საზოგადოების მაღალი ინტერესიდან გამომდინარე, საჭიროდ მიგვაჩნია, დამატებითი ინფორმაცია გავავრცელოთ იმ სტანდარტებთან დაკავშირებით, რომელიც არის რეალური გარანტია, ვაწარმოოთ უმაღლესი ხარისხის ჯანსაღი, უსაფრთხო რძის პროდუქტი და გავაგრძელოთ ლიდერობა ბაზარზე ჩვენი 25-წლიანი გამოცდილებით, – ამის შესახებ „სანტე ჯი-ემ-თი“ პროდუქტები ავრცელებს.

განცხადებას გთავაზობთ სრულად:

„პირველ რიგში, ხაზს ვუსვამთ, რომ ნებისმიერი ნედლეული – რძე, რომელსაც „სანტე“ იღებს, შემოწმებულია ხარისხის უმაღლესი ევროპული სტანდარტით. თუ რძე ატარებს რაიმე ტიპის პოტენციურ რისკს ხარისხთან დაკავშირებით, არ მიიღება და არ ვიყენებთ წარმოებაში.

„სანტეს“ მაღალტექნოლოგიურად აღჭურვილი და პროფესიონალებით დაკომპლექტებული ლაბორატორია გვაძლევს საშუალებას, ნედლეულის ხარისხი შემოწმდეს მიღებამდე. შემდეგ კი ვაკონტროლოთ პროდუქციის ხარისხი მთელი საწარმოო ჯაჭვის განმავლობაში. სწორედ ხარისხის სტანდარტები და ლაბორატორია გვაძლევს საშუალებას, მკაცრად ვაკონტროლოთ და არ ჩავიბაროთ უხარისხო ნედლეული. ამისი მაგალითია ის, რომ სანტე იყო პირველი, რომელმაც 2018 წელს რამდენჯერმე აღმოაჩინა ხარისხობრივი შეუსაბამობა ,,ყვარლის ბაგის“ მიერ მოწოდებულ რძეში და არ შეისყიდა მისგან რძე (ინფორმაცია დასტურდება სასამართლო დავაში წარმოდგენილ დოკუმენტაციაში).

„სანტეს“ რძის პროდუქტები გადის რამდენიმე ეტაპიან შემოწმებას, ვიდრე მომხმარებლამდე მივა. შემოწმება იწყება ნედლეულიდან. ფერმერების მიერ მოწოდებული რძე მიღებამდე ქარხნის ლაბორატორიაში მოწმდება მიკრობიოლოგიურად, ანტიბიოტიკებზე, რძის შემცველობაზე. ქსელში გაშვებამდე, მომხმარებელთან მიწოდებამდე, პროდუქტები კიდევ რამდენჯერმე მოწმდება ხარისხობრივად, როგორც საკუთარ, ისე გარე აკრედიტირებულ ლაბორატორიაში (მიკრობიოლოგიურად, პათოგენებზე). შესაბამისად, ჩვენს საწარმოში წარმოებული ნებისმიერი რძის პროდუქტი არის გარანტირებულად უმაღლესი ხარისხის, ჯანსაღი და უსაფრთხო ჩვენი მომხმარებლისთვის.
,,სანტე“ იყო პირველი კომპანია, რომელმაც 2010 წელს განავითარა რძის მიღების ინფრასტრუქტურა, დანერგა ევროპული ხარისხის სტანდარტები ნედლეულის შემოწმებაზე და დღემდე ახორციელებს ინვესტიციებს დარგის განვითარებაში. ,,სანტე“, როგორც დარგის ლიდერი, ნერგავს საერთაშორისო და ევროპულ სტანდარტებს, რომლის ფარგლებში ხელს ვუწყობთ საქართველოში ფერმერული მეურნეობის გაზრდასა და განვითარებას.

ხარისხის კონტროლის გამკაცრების მიზნით და იმისთვის, რომ ხელი შეგვეწყო ფერმერული მეურნეობის განვითარებისთვის საქართველოში, 2022 წლიდან კომპანიამ შექმნა პროფესიონალი ზოოტექნიკოსების ჯგუფი, რომლებიც სისტემატურად ატარებენ ,,სანტეს“ პარტნიორი ფერმების აუდიტს. კონსულტაციებისა და გადამზადების საშუალებით ნერგავენ ევროპულ პრაქტიკას როგორც რძის უსაფრთხოების კუთხით, ასევე მსხვილფეხა პირუტყვის სწორი მოვლისა და მათი ჯანმრთელობის უზრუნველყოფის მიზნით.

ამის პარალელურად ჩვენ დავიწყეთ აგრომომარაგების პროგრამა, რომლის ფარგლებშიც ვეხმარებით ფერმერებს, ხელი მიუწვდებოდეთ მაღალი ხარისხის ევროპულ საკვებ ნედლეულზე პირუტყვებისთვის, რაც აუცილებელია მათი ჯანმრთელობისა და ჯანსაღი რძის წარმოებისთვის.

