103 წლის ანიკო ჩუბინიძე: “5 შვილი მყავს, 9 შვილიშვილი, 17 შვილთაშვილი და 7 შვილთაშვილის შვილი.“
მთავარი წაკითხვა
სურსათის ეროვნულმა სააგენტომ გორში ფრინველთა არალეგალური სასაკლაო გამოავლინა
შიდა ქართლის დეპარტამენტის ინსპექტორებმა გორში ფრინველთა არალეგალურ სასაკლაოს საქმიანობა შეუჩერეს.
ინდივიდუალური მეწარმე გ. მ. (მის: გორი, სოფელი პატარა გარეჯვარი) სავალდებულო აღიარებისა და ეკონომიკურ საქმიანობათა რეესტრში რეგისტრაციის გარეშე საქმინობდა. ობიექტზე დაფიქსირდა კრიტიკული შეუსაბამობები. ინფორმაციას სურსათის ეროვნული სააგენტო ავრცელებს.
კანონმდებლობის შესაბამისად, ბიზნესოპერატორი დაჯარიმდა და შეუჩერდა საწარმოო პროცესი რეგისტრაციამდე და შეუსაბამობების გამოსწორებამდე.
სურსათის ეროვნული სააგენტო არალეგალური საწარმოებისა და სასაკლაოების გამოვლენას მთელი საქართველოს მასშტაბით განაგრძობს და მოუწოდებს ბიზნესოპერატორებს, არ აწარმოონ პროდუქცია აღიარების მინიჭების გარეშე.
მიწათსარგებლობის მონიტორინგით 11 ჰექტარზე მეტი მოხნული საძოვარი გამოვლინდა
მიწის მდგრადი მართვისა და მიწათსარგებლობის მონიტორინგის ეროვნულმა სააგენტომ მიმდინარე წლის I კვარტალში განხორციელებული მონიტორინგის შედეგად გამოავლინა საძოვრების არამიზნობრივი გამოყენების ფაქტები.
იჯარით გაცემული საძოვრების ადგილზე დათვალიერების შედეგად დადგინდა, რომ მოხნული იყო 11.07 ჰექტარი საძოვრის კატეგორიის 7 სასოფლო-სამეურნეო მიწის ნაკვეთი, – ინფორმაციას გარემოს დაცვის და სოფლის მეურნეობის სამინისტრო ავრცელებს.
უწყების ცნობით, მონიტორინგი განხორციელდა „სახელმწიფო საკუთრებაში არსებული საძოვრების ხელმისაწვდომობის სახელმწიფო პროგრამის“ ფარგლებში, მოიჯარეების მიერ ნაკისრი ვალდებულებების შესრულების კონტროლის უზრუნველსაყოფად.
„საძოვრის მოხვნა იწვევს ადგილობრივი ეკოსისტემის მოშლას და ნიადაგის დეგრადაციას. აღნიშნულ დარღვევებთან დაკავშირებით, სააგენტომ მასალები შემდგომი რეაგირებისთვის გარემოსდაცვითი ზედამხედველობის დეპარტამენტს გადასცა.
მიწის რესურსების მონიტორინგი წარმოადგენს სახელმწიფო კონტროლის მნიშვნელოვან მექანიზმს, რომელიც ხელს უწყობს მიწის რესურსების მდგრად მართვას და ნიადაგის დაცვას დეგრადაციისგან“, – აღნიშნულია გავრცელებულ ინფორმაციაში.
როგორ გავუხანგრძლივოთ სიცოცხლე ლარნაკში ჩადებულ იასამანს
ცნობილი ფლორისტი, „გარდენიას“ დამფუძნებელი ზურა შევარდნაძე გასწავლით, როგორ შეინარჩუნოთ ლარნაკში დიდხანს იასამნის თაიგული.
„გარდენიაში“ იასამნის უამრავი ჯიში გვაქვს, ირანიდან ჩამოტანილი. იქ ერთ მებაღეს მივაგენით, რომელსაც წარმოუდგენელი კოლექცია ჰქონდა. საერთოდ, იასამანი ირანიდანაა და ჩვენც იქიდან ჩამოვიტანეთ.
