როდესაც ადამიანს ერთდროულად ბევრი საქმე აქვს გასაკეთებელი, შეიძლება დაივიწყოს სარეცხ მანქანაში საათობით დარჩენილი სარეცხი და სწორედ ამიტომ ჩნდება ობი. თუმცა, ამის გამოსწორება მარტივად შეიძლება.

რატომ ასდის შენს ტანსაცმელს ნესტის სუნი?

როგორც სარეცხი მანქანებისა და ტექნიკის ექსპერტი აღნიშნავს, ობის სუნი ყველაზე ხშირად რამდენიმე ფაქტორით არის გამოწვეული.

მაღალი ტენიანობა: მაღალი ტენიანობა და ნესტიან პირობებში ხანგრძლივი ყოფნა შეიძლება ობის განვითარებას იწვევდეს.

სხეულის სუნი და ცხიმი: იღლიებსა და სხეულის ზეთებს შეუძლიათ სუნის შენარჩუნება, თუ ნივთებს სათანადოდ არ გარეცხავთ.

არასათანადო შენახვა: ტანსაცმლის მჭიდროდ შეფუთულ კარადებში, უჯრებში და პლასტმასის პარკებში შენახვამ, სადაც ჰაერის ცირკულაცია შეზღუდულია, შეიძლება გამოიწვიოს ტენიანობის დაგროვება და ობის ზრდა.

ძალიან ბევრი სარეცხი საშუალება: ამან შეიძლება ტანსაცმელზე ნარჩენები დატოვოს, რომლებიც სუნის გამომწვევ ბაქტერიებს კვებავს.

ჭუჭყიანი სარეცხი მანქანა: სარეცხი მანქანები თვეში ერთხელ უნდა გაიწმინდოს, რათა ტანსაცმელს სუფთა სურნელი შეუნარჩუნდეს.

როგორ მოვიშოროთ ტანსაცმელზე ობის სუნი?

რადგან ჩვენი ტანსაცმლის ქსოვილების ტიპები ძალიან განსხვავებულია, ობის მოცილების მეთოდებიც განსხვავებულია.

საჭირო მასალები:

თეთრი გამოხდილი ძმარი;

საცხობი სოდა;

რბილი სარეცხი ფხვნილი;

ჟანგბადის მათეთრებელი (სურვილისამებრ);

რბილი ჯაგრისი დასუფთავებისთვის ან ძველი კბილის ჯაგრისი (სურვილისამებრ)

როგორ გავწმინდოთ ბამბა, პოლიესტერი და შერეული ქსოვილები?

პირველ რიგში, შეამოწმეთ მოვლის ეტიკეტი, რათა დარწმუნდეთ, რომ მოვლა და ტემპერატურა შესაბამისია. შემდეგ, აავსეთ ვედრო ან ნიჟარა ცხელი წყლით და დაამატეთ ერთი ჭიქა თეთრი ძმარი.

ტანსაცმელი მინიმუმ ერთი საათის განმავლობაში დაალბეთ წყალში, ან მთელი ღამით, თუ სუნი ძალიან ძლიერი ან მუდმივია.

„ტანსაცმელი სარეცხ მანქანაში ჩადეთ. ჩვეულებრივი სარეცხი ფხვნილი და ნახევარი ჭიქა საცხობი სოდა პირდაპირ ბარაბანში ჩაყარეთ. ტანსაცმლისთვის რეკომენდებულ ყველაზე მაღალ ტემპერატურაზე გარეცხეთ. თუ შესაძლებელია, მზეზე გააშრეთ, რადგან ულტრაიისფერი სხივები ობის დარჩენილი სპორების განადგურებაში დაგეხმარებათ“, – გვირჩევს მართა სტიუარტი.

აბრეშუმი, მატყლი და ქაშმირი

კონტეინერი ცივი წყლით შეავსეთ, დაამატეთ ნახევარი ჭიქა თეთრი ძმარი, ტანსაცმელი 30 წუთის განმავლობაში დაალბეთ და ფრთხილად მოურიეთ, რომ დელიკატური ქსოვილები არ დააზიანოთ.

„გარეცხეთ ცივი წყლით, სანამ ძმრის სუნი არ გაქრება. გარეცხეთ ხელით დელიკატური ქსოვილებისთვის განკუთვნილი რბილი სარეცხი საშუალებით. გააშრეთ ნივთები კარგად ვენტილირებად ადგილას, მოერიდეთ მზის პირდაპირ სხივებს, რათა თავიდან აიცილოთ დელიკატური ქსოვილების გახუნება“, – ხაზგასმულია სტატიაში.

სპორტული ტანსაცმელი

ქსოვილში დაგროვილი ოფლისა და სუნის უკეთ მოსაშორებლად ტანსაცმელი გადმოაბრუნეთ. შემდეგ ჟანგბადის მათეთრებელი თბილ წყალს შეურიეთ.