„სანტე“ 1997 წლიდან დღემდე უმსხვილესი რძის გადამამუშავებელი კომპანიაა საქართველოში, რომელიც წლის განმავლობაში 20 მილიონამდე ლიტრ რძეს იბარებს და ამუშავებს. იმისთვის, რომ დარგი განვითარდეს და ბაზარზე ხელმისაწვდომი იყოს უმაღლესი ხარისხის რძის პროდუქტები, ემუშავება და განვითარებაში ხელს უწყობს ყველა იმ ფერმასა თუ ფერმერს, რომელიც უსაფრთხო და მაღალი ხარისხის რძეს აწარმოებს“, – ნათქვამია განცხადებაში.

ალბათ,ხშირად გქონიათ ისეთი შემთხვევა, როდესაც მოსაწყენ შეხვედრაზე ან დროის სწრაფად გასაყვანად ფურცელზე გაუცნობიერებლად სხვადასხვა ფორმისა და ზომის გამოსახულებები დაგიხატავთ.

ეს პროცესი იმდენად ავტომატურად ხდება, რომ ხშირ შემთხვევაში იმის გააზრებასაც ვერ ვასწრებთ, თუ რა სახის კონტურები გამოგვყავს ფურცელზე. თუმცა, როგორც საერთაშორისო ფსიქოლოგები და გრაფოლოგები (ადამიანები, რომლებიც ხელნაწერით ადამიანების ხასიათს სწავლობენ), ამბობენ, ასეთი სტილის გაუცნობიერებელი ნახატები ავტორის პიროვნულ თვისებებსა და განწყობაზე იმაზე ბევრად მეტ ინფორმაციას იძლევა, ვიდრე ეს ერთი შეხედვით ჩანს.

გულები –  საერთაშორისო ფსიქოლოგები ამბობენ, რომ ადამიანები, რომლებიც გულებს ხატავენ, გრძნობებით იმართებიან, მაგრამ ამას ხშირად მალავენ. ისინი მზად არიან სითბო გარშემომყოფებს თანაბრად გაუზიარონ. თუმცა, შორიდან ისინი საკმაოდ მკაცრი ადამიანის შთაბეჭდილებას ტოვებენ. ექსპერტების თქმით, რაც უფრო დიდია ფურცელზე დახატული გულის ზომა, მით უფრო დიდი სხვაობაა ამ ადამიანების შინაგან და გარეგან სამყაროებს შორის.

გარემოს ეროვნული სააგენტო, მოსალოდნელი ამინდის შესახებ, მოსახლეობას აფრთხილებს.

“2 აპრილის დღის მეორე ნახევრიდან 3 აპრილის დღის ბოლომდე საქართველოში მოსალოდნელია დროგამოშვებით წვიმა და ელჭექი, ზოგან ძლიერი, შესაძლებელია ქარის გაძლიერება.

მოსალოდნელმა წვიმებმა შესაძლებელია მდინარეებზე წყლის დონეების მნიშვნელოვანი მატება, ხოლო პატარა მდინარეებზე წყალმოვარდნები გამოიწვიოს. ქვეყნის მაღალმთიან რაიონებში შესაძლებელია ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა – გააქტიურება (საფრთხის დონე საშუალო),”- აღნიშნულია განცხადებაში.

სურსათის ეროვნულმა სააგენტომ თბილისში არალეგალური სასაკლაო გამოავლინა.

„სურსათის ეროვნული სააგენტოს თბილისის საქალაქო სამსახურის ინსპექტორებმა, ჩატარებული მოკვლევის შედეგად, ქალაქ თბილისის ტერიტორიაზე, სოფელ შინდისში, ფიზიკური პირი ბაადური მეზურნიშვილის კუთვნილ ობიექტზე, გამოავლინეს ცხოველთა არალეგალური სასაკლაო.

კუსტარულად მოწყობილ ობიექტზე, სანიტარული-ჰიგიენური ნორმების უხეში დარღვევით ხორციელდებოდა ცხოველების დაკვლა რეალიზაციის მიზნით. შემოწმების პროცესში გამოვლინდა 600 კგ-მდე საქონლისა და 200 კგ-მდე ცხვრის ვეტერინარული ზედამხედველობის გარეშე დაკლული, გაურკვეველი წარმომავლობის ხორცი.

გამოვლენილ დარღვევებზე გატარდა კანონით გათვალისწინებული ყველა ღონისძიება – ფიზიკური პირი დაჯარიმდა, ხოლო დალუქული ხორცი განადგურდება სურსათის ეროვნული სააგენტოს უფლებამოსილი პირების ზედამხედველობით. აღნიშნულ ფაქტთან დაკავშირებით, სურსათის ეროვნული სააგენტო მოკვლევას განაგრძობს“, – ნათქვამია გავრცელებულ ინფორმაციაში.