კავკასიური ყველის პოპულარიზაცია
ანა მიქაძე-ჩიკვაიძე – ქართული ყველის ისტორიის მკვლევარი
Madrid Fusión: საქართველოთი განცვიფრებულები დარჩებით
Madrid Fusión საქართველოს შესახებ Facebook გვერდზე მორიგ პოსტებს აქვეყნებს.
„მზად ხართ საქართველოში კულინარიული ტური მოიწყოთ? წელს Madrid Fusión სტუმარ ქვეყანას, საქართველოს და მის სამზარეულოს შეისწავლის. საქართველოთი განცვიფრებულები დარჩებით“.
Madrid Fusión-ის მეორე Facebook-პოსტი მადრიდში მდებარე ქართულ რესტორანს ნუნუკას ეძღვნება.
Madrid Fusión 2024-ზე, 29-31 იანვარს, საქართველო სტუმრის სტატუსით მიიღებს მონაწილეობას. ღონისძიების ფარგლებში საქართველოს ტურიზმის ეროვნული ადმინისტრაციის სტენდთან სტუმრებსა და კულინარიის სფეროს წარმომადგენლებს საშუალება ექნებათ გაეცნონ ქართულ სამზარეულოს, ღვინოსა და ტურისტულ პროდუქტებს.
Madrid Fusión-ზე ქართულ სამზარეულოს ქართველი შეფმზარეული დავით ნარიმანაშვილი და რესტორანი ნუნუკა წარადგენენ.
https://www.facebook.com/story.php?story_fbid=788816716615809&id=100064624636255&mibextid=WC7FNe
https://www.facebook.com/story.php?story_fbid=788762046621276&id=100064624636255&mibextid=WC7FNe
ნამდვილი წალკოტი – მზოვრეთის მონასტერი
ფოტოგრაფმა და ჟურნალისტმა გოგა ჩანადირმა მზოვრეთის მონასტრის შესახებ გამოაქვეყნა პოსტი. მონასტერში ბერებმა ნამდვილი წალკოტი გააშენეს.
“წარმოიდგინეთ, სულ რაღაც 10 წლის წინათ ბევრი არაფერი იყო. შორიდან ციხის დაბალზე შემორჩენილი ნაწილი ჩანდა. დღეს კი შთამბეჭდავად გამოიყურება. ეს მზოვრეთის (მძოვრეთის) ასურელ მამათა სახელზე ნაკურთი მონასტერია. ძეგლის აღდგენა 2009 წელს დაიწყო. მამებმა ძველი წყაროს გზაც იპოვეს, გალავანი მიწისგან მთლიანად გაწმინდეს და აღადგინეს.
ახლა აქ 3 ტაძარია. ბიბლიოთეკაც გააკეთეს და წალკოტიც გააშენეს.
მონასტერს მამა იოანე წინამძღვრობს.
მზოვრეთს დიდი ისტორია აქვს. აქ უწინ ქალაქი იყო. ახლა კი სოფელი ორთუბანია. მდებარეობს ძამას ხეობაში, ყინწვისთან ახლოს.
მზოვრეთი ბოლოს თავადმა ციციშვილმა დაახლოებით 300 წლის წინათ აღადგინა. აქაურობამ ახლა უკვე ახალი სიცოცხლე შეიძინა”, – წერს გოგა ჩანადირი და მისსავე ფოტოებს აქვეყნებს.“
ისტორიაში პირველად – გულის პირველი ნაწილობრივი ტრანსპლანტი, პაციენტი ბავშვის ორგანიზმთან ერთად იზრდება
ოპერაციიდან 1 წლის შემდეგ პაციენტის ორგანიზმში გადანერგილი ქსოვილი მის სხეულთან ერთად იზრდება და ფუნქციას ინარჩუნებს.
„ეს პუბლიკაცია არის იმის დასტური, რომ ეს ტექნოლოგია მუშაობს, ეს იდეა მუშაობს და შეიძლება გამოყენებულ იქნას სხვა ბავშვების დასახმარებლად”, – ამბობს დოქტორი ჯოზეფ ტურეკი, რომელიც ხელმძღვანელობდა პროცედურას.