იასამანი წყალში ვერ ძლებს, არ უყვარს წყალში თაიგულად გაჩერება და უცებ უკვდება ტოტები.
ამიტომ ჩაასხით ლარნაკში წყალი, ჩააგდეთ 2 აბი შუშხუნა ასპირინი რა 10 ცალი ნახშირის აბი. ასე წყალი დიდხანს არ გაფუჭდება და უკეთ შეინახავს.
კიდევ ერთი რჩევა – ჯობია ფოთლების გარეშე ჩაალაგოთ, ხოლო სანამ ჩააწყობთ, ღეროებს ძირები ირიბად წააჭერით და შემდეგ ბოლოები დაუჩეჩქვეთ. ასე ღერო ადვილად მიიღებს წყალს და შედარებით დიდხანს გაძლებს. ეს წავკისელების მეთოდია, ძველი მეყვავილეების. ამის შემდეგ ჩააწყობთ ღეროებს წყალში,“ – ამბობს ზურა შევარდნაძე.
გარდაბანი-მარნეულის სატყეო უბანზე ტყის აღდგენის ღონისძიებები 65 ჰა ფართობზე მიმდინარეობს
პროექტის განსახორციელებლად ტერიტორია მეტყევე სპეციალისტებმა წინასწარი დეტალური კვლევისა და სპეციალური შესწავლის საფუძველზე შეარჩიეს.
აღნიშნული ტყის მასივი წლების განმავლობაში მნიშვნელოვნად დაზიანდა შინაური პირუტყვის ინტენსიური გადაადგილებისა და ძოვების შედეგად შეიქმნა დეგრადაციის საფრთხე, რამაც ბუნებრივი განახლების პროცესი მნიშვნელოვნად შეაფერხა. ასევე, წარსულში განხორციელებული უსისტემო ჭრების შედეგად განადგურდა ეკოსისტემისთვის დამახასიათებელი ძვირფასმერქნიანი სახეობების დიდი ნაწილი, მათ შორის ჭალის მუხა და თელა.
ეროვნული სატყეო სააგენტოს უფროსი ბესიკ ამირანაშვილი ქვემო ქართლის რეგიონში მიმდინარე ტყის აღდგენის პროექტს ადგილზე გაეცნო. სამუშაოები გარდაბანი-მარნეულის სატყეო უბანზე, ჭალის ტყის მასივში ხორციელდება და 65 ჰექტარ ფართობს მოიცავს.
პროექტის ფარგლებში გასულ წელს განხორციელდა ტერიტორიის სრულმასშტაბიანი გაწმენდა და შემოღობვა, რის შემდეგაც დაირგო 11 სახეობის 25 000 ნერგი.
„სატყეო რეფორმა, რომელსაც გარემოს დაცვისა და სოფლის მეურნეობის სამინისტრო ახორციელებს, ორ ძირითად კომპონენტს მოიცავს – ტყის დაცვას და ტყითსარგებლობის პრაქტიკის გაუმჯობესებას. ჩვენი ყველა ღონისძიება სწორედ ამ მიზნებზეა ორიენტირებული. ჭალის ტყის აღდგენა ეკოლოგიური თვალსაზრისით უზრუნველყოფს ეკოსისტემური სერვისების შექმნას. ამასთან, ბუნებრივთან მაქსიმალურად მიახლოებული ტყე მაღალი კონსერვაციული ღირებულებით გამოირჩევა და მნიშვნელოვნად უწყობს ხელს ბიომრავალფეროვნების განვითარებას“, – განაცხადა ეროვნული სატყეო სააგენტოს უფროსმა, ბესიკ ამირანაშვილმა.
ეროვნული სატყეო სააგენტოს ინიციატივით, მიმდინარე წელს პროექტის ფარგლებში დამატებით დაირგვება წითელი ნუსხით დაცული სახეობის – ჭალის მუხის 25 000 ნერგი.
