მთქნარება სხეულის ავტომატური რეაქციაა დაღლილობაზე ან სტრესზე. მიიჩნევა, რომ ადამიანი დღეში, ჩვეულებრივ, 5-10-ჯერ ამთქნარებს, თუმცა „ბათუმის სამედიცინო ცენტრის“ თერაპიის მიმართულების ხელმძღვანელი, მადონა შაინიძე ამბობს, რომ იშვიათ შემთხვევებში, ხშირი მთქნარება ასევე შეიძლება იყოს ჯანმრთელობასთან დაკავშირებული პრობლემის ნიშანი.
#datashvil #drpkhakadze #sheniganatleba #sheniambebi #sheniekimi
პური, ქადა, ტრადიციული თათარბერაგი.
ისტორიული მესხეთი და განსაკუთრებული მოფრთხილების შედეგად გადარჩენილი მესხური სამზარეულო.
მესხური გემო საუკუნეების განმნავლობაში შენარჩუნდა. გემო პურის, ქადის, ტრადიციული თათარბერაგის…
ლამპრობა (სვანურად „ლიმპჲარი“) სვანეთში წმინდა გიორგისადმი მიძღვნილი ადრესაგაზაფხულო, ხალხური დღეობაა და ყოველწლიურად სამჯერ ტარდება, ანვრის ბოლოს, თებერვლის დასაწყისში და მირქმის დღესასწაულის აღსანიშნავად.
„წლევანდელი წელი გამონაკლისია და ძალიან სასიხარულოა, რომ იაშვილის კლინიკაში პირველი ახალი წელია, როდესაც პიროტექნიკით დაზიანებული ბავშვი არ შემოსულა. არ ვიცი, ამის უკან რა დგას. ძალიან დიდი იმედი გვაქვს, რომ ამის უკან დგას ის ელემენტარული სიფრთხილის შეგრძნება და სიფრთხილე, რაც უნდა ჰქონდეს ნებისმიერ მშობელს, როცა ახალ წელს ვხვდებით.“, – ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ განაცხადა.
მისი თქმით, წლევანდელი ახალი წელი იყო სრულიად გამორჩეული.
„პიროტექნიკასთან დაკავშირებით წლების განმავლობაში არაერთი გაფრთხილება იყო, თუმცა მე არ მახსოვს, ბოლო წლების განმავლობაში, ახალი წლის ღამეს იაშვილში არ მიგვეღოს მძიმედ დაზიანებული ბავშვები, ოპერაციის აუცილებლობა, მძიმე სისხლდენები, ტრავმები. ეს იყო 31 დეკემბრის ღამის თანმდევი.
აუცილებლად გასათვალისწინებელია ის ფაქტიც, რომ, პიროტექნიკის გარდა, ახალი წლის ღამეს ჩვენ სხვა დაზიანებებიც გვქონდა ბავშვებში, წლევანდელი ახალი წელი კი იყო სრულიად გამორჩეული. დიდი იმედი გვაქვს, რომ ასე გაგრძელდება მომდევნო წლებშიც და ჩვენ მივიღებთ უსაფრთხო ახალი წლის ღამეს, რაც ძალიან მნიშვნელოვანია ახალი წლის მართლაც სიხარულით აღნიშვნისთვის“, – განაცხადა ივანე ჩხაიძემ.
სხვა მდგომარეობა იყო რეგიონებში. ახალი წლის დღეებში, პიროტექნიკით მიღებული დაზიანებებით კლინიკაში „რუსთავი“ 8 პაციენტი შეიყვანეს.
„არასრულწლოვნებს შორის არიან 6 და 16 წლის მოზარდები. 16 წლის მოზარდმა 2 თითი დაკარგა. კლინიკაში შემოყვანილი პაციენტებიდან კიდევ ორმა, ორ-ორი თითი დაკარგა. მათი მდგომარეობა სტაბილურია“, – განაცხადა კლინიკის ქირურგმა, მინდია ბოცვაძემ.
ქუთაისში, პიროტექნიკით ორი პენსიონერი დაშავდა, ბათუმში ცეცხლი აივანს წაეკიდა
#datashvil #drpkhakadze #sheniganatleba #sheniambebi #sheniekimi
სოფლის განვითარების სააგენტო:
გვინდა შეგახსენოთ, რომ ბიოწარმოების ხელშეწყობის პროგრამაში განაცხადების მიღება ჯერ კიდევ მიმდინარეობს.
პროგრამის მიზანია ბიოწარმოების მხარდაჭერა ბიოპროდუქტების წარმოების ზრდის უზრუნველსაყოფად.
