16 აპრილიდან საქართველოში მოსალოდნელია ჰაერის ტემპერატურის მნიშვნელოვანი მომატება, – ინფორმაციას ამის შესახებ გარემოს ეროვნული სააგენტო ავრცელებს.
მათივე ცნობით, თბილისში თბილი და უნალექო ამინდია მოსალოდნელი. ჰაერის ტემპერატურა დღისით +27, +29 გრადუსამდე მოიმატებს.
„სანაპირო რაიონებში (ბათუმი, ქობულეთი, ანაკლია, ფოთი): თბილი და უნალექო ამინდია მოსალოდნელი. ჰაერის ტემპერატურა დღისით +28, +30 გრადუსამდე მოიმატებს.
დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): თბილი და უნალექო ამინდია მოსალოდნელი. ჰაერის ტემპერატურა დღისით +31, +33 გრადუსამდე მოიმატებს.
დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): თბილი და უნალექო ამინდია მოსალოდნელი. ჰაერის ტემპერატურა დღისით +30, +32 გრადუსამდე მოიმატებს.
დასავლეთ საქართველოს მაღალმთიან რეგიონებში (მესტია, ბახმარო): თბილი და უნალექო ამინდია მოსალოდნელი. ჰაერის ტემპერატურა დღისით +25, +27 გრადუსამდე მოიმატებს.
ქართლში (რუსთავი, ბოლნისი, მარნეული, გარდაბანი, გორი, ცხინვალი): თბილი და უნალექო ამინდია მოსალოდნელი. ჰაერის ტემპერატურა დღისით +27, +29 გრადუსამდე მოიმატებს.
კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): თბილი და უნალექო ამინდია მოსალოდნელი. ჰაერის ტემპერატურა დღისით +27, +29 გრადუსამდე მოიმატებს.
აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური, დედოფლისწყარო): თბილი და უნალექო ამინდია მოსალოდნელი. ჰაერის ტემპერატურა დღისით +27, +29 გრადუსამდე მოიმატებს.
აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): თბილი და უნალექო ამინდია მოსალოდნელი. ჰაერის ტემპერატურა დღისით +20, +22 გრადუსამდე მოიმატებს“, – აღნიშნულია გარემოს ეროვნული სააგენტოს ინფორმაციაში.
sheniinterieri.ge გთავაზობთ ექსკლუზიურ ინტერვიუს მარი დუასთან, რომელსაც მომხმარებელი KeliStones-ის სახელით იცნობს… Keli საქართველოდან ამერიკის შეერთებულ შტატებში 2018 წელს წავიდა და ულამაზეს სამკაულებს ქმნის ბუნებრივი ქვებისა და მინერალებისგან…
საინტერესოა მისი, როგორც ემიგრანტისა და ხელოვანის ისტორია – ერთმა უცნაურმა შეხვედრამ მისი ცხოვრება ძირფესვიანად შეცვალა…
გთავაზობთ ამონარიდს ინტერვიუდან:
გაეროს გარემოსდაცვითი პროგრამის (UNEP) ხელმძღვანელობით 1973 წლიდან ყოველწლიურად 5 ივნისს აღინიშნება გარემოს დაცვის საერთაშორისო დღე. ეს არის გლობალური პლატფორმა გარემოსდაცვითი საზოგადოებისათვის და ამ დღესასწაულს მილიონობით ადამიანი ზეიმობს მსოფლიოში.
ამ დღის მიზანია ადამიანების პასუხისმგებლობის გაცნობიერება ბუნების მიმართ, გარემოს მდგრადი განვითარებისთვის ხელშეწყობა და გარემოს შენარჩუნებისა და გაუმჯობესებისათვის ბრძოლაში საზოგადოების აქტიური ჩართვა.
ყოველწლიურად დაახლოებით 16,5 მილიონი ტონა პლასტმასას ნარჩენი იყრება ოკეანეებში.
ეს პირდაპირ გავლენას ახდენს ზღვისა და ხმელეთის 800-ზე მეტ ბინადარზე. ამასთანავე, დადგენილია, რომ პლანეტაზე თითოეული ადამიანი წელიწადში 50000-ზე მეტ პლასტმასის ნაწილაკს იღებს. გადაგდებული ან დამწვარი ერთჯერადი გამოყენების პლასტმასი ზიანს აყენებს ადამიანის ჯანმრთელობას და ბიომრავალფეროვნებას და აბინძურებს ეკოსისტემას მთის მწვერვალებიდან ოკეანის ფსკერამდე.
