ფსიქოლოგი გიორგი ჩოგოვაძე სოციალურ ქსელში წერს, რომ ბავშვმა მშობელი თავის ჭკუაზე არ უნდა ატრიალოს და მშობლებს ავტორიტეტისთვის 12 ოქროს წესს უზიარებს
„✅იყავით თანმიმდევრული: თუ ერთხელ თქვით არა, თქვენი გადაწყვეტილება არ შეცვალოთ, რადგან ბავშვმა იტირა ან ინერვიულა, თორემ მანიპულაციის ამ ხერხს სულ მიმართავს
▪️ ✅დააწესეთ მკაფიო საზღვრები: ბავშვმა ზუსტად უნდა იცოდეს, რა არის დაშვებული— კატეგორიულად აკრძალული ან ბუნდოვანი წესები იწვევს ქაოსს.
▪️ ✅შეინარჩუნეთ სიმშვიდე: ყვირილი სისუსტის ნიშანია. როცა მშვიდად, მაგრამ მტკიცე ტონით საუბრობთ, თქვენი ავტორიტეტი უფრო დამაჯერებელია.
▪️ ✅ნუ შეხვალთ ვაჭრობაში: მშობელი არ უნდა ვედრებოდეს ბავშვს დავალების შესრულებას.
✅გამოიყენეთ „არჩევანის ილუზია“: მიეცით ბავშვს უფლება აირჩიოს ორ თქვენთვის მისაღებ ვარიანტს შორის ერთერთი (მაგ: „ჯერ ჰიგიენას მიხედავ თუ ჯერ სათამაშოებს აალაგებ?“).
✅იყავით ერთიანი ფრონტი: დედა და მამა (ან ოჯახის სხვა წევრები) ერთსა და იმავეს უნდა ითხოვდნენ. თუ ერთი კრძალავს და მეორე უშვებს, ბავშვი სწავლობს მათ „დაპირისპირებას“ თავის სასარგებლოდ.
✅ასწავლეთ მოთმინება: ბავშვმა უნდა ისწავლოს, რომ მისი სურვილები მყისიერად არ სრულდება. ლოდინის უნარი ემოციური ინტელექტის საფუძველია.
✅ნუ იქნებით „მომსახურე პერსონალი“: ბავშვს უნდა ჰქონდეს თავისი ასაკის შესაბამისი მოვალეობები სახლში. ეს მას პასუხისმგებლობას აჩვევს.
✅აღიარეთ მისი ემოციები, მაგრამ არა ქცევა: შეგიძლიათ თქვათ: „მესმის, რომ ბრაზობ, მაგრამ ხელის კვრა დაუშვებელია“. ემოცია ლეგიტიმურია, აგრესიული ქმედება — არა.
✅იყავით ლიდერი და არა „უბრალოდ მეგობარი“: მეგობრები ბავშვს გარეთაც ეყოლება, მშობელი კი ერთია. მას სჭირდება გზამკვლევი, რომელიც საჭირო დროს სიმკაცრეს გამოიჩენს.
✅შეასრულეთ დაპირება (როგორც კარგი, ისე ცუდი): თუ დაპირდით, რომ წესის დარღვევისთვის ტელეფონს ჩამოართმევთ, აუცილებლად გააკეთეთ ეს. სიტყვას ფასი უნდა ჰქონდეს.
✅გამოყავით დრო ხარისხიანი ურთიერთობისთვის: როცა ბავშვი გრძნობს სიყვარულს და ყურადღებას, მას ნაკლები მოთხოვნილება აქვს „დესტრუქციული“ მეთოდებით მიიქციოს თქვენი ყურადღება“, – წერს ფსიქოლოგი.
უფალთან ურთიერთობას ბავშვობიდან ვიწყებთ. პატარები მშობლებს დაჰყავთ ტაძარში, თუმცა გვგონია, რომ წირვა-ლოცვაზე, საკურთხევლის წინ მდგარ ბავშვებს, არაფერი გაეგებათ, იქ ყოფნა არ უნდათ და მათი ფიქრები თამაშებისკენაა მომართული.
