ოთხშაბათი, აპრილი 29, 2026
- Advertisement -
Google search engine
მთავარი წაკითხვა გვერდი 102

სოფლად ინტერნეტის მაქსიმალური ხელმისაწვდომობა …

მიერ
SheniSofeli.ge
-
0

ეკონომიკისა და მდგრადი განვითარების სამინისტროს კავშირგაბმულობის, საინფორმაციო და თანამედროვე ტექნოლოგიების დეპარტამენტის უფროსმა ეკა ყუბუსიძემ და და ა(ა)იპ „ოუფენ ნეტის“ დირექტორმა მარიამ სულაბერიძემ საქართველოს სატელეკომუნიკაციო ოპერატორების ასოციაციის (TOA) ორგანიზებით გამართულ შეხვედრაში მიიღეს მონაწილეობა.

თავის გამოსვლაში, ეკა ყუბუსიძემ ყურადღება გაამახვილა საქართველოში ციფრული ტრანსფორმაციის მიმართულებით მიღებულ გადაწყვეტილებებსა და სამომავლო პროექტებზე, აგრეთვე ინიციატივებზე, რომლებიც ხელს შეუწყობს საქართველოს ევროკავშირის ციფრულ ბაზართან ინტეგრაციას.

„ქვეყანაში ციფრული უთანასწორობის აღმოფხვრა და ციფრული ტრანსფორმაცია საქართველოს ერთ-ერთი მთავარი პრიორიტეტია. ჩვენ მივესალმებით ყველა ინიციატივას, რომელიც მიმართულია ამ გამოწვევის დასაძლევად. ეკონომიკის სამინისტრო წარმატებით ახორციელებს მთელ რიგ პროგრამებსა და პროექტებს, რომელთა მიზანია სოფლად ინტერნეტის მაქსიმალური ხელმისაწვდომობა და მოსახლეობის მაქსიმალური ჩართულობა ციფრულ ეკოსისტემაში“, – აღნიშნა სამინისტროს კავშირგაბმულობის, საინფორმაციო და თანამედროვე ტექნოლოგიების დეპარტამენტის უფროსმა.

შეხვედრის ფარგლებში, საქართველოს ეკონომიკისა და მდგრადი განვითარების სამინისტროსა და ა(ა)იპ „ოუფენ ნეტის“ წარმომადგენლებმა სატელეკომუნიკაციო კომპანიებს მიაწოდეს ინფორმაცია სახელმწიფო ინტერნეტიზაციის პროექტის ფარგლებში აშენებული ოპტიკურ-ბოჭკოვანი ინფრასტრუქტურის, პროექტის მიმდინარეობისა და მისი განვითარების სამომავლო გეგმების შესახებ. განხილული იქნა კომპანიების წინაშე მდგარი გამოწვევები და სფეროში არსებული სხვადასხვა აქტუალური საკითხები.

აღსანიშნავია, რომ ღონისძიების ფარგლებში გაიმართა პრეზენტაცია ევროკავშირისა (EU) და პოლონეთის რესპუბლიკის საგარეო საქმეთა სამინისტროს განვითარების თანამშრომლობის პროგრამის მიერ დაფინანსებული პროექტის – „სოფლის გაძლიერება ციფრული ჩართულობის გზით (REDI), რომელიც მიზნად ისახავს საქართველოს სოფლებსა და ქალაქებს შორის ციფრული განვითარების კუთხით არსებული უთანასწორობის დაძლევის ხელშეწყობას, საკომუნიკაციო ინფრასტრუქტურის გაძლიერებისა და ციფრული წიგნიერების ამაღლების გზით. პროექტის განმახორციელებელი პარტნიორები არიან, პოლონეთის სოლიდარობის ფონდი (SFPL) და ესტონეთის e-Governance Academy (eGA). შეხვედრაზე გაიმართა პროექტის უახლოესი გეგმების, საპილოტე აქტივობებისა და ტექნიკური საჭიროებების მიმოხილვა.

შეხვედრაში ასევე მონაწილეობდნენ საქართველოში ევროკავშირის წარმომადგენლობის, პოლონეთის სოლიდარობის ფონდის – Solidarity Fund PL in Georgia (SFPL), სოფლის გაძლიერება ციფრული ჩართულობის გზით (REDI) პროექტის და კომუნიკაციების კომისიის წარმომადგენლები.

#datashvil #drpkhakadze #sheniambebi #shenisofeli

„უნდა მოხდეს მისი სიმპტომური მკურნალობა – მხოლოდ მაღალი სიცხე არ წარმოადგენს ბავშვის კლინიკაში განთავსების წინაპირობას“

მიერ
SheniSofeli.ge
-
0

ბავშვებში სიცხის მართვა

საუბრობს პედიატრი თემურ მიქელაძე „სტუმრად ექიმთან“:

„მნიშვნელოვანია, მკურნალობისას გავითვალისწინოთ ბავშვის ანამნეზი და ასევე ყურადღება უნდა გავამახვილოთ იმაზე თუ, რამდენად დამაკმაყოფილებელია პაციენტის ზოგადი მდგომარეობა, იღებს თუ არა სითხეს და საკვებს და ა.შ.

ჩემი რეკომენდაციით, უმჯობესია, ბავშვმა სითხე თავისით მიიღოს, ვიდრე გადასხმა გაიკეთოს, ორგანიზმის სითხით შევსება არაინვაზიური მეთოდით უფრო ეფექტურია. ხველაც, სიცხის მსგავსად, ორგანიზმის თავდაცვითი მექანიზმი გახლავთ, აღსანიშნავია, რომ ხველა კი არ უნდა დავთრგუნოთ, არამედ უნდა მოხდეს მისი სიმპტომური მკურნალობა.