პლასტმასას პრობლემა პირდაპირ კავშირშია გლობალურ დათბობასთან და ზოგადად კლიმატის ცვლილებასთან, რაც მოგეხსენებათ დიდ საფრთხეს უქმნის ჩვენს ეკოსისტემას და ზოგადად ადამიანთა საცხოვრებელ გარემოს.
იმისათვის, რომ ეს უდიდესი პრობლემა გადაიჭრას, საჭიროა სრული ჩართულობა მთავრობებისა და სხვადასხვა კომპანიების მხრიდან, რათა ხაზი გაესვას საკითხის მნიშვნელობასა და პრობლემის მასშტაბურობას.
პორტუგალიის ქალაქ პორტოში ბუნებრივი ღვინოების საერთაშორისო გამოფენა Simplesmente Vinho გაიხსნა, რომელზეც საქართველო წარმოდგენილია სტატუსით – ღვინის სამშობლო!
ღვინის ეროვნული სააგენტოს ინიციატივითა და პორტუგალიის რესპუბლიკაში საქართველოს საელჩოს მხარდაჭერით, გამოფენაში ქვევრის ღვინის მწარმოებელი 11 ქართული კომპანია მონაწილეობს.
ღვინის პროფესიონალებისა და სავაჭრო სფეროს წარმომადგენლებისთვის, გამოფენის ფარგლებში, ქართული ღვინის სამი მასშტაბური დეგუსტაცია იგეგმება.
შეგახსენებთ, 2013 წელს „იუნესკოს“ მიერ ქვევრის ღვინის დაყენების ტრადიციულ მეთოდს არამატერიალური კულტურული მემკვიდრეობის ძეგლის სტატუსი, ხოლო 2021 წელს ქვევრს დაცული გეოგრაფიული აღნიშვნის სტატუსი მიენიჭა.
საქართველოს მთავრობის დადგენილებით, 2024 წლის 7, 8 და 10 მაისი უქმე დღეებად გამოცხადდა.
ამის შესახებ ინფორმაციას მთავრობის ადმინისტრაცია ავრცელებს.
მათივე ინფორმაციით, დოკუმენტის თანახმად, ადმინისტრაციული ორგანო უფლებამოსილია, საჭიროების მიხედვით, კომპეტენციის ფარგლებში თავად განსაზღვროს ის სამსახურები და მოსამსახურეები, რომლებზეც დადგენილებით განსაზღვრული უქმე დღეები არ გავრცელდება.
დადგენილება არ ვრცელდება საქართველოს ეროვნული ბანკის ზედამხედველობას დაქვემდებარებული პირების წინაშე შესასრულებელ ფინანსურ ვალდებულებებზე, ასევე სახელმწიფო შესყიდვებთან დაკავშირებულ საქმიანობასა და სახელმწიფო შესყიდვებთან დაკავშირებული დავების განხილვის საბჭოს საქმიანობაზე.
დადგენილებას საქართველოს პრემიერ-მინისტრმა ირაკლი კობახიძემ ხელი უკვე მოაწერა.
ლანჩხუთის მუნიციპალიტეტის სოფელ შუხუთში ტრადიციული ლელობურთი გაიმართა.
ლელობურთი ტრადიციულად სოფელ შუხუთის ცენტრში, ისტორიულ ცაცხვებთან ტარდება, სადაც ერთმანეთს ზემო და ქვემო შუხუთელები შეეჯიბრნენ. ლელობურთი ზემო შუხუთის გამარჯვებით დასრულდა.
ამ თამაშს გურულები 1854 წლის „შუხუთფერდის“ ისტორიულ ბრძოლას უკავშირებენ, რომელიც ნიგოითის ბრძოლის სახელითაა ცნობილი და რუსეთ-თურქეთის ომის დროს, 1854 წელს გაიმართა. აღდგომის დღეს, შუხუთის წმინდა გიორგის სახელობის ეკლესიის წინამძღვარი მამა საბა ლელობურთს ჰაერში აგდებს და დიდი შერკინებაც იწყება. შეჯიბრების წესების მიხედვით, გამარჯვებული ის მხარეა, რომელიც ღელეზე ფუთიანი ბურთის გადატანას შეძლებს.