იჯარით გაცემული საძოვრების მონიტორინგის შედეგად დარღვევები 4 390 ჰექტარზე გამოვლინდა
იჯარით გაცემული საძოვრების მონიტორინგის შედეგად დარღვევები 4 390 ჰექტარზე გამოვლინდა
იჯარით გაცემული საძოვრების მონიტორინგის შედეგად დარღვევები 4 390 ჰექტარზე გამოვლინდა
სახელმწიფო საკუთრებაში არსებული საძოვრების ხელმისაწვდომობის სახელმწიფო პროგრამის ფარგლებში, მიწის მდგრადი მართვისა და მიწათსარგებლობის მონიტორინგის ეროვნულმა სააგენტომ მოიჯარეების მიერ ნაკისრი ვალდებულებების შესრულების მონიტორინგი განახორციელა.
მიმდინარე წლის I კვარტლის მონაცემებით, შემოწმდა დედოფლისწყაროს, საგარეჯოს, სიღნაღის, წყალტუბოსა და ხობის მუნიციპალიტეტებში არსებული 58 საძოვარი, საერთო ფართობით 6 902.81 ჰა. მონიტორინგის შედეგად, 22 ნაკვეთზე (4 390 ჰა) სხვადასხვა სახის დარღვევა გამოვლინდა.
საძოვრებზე განთავსებული იყო პროგრამაში დაურეგისტრირებელი (3 258 სული), ჩაურთველი (814 სული) და სხვა პირზე რეგისტრირებული პირუტყვი (2 756 სული). ასევე დარღვეული იყო ადგილმონაცვლეობის პრინციპი. იჯარით გაცემულ საძოვრებზე პირუტყვის ძოვების ზღვრული დატვირთვის ნორმების დარღვევა იწვევს გადაძოვებას და ნიადაგის დეგრადაციას, რაც გრძელვადიან პერსპექტივაში ამცირებს საძოვრების პროდუქტიულობას და აზიანებს სოფლის მეურნეობას.
იჯარის ხელშეკრულებით ნაკისრი ვალდებულების დარღვევის შესახებ ინფორმაცია შემდგომი რეაგირების მიზნით გადაეცა ქონების ეროვნულ სააგენტოს.
სააგენტომ, გაიჯარებული საძოვრების მონიტორინგის პარალელურად, შეისწავლა ის საძოვრებიც, რომლებიც სახელმწიფო პროგრამაში ჩართვის მიუხედავად, პრეტენდენტთა მხრიდან ინტერესი არ გამოხატულა, მათი რაოდენობა 129 ერთეულს შეადგენს, საიდანაც დათვალიერდა 28 საძოვარი, ჯამური ფართობით 1,425.38 ჰექტარი. როგორც საველე დათვალიერებამ აჩვენა, მსგავსი ტიპის საძოვრები დაბალი სამეურნეო ღირებულებით გამოირჩევა, კერძოდ, მიუვალია, დაქვიანებულია ან გატყევებულია და ა.შ.
მიწის რესურსების მონიტორინგი წარმოადგენს სახელმწიფო კონტროლის მნიშვნელოვან მექანიზმს, რომელიც ხელს უწყობს მიწის რესურსების მდგრად მართვას და ნიადაგის დაცვას დეგრადაციისგან.
„ირიგაციით უზრუნველყოფილ მიწის ნაკვეთებზე სოფლის მეურნეობის პროდუქციის წარმოების ხელშეწყობის პროგრამის“ პირობები გაუმჯობესდა
გარემოს დაცვისა და სოფლის მეურნეობის სამინისტროს ინფორმაციით, საქართველოს მთავრობის სხდომაზე მიღებული გადაწყვეტილებით, „ირიგაციით უზრუნველყოფილ მიწის ნაკვეთებზე სოფლის მეურნეობის პროდუქციის წარმოების ხელშეწყობის პროგრამაში“ ცვლილებები შევიდა.
გაფართოვდა პროგრამის გავრცელების გეოგრაფიული არეალი. პროგრამა განხორციელდება სოფელ კაჭრეთზე და საგარეჯოს, გორის, ქარელის მუნიციპალიტეტებში შემავალ ყველა სოფელზე.
