პური, ქადა, ტრადიციული თათარბერაგი.
ისტორიული მესხეთი და განსაკუთრებული მოფრთხილების შედეგად გადარჩენილი მესხური სამზარეულო.
მესხური გემო საუკუნეების განმნავლობაში შენარჩუნდა. გემო პურის, ქადის, ტრადიციული თათარბერაგის…
ისტორიული მესხეთი და განსაკუთრებული მოფრთხილების შედეგად გადარჩენილი მესხური სამზარეულო
ფანქრის ჯადოქარი – მხატვარ გურამ დოლენჯაშვილის შავ-თეთრი, განსაკუთრებული სამყარო
ფანქრის ჯადოქარი, რომლის ნახატების დასათვალიერებლად გამადიდებელი შუშა დაგჭირდებათ…
გაიცანით მხატვარი – გურამ დოლენჯაშვილი
გურამ დოლენჯაშვილი 1943 წელს დაიბადა ქალაქ ქუთაისში, დაამთავრა თბილისის სახელმწიფო სამხატვრო აკადემია. საქართველოს დამსახურებული მხატვარია, რუსეთის სამხატვრო აკადემიის საპატიო აკადემიკოსი, მრავალი საერთაშორისო კონკურსის ლაურეატი. 90-იანი წლებიდან ცხოვრობდა რუსეთში, ამჟამად ცხოვრობს საქართველოში.
დოლენჯაშვილის ნამუშევრები იყო გამოფენილი სხვადასხვა ქვეყნებში: ავსტრალიაში, ავსტრიაში, ინგლისში, არგენტინაში, ბელგიაში, ბულგარეთში, უნგრეთში, ვიეტნამში, გერმანიაში, ინდოეთში, ერაყში, კვიპროსში, კუბაში, მექსიკაში, მონღოლეთში, ნიდერლანდებში, ნიკარაგუაში, პოლონეთში, რუმინეთში, აშშ-ში, გერმანიაში, საფრანგეთში, ჩეხოსლოვაკიაში, შვედეთში, შვეიცარიაში, იუგოსლავიასა და იაპონიაში.
მისი ნამუშევრები ასევე ინახება ტრეტიაკოვის გალერეაში, პუშკინის სახელობის მუზეუმში და მსოფლიოს მრავალ მუზეუმში.
ქართული მინერალური წყლები: სხვადასხვა დაავადების სამკურნალოდ
საქართველოში 730-ზე მეტი სახეობის მინერალური წყალი მოიპოვება, რომლებიც ბალნეოლოგიური მიზნით და სამრეწველო ჩამოსხმისთვის გამოიყენება.
მინერალური წყლების ყველაზე პოპულარულ სახეობებზე გიამბობთ.
თერმული და მინერალური წყლების უნიკალური თვისებები ძველი დროიდან არის ცნობილი — ადგილობრივი მცხოვრებნი მათ სხვადასხვა დაავადების სამკურნალოდ იყენებდნენ.
მრავალი თერმული და მინერალური წყაროს ბაზაზე საკურორტო ზონებია გახსნილი. სანატორიული მკურნალობა საქართველოში, სადაც რბილი კლიმატია, სუფთა ჰაერი, თერმული წყაროები და სამკურნალო ტალახი — ევროპის კურორტებზე ძვირადღირებული დასვენების შესანიშნავი ალტერნატივაა.
Madrid Fusión: სტუმარმასპინძლობა საქართველოში მთავარი კერძია
მსოფლიოში ყველაზე გავლენიანი გასტრო კონგრესის გამართვამდე რამდენიმე დღით ადრე Madrid Fusión-ის Facebook გვერდი საქართველოს შესახებ მორიგ პოსტს აქვეყნებს.
„საქართველო Madrid Fusion-ის სტუმარი ქვეყანაა. ეს არის ტრადიციისა და შემოქმედების შერწყმა, საქართველო არის ქვეყანა, სადაც სტუმარმასპინძლობა მთავარი კერძია“.
MADRIDFUSIÓN
Georgia Georgia Travel país invitado Madrid Fusion. ¡Una fusión de tradición y creatividad! 🍷🌍
——–
Georgia, guest country at Madrid Fusion. A fusion of tradition and creativity! 🍷🌍
საქართველო Madrid Fusión 2024-ზე, 29-31 იანვარს, სტუმრის სტატუსით წარდგება.
საერთაშორისო კონგრესზე, საქართველოს ტურიზმის ეროვნული ადმინისტრაციის სტენდთან სტუმრებსა და კულინარიის სფეროს წარმომადგენლებს საშუალება ექნებათ გაეცნონ ქართულ სამზარეულოს, ღვინოსა და ტურისტულ პროდუქტებს.