ლელობურთს არამატერიალური კულტურული მემკვიდრეობის ძეგლის სტატუსი აქვს მინიჭებული. იგი სოფელ შუხუთში გაზაფხულზე, ყოველ აღდგომის დღესასწაულზე, იმართება.
საუბრობს ექიმი გიორგი ღოღობერიძე გადაცემაში „მთავარი დიაგნოზი“:
„ბავშვმა რომ კარგად გაატაროს დრო და კარგად დაისვენოს – სოფელი ყველაზე კარგი ვარიანტია.
პირველ რიგში, აღსანშნავია საკვები – სოფლისა და ქალაქის საკვები ერთმანეთს ვერ შეედრება. დღევანდელ საკვებ პროდუქტებში ძალიან ბევრი ისეთი მავნე ნაერთია, როგორებიცაა ნიტრიტები და ნიტრატები. ეს არის ნივთიერებები, რომლებიც ჩვენს ორგანიზმში სიმსივნეებს, – ქალებში ყველაზე გავრცელებულ სიმსივნეს, სარძევე ჯირკვლის კიბოს, კაცებში – წინამდებარე ჯირკვლის კიბოსა და მსხვილი ნაწლავისა და სწორი ნაწლავის სიმსივნეებს იწვევს. ასეთი შემთხვევები ძალიან ბევრია. ამიტომ, დაიმახსოვრეთ, თუ გინდათ ბავშვს სარგებელი მოუტანოთ, სოფლის საკვები, რომლებიც ნაკლებად შეიცავს იმ დანამატებს, რომლებიც ინდუსტრიაში გამოიყენება, უფრო ჯანსაღია მისი სხეულისთვის და უფრო მეტადაც წაადგება.
სასარგებლოა თუ არა ჩირი? ექიმები გვეუბნებიან, რომ დიახ, გამომშრალი ხილი, ქიშმიში და ქლიავის, შავი მოცვისა და სხვა ხილის ჩირი ორგანიზმისთვის ძალიან სასარგებლო პროდუქტია.
გამხმარი ხილში დიდი რაოდენობით მკვებავი ნივთიერებები იყრის თავს, ვინაიდან ჩირში წყლის რაოდენობა მინიმუმამდეა დაყვანილი. გამომშრალი ხილი ასევე მდიდარია B ვიტამინითა და ანტიოქსიდებით.
მასშტაბური კვლევის შედეგად, მკვლევარებმა აღმოაჩნეს, რომ ვინც ხშირად ჭამს ჩირს, იწონის ნაკლებს, ვიდრე ის ადამიანები, რომლებიც გამომშრალ ხილს საერთოდ არ იღებენ.
სპეციალისტები გვაფრთხილებენ, რომ შაქრის შემცველობა ჩირში უფრო მეტია. მაგალითად ერთი ჯამი ყურძენი შეიცავს დაახლოებით 23 გრამ შაქარს და 104 კილოკალორიას, ერთი ჯამი ქიშმიში კი 116 გრამ შაქარს და 520 კილოკალორიას. ამიტომაც ექიმები დიაბეტიკებს ჩირის მიღებისგან თავის შეკავებას ურჩევენ.
ჩირის ჭამისა და შენახვის წესები
ექსპერტების რჩევით, ჩირი უნდა დაუმატოთ ცხელ და ცივ ფაფებს, ცომეულსა და სალათებს.
„ეს არის მარტივი და სასიამოვნო გზა, რომ ჭამოთ მეტი ხილი და ჯანმრთელი გზით მიიღოთ უჯრედისი“, – ამბობს დიეტოლოგი ლორენ მანაკერი.
რაც შეეხება ხმელი ხილის შენახვას, სასურველია ჩირი ჰერმეტულ კონტეინერში ან მაცივარში შეინახოთ.
სხვათა შორის, თუ ჩირს ლითონის კონტეინერში შეინახავთ, დაადგენთ, შეიცავს თუ არა ის სულფიტებს. თუ შეიცავს, ჩირი ფერს შეიცვლის.
© SheniEkimi.ge
