სტაფილოკოკურ ინფექციებს იწვევს სტაფილოკოკის ბაქტერიები, რომლებიც ხშირად გვხვდება ჯანმრთელი ადმაიანების კანზე ან ცხვირში. უმეტეს შემთხვევაში ეს ბაქტერიები არ იწვევენ პრობლემებს ან იწვევენ მსუბუქ კანის ინფექციას.
სტაფილოკოკური ინფექცია შეიძლება სიცოცხლისთვის საშიში გახდეს, თუ ბაქტერია მოხვდება სისხლში, სახსრებში, ძვლებში, ფილტვებში ან გულში. დღესდღეისობით ბევრ სხვა მხრივ ჯანმრთელ ადამიანს უვითარდება სიცოცხლისთვის საშიში სტაფილოკოკური ინფექციები.
სტაფილოკოკის დადგენისთვის საჭიროა ნიმუშია აღება.
სიმპტომები
სტაფილოკოკით ინფექცია ვლინდება სხვადასხვა სიმპტომებით, რომლებიც დაზიანებული უბნის ლოკალიზაციაზეა დამოკიდებული. ინფექციის საერთო სიმპტომები:
- სხეულის ტემპერატურის მომატება;
- ჰიპერემია;
- ფოლიკულიტი, აკნე, კარბუნკულოზი, ეგზემა;
- შეშუპება;
- რინიტი, სინუსიტი;
- ქოლეცისტიტი;
- ოსტეომიელიტი
- ტოქსიკური შოკის სინდრომი;
- გულისრევა და ღებინება;
- ხველა ჩირქოვანი ყვითელი-მწვანე გამონადენით;
- მადის დაკარგვა;
- ჩირქოვანი დაფა ნაზოფარინქსში და ნუშისებრი ჯირკვლების გადიდება.
სტაფილოკოკური ინფექციით კანის დაზიანება იყოფა რამდენიმე გამოხატულ დაავადებად, რომლებიც ხასიათდება საკუთარი სიმპტომებით:
- ფლეგმონა: კანის სწრაფად გავრცელებული ჩირქოვანი დაზიანება, რომლის დროსაც დაზიანებული ადგილი ხდება შეშუპებული და ჰიპერემიული, ტემპერატურა იმატებს, უგულებელყოფილი ფორმა იწვევს ქსოვილის ნეკროზს.
- პიოდერმია: ეპიდერმისის ზედა ფენების ინფექცია გამოიხატება ბუშტების სახით ჩირქით, იმატებს სხეულის ტემპერატურა.
- პანარიტიუმი: დაზიანებული კანი ფრჩხილის ირგვლივ წითლდება, ჩნდება ტკივილი და ტემპერატურა.
- ფურუნკულოზი: იწყება მცირე სიწითლით, რომლის დროსაც უჯრედები თანდათან იღუპება ცენტრალურ ნაწილში, სადაც ჩირქი იწყება.
- სტაფილოკოკური სეფსისი: ინფექცია შედის სისხლძარღვში და ვრცელდება მთელ სხეულზე, რაც ახასიათებს აბსცესების ფართო ფორმირებას.
სტაფილოკოკის ბაქტერიამ შესაძლოა გამოიწვიოს:
- ფურუნკული (იგივე ძირმაგარა);
- იმპეტიგო;
- ცელულიტი;
- სტაფილოკოკური დათუთქული კანის სინდრომი.
ინფექცია გადადის ადამიანიდან ადამიანზე.
ოქროსფერი სტაფილოკოკის სიმპტომები
დააავადებების სიმპტომატიკა, რომლებიც გამოწვეულია ოქროსფერი სტაფილოკოკით, განსხვავებულია და დამოკიდებულია ინფექციის წყაროს ლოკალიზაციიაზე, დაავადებული ადამიანის თანმხლები დაავადებების არსებობა- არარსებობაზე, მისი იმუნიტეტის მდგომარეობასა და გარე ფაქტორების ზემოქმედებაზე.
ოქროსფერი სტაფილოკოკით კანის საფარის ინფიცირებისას კანზე ჩნდება იმპეტიგო, ჩირქოვანი გამონაყარი, ფლეგმონები, ფურუნკულები, კარბუნკულები ან აბსცესები.
თუ სტაფილოკოკური ინფექცია ხვდება ცხვირის ან ყელის ლორწოვანის ეპითელიუმზე, ის ახდენს ანგინის, ოტიტის, სინუსიტის და სხვა ყელ-ყურ-ცხვირისა და ზედა სასუნთქი გზების ანთებით პათოლოგიების პროვოცირებას.