სტუმრის სტატუსის ფარგლებში საქართველოს ტურიზმის ეროვნულ ადმინისტრაციას დამატებით თემატური სცენები დაეთმობა, რომლის ფარგლებშიც მთავარ სცენაზე ქართული კერძების მასტერკლასები და სამი სახის ღვინის დეგუსტაცია გაიმართება.
Madrid Fusión-ზე ქართულ სამზარეულოს ქართველი შეფმზარეული დავით ნარიმანაშვილი წარადგენს.
კაკლის გაშენება ფერდობზე – დარგეთ ისე, რომ რიგები ერთმანეთისგან თანაბარი მანძილით იყოს დაშორებული
როგორ იმყნობა კაკალი
კაკლის ვეგეტაციური გამრავლების ყველაზე გავრცელებული მეთოდი მყნობაა. მაგრამ ეს მეთოდი არ ვრცელდება ასაკოვან ხეებზე. ამყნობენ წინასწარ ამ მიზნით გამოყვანილ თესლნერგებს. თესლნერგებს ამყნობენ სათბურებში იანვარ-თებერვალში. საძირეებად იყენებენ წვრილნაყოფა კირკიტი კაკლის ძლიერი ჯიშების თესლნერგებს.
მყნობამდე 1,5 თვით ადრე თესლნერგები გადააქვთ 22 სმ სიმაღლისა და 12 სმ დიამეტრის თიხის ქოთნებში. იმისათვის, რომ საძირეს არ განუვითარდეს ღერძული ფესვი, რაც ამ კულტურის დამახასიათებელი თვისებაა, მას წვერს აჭრიან და ფესვთა სისტემა სიგანეში ვითარდება. ხარისხოვანი სანამყენეების მისაღებად, სასურველი ჯიშის ხეებს აახალგაზრდავებენ გადაბელვით, ხოლო შემდეგ არჩევენ საუკეთესო, მსხვილ და თავმომრგვალებულკვირტებიან კალმებს. კალმების გული გაცილებით ნაკლები სიგანის უნდა იყოს, ვიდრე მერქანი. მყნობის საუკეთესო ხერხია ე.წ. ენიანი კალმით მყნობა. საძირისა და სანამყენის დიამეტრი თანაბარი უნდა იყოს, რაც შეხორცების ხარისხს ზრდის.
კაკლის გაშენება ფერდობზე
მიუხედავად იმისა, რომ საქართველო კაკლის სამშობლოდ ითვლება, დღეს სხვა ქვეყნებიდან შემოგვაქვს ნიგოზი და არცთუ ისე იაფად. კაკალი ზღვის დონიდან 500-900მ-ზე თავს კარგად გრძნობს, 14ºჩ-მდე ყინვასაც იტანს, არც მეწლეობა იცის. განსაკუთრებით ხარისხოვან და უხვ მოსავალს კი იმ შემთხვევაში იძლევა, თუ ფერდობიან ადგილებშია გაშენებული, მაგალითად რაჭა-ლეჩხუმში, ადიგენის, დუშეთის, თეთრიწყაროს, თიანეთისა და ახალციხის რაიონებში. ქართველი მეცნიერები გვთავაზობენ ბაღის გაშენების წესს: 15-17º დახრილობის ფერდობი მოიხნას გარდიგარდმო საპლანტაჟე გუთნით. კაკალი დარგეთ ისე, რომ რიგები ერთმანეთისგან თანაბარი მანძილით იყოს დაშორებული. გადახრა არ უნდა აღემატებოდეს 2º-ს. ფერდობი უნდა დაიყოს ტერასებად ბულდოზერით. ნიადაგი უნდა გაფხვიერდეს 50-60 სმ-ის სიღრმეზე. ნარგავებს უნდა ჰქონდეს კარგი განათება, რისთვისაც ძლიერ მოზარდი ჯიშები დავაშოროთ 10X10მ-ზე, ხოლო სუსტად მოზარდი – 10X8 მ-ზე.
60-70 სმ სიღრმის ორმოები უნდა ამოვიღოთ კაკლის დარგვამდე ორი კვირით ადრე და შევიტანოთ 1-1,5 კგ სუპერფოსფატი, ზემოდან დავაყაროთ ფხვიერი მიწა. ფესვებზე მისაყრელ მიწას კი უნდა დაემატოს 8-10 კგ გადამწვარი ნაკელი. კაკლის ჩარგვის შემდეგ მიწა უნდა დაიტკეპნოს და ნარგავს გაუკეთდეს სარწყავი ჯამი. ნერგი დარგვისთანავე კარგად უნდა მოირწყოს (2 ვედრო წყალი მაინც სჭირდება), ხოლო ზემოდან ფხვიერი მიწა მოეყაროს.