პროგრამა მოიაზრებს შემდეგი ხარჯების ანაზღაურებას:
საკონსულტაციო მომსახურება
თაფლისა და ცვილის ლაბორატორიული ანალიზის მომსახურეობა
ბიო სერტიფიცირება
კონვერსიის პერიოდში გაწეული ხარჯი ანაზღაურდება 70%-ით (არაუმეტეს 7,000 ლარი). დონორი ორგანიზაციიდან მიღებული დაფინანსების შემთხვევაში თანადაფინანსდება 40% (არაუმეტეს 4,000 ლარი).
პროგრამა დამატებით ითვალისწინებს შემდეგი ხარჯების ანაზღაურებას:
მევენახეობისათვის
ორგანულ მეურნეობაში დაშვებული ორგანული სასუქების ან/და მავნებლებისა და დაავადებების წინააღმდეგ გამოსაყენებელი ბიოპრეპარატების შეძენა
მეფუტკრეობისათვის
ფუტკრის ბიოპრეპარატების შეძენა
ბიოფიჭის შეძენა
1 ჰა-ზე გადაანგარიშებით თანადაფინანსდება 70% (არაუმეტეს 5,100 ლარი). დონორი ორგანიზაციიდან მიღებული დაფინანსების შემთხვევაში თანადაფინანსდება 40% (არაუმეტეს 2,900 ლარი).
პროგრამის შესახებ დეტალური ინფორმაცია იხილეთ აქ:
გაიცანით მხატვარი – გურამ დოლენჯაშვილი
გურამ დოლენჯაშვილი 1943 წელს დაიბადა ქალაქ ქუთაისში, დაამთავრა თბილისის სახელმწიფო სამხატვრო აკადემია. საქართველოს დამსახურებული მხატვარია, რუსეთის სამხატვრო აკადემიის საპატიო აკადემიკოსი, მრავალი საერთაშორისო კონკურსის ლაურეატი. 90-იანი წლებიდან ცხოვრობდა რუსეთში, ამჟამად ცხოვრობს საქართველოში.
დოლენჯაშვილის ნამუშევრები იყო გამოფენილი სხვადასხვა ქვეყნებში: ავსტრალიაში, ავსტრიაში, ინგლისში, არგენტინაში, ბელგიაში, ბულგარეთში, უნგრეთში, ვიეტნამში, გერმანიაში, ინდოეთში, ერაყში, კვიპროსში, კუბაში, მექსიკაში, მონღოლეთში, ნიდერლანდებში, ნიკარაგუაში, პოლონეთში, რუმინეთში, აშშ-ში, გერმანიაში, საფრანგეთში, ჩეხოსლოვაკიაში, შვედეთში, შვეიცარიაში, იუგოსლავიასა და იაპონიაში.
მისი ნამუშევრები ასევე ინახება ტრეტიაკოვის გალერეაში, პუშკინის სახელობის მუზეუმში და მსოფლიოს მრავალ მუზეუმში.
88 წლის თელაველი მხატვარი ელენე ლუხუტაშვილი.
15 წლის ასაკში ელენემ მუშაობა დაიწყო ფაბრიკაში მხატვარ-გამფორმებლად.
დაიწყო ელენემ ნახატების შექმნა, საღებავის და ფანქრის არქონის გამო ხატვის განსხვავებულ ხერხს მიმართა და ამისათვის ჭურჭლის ნამტვრევებს, კანფეტის ფერად ქაღალდებს და კენჭებს იყენებდა და დღესაც ასე აგრძელებს.
ამბობს, რომ სიბერეს ვერ გრძნობს და არ სჯერა, რომ 88 წლის არის. უყვარს ადამიანები და მისი სურვილია თელავის ცენტრში დაიდგას ქანდაკება „ოცნების კოშკი” სადაც ახალგაზრდა შეყვარებულები მივლენ და დაისვენებენ.
ელენე თვლის, რომ თუ ადამიანი ხელოვანია, მისი შემოქმედება, როგორც თავად ამბობს ლეიბის ქვეშ არ უნდა დამალოს და ის საზოგადოებამ უნდა გაიცნოს.
88 წლის თელაველ ელენე ლუხუტაშვილის ნახატები ეროვნულ გალერეაში გამოიფინა. მხატვრის ტექნიკა რადიკალურად განსხვავებული და შრომატევადია. მასში არც საღებავები და არც ფანქრებია გამოყენებული.
ის შექმნილია ჭურჭლის ნამტვრევებით, ზღვის კენჭებით და კანფეტის ფერადი ქაღალდებით. ელენე ლუხუტაშვილმა ხატვის ამ მეთოდს საღებავების და ფანქრების არქონის გამო მიმართა.