სინამდვილეში კი, მათ ქვეცნობიერში აუცილებლად ილექება ლოცვა, გალობა, ფრესკებისა და ხატების წმინდა გამოსახულებანი და აუცილებლად კეთილ ნაყოფს ისხამს.
„ასწავლეთ პატარებს, რომ უყვარდეთ… ილოცონ. მშობლების და ახლობლების სიყვარული დაანახეთ…
ხშირად აახედეთ ზეცაში და ესაუბრეთ უფალზე, ჩვენი უფლის დედაზე…
უთხარით, რომ თვითონაც ანგელოზია, რომელიც თქვენს გასახარებლად მოავლინა უფალმა დედამიწაზე და ადამიანი უნდა დადგეს… დაეხმარეთ გაარკვიოს, რა არის სიკეთე და სწორედ მოქცევა.
ყვავილები დააკრეფინეთ და ღვთისმშობლის ხატს მიართვით… ანთებული სანთლები დააჭერინეთ ხელში და მასთან ერთად წარმოთქვით – “მამაო ჩვენო”… მერე შუბლზე დაადეთ ხელი და დალოცეთ.
უთხარით, ასწავლეთ, რომ ლოცვას უდიდესი ძალა აქვს და თუკი უფალს ახსენებს, მას არაფრის შეეშინდება. მერე მამასთან გაუშვით და სთხოვოს, რომ ყველა საქმე გადადოს და უქმეზე მთელი ოჯახი წადით ტაძარში. მიეცით ბავშვებს შესაძლებლობა თქვენთან ერთად იარონ უფლის სახლში და მიჰბაძონ მამიკოს, როგორ იწერს პირჯვარს ხატის წინ. ჩვენ ასე ვიქცევით. ნაბიჯ-ნაბიჯ ვსწავლობთ, რომ უფალი სიყვარულის ფერია და რომ ის ყველგან არის – ჩვენშიც, ჩვენ სახლშიც… ზეცაშიც. ღამე ჩვენს სიზმრებს დარაჯობს მისი ანგელოზები და დღისითაც გვიცავს, რომ არ დავეცეთ და არაფერი გვეტკინოს.”
არქეოლოგიური აღმოჩენებით ირკვევა, რომ საქართველოში, კარაქის მაწვნის და დოს წარმოების ტექნოლოგიები, ჯერ კიდევ ბრინჯაოს ხანაში გამოიგონეს.
მცხეთის სამთავროს ბრინჯაოს სამარხებში ნაპოვნია ძვ. წ. V საუკუნეზე ადრინდელი თიხის სადღვებლები
ამ აღმოჩენის თანახმად, არა მხოლოდ, ღვინის, ლითონის და თაფლის, არამედ რძის პროდუქტების წარმოების მაღალი კულტურის ქვეყანა ვიყავით.
ქართულ დოს, საქართველოში ჯერ კიდევ ანტიკურ ხანაში აწარმოებდნენ. დო ეს არის შემჟავებული მაწვნისგან კარაქის, სადღვებელში შედღვების შედეგად, დარჩენილი მომჟაო გემოს, უგემრიელესი სითხე.
დღეს კი, სამწუხაროდ, მოსახლეობის ძალიან მცირე ნაწილმა იცის რა არის დო. უმეტესობას, არც კი გაუნსიჯავთ. ასეთი, უნიკალური ქართული ეთნოპროდუქტი , რომელიც საქართველოს ტერიტორიაზე, ჯერ კიდევ ბრინჯაოს ხანაში შეიქმნა, დაკარგვის პირას არის. ოჯახებში, მისი დამზადების ტრადიციაც იკარგება.