რა მოსწონს და რას ვერ იტანს კაკალი
წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)
გიორგი მელუას დაფნის გადამამუშავებელი საწარმო მშობლიურ ქალაქში
2018 წელს ლანჩხუთის მკვიდრ გიორგი მელუას დაფნის გადამამუშავებელი საწარმოს შექმნა მშობლიურ ქალაქში შემთხვევით არ გადაწყვიტა. ეს ახალგაზრდა მეწარმეს ბაზარმა თავად უკარნახა.
ფინანსური გამოწვევები მან სახელმწიფო პროგრამების დახმარებით დაძლია: ჯერ “აპმას” კონსკურსში გაიმარჯვა და მიღებული თანხა საწარმოს მშენებლობას მოახმარა. მოგვიანებით, “შეღავათიანი აგროკრედიტითაც” ისარგებლა. ამ სასესხო თანხის 15 პროცენტი კი, “ქეშბექის” სახით, EBRD-ის დაფინანსებით, დაუბრუნდა.
ტექნიკურ გადაიარაღებასა და ჰასპის სტანდარტის დანერგვაში გიორგი მელუას USAID დაეხმარა.
პროექტის ფარგლებში – „ინკლუზიური სოფლის განვითარება და მდგრადი სოფლის მეურნეობა“, რომელსაც FAO გარემოს დაცვისა და სოფლის მეურნეობის სამინისტროსა და რეგიონული განვითარების სამინისტროსთან ერთად, ავსტრიის განვითარების თანამშრომლობის დაფინანსებით ახორციელებს, სამუშაო შეხვედრა გაიმართა კასპის მუნიციპალიტეტში მცხოვრებ ახალგაზრდებთან მათი შესაძლებლობების გაძლიერების მიზნით
პროექტის ფარგლებში – „ინკლუზიური სოფლის განვითარება და მდგრადი სოფლის მეურნეობა“, რომელსაც FAO გარემოს დაცვისა და სოფლის მეურნეობის სამინისტროსა და რეგიონული განვითარების სამინისტროსთან ერთად, ავსტრიის განვითარების თანამშრომლობის დაფინანსებით ახორციელებს, 4 ივნისს სამუშაო შეხვედრა გაიმართა კასპის მუნიციპალიტეტში მცხოვრებ ახალგაზრდებთან მათი შესაძლებლობების გაძლიერების მიზნით.
შეხვედრის მონაწილეები:
∗ გაეცნენ პროექტის მიზნებსა და სამომავლო გეგმებს;
∗ შეიტყვეს მათ მუნიციპალიტეტში არსებული სხვადასხვა საგანმანათლებლო ∗ ინიციატივისა და შესაძლებლობის შესახებ;
∗ იმსჯელეს მუნიციპალიტეტში ახალგაზრდების გამოწვევების შესახებ;
∗ ჯგუფური სამუშაოს შედეგად შეიმუშავეს მათი საჭიროებების შესახებ ცნობიერების ამაღლების გზები და
∗ მოისმინეს წარმატებული მეწარმე ახალგაზრდების გამოცდილება.
მსგავსი შეხვედრა პროექტის ფარგლებში მარტვილის მუნიციპალიტეტში მცხოვრებ ახალგაზრდებთანაც იგეგმება, მათი საჭიროებების უკეთ გაცნობისა და ჩართულობის გაზრდის მიზნით. ეს აქტივობები ემსახურება პროექტის უფრო ფართო მიზანს: სოფლის მეურნეობის სექტორის კონკურენტუნარიანობის გაზრდას, სურსათის წარმოების გაძლიერებას და სოფლად სიღარიბის შემცირებას, განსაკუთრებული აქცენტით უთანასწორობის შემცირებაზე.
—
Within the framework of the project – “Inclusive Rural Development and Sustainable Agriculture”, implemented by FAO together with the Ministry of Environmental Protection and Agriculture and the Ministry of Regional Development of Georgia, with the funding of the Austrian Development Cooperation, a workshop was held on June 4 with the aim to strengthen the capacities of young people living in Kaspi Municipality.
The participants of the meeting:∗ got acquainted with the project’s goals and plans;
∗ learned about various educational initiatives and opportunities in their municipality;
∗ discussed the challenges of youth in the municipality;
∗ as a result of group work, developed ways to raise awareness of their needs and
∗ heard the experiences of successful young entrepreneurs.
A similar meeting is also planned with young people living in Martvili Municipality within the framework of the project, in order to better understand their needs and increase their involvement. These activities serve the broader project objective: to increase the competitiveness of the agricultural sector, strengthen food production, and lower poverty in rural areas, with a particular focus on reducing inequality.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
შენი ექიმი – ცოდნა ჯანმრთელობისთვის.