ოუენ მონრო 18 დღის იყო, როცა დონორის გულის ქსოვილი გადაუნერგეს. დაბადებამდე ბავშვს დაუსვეს დიაგნოზი გულის მანკი, ექიმებმა გამოავლინეს, რომ ბავშვს მხოლოდ ერთი დიდი სისხლძარღვი ჰქონდა, რომლის მეშვეობითაც გულიდან სისხლი გამოედინებოდა, წესით კი ორი მომცრო სადინარი უნდა განვითარებოდა.
პროცედურის შემდეგ, ოუენის გადანერგილი სარქველები ზომით გაიზარდა მის გულთან ერთად და მათი ფუნქცია შესანიშნავი იყო, იტყობინება მისი ექიმები JAMA-ში. მზარდი ბავშვი ხვდება განვითარების ყველა ეტაპს, როგორიცაა სეირნობა, დგომა, გარშემო საგნების ძებნა და ბგერების გამოცემა.
ამ დროს ფილტვებს დიდი ოდენობით სისხლი მიეწოდება, რაც სუნთქვას ართულებს და სხეულის დანარჩენ ნაწილებში სისხლის სათანადოდ მიწოდებას აფერხებს. ოუენის სხეულში ან მთლიანი გული უნდა გადაენერგათ, რაც პრობლემური იქნებოდა, ან სარქველი, რომელიც ხშირად უნდა შეცვლილიყო. სპეციალისტებმა მესამე გზა აირჩიეს, რომელიც მანამდე მხოლოდ ღორებზე იყო ნაცადი.
მათ პაციენტის ორგანიზმში დაღუპული ჩვილის სარქვლებისა და არტერიების ტრანსპლანტაცია გადაწყვიტეს, ამის განხორციელებას კი 8 საათი დასჭირდა. ბიჭი საავადმყოფოდან 30 დღეში გაწერეს და იმუნიტეტის დამთრგუნველი მედიკამენტების შედარებით მცირე დოზა დაუნიშნეს.
#datashvil #drpkhakadze #sheniganatleba #sheniambebi #sheniekimi
„დაუშვებელია ახალი ინფრასტრუქტურის მოწყობა და არსებული შენობების ფუნქციონირება“
შოვში, სტიქიის გავრცელების არეალში ახალი ინფრასტრუქტურის მოწყობა და არსებული შენობების ფუნქციონირება დაუშვებელია – ასეთია გარემოს ეროვნული სააგენტოს რეკომენდაცია, რომელიც სამინისტროს მიერ დღეს გამოქვეყნებული გასული წლის აგვისტოში, შოვში მომხდარი სტიქიის შეფასების ანგარიშშია აღნიშნული.
„უკანასკნელ წლებში კლიმატის ცვლილებით გამოწვეული გლაციალური და გეოდინამიკური კასკადური მოვლენების სიხშირისა და ინტენსივობის ზრდის გამო, კავკასიონის სამხრეთი ფერდის ზონაში არსებულ ტერიტორიებზე ნარჩუნდება სხვადასხვა მასშტაბის ბუნებრივი საფრთხეები. შესაბამისად, არსებული საშიშროების ხარისხის შეფასების მიზნით საჭიროა გაგრძელდეს კომპლექსური კვლევები. მდ. ბუბისწყლის ხეობაში სტიქიის გავრცელების არეალში (26 ჰა) დაუშვებელია რაიმე სახის ახალი ინფრასტრუქტურის მოწყობა და არსებული შენობა-ნაგებობების ფუნქციონირება“, – წერია დოკუმენტში.
გარდა ამისა, გარემოს ეროვნული სააგენტოს შეფასების დოკუმენტის მიხედვით, რეკომენდებული არ არის მდინარე ბუბისწყლის ხეობაში ღვარცოფების ფორმირებისა და ტრანზიტის ზონის არეალში რაიმე სახის კაპიტალური დამცავი ღონისძიებების გატარება.