15 წლიდან მუშაობდა და თითოეულ ქმნილებაში დიდ სიყვარულს დებდა. ელენე ლუხუტაშვილი აუდიტორიამ გადაცემა „2030″-ის მეშვეობით გაიცნო და დიდი სიყვარულიც დაიმსახურა.
მრავალწლიანი ლოდინის შემდეგ მისი ოცნება ახდა და ეროვნულ გალერეაში პერსონალური გამოფენა გაიმართა, რომელიც ნიუ-იორკში მცხოვრებმა ქართველმა ემიგრანტმა, ცისნამი საყვარლიშვილმა უზრუნველყო.
რეაბილიტაციის პროექტის მიხედვით, პარკის გეგმარება რჩება უცვლელი და განახლდება მხოლოდ არსებული ინფრასტრუქტურა, სადაც გამოყენებული იქნება მიმდებარე ტერიტორიისთვის დამახასიათებელი არქიტექტურული ელემენტები. პროექტის ფარგლებში, მოეწყობა სარწყავი და სადრენაჟე სისტემები, ასევე დენდროლოგიური პროექტის შესაბამისად, ტერიტორიას დაემატება ახალი ხე-მცენარეები, – ამის შესახებ ინფორმაციას ქუთაისის მერია ავრცელებს.
მათივე ინფორმაციით, დამონტაჟდება ენერგოეფექტური განათების ბოძები, განახლდება არსებული შადრევნები, მოპირკეთდება საფეხმავლო ბილიკები. ასევე, დაგეგმილია არსებული საზოგადოებრივი საპირფარეშოს რეაბილიტაცია და მედიათეკის განთავსება, რომელიც მოაზრებული იქნება ერთიან საპროექტო კონტექსტში, ერთმანეთისგან დამოუკიდებელი შესასვლელებით. პარკის ცენტრალურ ნაწილში დაგეგმილია „გვირილობის მოედნის“ და პარკის ქვედა ნაწილში ახალი რეკრეაციული სივრცის ,,ვარდების ხეივნის“ მოეწყობა.
პარკის ტერიტორიაზე უკვე დასრულებულია არსებული უნიკალური ჯიშის ხე-მცენარეების შესწავლა, აღნუსხვა და სრული ტაქსაცია. ცენტრალური პარკის რეაბილიტაციას საქართველოს მთავრობა 14.9 მილიონი ლარით აფინანსებს. პარკი 1821 წელს გაშენდა და ის გასული საუკუნის დასაწყისში არა მარტო სასეირნო, არამედ საზოგადო მოღვაწეების თავშეყრის ადგილიც იყო.
პროექტის დეტალებს ადგილზე ქუთაისის მერი იოსებ ხახალეიშვილი, იმერეთის გუბერნატორი ზვიად შალამბერიძე და მუნიციპალური განვითარების ფონდის აღმასრულებელი დირექტორი დავით ტაბიძე არქიტექტორებთან, ინჟინრებთან, დენდროლოგებთან და სამშენებლო კომპანიის წარმომადგენლებთან ერთად გაეცნენ.
რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის მიერ ქალაქ ქუთაისში უკვე განახლდა ფალიაშვილის ქუჩაზე მდებარე 15 შენობა და დაიწყო ცენტრალური პარკის რეაბილიტაცია.
საქართველოს იუსტიციის სამინისტროს ეროვნულ არქივსა და კინოსტუდია „ქართულ ფილმში“ დაცული კინოდოკუმენტების შესახებ ინფორმაციის მიღება ამიერიდან ონლაინკატალოგიდან იქნება შესაძლებელი.
პროექტის პრეზენტაცია ეროვნული არქივის კინოთეატრში კინო-ფოტო-ფონოდოკუმენტების ცენტრალური არქივის დირექტორმა, გიორგი კაკაბაძემ გამართა. ღონისძიებას კინოინსტიტუციების წარმომადგენლები ესწრებოდნენ.
ვებპროგრამაში შეტანილია ინფორმაცია მხატვრული, დოკუმენტური, ანიმაციური ფილმების, კინოჟურნალებისა და ქრონიკალური კადრების შესახებ. მასში ინფორმაციის მოძიება შესაძლებელია რეჟისორის, ოპერატორის, მსახიობების, გადაღების წლის, თემის და სხვა მახასიათებლების მიხედვით. კინოკატალოგში ამ დროისათვის შეტანილია ინფორმაცია 500-ზე მეტი ფილმის შესახებ.
ვებპროგრამა ხელმისაწვდომია ბმულზე.
ინფორმაციას ეროვნული არქივის პრესსამსახური ავრცელებს.
© SheniEkimi.ge