კარაქს საქართველოს ყველა კუთხეში არ ამზადებდნენ. მისი დამზადების წესს მთიანი რაჭისა და აჭარის გარდა არც იცნობდნენ დასავლეთ საქართველოში. სამაგიეროდ აღმოსავლთ საქართველოში, განსაკუთრებით კი მთიანეთში (ფშავ-ხევსურეთი, თუშეთი, მთიულეთი) კარაქის დამზადების, ასევე დოს წარმოების ხელოვნება მაღალ დონეზე იდგა. შესაბამისად ამ რეგიონებში დოც საყვარელი და პოპულარული პროდუქტი იყო.
საქართველოში ხე-ტყით მდიდარ ქვეყანაში, ფართოდ იყენებდნენ ხის სადღვებელს. ხე და თიხა უძველესი დროიდან ყველაზე ხელმისაწვდომი და იაფი მასალა იყო გლეხისათვის.
ხის სადღვებელი ორი სახისაა. ერთია ჰორიზონტალური, ცილინდრული, მთლიანი, გულამოღებული, ორივე მხარეს დახურული გათლილი ხის მორი ე.წ. „ვარია“.
ხის მეორე სადღვებელია „ჩხუტ-ბრუნელი“. ეს ვერტიკალური მთლიანი ხის ცილინდრული, გულამოღებული მორია, რომლის ცალი მხარე დახურულია (ფსკერი აქვს), მეორე მხარე – ღია.
გარემოს დაცვისა და სოფლის მეურნეობის მინისტრმა დავით სონღულაშვილმა მომხმარებლის დაცვის IV საერთაშორისო კვირეულის გახსნის ღონისძიებაში მიიღო მონაწილეობა.
დავით სონღულაშვილმა, სიტყვით გამოსვლის დროს, გარემოს დაცვისა და სოფლის მეურნეობის სამინისტროს სისტემაში მიმდინარე იმ რეფორმებზე ისაუბრა, რომელიც მომხმარებელთა უფლებების დაცვაზეა ორიენტირებული.
„გარემოს დაცვისა და სოფლის მეურნეობის სამინისტროს და სამინისტროს უწყებების პოლიტიკა და სამოქმედო გეგმა ორიენტირებულია ისეთი სისტემის შექმნაზე, რომელიც საზოგადოების კმაყოფილების მაღალ მაჩვენებელს უზრუნველყოფს. სურსათის უვნებლობა, ვეტერინარია და მცენარეთა დაცვა – სამივე მიმართულებას აერთიანებს ერთი მთავარი მიზანი – მომხმარებლის უსაფრთხო სურსათით უზრუნველყოფა. ობიექტური რეალობაა, რომ დღეს მომხმარებელი უფრო მეტადაა დაცული. ბიზნესსექტორი ინფორმირებულია იმ მოთხოვნებთან დაკავშირებით, რაც სახელმწიფოს მიერაა დადგენილი და საერთაშორისო სტანდარტებს ეფუძნება. გამართულია სახელმწიფო კონტროლის სისტემა. ჩვენი მიზანია, წარმოების ყველა ეტაპზე დამკვიდრდეს ის სტანდარტი, რაც უზრუნველყოფს საქართველოში წარმოებული პროდუქციის სანდოობას და კონკურენტუნარიანობას. გვაქვს ამბიცია, რომ სამომხმარებლო ბაზარი გაჯერებული იყოს მხოლოდ უვნებელი სურსათით“, – განაცხადა დავით სონღულაშვილმა.
მინისტრმა ყურადღება გაამახვილა პლასტმასის გამოყენების შემცირების საკითხზე, პესტიციდების მდგრადი გამოყენების სამოქმედო გეგმაზე, ატმოსფერული ჰაერის დაცვის მიმართულებით არსებულ რეგულაციებზე და სამინისტროს სისტემაში მომსახურების პროცედურების გამარტივებაზე.
„მიმდინარე რეფორმის ფარგლებში, სამინისტროს სისტემაში გამარტივდა მომსახურების პროცედურები. ამ მიმართულებით კიდევ უფრო მოქნილ მექანიზმზე ვმუშაობთ, რომელსაც უახლოეს მომავალში ავამოქმედებთ. მომხმარებელთა უფლებების დაცვა არის ჩვენი საერთო პასუხისმგებლობა. მინდა აღვნიშნო, რომ მთავარ მიზნად დასახული გვაქვს საზოგადოების ნდობის და კმაყოფილების მაღალი მაჩვენებლის მიღწევა“, – განაცხადა მინისტრმა.
