გარემოს დაცვისა და სოფლის მეურნეობის მინისტრი დავით სონღულაშვილი გაეროს განვითარების პროგრამა UNDP-ის გარემოს დაცვისა და ენერგეტიკის მიმართულების ხელმძღვანელს ნინო ანთაძეს და საერთაშორისო ექსპერტს ქუანგ-იანგ კიმს შეხვდა. ინფორმაციას გარემოს დაცვისა და სოფლის მეურნეობის სამინისტრო ავრცელებს.
კორეელმა საერთაშორისო ექსპერტმა ქუანგ-იანგ კიმმა, ქართულ მხარესთან პარტნიორობით, სეულის ეროვნული უნივერსიტეტის წარმომადგენლებთან ერთად აპლიკაცია Georgia Climate Services for Agriculture (GECSA) შექმნა. აპლიკაცია GECSA ფერმერებსა და აგრარული სფეროს წარმომადგენლებს კლიმატური რისკების, მათ შორის მავნებლებისა და დაავადებების შესახებ დროული და სანდო ინფორმაციის მიღების შესაძლებლობას აძლევს. ამჟამად, აპლიკაცია პილოტირების რეჟიმშია და კახეთის, შიდა ქართლის ასევე, ნაწილობრივ ქვემო ქართლის რეგიონს ფარავს.
შეხვედრაზე დავით სონღულაშვილმა მადლობა გადაუხადა UNDP-ისა და საერთაშორისო ექსპერტს მხარდაჭერისთვის და ხაზი გაუსვა, დარგში ციფრული სერვისების დანერგვის და განვითარების მნიშვნელობას. მინისტრმა კლიმატური ცვლილებების ფონზე აგროსექტორის წინაშე არსებულ გამოწვევებზეც ისაუბრა.