ამასთან, მდ. ბუბისწყლის ხეობაში და კურორტ შოვის სტიქიის გავრცელების არეალისათვის უნდა შემუშავდეს გადაადგილების წესები და მოეწყოს შესაბამისი გამაფრთხილებელი ნიშნები, ხოლო იმისათვის, რომ მაქსიმალურად იქნეს თავიდან აცილებული მყინვარული ხეობებიდან მომდინარე საფრთხის შედეგად შესაძლო ადამიანთა მსხვერპლი და მინიმუმამდე იქნეს დაყვანილი ეკონომიკური ზარალი, საჭიროა საქართველოს ტერიტორიაზე მყინვარული ხეობების ქვემო წელში არსებული დასახლებული პუნქტების და ინფრასტრუქტურის საფრთხეების/რისკების შეფასება (რისკების ზონირება), რისკის ზონაში არსებული დასახლებული პუნქტების იდენტიფიცირება და შესაბამისი პირველადი რეკომენდაციების მომზადება.
„ზოგადად მსგავსი ტიპის ხეობებში, ტექნიკურად, კაპიტალური დამცავი ღონისძიებების გატარება ანალოგიური მასშტაბის პროცესებზე პრაქტიკულად შეუძლებელია. ამ დროისთვის საუკეთესო და ყველაზე ეფექტურ გზას, ადამიანთა და ინფრასტრუქტურის დასაცავად, ტერიტორიის სივრცითი დაგეგმარება წარმოადგენს“, – წერია გარემოს ეროვნული სააგენტოს მიერ მომზადებულ დოკუმენტში.
შოვში, სტიქია 2023 წლის 3 აგვისტოს მოხდა. მდინარე ბუბისწყლის ხეობაში განვითარებულმა სტიქიამ კურორტზე 26 ჰა ფართობზე არსებული საცხოვრებელი სახლების, ინფრასტრუქტურის განადგურება გამოიწვია. ბოლო მონაცემებით, დაღუპულია 32 და დაკარგულად ითვლება 1 ადამიანი.
თემურ არძენაძე, მეჭიბონე სოფელ დანდალოდან – 40 წელია ჭიბონს ამზადებს
„ჭიბონმა შეიძლება, დაგკარგოს ისეთი რამ არის და ამ ხელობას ვეღარ მოშორდები”
| თემურ არძენაძე, მეჭიბონე სოფელ დანდალოდან
აჭარაში ამბობენ, რომ ეს ინსტრუმენტი საუკუნეების წინ მწყემსებმა მოიგონეს.
თემურ არძენაძე, რომელიც 40 წელია ჭიბონს ამზადებს, ამტკიცებს, რომ პირველი ჭიბონი სწორედ მის მშობლიურ ქედაშია გაკეთებული,
ეპოქის ფრაგმენტები | პირველი არხის არქივი
„საქართველოში ამინდი ისევ არასტაბილური იქნება“ – მეტეოროლოგის გაფრთხილება
მეტეოროლოგ კობა ფარტენაძის ინფორმაციით, საქართველოში მიმდინარე კვირის განმავლობაში მაღალი ტემპერატურა შენარჩუნდება, თუმცა ამინდი კვლავ არასტაბილური იქნება.
მისი განმარტებით, ქვეყნის უმეტეს ნაწილში მოსალოდნელია ღრუბლიანი ამინდი, ხოლო ცალკეულ რაიონებში დღის მეორე ნახევარში შესაძლოა ხანმოკლე წვიმა და ელჭექი აღინიშნოს.
მეტეოროლოგი აღნიშნავს, რომ მიუხედავად სიცხისა, ჯერჯერობით სტაბილურად მზიანი დღეები არ არის მოსალოდნელი. შესაბამისად, სხვადასხვა რეგიონში ამინდი პერიოდულად შეიცვლება და მზიან ინტერვალებს ღრუბლიანობა და ადგილობრივი ნალექი ჩაანაცვლებს.
„მაღალი ტემპერატურის ფონზე, საქართველოში მიმდინარე კვირაშიც უმეტესად ღრუბლიანი ამინდია მოსალოდნელი და ზოგან კვლავ ხანმოკლე წვიმა, ელჭექით.ჯერჯერობით სტაბილურად მზიანი დღეები არ იქნება“,- წერს კობა ფარტენაძე.