21 მარტი დაუნის სინდრომის მსოფლიო დღე – როდესაც ვესაუბრებით დაუნის სინდრომის მქონე ადამიანს, ან მის ახლობელს, მოვიხსენიოთ იგი სახელით და არა დაუნის სინდრომის მქონე პირად
21 მარტს ყოველწლიურად მილიონობით ადამიანი დაუნის სინდრომის შესახებ ცნობადობის ამაღლების მიზნით ერთიანდება. ამ კამპანიას თბილისის მერის მოადგილე ირაკლი ლექვინაძე, განათლების, სპორტისა და ახალგაზრდულ საქმეთა საქალაქო სამსახურის უფროს გიორგი არეშიძესთან და ბაგა-ბაღების მართვის სააგენტოს ხელმძღვანელ თემურ თორდინავასთან ერთად შეუერთდა.
ბაგა-ბაღების მართვის სააგენტოს ახალი ადმინისტრაციის ერთ-ერთი პირველი ნაბიჯი განსაკუთრებული საჭიროების მქონე ბავშვების ბაგა-ბაღებში მიღების შესაძლებლობაა, რომლებიც გასულ წლებში ვერ რეგისტრირდებოდნენ საჯარო საბავშვო ბაგა-ბაღებში, თუ მათი ასაკი აღემატებოდა 6 წელს. 2014 წლის სექტემბრიდან მშობლის სურვილისა და ექიმის დასკვნა/რეკომენდაციის საფუძელზე უკვე შესაძლებელია საჯარო საბავშვო ბაგა-ბაღებში 6-დან 7 წლამდე ასაკის გსმ (განსაკუთრებული საჭიროების მქონე) ბავშვები ჩაერთონ სააღმზრდელო პროცესში.
ახალი ბაგა-ბაღების მშენებლობის დაგეგმვისას, საპროექტო დოკუმენტაციაში გათვალისწინებულია ინკლუზიური გარემოს შექმნა განსაკუთრებული საჭიროების მქონე ბავშვებისთვის. თბილისის საბავშვო ბაგა-ბაღებში 300-მდე გსმ აღსაზრდელია რეგისტრირებული, მათგან დაუნის სინდრომის მქონე 17 ბავშვია.
ქუთაისის ცენტრალური ბულვარის რეაბილიტაცია დაიწყო
რეაბილიტაციის პროექტის მიხედვით, პარკის გეგმარება რჩება უცვლელი და განახლდება მხოლოდ არსებული ინფრასტრუქტურა, სადაც გამოყენებული იქნება მიმდებარე ტერიტორიისთვის დამახასიათებელი არქიტექტურული ელემენტები. პროექტის ფარგლებში, მოეწყობა სარწყავი და სადრენაჟე სისტემები, ასევე დენდროლოგიური პროექტის შესაბამისად, ტერიტორიას დაემატება ახალი ხე-მცენარეები, – ამის შესახებ ინფორმაციას ქუთაისის მერია ავრცელებს.
მათივე ინფორმაციით, დამონტაჟდება ენერგოეფექტური განათების ბოძები, განახლდება არსებული შადრევნები, მოპირკეთდება საფეხმავლო ბილიკები. ასევე, დაგეგმილია არსებული საზოგადოებრივი საპირფარეშოს რეაბილიტაცია და მედიათეკის განთავსება, რომელიც მოაზრებული იქნება ერთიან საპროექტო კონტექსტში, ერთმანეთისგან დამოუკიდებელი შესასვლელებით. პარკის ცენტრალურ ნაწილში დაგეგმილია „გვირილობის მოედნის“ და პარკის ქვედა ნაწილში ახალი რეკრეაციული სივრცის ,,ვარდების ხეივნის“ მოეწყობა.
პარკის ტერიტორიაზე უკვე დასრულებულია არსებული უნიკალური ჯიშის ხე-მცენარეების შესწავლა, აღნუსხვა და სრული ტაქსაცია. ცენტრალური პარკის რეაბილიტაციას საქართველოს მთავრობა 14.9 მილიონი ლარით აფინანსებს. პარკი 1821 წელს გაშენდა და ის გასული საუკუნის დასაწყისში არა მარტო სასეირნო, არამედ საზოგადო მოღვაწეების თავშეყრის ადგილიც იყო.
პროექტის დეტალებს ადგილზე ქუთაისის მერი იოსებ ხახალეიშვილი, იმერეთის გუბერნატორი ზვიად შალამბერიძე და მუნიციპალური განვითარების ფონდის აღმასრულებელი დირექტორი დავით ტაბიძე არქიტექტორებთან, ინჟინრებთან, დენდროლოგებთან და სამშენებლო კომპანიის წარმომადგენლებთან ერთად გაეცნენ.
რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის მიერ ქალაქ ქუთაისში უკვე განახლდა ფალიაშვილის ქუჩაზე მდებარე 15 შენობა და დაიწყო ცენტრალური პარკის რეაბილიტაცია.