„სუნის ინტენსივობიდან გამომდინარე, ტანსაცმელი 1-6 საათის განმავლობაში დაალბეთ. სარეცხი მანქანის დარბილების განყოფილებაში დაამატეთ 1 ჭიქა ძმარი. გამოიყენეთ თბილი წყალი (თუ ეს ქსოვილისთვის უსაფრთხოა) და თქვენი საყვარელი რბილი სარეცხი საშუალება. ტანსაცმელი ძმრის ხსნარით გარეცხეთ. შენახვამდე სრულად გააშრეთ ჰაერზე“, – გვირჩევს გამოცემა.

უწმინდესმა და უნეტარესმა ილია მეორემ ერთ-ერთ ქადაგებაში, მშობლების მიერ შვილების დალოცვის მნიშვნელობაზე ისაუბრა:

უწმიდესმა მშობლების მიერ შვილების დალოცვის ლოცვა წაიკითხა და აღნიშნა, რომ ის დაიბეჭდება და დარიგდება. ილია მეორის თქმით, მშობლების მიერ შვილის დალოცვის წესი ასეთია: ბავშვი უნდა დააყენო მუხლებზე დედის და იმ ხატის წინაშე, რომლითაც დაილოცება, ორივე ხელი დაადო თავზე და წაიკითხო ლოცვა. ლოცვის დასრულების შემდეგ ნაკურთხი წყლით უნდა აკურთხონ და გარდასახონ პირჯვარი.

იმისათვის, რომ შვილი იყოს ბედნიერი, მშობელმა უნდა დალოცოს ის. ამისათვის უნდა აჩუქოს მას ნაკურთხი ხატი. ეს ხატი იქნება მფარველი მთელი სიცოცხლის განმავლობაში. მას აქვს ძალიან დიდი ძალა“, – განაცხადა პატრიარქმა.

ლოცვა

“ღმერთო ჩვენო, მამაო ყოვლისა მპყრობელო, ძეო ღვთისაო უფალი ჩვენო იესო ქრისტე. სულო წმიდაო ცხოველმყოფელო, სამებაო ერთარსო და განუყოფელო, გარდამოიხილე ზეცით მოწყალე თვალით და დალოცე შვილები ესე საქართველოისანი. მონანი და მხევალნი ღვთისანი და მიმადლე მათ მრავალჟამიერი სიცოცხლე. მტკიცე მართლმადიდებელი სარწმუნოება, სიყვარული ღვთისა და მოყვასისა. თავმდაბლობა, განცდაი თვისთა ცოდვათა, სიბრძნე, სიმშვიდე და მოთმინება, ნიჭი და უნარო სწავლისა და შრომისა, ბედნიერი ოჯახი, მრავალი შვილი, კეთილდღეობა და სიხარული, გონება საღი და გახსნილი, გული წმინდა, სიყვარული მშობელთა თვისა.ჰოი, უფლო შეისმინე ჩემი ლოცვა და დაეფარა შვილნი ესე ჩვენნი სულიერი და ხილული და უხილავი მტრებისაგან და ღირსყავ ისინი ცათა სასუფეველისა.ლოცვითა და მეოხებითა ყოვლადწმიდისა ღვთისმშობელისა და ყოველთა წმიდათა შენთა. ამინ!”

დახურულ სივრცეში ნებისმიერი მოსაწევი საშუალების გამოყენება აკრძალულია და ისჯება სივრცის მფლობელი კომპანიის, რეგულაციის დამრღვევი პირის ან ორივეს დაჯარიმებით, – ამის შესახებ თამბაქოს კონტროლის ალიანსის გავრცელებულ ინფორმაციაშია ნათქვამი.

როგორც ალიანსში აცხადებენ,  კაფე-ბარებისა და რესტორნების მეპატრონეები ავრცელებენ დეზინფორმაციას, თითქოს დახურულ სივრცეში დაშვებულია თამბაქოს ახალი პროდუქტების და ჩილიმის მოწევა.

„საქართველოში, 2017 წელს მიღებული თამბაქოს კონტროლის კანონის მთავარი მიზანი მოსახლეობის ჯანმრთელობის დაცვა და თამბაქოს მოხმარებით გამოწვეული ავადობისა და ნაადრევი სიკვდილიანობის შემცირებაა. რეფორმამ მნიშვნელოვან წარმატებას მიაღწია საზოგადოებრივი სივრცეების თამბაქოს კვამლისგან გათავისუფლების კუთხით. დახურულ სივრცეებში მოწევის აკრძალვის რეგულაცია საშუალოდ 95%-ით სრულდება, შეიცვალა საზოგადოებრივი დამოკიდებულება, მოწევა საჯარო სივრცეში ნორმად აღარ მიიჩნევა. თუმცა კანონის ეფექტური აღსრულების მიუხედავად კვლავ რჩება  გამოწვევები, განსაკუთრებით ტურისტულ ზონებში. ამ მხრივ, აჭარა (ბათუმი, ქობულეთი) პრობლემური ნაწილია, სადაც სამასპინძლო ობიექტებში  რეგულაციების დარღვევის ფაქტები გახშირებულია.