კვირეულის გახსნის ღონისძიებას 200-მდე სტუმარი დაესწრო, მათ შორის აღმასრულებელი და საკანონმდებლო ხელისუფლების, საჯარო და კერძო სექტორის, არასამთავრობო ორგანიზაციების წარმომადგენლები, საერთაშორისო პარტნიორები და დარგის ექსპერტები.
მომხმარებლის დაცვის IV საერთაშორისო კვირეული კონკურენციისა და მომხმარებლის დაცვის სააგენტოს, ენერგეტიკისა და წყალმომარაგების მარეგულირებელი ეროვნული კომისიის, საქართველოს კომუნიკაციების ეროვნული კომისიის, საქართველოს ეროვნული ბანკის, საქართველოს დაზღვევის სახელმწიფო ზედამხედველობის სამსახურის და სურსათის ეროვნული სააგენტოს ორგანიზებით იმართება.
მწვანილის ექსპორტი 15%-ით, ხოლო საქსპორტო ღირებულება 22%-ით გაიზარდა, – ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
უწყების ცნობით, მიმდინარე წლის თებერვალში საქართველოდან ექსპორტირებულია 1.1 მლნ აშშ დოლარის 503 ტონა მწვანილი.
„წინა წლის იანვარ-თებერვალთან შედარებით, ექსპორტირებული მწვანილის ღირებულება 22%-ით, ხოლო რაოდენობა 15%-ით გაიზარდა.
მწვანილის ძირითადი საექსპორტო ბაზრებია: უკრაინა, მოლდოვა, რუმინეთი, რუსეთი, ბულგარეთი და სხვა. ამასთან, მზარდია მწვანილის საექსპორტო ფასი. 2025 წელს კილოგრამი მწვანილის საექსპორტო ფასმა 2.12 $-ს მიაღწია“, – ნათქვამია ინფორმაციაში.
ლევილის ქართველთა მამულის ტერიტორიაზე, დაახლოებით1000 კვ.მ ფართობზე, ქართული ვაზის ჯიშებისრქაწითლისადასაფერავისვენახი გაშენდა.
სოფლის მეურნეობის სამეცნიერო – კვლევითი ცენტრის ინფორმაციით, პროექტის კომპლექსურ სამეცნიერო-მეთოდურ მხარდაჭერას სოფლის მეურნეობის სამეცნიერო-კვლევითი ცენტრი უზრუნველყოფს, ხოლო მატერიალური საშუალებებისა და სამუშაოების ფინანსურ უზრუნველყოფას შპს „შატო ზეგაანი“ ახორციელებს.
ცენტრის დირექტორი ლევან უჯმაჯურიძე შპს „შატო ზეგაანის“ წარმომადგენლებთან ერთად, საფრანგეთში, ლევილის ქართველთა მამულში სამუშაო ვიზიტით იმყოფებოდა. ვიზიტი გაიმართა საქართველოს ეროვნულ მუზეუმს, სოფლის მეურნეობის სამეცნიერო-კვლევით ცენტრსა და შპს „შატო ზეგაანს“ შორის გაფორმებული ურთიერთთანამშრომლობის მემორანდუმის ფარგლებში, რომელიც ლევილის მამულის ტერიტორიაზე ქართული ვაზის ჯიშების გაშენებას და ქართული მეღვინეობის კულტურის წარმოჩენას ისახავს მიზნად.
„ლევილის მამულის ტერიტორიაზე ქართული ვაზის გაშენება საქართველოს მევენახეობა-მეღვინეობის უძველესი კულტურის, ტრადიციების პოპულარიზაციასა და საქართველოსა და საფრანგეთს შორის ისტორიული კავშირების გაღრმავებას ემსახურება“, – ნათქვამია ცენტრის გავარცელებულ ინფორმაციაში.
