საერთაშორისო აკრედიტაციის ორგანიზაციას „აკრედიტაცია კანადას“ საქართველოში საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე ამბობს, რომ ჰოსპიტალური სექტორი უკვე გადატვირთულია!
„ჰოსპიტალური სექტორი უკვე გადატვირთულია!
პიკი იქნება თებერვლის დასაწყისში!
მდიდრები ისევ იცრებიან, ღარიბები ვერა!“ – წერს გიორგი ფხაკაძე.
#datashvil #drpkhakadze #sheniganatleba #sheniambebi #sheniekimi
ინსპექტირების შედეგად გამოვლინდა, რომ ბიზნესოპერატორი არ არის რეგისტრირებული ეკონომიკურ საქმიანობათა რეესტრში და იმავე მისამართზე ფლობს საწარმოს, რომელიც ფუნქციონირებს სურსათის ეროვნული სააგენტოს მიერ მინიჭებული სავალდებულო აღიარების გარეშე. შედეგად, ობიექტი სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 65-ე მუხლის 1-ლი ნაწილისა და 65-ე მუხლის მე-3 ნაწილის შესაბამისად დაჯარიმდა, არაკრიტიკულ შეუსაბამობებზე გაიცა რეკომენდაციები.
მონიტორინგის ფარგლებში, ობიექტიდან აღებულია სურსათის ნიმუშები, რომლებიც მიკრობიოლოგიური კვლევისათვის აკრედიტებულ ლაბორატორიაში გაიგზავნა.
სურსათის ეროვნული სააგენტო საზოგადოებას დამატებით ინფორმაციას ლაბორატორიული კვლევის შედეგების მიღებისთანავე აცნობებს.
ქართული ქვევრი
უძველესი ქართველური ტომები მევენახეობა-მეღვინეობის ფუძემდებლები იყვნენ. ქვევრი ღვინის ჭურჭლად პირველად ქართველებმა გამოიყენეს.
ჩვენგან განსხვავებით, ევროპელები ღვინოს მუხის კასრებში ინახავენ. თანაც, თუ მუხის კასრი მხოლოდ 40-50 წელი ემსახურება მეღვინეს, ათასწლოვან ქვევრს ისეთივე წარმატებით შეუძლია შეასრულოს თავისი მოვალეობა, როგორც ახალს.
საუკეთესო ღვინის დამზადება ტკბილის დადუღებით იწყება, რაც ტემპერატურული რეჟიმის გარეშე წარმოუდგენელია. ამ რეჟიმს კი ქვევრი თავად ქმნის, თანაც, მარანში 3-4-ჯერ ნაკლებ ადგილს იჭერს, ვიდრე მუხის კასრი. ქვევრი კასრზე ბევრად უკეთესად ინახავს ღვინოს.
საქართველოში არაერთი შემთხვევაა ცნობილი, როცა რამდენიმე საუკუნისწინანდელი ქვევრი უპოვიათ და შიგ კამკამა, საოცარი ღვინო ყოფილა.
ქართველმა სპეციალისტმა გიორგი გაბრიჭიძემ შავნაბადას მონასტრის არქიმანდრიტ შიოს კურთხევით შეაგროვა მასალები საქართველოში ქვევრის წარმოშობისა და დამზადების შესახებ. მან შეიმუშავა ქვევრის დამზადების ჩარხული მეთოდი, ასევე სპეციალური ხუფი, რომლითაც ქვევრი ჰერმეტულად იხურება. მასვე ეკუთვნის აპარატი, რომლის დახმარებითაც შესაძლებელია ქვევრის ძირიდან ლექის ამოღება. ამით, შეიძლება ითქვას, ქართულმა ქვევრმა ახალი სიცოცხლე დაიწყო.
როგორ ინახავდნენ ღვინოს საქართველოში
წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)
როდიდან გახდა ქართული სამზარეულო ჩვენი იდენტობის განმსაზღვრელი…
– ესმა კუნჭულია
საერთაშორისო აკრედიტაციის ორგანიზაციას „აკრედიტაცია კანადას“ საქართველოში საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის, ზურაბ აზარაშვილის განცხადებას ეხმაურება:
„ქვეყანაში ჩვეულებრივი სეზონური გრიპი ტრიალებს, პანიკის საფუძველს ვერ ვხედავთ – კლინიკები გადავსებული არ არის და ამ მხრივ არანაირი საშიშროება არ არსებობს“, – ამის შესახებ ჟურნალისტებს მთავრობის სხდომის დასრულების შემდეგ ჯანდაცვის მინისტრმა, ზურაბ აზარაშვილმა განუცხადა.