სახელმწიფო პროგრამის ფარგლებში თამბაქოს კონტროლის კანონის აღსრულების მონიტორინგი  პრობლემებს ძირითადად ტურისტულ ზონებში, უცხოელი (რუსეთის, თურქეთის, არაბული ქვეყნების) მეპატრონეების კუთვნილ კაფე-ბარებსა და რესტორნებში აწყდება, სადაც მოწევის რეგულაცია თამბაქოს ახალი პროდუქტების ელექტრონული სიგარეტებისა და გასახურებელი თამბაქოს და ჩილიმის დახურულ სივრცეში მოწევის სახით ირღვევა.

სახელმწიფო საკომუნიკაციო პროგრამების უქონლობის გამო, მოსახლეობას სისტემატურად არ მიეწოდება ინფორმაცია თამბაქოს კონტროლის კანონის რეგულაციების შესახებ, ამიტომაც თამბაქოს ინდუსტრიის მიერ წაქეზებული, კანონდამრღვევი კაფე-ბარებისა და რესტორნების მეპატრონეები იოლად  ავრცელებენ დეზინფორმაციას, თითქოს დახურულ სივრცეში დაშვებულია თამბაქოს ახალი პროდუქტების და ჩილიმის მოწევა. დახურულ სივრცეში ნებისმიერი მოსაწევი საშუალების გამოყენება აკრძალულია და ისჯება სივრცის მფლობელი კომპანიის, რეგულაციის დამრღვევი პირის (მათ შორის, უცხოელის), ან ორივეს დაჯარიმებით.

სასურველია, მოსახლეობა უკეთ რეაგირებდეს მოწევის რეგულაციების დარღვევის ფაქტებზე.  კაფე-ბარებსა და რესტორნებში ნებისმიერ მომსახურე პირს, მიმტანს, მენეჯერს და სხვას შეიძლება მიუთითოთ მოწევის რეგულაციის დარღვევაზე და მოითხოვოთ შესაბამისი რეაგირება, აღკვეთონ ფაქტი, მიმართონ საპატრულო პოლიციას ან მოქალაქეები დაგვიკავშირდნენ სოციალურ ქსელში („ფეისბუქზე“), გვერდზე „ნუ მაბოლებ“. მათ მიერ მიწოდებული ინფორმაციის საფუძველზე მონიტორები მიმართავენ შესაბამის ზომებს. ასეთ დროს სასურველია დარღვევის ფაქტის ფოტო ან ვიდეო მტკიცებულების გადაღება და გამოგზავნა.  საპატრულო პოლიციას არ აქვს უფლება მოწევის ფაქტების აღმოსაჩენად იაროს დაწესებულებებში, ის მხოლოდ  დარღვევის შესახებ 112-ში მიწოდებულ ინფორმაციაზე რეაგირებს. ამიტომაც ხალხის აქტივობას განსაკუთრებული მნიშვნელობა აქვს“, – ნათქვამია თამბაქოს კონტროლის ალიანსის გავრცელებულ ინფორმაციაში.

თამბაქოს კონტროლის ცენტრის დირექტორის, გიორგი მაღრაძის თქმით, აუცილებელა ყურადღება მიექცეს რეგულაციების დარღვევის ფაქტებს.

„აუცილებელია მოწევის რეგულაციის დარღვევის ფაქტების მიმართ მოქალაქეების ყურადღება, დაწესებულების ხელმძღვანელობის მიმართ მოწოდება, აღკვეთონ კანონდარღვევა ან შეგვატყობინონ მონიტორინგის სამსახურს და ჩვენ ვაცნობებთ პოლიციას. კანონი უპირველესად მოქალაქეების სიცოცხლისა და ჯანმრთელობის დაცვისთვისაა შექმნილი და მათაც აქვთ ვალდებულება დაიცვან საკუთარი უფლება, ცხოვრობდნენ ჯანმრთელობისთვის უვნებელ გარემოში. ამ მხრივ განსაკუთრებით იჩაგრებიან ბავშვები, რომლებიც შესაძლოა მოხვდნენ სივრცეში სადაც დაუშვებელია მოწევა, მაგრამ ეწევიან.

ნებისმიერ დაწესებულებას, მისი საკუთრების ფორმის მიუხედავად, ეკისრება პასუხისმგებლობა, თამბაქოს მოწევის რეგულაციები უპირობოდ შესრულდეს. რადგან სისტემატურად კანონდამრღვევი კაფე-ბარებისთვის 500 ლარიანი საჯარიმო სანქცია შემაკავებელი საშუალება ვერ აღმოჩნდა,  მიგვაჩნია, რომ  უნდა გაორმაგდეს პასუხისმგებლობა დაწესებულებისათვის, მათ შორის სამასპინძლო ბიზნესში, რათა კანონი მაქსიმალურად დაიცვან და თამბაქოს და სხვა პროდუქტების კვამლისაგან ყველა საჯარო და სამუშაო სივრცე თავისუფალი იყოს“, – განაცხადა მაღრაძემ.