საქართველოს სტატისტიკის ეროვნული სამსახურის წინასწარი მონაცემებით, 2025 წლის II კვარტალის ბოლოს მსხვილფეხა რქოსანი პირუტყვის რაოდენობა 870.5 ათასი სული იყო, რაც 2024 წლის იმავე პერიოდთან შედარებით 2%-ით ნაკლებია.
მათ შორის ფურისა და ფურკამეჩის რაოდენობა 398.8 ათასი სულით განისაზღვრა, რაც წლიურად 4.8%-ით შემცირებულია.
ღორის რაოდენობა 175.6 ათასი სული დაფიქსირდა, რაც 12.5%-ით ჩამოუვარდება წინა წლის მაჩვენებელს.
ფრინველის რაოდენობა, პირიქით, 6.6%-ით გაიზარდა და 11.1 მილიონ ფრთას მიაღწია.
პროდუქციის გამოშვების მხრივ, 2025 წლის II კვარტალში რძის წარმოებამ 184.0 მილიონი ლიტრი შეადგინა, რაც წინა წლის ანალოგიურ მაჩვენებელზე 1.1%-ით ნაკლებია. ხორცის წარმოება 9.5%-ით შემცირდა და 18.2 ათასი ტონა დაფიქსირდა.
კვერცხის წარმოება 6.6%-ით გაიზარდა და 179.7 მილიონ ცალს გაუტოლდა.
საქსტატის ინფორმაციით, 2025 წლის საბოლოო მონაცემები 2026 წლის 16 ივნისს გამოქვეყნდება.