აჭარის რესპუბლიკური ბიუჯეტის სარეზერვო ფონდიდან სტიქიითა და ხანძრით დაზარალებული 256 ოჯახის საცხოვრებელი სახლების აღდგენა-რეაბილიტაციისთვის 3 მილიონ ლარზე მეტი გამოიყოფა.
დაზარალებული ოჯახების დახმარების საკითხი აჭარის ადმინისტრაციულ საზღვრებში სტიქიით მიყენებული ზიანის სალიკვიდაციო შერეული სამთავრობო კომისიის სხდომაზე განიხილეს. სხდომას აჭარის ჯანმრთელობისა და სოციალური დაცვის მინისტრი, ნინო ნიჟარაძე ხელმძღვანელობდა.
კომისიის რეკომენდაციით ფინანსურ დახმარებას ბათუმის, ქობულეთის, ხელვაჩაურის, ქედის, შუახევისა და ხულოს მუნიციპალიტეტებში დაზარალებული ოჯახები მიიღებენ.
სტიქიის შედეგად დაზარალებული ოჯახების, ასევე ეკომიგრანტების დახმარება აჭარის მთავრობის ერთ-ერთ მთავარ პრიორიტეტად რჩება. 2025 წელს აჭარის მთავრობის სარეზერვო ფონდიდან სტიქიით დაზარალებული 704 ოჯახის მხარდასაჭერად 8 მილიონ ლარამდე გამოიყო.
აღდგომის მარხვაში ეკლესიაში ზეთის კურთხევის საიდუმლო ანუ შვიდგზის ზეთისცხება სრულდება. როგორც მამა იოანე მჭედლიშვილი აღნიშნავს, ზეთისცხებასთან დაკავშირებით, აკრძალვა არ არსებობს, მაგრამ ადამიანმა მადლი, რომ შეიგრძნოს ამისთვის ის ქრისტიანულად უნდა ცხოვრობდეს.
„შვიდგზის ზეთისცხებასთან დაკავშირებით, არანაირი აკრძალვა არ არსებობს, მაგრამ მადლი, რომ შეიგრძნოს ადამიანმა, ამისთვის მან ქრისტიანულად უნდა იცხოვროს. თუ ქრისტიანულად ადამიანი არ ცხოვრობს, რა აზრი აქვს ზეთს აცხებენ თუ სხვა რამე საშუალებას. ადამიანი თუ თავის ცოდვებს არ ნანობს, აღმსარებელი არ არის, მადლი არ იქნება. როცა ადამიანი აღმსარებელია, ნანობს მის ცოდვებს, ეს უკვე დიდი მადლია და დიდი სიკეთე მოაქვს ზეთისცხებას.
მისი თქმით, შვიდგზის ზეთისცხებას დიდი მადლი მოაქვს.
„შვიდგზის ზეთისცხება, ეს არის ერთ-ერთი საიდუმლო, რომელიც სრულდება მარხვის პერიოდში. წესი ის იყო, რომ ეს არის ადამიანების საკურნებლად.
ზოგადად მარხვა იმისთვის არის, რომ ადამიანი როცა მარხულობს, უფრო მეტი იფიქროს სულიერზე და მოუძლურების ჯამს შვიდგზის ზეთისცხების სახით სრულდება, რომ განიკურნოს ადამიანი. მთელი შინაარსია ამაში და როდესაც მიხვალ, არც ზიარებულხარ, არც აღსარება ჩაგიბარებია და არც მღვდელთან ყოფილხარ ზეთს იცხებ და გგონია რაღაც მოხდება შინაარსი გამოცლილი აქვს ამას.
არ ცხოვრობს ადამიანი ქრისტიანულად და ჰგონია, რომ როცა ზეთს იცხებს ყველაფერი კარგად იქნება, თუმცა ვინც მოსულა არავისთვის უარი არ გვითქვამს, მთავარია ამას შინაარსი ჰქონდეს“,- ამბობს მამა იოანე მჭედლიშვილი.