პროგრამაში შესული ცვლილებებით, გაიზარდა ერთ ბენეფიციარზე განსაზღვრული თანადაფინანსების პროცენტული მაჩვენებელი. პროგრამით გათვალისწინებული ყველა მიზნობრიობის თანადაფინანსება განისაზღვრა 50%-ით, ახალგაზრდებისათვის – 55 %-ით, ხოლო წყალმომხმარებელთა ორგანიზაციის წევრებისთვის – 60%-ით. ერთ ბენეფიციარზე გასაცემი თანადაფინანსების ჯამური ოდენობა 30 000 ლარი შეადგენს.
პროგრამის მიზნობრიობებს დაემატა მცირეგაბარიტიანი სასოფლო-სამეურნეო ტექნიკის დაფინანსება. სოფლის განვითარების სააგენტოს თანადაფინანსების მოცულობა განსხვავებულია ტექნიკის სიმძლავრის მიხედვით და მერყეობს 1000 ლარიდან 5000 ლარის ფარგლებში.
იმისათვის, რომ პროგრამამ მოიცვას რაც შეიძლება მეტი ბენეფიციარი, პროგრამით მოთხოვნილი მიწის ფართობის სავალდებულო მინიმუმი 0.5 ჰა – დან 0.2 ჰა- მდე შემცირდა.
პროგრამით, რომელსაც სოფლის განვითარების სააგენტო ახორციელებს, ფინანსდება ერთწლოვანი კულტურებისთვის, ასევე, მარწყვისა და იონჯის მრავალწლოვანი კულტურებისთვის თანამედროვე სარწყავი სისტემების, აგრომეტეოროლოგიური სადგურების, მზის ენერგიაზე მომუშავე ელექტროსადგურების და სასათბურე მეურნეობების მოწყობა.
აღსანიშნავია, რომ პროგრამა სახელმწიფოს სახსრებით და მსოფლიო ბანკის სესხით თანაბარწილად დაფინანსებული „საქართველოს მდგრადი სოფლის მეურნეობის, ირიგაციისა და მიწის პროექტის“ შემადგენელი ნაწილია.
სვიმონ ჯანგულაშვილი: 40-მდე ვერ მოიცადეს ნაცისტებმა, ლორწოვანი იუდა გამოაჭენეს „ბრძოლის ველზე“. თქვენ მოკალით პატრიარქი, ასე ეთერებში გეჯდათ ცაავა და მისი სექტანტები და პატრიარქს ცილს სწამებდით
ყველა, ვინც მუშაობთ „მთავარ“, „ტვ-პირველ“ და „ფორმულა“ კანალიზაციებში, მორალურად დამნაშავენი ხართ ჩვენი პატრიარქის წინაშე, – წერს სამების საკათედრო ტაძრის მგალობელთა გუნდის რეგენტი სვიმონ ჯანგულაშვილი სოციალურ ქსელში.
„40-მდე ვერ მოიცადეს ნაცისტებმა, მათმა სიბინძურის ღამის ქოთანმა „მედია-ვარსკვლავებმა“ და კვლავ ეს ლორწოვანი იუდა გამოაჭენეს „ბრძოლის ველზე“… ნანუკა ჟორჟოლიანი – ოლეებისა და აკაცუკების ბინძური, პერვერტი დედა აპიარებს ამ საზიზღარს.
ყველა, ვინც მუშაობთ „მთავარ“, „ტვ-პირველ“ და „ფორმულა“ კანალიზაციებში, მორალურად დამნაშავენი ხართ ჩვენი პატრიარქის წინაშე! თქვენ გატეხეთ მისი ჯანმრთელობა! თქვენ მოკალით პატრიარქი სწორედ იმით, რომ 9 წლის მანძილზე, ასე ეთერებში გეჯდათ ცაავა და მისი სექტანტები და პატრიარქს ცილს სწამებდით. არაფერს ამბობდა, მაგრამ, მოტყდა და დაუძლურდა. მკვლელები ხართ, ნაცებო! მკვლელები და პატრიარქისა და ეკლესიის მტრები!