ოქროსფერი სტაფილოკოკით ფილტვის დაზიანებისას ვითარდება სტაფილოკოკური პნევმონია, რომელიც ვლინდება ქოშინითა და ტკივილით გულმკერდის არეში, ორგანიზმის გამოხატული ინტოქსიკაციითა და ფილტვის ქსოვილში მრავლობითი ჩირქოვანი წარმონაქმნების ფორმირებით, რომლებიც თანდათან ტრასფორმირდებიან აბსცესებში. აბსცესის გასკდომის შემთხვევაში პლევრის ღრუში ვითარდება პლევრის დაჩირქება (ემპიემა).
თუ ოქროსფერი სტაფილოკოკი ხვდება თავის ტვინის არეში, იგი ძირითადი მიზეზი ხდება მენინგიტის ან ტვინის ვენების თრომბოფლებიტის განვითარებისა.
სტაფილოკოკური ინფექციით ძვლის ინფიცირებისას ვითარდება ოსტეომიელიტი, გულის ინფიცირებისას – ენდოკარდიტი, თირკმელების – პიელონეფრიტი, ნაწლავის – დარღვევები კუჭ-ნაწლავის ტრაქტის მუშაობაში. ოქროსფერი სტაფილოკოკით ადამიანის ორგანიზმის დასნებოვნების ყველაზე მძიმე ფორმაა სეფსისი.
ოქროსფერი სტაფილოკოკის მკურნალობა
პრეპარატები, რომლებიც გამოიყენება ინფექციასთან საბრძოლველად, იყოფა ოთხ ჯგუფად:
- მედიკამენტები, რომლებიც ასტიმულირებენ ორგანიზმის მიერ ანტისხეულების გამომუშავებას და ამით ეხმარებიან ორგანიზმს ბუნებრივი მდგრადობის ჩამოყალიბებაში ოქროსფერი სტაფილოკოკის მიმართ;
- წამლები სტაფილოკოკური ბაქტერიოფაგების საფუძველზე, რომლებიც განკუთვნილია ინფექციის წყაროს განადგურებისათვის ორგანიზმის იმუნური ძალების სტიმულაციის გარეშე;
- ანტისეპტიკები და ანტიბიოტიკები;
- ნივთიერებათა ცვლის დამაჩქარებელი საშუალებები
მკურნალობის სქემის შერჩევა მხოლოდ მკურნალი ექიმის კომპეტენციაა!
როგორ გადაეცემა ოქროსფერი სტაფილოკოკი
ყველაზე ხშირად ოქროსფერი სტაფილოკოკი ადამიანის ორგანიზმში ხვდება ჰემოდიალიზის, ინტრავენური კვების, ინფიცირებული სამედიცინო ინსტრუმენტების გამოყენებისას და ფილტვის ვენტილაციის დროს. გარდა ამისა, ინფექციური აგენტები შეიძლება გამრავლდენ სხვადასხვა კვების პროდუქტებზე და ამ გზით მოხვდნენ ორგანიზმში.
მაღალია ოქროსფერი სტაფილოკოკით ინფიცირება ხველებისა და დაცემინების დროს. არც თუ იშვიათია დასნებოვნება დაზიანებული კანის საფარიდან.
ოქროსფერი სტაფილოკოკი ბავშვებში
სტაფილოკოკური ინფექციით ახალშობილის დაინფიცირება ხდება დედის რძიდან და დაზიანებული კანის საფარდან. გარდა ამისა, ორგანიზმის დაინფიცირება შესაძლოა მოხდეს საყოფაცხოვრებო გზით, ჰიგიენური ნორმების უგულველყოფისას.
იმისათვის, რომ დავიცვათ ბავშვი ოქროსფერი სტაფილოკოკით ინფიცირებისაგან, აუცილებელია:
- დავიცვათ ჰიგიენის ნორმები
- რეგულარულად დავამუშავოთ სათამაშოები სადეზინფექციო ხსნარებით
- ჩავატაროთ ღონისძიებები, რომლებიც ამაღლებენ ბავშვის იმუნიტეტს
- დროულად დავამუშავოთ ბავშვის ხელებზე ნაკაწრები ფუკორცინით ან ბრილიანტის მწვანით
ნებისმიერი სიმპტომის აღმოცენების დროს, აუცილებელია ექიმთან კონსულტაცია, მხოლოდ დროული და პროფესიული მკურნალობა დაეხმარება ავადმყოფს აიცილოს დაავადების გამოვლინებები და მისი გართულებები.
მასალის გამოყენების პირობები
