და თბილისსა და თელავში მომუშავე ღვინის სამეცნიერო ცენტრებმა ზეგაანის ღვინის დახვეწა-განვითარებაზე იზრუნეს. დღესდღეობით, ზეგაანის ღვინო არის ბიოღვინო.
ზეგაანი არის ქვევრის წითელი მშრალი ბიოღვინო. აქვს მუქი ბროწეულისფერი შეფერილობა. გემოზე სავსე, ხავერდოვანი, მაყვლისა და შავი მოცხარის ტონებით გაჯერებული გემო და დაბალანსებული ტანინები. დავარგებისას მას უვითარდება განსაკუთრებული არომატი – პილპილ-მიხაკის სანელებლებისა და მშრალი ხილის – შავი ქლიავის ტონებით სავსე ბუკეტი.
ღვინის ფაქტობრივი მოცულობითი სპირტშემცველობა არ უნდა იყოს 12%-ზე ნაკლები, შაქრიანობა კი უნდა იყოს არაუმეტეს 4 გ/ლ.
ღვინო „ზეგაანის“ დასამზადებლად მოკრეფილი ყურძნის შაქრიანობა კრეფის დროს არ უნდა იყოს 21%-ზე ნაკლები. ყურძნის დაწურვის წესი ზეგაანს ლიმიტირებული აქვს, ყურძნის მოკრეფიდან დაწურვამდე არ უნდა იყოს გასული 3 საათზე მეტი. ღვინის დადუღება უნდა მოხდეს ველურ საფუარზე, ქვევრში დავარგება კი უნდა გაგრძელდეს არანაკლებ 20 თვის განმავლობაში.
ღვინის ადგილწარმოშობის დასახელება „ზეგაანი“ რეგისტრირებულია საქპატენტში 2022 წლის 30 აგვისტოს. დეტალური სპეციფიკაციის გაცნობა შესაძლებელია საქპატენტის ვებგვერდზე.