#datashvil #drpkhakadze #sheniganatleba #sheniambebi #sheniekimi
გაიცანით ლაზური ნავის ერთადერთი ოსტატი ანაკლიიდან, რომელიც წინაპრების საქმეს არ ივიწყებს და შვილიშვილებსაც ასწავლის.
ბაღის მავნებლებსა და დაავადებებთან ბრძოლის კალენდარი. ხეხილის (ვაშლი და მსხალი) კვირტის გაშლამდე უნდა ჩატარდეს პროფილაქტიკური სამუშაოები: მოსცილდეს და დაიწვას მავნებლების ბუდეები, შემხმარი ნაყოფები, დაზიანებული და გამხმარი ტოტები.
დაზიანებული ადგილების მკურნალობა – თუ შეამჩნევთ მავნებლების მასობრივად გავრცელების ადგილებს, შეწამლეთ ნიტროფენით. შეწამვლა ტარდება, როცა საშუალო დღიური ტემპერატურა +10º-ია. მოზამთრე მავნებლების კვერცხების ტკიპებისა და ბუგრების წინააღმდეგ შეიძლება ოლეოკუპრიტის გამოყენება. თუ ხეხილი ნაკლებად დაავადებულია, იწამლება 2-3 წელიწადში ერთხელ. თუ გასულ წელს ვაშლისა და მსხლის ხეები დაავადებული იყო ქეცით, ჩამოყრილი ფოთლები დაამუშავეთ ნიტროფენით.
არ დაგავიწყდეთ ფრინველებისათვის ბუდეებისა და საკვებურების მოწყობა.
კვირტის გახსნიდან ყვავილობამდე. კვირტის გახსნის დასაწყისში ხის ქვეშ დააფინეთ ცელოფანი, ჩამობერტყეთ გრძელცხვირას ხოჭოები და გაანადგურეთ. პროცედურა ტარდება 2-3-ჯერ, როცა ჰაერის ტემპერატურა 10º-მდეა. თუ გასულ წელს ყვავილჭამიამ დიდი რაოდენობით გაგინადგურათ ვაშლის კოკრები, შეწამლეთ ქვემოჩამოთვლილიდან ერთ-ერთი პრეპარატით: რევიკურტით, პერმეტრინით, კილზარით, კარბოფოსით, ბენზოფოსფატით.
ვაშლისა და მსხლის ქეცის საწინააღმდეგოდ შეგიძლიათ იხმაროთ 3%-იანი ბორდოს ხსნარი, იმ შემთხვევაში, თუ არ გამოგიყენებიათ ნიტროფენი. ყვავილის გამოჩენის ფაზაში ხეხილი იწამლება 1%-იანი ბორდოს ხსნარით (თუ არ ჩამოგირეცხავთ 3%-იანი ხსნარით). მავნებლებთან ბრძოლის მიზნით (ტკიპები, ბუგრები და ა.შ.) ბორდოს ხსნარის შემცვლელ პოლიქრომს ემატება ჩამოთვლილ ნივთიერებათაგან ერთ-ერთი: კარბოფოსი, ბენზოფოსფატი, კილზარი, პერმეტრინი.
მუხლუხების წინააღმდეგ შეიძლება იხმაროთ: ბიტოქსიბაცილინი, ლეპიდოციდი, დენდრობაცილინი.
ყვავილობის დამთავრებისთანავე უნდა მოსცილდეს ვაშლის ჩრჩილის ბუდეები, რომლებშიც თავმოყრილია მუხლუხები. ჩამობერტყეთ წინასწარ დაფენილ ცელოფანზე ვაშლის მხერხავათი დაზიანებული ნაყოფი, შეწამლეთ 1%-იანი ბორდოს ხსნარით ქეცის წინააღმდეგ.
მსხლის ხეები შეწამლეთ გოგირდოვანი პრეპარატით ტკიპების წინააღმდეგ ყვავილობის დამთავრებიდან 15-20 დღის შემდეგ. პირველი დამუშავება ვაშლის (მსხლის) ნაყოფჭამიას წინააღმდეგ: კარბოფოსით, ბენზოფოსფატით, რევიკურტით, პერმეტრინით, კილზარით ან ბიოპრეპარატებით – ბიტოქსიბაცილინით, დენდრობაცილინით ან ლეპიდოციდით.
ზაფხულის განმავლობაში. ყვავილობის დამთავრებიდან 25-30 დღის შემდეგ ტარდება ვაშლის ნაყოფჭამიას წინააღმდეგ მეორე წამლობა. თუ გამოიყენებთ: პერმეტრინს, კარბოფოსს, კილზარს ან რევიკურტს, შეწამლეთ 25 დღის შემდეგ, ხოლო ბენზოფოსფატით – 30 დღის შემდეგ.
