როგორ მოვუაროთ მარაოსებრ პალმას

მარაოსებრი პალმის მოვლისა­ს გა­სათ­ვა­ლის­­წინებელია სათავსის ტემ­პერატურა, რომე­ლიც 16-18º უნდა შე­ადგენდეს. აუცილებელია ფოთლების რეგულარული ჩამორე­ცხვა, გაზაფხ­ულ-ზაფხულის პერიოდში უხვი რ­წყვა, ზომიერი, მაგრამ რეგულარული მორწყვა ზამთრობით. დაუშვებელია ნიადაგის ბოლომდე გამოშრობა!
ამ სახეობის პალმისათვის დამა­ხა­სი­ათე­ბე­ლია ფოთლების წვერის ხმობა, ამიტომ საჭიროა მხოლოდ ხმელი ნაწილების (და არა მთელი ფოთლის) ჩამოჭრა. უნდა მო­იჭრას ძირში მხო­ლოდ ის ფოთოლი, რომელიც მთლიანად გახმება. ზამთრობით მცენარე დად­გით სინათლეზე – ფანჯარასთან ახლოს, ხოლო ზა­ფხულობით მოარიდეთ მზის ს­ხივებს.
მცენარე დარგეთ აპრილ-მაისში. ნიადაგი ასე შეამზადეთ: ახალგაზრდა მცენარისთვის – კომპოსტი – 1 წილი, მსუბუქი კორდის მიწა – 1 წილი, ნეშომპალა – 1 წილი, ქვიშა – 1 წილი; მოზრდილი მცენარისთვის – მძიმე კორდის მიწა – 1 წილი, ნეშომპალა – 1 წილი, მსუბუქი კორდის მიწა – 1 წილი, ქვიშა – 1 წილი, კომპოსტი – 1 წილი. ახალგაზრდა მცენარეებს ყოველწლიური გადარგვა სჭირდება, საშუალო ასაკისას – 2-3 წელიწადში ერთხელ და მოზრდილებს – 5 წელიწადში ერთხელ. რწყავენ უხვად, თბილი (30º-იანი) წყლით. მორწყვიდან 2 საათის შემდეგ ფსკერში გაჟონილი წყალი აუცილებლად გა­დაღვარეთ. ზამთრობით, როგორც კი კასრში ნიადაგის ზედაპირი გახმება, აუცილებლად მორწყეთ. დეკადაში ერთხელ მორწყეთ წყალში გახსნილი ძროხის ნაკელით. კარგი მოვლის პირობებში მცენარე ყოველწლიურად ივითარებს 3 ახალ ფოთოლს.

გახსოვდეთ

მცენარეების ზრდის შეჩერებისა და საერთო მდგომარეობის გაუარესების მიზეზი უამრავია: ეს შეიძლება იყოს ნიადაგური პირობები, ჰაერისა და ნიადაგის ტენიანობა და ნიადაგში მინერალების შემცველობა.

ტიტას სამი ბოლქვით ნაყიდი სასახლე

წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)

ბზა – მრავლდება: თესლით, რომელიც ძა­­ლი­ან კარგი აღმოცენების უნარით ხასიათდე­ბ­ა, გადაწვენით და, რაც ჩვენს პატივცემულ მკი­თხველს აინტერესებს – კალმების დაფესვიანებით

ბზის დაახლოებით 30 სახეობაა გავრცელებული ხმელთაშუა ზღვის სანაპიროს გასწვრივ, აღმოსავლეთ და სამხრეთ-აღმოსავლეთ აზიისა და ცენტრალური ამერიკის ტ­ყე­ებში; მარადმწვანე ხეები და ბუჩქებია. კავკასიაში იზრდება ორი სახეობა: კოლხეთისა და ჰირკანის.
კოლხეთის ბზა მარადმწვანე ბუჩქი ან ხეა, რომელიც კარგ გარემო პირობებში 15-18მ-მდე სიმაღლესა და დიამეტრში 40-50 სმ-ს აღწევს. ამჟამად ასეთი დიამეტრის ხეები იშვიათია, თუმცა ჩემი თვალით მაქვს ნანახი მარტვილის რაიონის ტყეებში.
ბზის მერქანი ღია მოყვითალო ფერისაა, ძა­­­ლიან მძიმე (წყალში იძირება), ძვალივით მკვრი­ვი; წარმო­ადგენს უძვირფასეს მასალას სა­ხარატო ნაკეთობების, ხეზე ჭრის, გრავირების და ა.შ. საქმეში. ქერქი და ფოთლები გამო­იყე­ნება სამკურნალო და კოსმეტიკური დანიშ­ნულებით. მრავლდება: თესლით, რომელიც ძა­­ლი­ან კარგი აღმოცენების უნარით ხასიათდე­ბ­ა, გადაწვენით და, რაც ჩვენს პატივცემულ მკი­თხველს აინტერესებს – კალმების დაფესვიანებით. ბზის კალმები განსაკუთრებით კარგად ფესვიანდება ქვიშასა და წყალშიც!
რაც შეეხება აღმოსავლეთ საქართველოში მის გამრავლება-გახარებას, შესანიშნავად ხა­რობს ფასანაურის ხეობაში, ზღვის დო­ნიდან 1700 მ სიმაღლეზე, და იძლევა მომწიფებულ თესლს; იტანს 20-25º ყინვას.
აღმოსავლეთ საქართველოში მისი კორომები გვხვდება: საგურამოში, ბულაჩაურთან – ბზი­ან ხევში, ლიახვის ნაკრძალში (მცირე კორომი), ყვარელთან და სხვ. ეს მისი მეორეული გავრცელება წარსულის გადმონაშთია, ან დაკავშირებულია საკულტო ნაგებობებთან.

როგორ მოვუაროთ მარაოსებრ პალმას

წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)