ქართველმა ერმა არ მიიღო თქვენი ცილისწამება და პროპაგანდა და დაკრძალვის დღეებში გაჩუმდით შეშინებულები. და ეხლა ისევ დაიწყეთ!
იფიქრეთ, რამხელა წყევლისა და ბოროტების ქვეშ აყენებთ თქვენს დამპალ სულებს და საბრალო შთამომავლობას! ღმერთი არსებობს!
P.s. გაგიჟდები კაცი. ჭეშმარიტად, ბოროტება საკუთარ თავს ანადგურებს და „მით ოხერია“. ასე რომ აფურთხებენ ქართველ ერს სულში, ამის გამო აგებენ მუდამ და მაინც არ ეშვებიან ერთი და იგივე ბოროტების კეთებას – პატრიარქის, ეკლესიის მტრობას. და ერის დიდი შვილების მტრობას – თამარიდან დღემდე, რობერტ სტურუამდე, ყველას ლანძღავენ, ღვინოში აფსამენ, ათას სიგიჟეს აკეთებენ და მერე – არჩევნები გაყალბდაო…ბოროტები“, – წერს ჯანგულაშვილი.
„გინდათ უფრო მშვიდი ცხოვრება?“ – მაშინ წაიკითხეთ და ბოლომდე გაითავისეთ ეს პოსტი
გერმანიაში მოღვაწე ქართველი ექიმი ლევან შელეგია „ფეისბუკზე“ ხშირად აქვეყნებს პოსტებს, სადაც საზოგადოებას სხვადასხვა აქტუალურ საკითხზე რჩევებს უზიარებს.
ამჯერად იგი ახალ პოსტს აქვეყნებს, სადაც გვიზიარებს ინფორმაციას, თუ როგორ ვიცხოვროთ მშვიდად:
„გინდათ უფრო მშვიდი ცხოვრება?
მაშინ წაიკითხეთ და ბოლომდე გაითავისეთ ეს პოსტი
შფოთვითი, ფობიური, პანიკური აშლილობისას, დეპრესიის, გადაღლილობის, დიდი სტრესის დროსაც პირველი სამიზნე ორგანოები ხშირად გული და ფილტვები ხდება.
ხშირად მიყვებით, რომ გაქვთ სუნთქვის უკმარისობის შეგრძნება; შიში, რომ ვერ ჩაისუნთქავთ ან ამოისუნთქავთ…
ან, რომ გული გაგიჩერდებათ თუ მოეშვებით, ან ძალიან აგიჩქარდებათ და გაგისკდებათ თუ არ მოეშვებით.
მინდა გახაროთ შემდეგი:
ჩვენ გვაქვს ცენტრალური და ავტონომიური ნერვული სისტემები.
პირველს ვაკონტროლებთ – მოძრაობა, აზროვნება, მეტყველება, მხედველობა, მოტივაცია, მეხსიერება, დაგეგმვა, …
აი, ავტონომიური ნერვული სისტემა, nomen est omen, ავტონომიურად არსებობს და ვერ კონტროლდება მარტივად ჩვენი ნებით, ფიქრებით, მონდომებებით, აზრებით, ვერც შიშებით და პანიკით.
ზუსტად ეს ამაყი, ძლიერი, დამოუკიდებელი ავტონომიური ნერვული სისტემა უზრუნველყოფს გულის და ფილტვების (და სხვა სასიცოცხლო ორგანოთა ფუნქციების) შეუფერხებელ მუშაობას 24 საათის განმავლობაში კვირაში 7 დღე.
ჩვენ რაც არ უნდა დაძაბული ვიყოთ, რაც არ უნდა პანიკით და შიშით მოცული, ან მოთენთილი, ძალა გამოცლილი, გადაქანცული, დეპრესიული… ჩვენი ავტონომიური ნერვული სისტემა შეუფერხებლად და ერთგულად ზრუნავს ჩვენს გულისცემაზე, ჩასუნთქვაზე, ამოსუნთქვაზე, საკმარის წნევაზე, ტემპერატურაზე, ნივთიერებათა ცვლაზე და ასე შემდეგ.