ხეების შტამბებს შემოახვიეთ გოფრირებული შესაფუთი ქაღალდი ან ჯვალო, რომელშიც თავს იყრიან ნაყოფჭამიას მუხლუხები; ნახვევები გასინჯეთ ყოველი 7-10 დღის შემდეგ, საღამო ხანს, და მავნებლები დახოცეთ.
ფოთოლცვენის შემდეგ შტამბზე ნახვევი მოხსენით და მწერები გაანადგურეთ. შეაგროვეთ ჩამოცვენილი ფოთოლი და დაწვით. გაფხიკეთ შტამბისა და ტოტების დაზიანებული ნაწილები და შეათეთრეთ კირით: 2კგ კირზე 1კგ მიწა ან ძროხის ახალი ნაკელი – გახსენით 10ლ წყალში და წაუსვით ფუნჯით. დაბარეთ ნაკვეთიც.
ბორდოს ხსნარი. 1%-იანი ბორდოს ხსნარის დასაყენებლად (მაგალითად, 10 ლიტრზე) აწონეთ 100 გ შაბიამანი, ჩაყარეთ კაპრონის წინდაში და ჩაკიდეთ ხის ან მინის 10-12-ლიტრიან ჭურჭელში, დაასხით 5ლ თბილი წყალი (გახსნის პროცესის დასაჩქარებლად). აწონეთ 100 გ კირის ნატეხები, ჩააწყვეთ ტაშტში და დანამეთ, რომ კირი ჩაქრეს, ანუ დაიშალოს, გახსენით 5ლ წყალში და გაამზადეთ `კირის რძე~. შემდეგ შაბიამნიან ჭურჭელში გაფილტრეთ კირის რძე, ჩაასხით წვრილ ნაკადად და განუწყვეტლივ ურიეთ. ასე დაყენებული ხსნარი უნდა გამოიყენოთ იმ დღესვე. თუ შეურევლად გააჩერებთ, 2-3 დღესაც შეგიძლიათ დატოვოთ. შესასხურებელ აპარატში ჩასხმის წინ ხსნარი აუცილებლად უნდა გაიფილტროს. ამისათვის აპარატებს თან მოჰყვება სპეციალური ბადეები; თუ ბადე არ ექნება, გაფილტრეთ კაპრონის წინდაში, თორემ ხსნარი შესხურებისას აპარატის ბუნიკში გაიჭედება.
მცენარეები ერთმანეთს იცავენ… შეიძლება ბევრმა არ იცოდეს, რომ მცენარეები ერთმანეთს იცავენ. ასე, მაგალითად:
მარწყვის ირგვლივ დათესილი ოხრახუში იცავს მას ლოკოკინებისაგან.
ხურტკმელის რიგთაშორისებში დარგული პამიდორი დაიცავს მის ბუჩქებს ისეთი მავნებლებისაგან, როგორიც არის მხერხავა და ალურა. პირშუშხა შეგიძლიათ დარგოთ ყველა იმ მცენარესთან, რომლებსაც კოლორადოს ხოჭო ემტერება.
მოცხარის რიგთაშორისებში დარგული პამიდორი აფრთხობს მხერხავასა და ბუგრებს.
მარწყვის ყოველი მეოთხე ბუჩქის შემდეგ დარგული ერთი ბოლქვი ნიორი იცავს მას სიდამპლისაგან.
მოცხარის ბუჩქებს შორის ხახვსა და ნიორს თუ დარგავთ, კვირტის ტკიპას მოიშორებთ.
მავნებლებთან ბრძოლის ბუნებრივი საშუალებები. მამულ-დედულის პატრონს მცენარეების დასაცავად შეუძლია ებრძოლოს მავნებლებს ბუნებრივი საშუალებების გამოყენებით:
10 ლ წყალზე ვიღებთ 4 კგ ნედლ (ან 1კგ ხმელ) პამიდვრის ნასხლავს, ვაქუცმაცებთ და ნელ ცეცხლზე ვადუღებთ 30 წუთს, ვაგრილებთ და კარგად გამოვწურავთ. შესაწამლად ყოველ 10 ლ წყალში ვხსნით 2-3 ლ ხსნარს, ვამატებთ 40 გ გახეხილ სარეცხის საპონს; კარგად ამოვურევთ საპნის სრულ გახსნამდე და შევასხურებთ. ეფექტიანი საშუალებაა ვაშლის ფოთოლჭამია მწერებისა და ნაყოფჭამია მუხლუხის წინააღმდეგ.