ტომატ პასტა – ხანგრძლივად შენახვა არ არის სასურველი | როგორ შევინახოთ პროდუქტი
ტოქსიკოლოგმა ეკა ქურდაძემ საზოგადოებრივი მაუწყებლის გადაცემაში „დილა მშვიდობისა საქართველო“ განმარტა, რა პირობებში შეიძლება გახდეს სამზარეულოს ინვენტარი ან საკვების შესანახი ჭურჭელი ჯანმრთელობისთვის პოტენციურად საფრთხის შემცველი. მისი თქმით, განსაკუთრებული ყურადღება უნდა მიექცეს მჟავე პროდუქტების შენახვის წესებსა და საკვების მაცივარში ხანგრძლივად დატოვებას, რადგან გარკვეულ პირობებში ჭურჭლის მასალასა და საკვებს შორის შეიძლება ქიმიური რეაქცია განვითარდეს.
#image_title
მოვლენების აღწერა
ეკა ქურდაძემ გადაცემაში ისაუბრა იმ გარემოებებზე, როდესაც ყოველდღიურად გამოყენებული სამზარეულოს ინვენტარი შესაძლოა ტოქსიკურ წყაროდ იქცეს. მისი განმარტებით, საკვების შენახვისას მნიშვნელობა აქვს როგორც პროდუქტის ტიპს, ისე ჭურჭლის მასალას და შენახვის ხანგრძლივობას.
ტოქსიკოლოგის თქმით, განსაკუთრებული ყურადღება საჭიროა ტომატ პასტასთან დაკავშირებით. მისი განმარტებით, ეს პროდუქტი მჟავურ გარემოს ქმნის და შედარებით მარტივად შეიძლება შევიდეს ქიმიურ რეაქციაში იმ მასალებთან, რომლებშიც იგი ინახება.
სპეციალისტის განცხადებით, ასეთ შემთხვევაში რეკომენდებულია პროდუქტის გადატანა მინის ან კერამიკის ჭურჭელში, რადგან აღნიშნული მასალები ქიმიურად უფრო ინერტულია და საკვებთან რეაქციის რისკი ნაკლებია.
კონტექსტი და ფონი
საკვების უსაფრთხო შენახვა საზოგადოებრივი ჯანმრთელობის მნიშვნელოვანი კომპონენტია. სპეციალისტების შეფასებით, საკვების არასწორმა შენახვამ შეიძლება გამოიწვიოს როგორც მიკრობული დაბინძურება, ასევე ქიმიური ნივთიერებების გადაცემა საკვებში.
საკვების უსაფრთხოებასთან დაკავშირებული რეკომენდაციები მრავალი ქვეყნის საზოგადოებრივი ჯანდაცვის სისტემის ერთ-ერთი ძირითადი მიმართულებაა. საკვების შენახვის წესები ეხება როგორც ტემპერატურულ პირობებს, ისე ჭურჭლის ტიპსა და გამოყენების ხანგრძლივობას.
მჟავე პროდუქტები, როგორიცაა ტომატ პასტა, ხშირად განიხილება განსაკუთრებული ყურადღების საჭიროების მქონე პროდუქტებად, რადგან მათი ქიმიური შემადგენლობა გარკვეულ მასალებთან რეაქციაში უფრო ადვილად შედის.
დეტალები და ფაქტები
ტოქსიკოლოგის განმარტებით, ზოგიერთ პროდუქტს აქვს მკაცრი რეკომენდებული შენახვის ვადა. მაგალითად, თევზის შემთხვევაში ხშირად ითვლება, რომ მაცივარში მისი შენახვა 24 საათზე მეტხანს არ არის სასურველი.
სპეციალისტმა ასევე აღნიშნა, რომ მსგავსი პრობლემა ხშირად ეხება პაშტეტებსა და სხვა მზა პროდუქტებს, რომლებიც მაცივარში ხანგრძლივად რჩება. მისი თქმით, ზოგიერთ საკვებს შედარებით მოკლე შენახვის ვადა აქვს და სასურველია მათი დროულად გამოყენება.