გული ხომ საერთოდ!
ის ორმაგად დამოუკიდებლია და თავად აწარმოებს საკუთარი გენერატორით იმ სასიცოცხლო იმპულსებს, რასაც ჩვენ პულსად აღვიქვამთ.
სხვათა შორის, პულსის ნორმა იმაზე “ფართოა”, ვიდრე ზოგადად ცნობილი: 60-დან 100-მდე.
ასე რომ, ჩემო კარგებო, 80 გულის ცემა წუთში არ არის ტაქიკარდია, არამედ გულის ბუნებრივი სიჩქარე და ტემპერამენტი.
ბოლოს და ბოლოს ცხელსისხლიანი, სამხრეთული ერი ვართ
განსაკუთრებული ყურადღებით წაიკითხეთ ეს აბზაცი;
პრობლემა არ არის არც ჩქარი პულსი, არც სუნთქვის სუბიექტური პრობლემები.
პრობლემა იწყება მხოლოდ ჩვენი ამ ყველაფრის შეფასებით.
როგორც კი აჩქარებულ პულსს მივანიჭებთ დრამატულ, საშიშ სტატუსს, მაშინვე ჩაირთვება მანკიერი წრე:
ავყვებით ირაციონალურ ფიქრებს, რომ გული ვერ გაუძლებს, გასკდება, ან გაჩერდება
ეს გამოიწვევს შიშის შეგრძნებას
ეს შიში გამოაყოფინებს თირკმელზედა ჯირკვლებს სტრესის ჰორმონს ადრენალინს
ეს ადრენალინი წამებში მივა გულის კუნთში და უფრო მეტად ააჩქარებს პულსს
ამ აჩქარებულ პულსს და პალპიტაციებს უფრო ძლიერია ვიგრძნობთ
ეს უფრო მეტად შეგვაშინებს
და ისევ უფრო მეტი ადრენალინი გამოიყოფა და ამით გავდივართ წრიულზე
ყველაფერს მოევლება. ერთადერთი შეცდომა არაფრის კეთებაა, თუ რამის შეცვლა გინდა!
ამ კონკრეტულ პრობლემას სწრაფად და 100% ეფექტურობით აგვარებს მოკლე, ინტენსიური ფსიქოთერაპია, რომელიც გასწავლით სხეულის პროცესების სწორად, მშვიდად კითხვას.
თუმცა ბევრისთვის ეს და სხვა ჩემი მსგავსი პოსტი უკვე საკმარისი უნდა იყოს, საკუთარ თავთან მუშაობით ორგანიზმთან დაამყაროს მეტი მშვიდობა და ნდობა.
ჯანმრთელობას, სულიერ სიმშვიდეს და გახსნილ გონებას გისურვებთ!“,- წერს ლევან შენგელია.
„წამითაც არ იფიქრონ წყვილებმა, რომ ისინი უშვილოები არიან…“ – წაჩხურის მონასტრის კიდევ ერთი სასწაული
აღდგომის შემდგომ ხუთშაბათს, ბრწყინვალე შვიდეულში, მარტვილის მუნიციპალიტეტის სოფელ სალხინოში წაჩხურის მთავარანგელოზის სახელობის ტაძარში განსაკუთრებული ხალხმრავლობაა.
უშვილო წყვილებს აკვნები მიაქვთ ტაძარში. მომლოცველების უმრავლესობა უშვილო წყვილებია, მათ სწამთ, რომ ლოცვას უფალი შეისმენს და ნანატრ შვილს აჩუქებს. წირვის შემდგომ კი აკვნებს აკურთხებენ.
„პრაიმტაიმი“ იმ ადამიანს ესაუბრა, რომელმაც ეს სასწაული თავის თავზე გამოცადა და უკვე ორი გოგონას მშობელია.
ბაჩო ბასარია უშვილო წყვილებს მოუწოდებს, რწმენა არასდროს დაკარგონ. განაგრძეთ კითხვა