ჭურჭლის ნამტვრევებით და ქვებით შექმნილი გენიალური ნახატები.

88 წლის თელაველი მხატვარი ელენე ლუხუტაშვილი.

15 წლის ასაკში ელენემ მუშაობა დაიწყო ფაბრიკაში მხატვარ-გამფორმებლად.

დაიწყო ელენემ ნახატების შექმნა, საღებავის და ფანქრის არქონის გამო ხატვის განსხვავებულ ხერხს მიმართა და ამისათვის ჭურჭლის ნამტვრევებს, კანფეტის ფერად ქაღალდებს და კენჭებს იყენებდა და დღესაც ასე აგრძელებს.

ამბობს, რომ სიბერეს ვერ გრძნობს და არ სჯერა, რომ 88 წლის არის. უყვარს ადამიანები და მისი სურვილია თელავის ცენტრში დაიდგას ქანდაკება „ოცნების კოშკი” სადაც ახალგაზრდა შეყვარებულები მივლენ და დაისვენებენ.

ელენე თვლის, რომ თუ ადამიანი ხელოვანია, მისი შემოქმედება, როგორც თავად ამბობს ლეიბის ქვეშ არ უნდა დამალოს და ის საზოგადოებამ უნდა გაიცნოს.

88 წლის თელაველ ელენე ლუხუტაშვილის ნახატები ეროვნულ გალერეაში გამოიფინა. მხატვრის ტექნიკა რადიკალურად განსხვავებული და შრომატევადია. მასში არც საღებავები და არც ფანქრებია გამოყენებული.

ის შექმნილია ჭურჭლის ნამტვრევებით, ზღვის კენჭებით და კანფეტის ფერადი ქაღალდებით. ელენე ლუხუტაშვილმა ხატვის ამ მეთოდს საღებავების და ფანქრების არქონის გამო მიმართა.

15 წლიდან მუშაობდა და თითოეულ ქმნილებაში დიდ სიყვარულს დებდა.  ელენე ლუხუტაშვილი აუდიტორიამ გადაცემა „2030″-ის მეშვეობით გაიცნო და დიდი სიყვარულიც დაიმსახურა.

მრავალწლიანი ლოდინის შემდეგ მისი ოცნება ახდა და ეროვნულ გალერეაში პერსონალური გამოფენა გაიმართა, რომელიც ნიუ-იორკში მცხოვრებმა ქართველმა ემიგრანტმა, ცისნამი საყვარლიშვილმა უზრუნველყო.

რთველი და რიტუალები

იმერეთში ყურძნის კრეფის შემდეგ ვენახში მამალს დაკლავდნენ. ჯანიან ბავშვს გააგორებდნენ – სამომავლოდ ასე მძიმე მტევნები მოისხასო.
ქართლში რთვლის წინ სალოცავში შესწირავდნენ თხას, ცხვარს ან მამალს. სუფრას ვენახში გაშლიდნენ, ხოლო პირველად აჭრილ აკიდოს ღვთაებას უძღვნიდნენ.
რაჭაში ყურძნის კრეფას მანამ არ დაიწყებ­დნენ, ვიდრე ცვარი არ შეშრებოდა, რადგან ცვრიან ყურძენს წყალი გაჰყვება და ღვინო რბი­ლი გამოვაო.
სამეგრელოში ყურძენს რომ მოკრეფდნენ, ნამდვილი დღესასწაული იმართებოდა. ოჯახის უფროსი ზურგზე ბავშვს მოიკიდებდა და მაღლარ ვაზთან მივიდოდა, ვაზს ფელამუშს წააც­ხებდა და დაილოცებოდა – შენც ასე მოიხარე ყურძნის მტევნებისგან, როგორც მე ვარ მოხრილი ტვირთისგანო.
კახეთში რთვლის შემდეგ ყველაზე მსუქან, მძიმეწონიან ქალს გააგორებენ ხოლმე ვენახში, რომ გაისადაც ბარაქიანი მოსავალი მოიწიონ.

რომელი ჯიშის ვაზი დავრგოთ ზემო რაჭაში

წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)

#datashvil #drpkhakadze #sheniambebi #shenisofeli

#datashvil #drpkhakadze #sheniambebi #shenisofeli

24 მარტს, სასტუმრო ბილტმორ თბილისში  მეწარმეთა ყოველწლიური სიმპოზიუმი გაიმართა. ღონისძიება „საქართველოს ქალ აუდიტორთა და იურისტთა ასოციაციის“ და „საქართველოს ადვოკატები დამოუკიდებელი პროფესიისათვის“ ორგანიზებით ჩატარდა.

ღონისძიების ფარგლებში გაიმართა მეწარმე ქალების ნამუშევრების გამოფენა-გაყიდვა! სიმპოზიუმი გახსნა „საქართველოს ქალ აუდიტორთა და იურისტთა ასოციაციის“ თავმჯდომარე, თეა ადუაშვილმა, რომელსაც მედიაჰოლდინგი 《შენი》 ესაუბრა:

 “4 წელია, რაც ჩვენი ასოციაცია დაფუძნდა და ყოველ წელს მარტის თვეში 100 ქართველი ქალის მხარდასაჭერად ვგეგმავთ სხვადასხვა პროექტებს. დღესაც, ჩვენი თანაორგანიზატორია “საქართველოს იურისტები დამოუკიდებელი პროფესიისთვის” და მათთან ერთად ვაკეთებთ ამ ღონისძიებას მეწარმე ქალების მხარდასაჭერად.

 100 მეწარმე ქალზე გვქონდა გათვლილი, რომლებსაც კონსულტაციებს ვუტარებდით სრულიად უსასყიდლოდ. წელს მათი რაოდენობა უკვე 140-მდე გაიზარდა.

ძალიან მნიშვნელოვანია ჩვენს ქვეყანაში ქალის გაძლიერება და ჩვენი ასოციაციით ყოველთვის ვუჭერთ მხარს ქალების ეკონომიკურად გაძლიერებას.
დიდი მადლობა!”

მედიაჰოლდინგი 《შენი》დგას ქართული წარმოების გვერდით.

განაგრძეთ კითხვა

#datashvil #drpkhakadze #sheniambebi #shenisofeli