1 კგ ფარსმანდუკის ხმელ მიწისზედა ნაწილს ვაქუცმაცებთ. ვასხამთ მდუღარე წყალს იმდენს, რომ კარგად გაიფუფქოს, ვაჩერებთ 30-40 წუთს, შემდეგ შევავსებთ ნაყენს 10 ლიტრამდე და ვაჩერებთ 48 საათს. ვფილტრავთ და ვასხურებთ. კლავს ყველა ტიპის მწერს.
ბაბუაწვერას მწვანე ფოთლები დააქუცმაცეთ, 400-500 გ დააყენეთ 10 ლ წყალში 2-3 საათის განმავლობაში, გაფილტრეთ და შეასხურეთ აღმონაცენებს.
500 გ მწარე წიწაკას ვაქუცმაცებთ, ვასხამთ 10 ლ ცივ წყალს, ვაყოვნებთ 2 დღე-ღამეს და ვადუღებთ ნელ ცეცხლზე თავდახურულ მომინანქრებულ ჭურჭელში 30 წუთის განმავლობაში. გაცივების შემდეგ ვწურავთ, ვუმატებთ 40 გ სარეცხის საპონს. მიღებულ ნახარშს ვაზავებთ იმავე რაოდენობის წყლით და ვასხურებთ მცენარეებს. გამოიყენება ბოსტნეული კულტურების მავნებელთა წინააღმდეგ.
რითი ებრძოდნენ ჩვენი წინაპრები მცენარეთა დაავადებებს და მავნებლებს
წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)
ბამბუკის კალათებს ბაბუა პატარა შვილიშვილებთან ერთად ქსოვს.
ოთარ პაიკიძე ბამბუკით საყოფაცხოვრებო ნივთებს ქმნის.
ნივთების მოსაწნავად, როგორც ბატონი ოთარი ამბობს, საჭიროა 48 დღის ნაზარდი ბამბუკი. ნედლეული ოსტატს გურიიდან ჩამოაქვს, საჭირო ზომებად ანაწევრებს და გრილ ადგილას ორი დღით აყოვნებს. ასე ბამბუკი დრეკადი ხდება და დასამუშავებლად ადვილია. ბატონი ოთარი ვანის მუნიციპალიტეტში ერთადერთია, ვინც მოწნულ ნივთებს ბამბუკისგან ამზადებს.
მთავრობის სხდომის შემდეგ, გარემოს დაცვისა და სოფლის მეურნეობის მინისტრმა ოთარ შამუგიამ, მედიის წარმომადგენლებთან შეხვედრაზე, გურიის რეგიონში, ჩოხატაურისა და ოზურგეთის მუნიციპალიტეტების ტერიტორიაზე ახალი დაცული ტერიტორიის – გურიის ეროვნული პარკის შექმნის მნიშვნელობაზე გააკეთა კომენტარი.
„დაცული ტერიტორიების განვითარება ჩვენთვის ერთ-ერთი პრიორიტეტული მიმართულებაა. ბოლო 10 წლის განმავლობაში, ორჯერ გავზარდეთ დაცული ტერიტორიების ფართობი; მნიშვნელოვანია, რომ ამ პროცესს ვაგრძელებთ. მიმდინარეობს კვლევები სხვა რეგიონებში დაცული ტერიტორიების შექმნასთან მიმართებაში; აქტიურად ვიმუშავეთ ადგილობრივ მოსახლეობასთან. გვქონდა საჯარო განხილვები ადგილობრივ მუნიციპალიტეტებში. შემუშავებული პროექტის მიხედვით, გურიაში დაარსდება ეროვნული პარკი, დაახლოებით, 15 ათას ჰექტარ ფართობზე. ამ ფართობის დიდი ნაწილი მოიცავს ჩოხატაურის მუნიციპალიტეტს, დაახლოებით 13 ათასი ჰექტარი და დაახლოებით 2 ათასი ჰექტარი – ოზურგეთის მუნიციპალიტეტს“, – განაცხადა ოთარ შამუგიამ.
მინისტრმა აღნიშნა, რომ გურიის ეროვნული პარკის შექმნა, ერთის მხრივ, მნიშვნელოვანია ადგილობრივი ბიომრავალფეროვნების დაცვის კუთხით, ხოლო, მეორე მხრივ, ადგილობრივი მოსახლეობის სოციალურ-ეკონომიკური პირობების გაუმჯობესებისთვის, ეკოტურისტული მიმართულებებით სხვადასხვა საქმიანობაში მოსახლეობის ჩართვის კუთხით.
© SheniEkimi.ge
