ჩვენ მაქსიმალურად უნდა გავუფრთხილდეთ იმ მემკვიდრეობას, რომელიც ილია ჭავჭავაძემ დაგვიტოვა, ჩვენი თითოეული ნაბიჯი უნდა იყოს გამსჭვალული იმ იდეალებით, რომლებსაც ის ემსახურებოდა, – განაცხადა პრემიერ-მინისტრმა ირაკლი კობახიძემ ყვარელში, „ილიაობა 2024“-თან დაკავშირებით გამართულ ღონისძიებაზე სიტყვით გამოსვლისას.

მთავრობის მეთაურმა აღნიშნა, რომ ილია ჭავჭავაძე მოღვაწეობდა სხვადასხვა სფეროში და ყველგან განსაკუთრებული კვალი დატოვა.

„ილია ჭავჭავაძე იყო სრულიად მრავალმხრივი ნიჭით, გასაოცრად მრავალმხრივი ნიჭით დაჯილდოებული ადამიანი. ის მოღვაწეობდა სხვადასხვა სფეროში, ყველა სფეროში დატოვა განსაკუთრებული კვალი ჩვენს ქვეყანაზე და შეუძლებელია, რომ ასეთი ადამიანი არ იყოს საგანგებოდ მოვლენილი ღმერთისგან ჩვენი ქვეყნისთვის. რა თქმა უნდა, ძალიან მნიშვნელოვანია, რომ 1987 წელს ილია ჭავჭავაძე იქნა წმინდანად შერაცხული და მას ეწოდა წმინდა ილია მართალი. ეს არის საუკეთესო შეფასება იმ მოღვაწეობისა, რომელიც ილია ჭავჭავაძემ განვლო საკუთარი ქვეყნისთვის, საკუთარი სამშობლოსთვის და საკუთარი სამშობლოს სარწმუნოებისთვის. ჩვენ უნდა გავუფრთხილდეთ მაქსიმალურად იმ მემკვიდრეობას, რომელიც დაგვიტოვა ილია ჭავჭავაძემ. თითოეული ჩვენი ნაბიჯი უნდა იყოს გამსჭვალული იმ იდეალებით, რომლებსაც ემსახურებოდა ილია ჭავჭავაძე“, – განაცხადა პრემიერმა.

მანდარინი არა მხოლოდ გემრიელი ციტრუსია, არამედ ძალიან სასარგებლო და გამორჩეული ხილი. ის ჩვენს ორგანიზმს სასიცოცხლო ვიტამინებითა და მინერალებით ავსებს, რომლებიც ხელს უწყობს იმუნიტეტის გაძლიერებასა და დაავადებების პრევენციას. დღევანდელ სტატიაში განვიხილავთ მანდარინის სასარგებლო თვისებებს და იმ მიზეზებს, თუ რატომ უნდა იყოს ის ჩვენი ყოველდღიურ მენიუში. მანდარინი არა მარტო გემრიელი ციტრუსია, არამედ ძალიან სასარგებლოც და არაერთი დაავადების დაძლევაში დაგეხმარებათ. ის, ასევე, კარგი პროფილაქტიკური საშუალებაა.

მანდარინის რბილობი და წვენი მდიდარია ვიტამინებით, ის ზრდის მადას და ხელს უწყობს ნივთიერებათა ცვლას. ცნობილია მისი შეშუპების საწინააღმდეგო მოქმედებაც.

მანდარინი ორგანიზმს წმენდს ლორწოსგან.

თუ ბავშვს ხველა აწუხებს, შეგიძლიათ, დილით ერთი ჭიქა მანდარინის წვენი დაალევინოთ.
ბრონქიტისა და ტრაქეიტის დროს კი მანდარინის ქერქის ნახარში მიეცით. მისი წვენი ორგანიზმიდან ჭიების გამოდევნაშიც დაგეხმარებათ. მაგრამ გახსოვდეთ, რომ თუ ბავშვი ალერგიულია, მაშინ ჯობს, მანდარინს მოარიდოთ.

მანდარინი განსაკუთრებით სასარგებლოა კუჭ-ნაწლავისთვის. ეს ციტრუსი ძალიან დაგეხმარებათ ისეთი დაავადებების დროს, რომელიც მადის დაქვეითებით მიმდინარეობს.

კვლევების შედეგად დადგინდა, რომ ადამიანები, რომლებიც მანდარინს ხშირად მიირთმევენ, უფრო მეტად დაცულები არიან კიბოსგან. ის კარგი საპრევენციო საშუალებაა. მანდარინში არსებული ნივთიერება კაროტინი ამცირებს შაქრის დაავადებების წარმოქმნის რისკს.

მანდარინი ამშვიდებს ნერვულ სისტემას, ეფექტურია, როგორც წნევის დამწევი საშუალება, ასევე აძლიერებს იმუნურ სისტემას. თუ უძილობა გაწუხებთ, ვახშმობის შემდეგ მიიღეთ ორი ცალი მანდარინი და ის ჩაძინებაში დაგეხმარებათ.

მანდარინი ხველის დროს:

სამ სუფრის კოვზ მანდარინის გამხმარ ქერქს დაასხით ორი ჩაის ჭიქა მდუღარე წყალი. ორი საათით გააჩერეთ, შემდეგ გადაწურეთ და დაამატეთ ორი სუფრის კოვზი თაფლი. მიიღეთ შემთბარი, მეოთხედი ჭიქის ოდენობით ოთხჯერ დღეში, ჭამის შემდეგ.

მანდარინის ქერქის ნახარში ამცირებს შაქრის დონეს სისხლში.

მიუხედავად იმისა, რომ მანდარინს უნიკალური სამკურნალო თვისებები აქვს, მისი მიღება არ შეიძლება კუჭისა და თორმეტგოჯა ნაწლავის წყლულის, გასტრიტის, მომატებული მჟავიანობის, კოლიტის, ქოლეცისტიტის, ჰეპატიტის და მწვავე ნეფრიტის დროს.