ეკა ქურდაძის განცხადებით, საკვების შესანახ კონტეინერებსაც განსხვავებული ვადები აქვთ. მისი თქმით, ზოგიერთ კონტეინერს შეიძლება 3–4 დღიანი რეკომენდებული გამოყენების პერიოდი ჰქონდეს, თუმცა ეს დამოკიდებულია მასალის ხარისხსა და კონტეინერის ტიპზე.
სპეციალისტის განმარტებით, საკვების უსაფრთხო შენახვა გულისხმობს არა მხოლოდ ტემპერატურის დაცვას, არამედ ჭურჭლის სწორ არჩევასაც.
საერთაშორისო ან რეგიონული პერსპექტივა
საკვების უსაფრთხოების საკითხი ფართოდ განიხილება საერთაშორისო ორგანიზაციებშიც. ჯანმრთელობის მსოფლიო ორგანიზაცია და საკვების უსაფრთხოების სააგენტოები რეკომენდაციას იძლევიან, რომ საკვები ინახებოდეს ისეთი მასალის ჭურჭელში, რომელიც არ რეაგირებს პროდუქტთან და არ გამოყოფს ქიმიურ ნივთიერებებს [1].
საერთაშორისო რეკომენდაციების მიხედვით, მინისა და კერამიკის ჭურჭელი ხშირად განიხილება როგორც შედარებით უსაფრთხო ალტერნატივა, განსაკუთრებით მჟავე ან მარილიანი საკვების შემთხვევაში.
გარდა ამისა, მრავალი ქვეყნის საზოგადოებრივი ჯანმრთელობის ინსტიტუტი ხაზს უსვამს საკვების შენახვის ვადების დაცვას. მაგალითად, ზღვის პროდუქტები და მზა საკვები ხშირად რეკომენდებულია მოკლე პერიოდში მოხმარებისთვის.
საქართველოს კონტექსტი
საქართველოში საკვების უსაფრთხოება და სამზარეულოს ჰიგიენა საზოგადოებრივი ჯანმრთელობის ერთ-ერთი მნიშვნელოვანი მიმართულებაა. სპეციალისტები ხშირად აღნიშნავენ, რომ საკვების არასწორი შენახვა შეიძლება გახდეს როგორც საკვების მოწამვლის, ისე სხვა ჯანმრთელობის პრობლემების მიზეზი.
ტოქსიკოლოგების და საზოგადოებრივი ჯანმრთელობის ექსპერტების რეკომენდაციები განსაკუთრებით მნიშვნელოვანია ოჯახურ პირობებში, სადაც საკვების შენახვა ხშირად ყოველდღიურ პრაქტიკას ეფუძნება.
საკვების უსაფრთხოებასთან დაკავშირებულ თემებს რეგულარულად აშუქებს საინფორმაციო პლატფორმაც https://www.sheniambebi.ge, სადაც საზოგადოებრივი ჯანმრთელობის საკითხები პერიოდულად განიხილება.
ანალიტიკური, ნეიტრალური შეჯამება
სპეციალისტების განმარტებით, სამზარეულოში გამოყენებული ჭურჭელი და საკვების შენახვის წესები მნიშვნელოვან გავლენას ახდენს პროდუქტის უსაფრთხოებაზე. მჟავე პროდუქტების შენახვა, განსაკუთრებით მეტალის ან გარკვეული ტიპის კონტეინერებში, ზოგ შემთხვევაში ქიმიური რეაქციის რისკს ზრდის.
ამასთანავე, საკვების შენახვის ვადების დაცვა და შესაბამისი ჭურჭლის გამოყენება ერთ-ერთ ძირითად ფაქტორად ითვლება, რომელიც ხელს უწყობს საკვების უსაფრთხოების უზრუნველყოფას და ჯანმრთელობის შესაძლო რისკების შემცირებას.
ვენახების გაშენებაზე თანხმობა ევროკავშირის ღვინის მწარმოებელ ყველა ქვეყანაში გაიცემა. საქართველოშიც, კომერციული, სამეწარმეო ვენახის გაშენება უნდა იყოს ორიენტირებული გრძელვადიან ხარისხზე, ნერგი უნდა იყოს კვალიფიციურ სანერგეში გამოყვანილი, ვენახი უნდა იყოს გაშენებული სწორ ადგილზე, რადგან ყველა ნიადაგი არ იძლევა საუკეთესო ხარისხის ყურძენს.
ეს ფაქტორები თავიდანვე უნდა იყოს გათვალისწინებული. ვენახი არის ის სიმდიდრე, რომელიც მომავალ თაობებს გადაეცემა, რადგან ახლა გაშენებული ვენახებიდან საუკეთესო მოსავლის მიღება 15 წლის შემდეგ იწყება, – აღნიშნა ღვინის ეროვნული სააგენტოს თავმჯდომარემ ლევან მეხუზლამ.
საქართველოს პარლამენტმა „ვაზისა და ღვინის შესახებ“ კანონში ცვლილებებს მეორე მოსმენით მხარი უკვე დაუჭირა. კანონს ემატება ნორმა, რომლითაც განისაზღვრება ვენახის გაშენებაზე თანხმობის ცნება, რაც განიმარტება შემდეგნაირად: საჯარო სამართლის იურიდიული პირის, ღვინის ეროვნული სააგენტოს მიერ გაცემული დოკუმენტი, რომელიც ფიზიკურ ან/და იურიდიულ პირს აძლევს უფლებას გააშენოს სამეწარმეო ვენახი.
იმ ფაქტის გათვალისწინებით, რომ გაიზარდა გაშენებული ვენახების რაოდენობა და შესაბამისად ყურძნის მოსავლიანობა, ცვლილების თანახმად, დაცული ადგილწარმოშობის ღვინისა და სპირტიანი სასმლის მაღალი ხარისხის უზრუნველსაყოფად, ადგილწარმოშობის დასახელების ალკოჰოლიანი სასმელი წარმოებული უნდა იყოს მხოლოდ ამ ღვინის ან/და სპირტიანი სასმლის წარმოების სპეციფიკაციაში განსაზღვრულ მიკროზონაში მოწეული ყურძნისგან.
ცვლილება ასევე განსაზღვრავს ღვინის ყველა კომპანიისთვის მევენახეობა-მეღვინეობის პრაქტიკაში ტექნოლოგიური პროცესების აღრიცხვა-შეტყობინების მოთხოვნების შესრულებას.
ცვლილებების მიზანია ხარისხიანი, კონკურენტუნარიანი ყურძნისეული წარმოშობის ალკოჰოლიანი სასმელების წარმოების, ასევე, რეალიზაციისათვის აუცილებელი ადგილობრივი და საერთაშორისო ბაზრების მოთხოვნათა გათვალისწინების ხელშეწყობა.
„ქართული ღვინო უნდა პოზიციონირებდეს იმ სეგმენტში, სადაც წარმოდგენილია უნიკალური და პრემიუმ ხარიხის ღვინოები. ვენახის გაშენებაზე თანხმობა უფასოდ გაიცემა და თანხმობის აღება მოუწევს მხოლოდ იმ პირებს, რომლებიც გეგმავენ კომერციულ საქმიანობას. ამ ეტაპზე, ვენახების მასიური გაშენების ტემპი შენელებულია. ბოლოს წლების სტატისტიკით, ყოველწლიურად, 500 ჰექტრამდე ფართობი ახალი ვენახი შენდება. ამ მონაცემზე დაყრდნობით, შეგვიძლია ვთქვათ, რომ ვენახების გაშენებაზე თანხმობის მიღება შეეხება დაახლოებით 100-მდე პირს“, – აღნიშნა ლევან მეხუზლამ.