პაციენტის ჰოსპიტალიზება სხვადასხვა კრიტერიუმების გათვალისწინებით და დიაგნოსტიკის შედეგად უნდა მოხდეს. ომიკრონისთვის პირველი ორი დღე მაღალი ცხელება დამახასიათებელია, 24 საათის შემდეგ კი იწყება ტემპერატურის კლება. თუ მაღალი ცხელება არ ემორჩილება ანტიპირეტულ საშუალებას, დღის განმავლობაში შეგიძლიათ წამლის გაორმაგებული დოზა გამოიყენოთ“.

არასტანდარტულ ვაშლს სახელმწიფო წელსაც დაასუბსიდირებს

მიერ
SheniSofeli.ge
-
0
5 მიზეზი, რატომ უნდა მიირთვათ დღეში ერთი ვაშლი - სასარგებლო თვისებები
#image_title

სპირტის წარმოების მიზნით, ყურძნის გადამმუშავებელი საწარმოები არასტანდარტულ ვაშლს წელსაც შეისყიდიან. არასტანდარტულ ვაშლს სახელმწიფო წელსაც დაასუბსიდირებს

“შეღავათიანი აგროკრედიტის პროექტის” ფარგლებში, პროგრამა, რომელიც 2014 წლიდან მოქმედებს, წელსაც ძალაში იქნება.

2023 წელს სუბსიდიის მოცულობა 2.1 მლნ ლარი იყო, და სოფლის განვითარების სააგენტომ თითო კილოგრამ არასტანდარტულ ვაშლზე 0.10 ლარის ოდენობის სუბსიდია გასცა. 2024 წელს სახელმწიფო კვლავ გააგრძელებს სუბსიდირების პროგრამას, რომელიც გლეხების და აგრო საწარმოების გაწვდილი დახმარების მთავარი მიზანია.

სამინისტროში ამბობენ, რომ მუშაობა მიმდინარეობს და ბიუჯეტის სრული მოცულობა და სხვა დეტალები აგვისტოს შუა რიცხვებში გახდება ცნობილი.

„შეღავათიანი აგროკრედიტის პროექტი“ სუბსიდირების პროგრამაა, რომლის მიზანია  გლეხებს ფინანსური დახმარება გაუწიოს მოსავლის რეალიზაციის პროცესში.

სპირტის წარმოების მიზნით ყურძნის შეძენა ხელს უწყობს ადგილობრივი წარმოების განვითარების და გააზრდის საშუალებას.

გასული წლების გამოცდილების მიხედვით, სახელმწიფო გაწვდავს სუბსიდიას არასტანდარტული ვაშლის შეძენაზე, რაც გლეხების მიერ მოსავლის მაქსიმალურ რეალიზაციასა და დანაკარგების შემცირებაში ეხმარება.

უნაბი – გამშრალი ნაყოფის ნახარში უძველესი დროიდან გამოიყენება: ხველების, ბრონქიტისა და ყივანახველის დროს

მიერ
SheniSofeli.ge
-
0
xr:d:DAGB0EEP1sk:47,j:7798406982317753013,t:24040813

უნაბი 9 მ-მდე სიმაღლის ეკლიანი ხეა. გვარში (ეკუთვნის ხეჭრელასებრთა ოჯახს) 50-მდე სახეობაა, რომლებიც გვხვდება დედამიწის სუბტროპიკულ და ტროპიკულ ზონებში.
მრგვალი ან ოვალური ფორმის, ტკბილი კურ­კიანი ნაყოფი მოწითალო-ყავისფერია. რბილობი შეიცავს 40%-მდე შაქრებს, 5% პროტეინს, 1,5%-ზე მეტ ქარვისა და ვაშლის მჟავებს, 5,5% პექტინოვან ნივთიერებას, 2%-ზე მეტ ფისებს და 1,2% მთრიმლავ ნივთიერებას. ნაყოფი მდიდარია C და PP ვიტამინებით. განსაკუთრებით სასარგებ­ლოა ჰიპერტონიით დაავადებულთათვის. იჭმება როგორც ახალმოკრეფილი, ისე გამშრალი, დაკონსერვებული. გამოიყენება საკონდიტრო წარმოებაში. ძალიან წააგავს ინდისხურმას (ფინიკს). შაქრის სიროფში მოხარშული უნაბის ნაყოფი ძნელი გასარჩევია ფინიკისგან. გამშრალი ნაყოფის ნახარში უძველესი დროიდან გამოიყენება: ხველების, ბრონქიტისა და ყივანახველის დროს.
ხის ქერქი საუკეთესოა ტყავის წარმოებაში, როგორც მთრიმლავი და საღებავი

ნ­ივთიერების შემცველი, ხოლო მკვრივი მოწითალო-მორუხო მერქანი იხმარება სახა­რატო საქმეში.
შესანიშნავი კულტურაა როგორც აღმოსავლეთ, ისე დასავლეთ საქართველოსთვის. ისხამს ხვავრიელად, არ მოითხოვს განსაკუთრებულ მოვლა-პატრონობას და სასურველია ყო­ველმა მეურნემ დარგოს თავის ნაკვეთში 1-2 ძირი მაინც. მრავლდება კურკით, ამონაყარითა და კალმით. კურკაზე ამოსული ხის ნაყოფი წვრილია, თუმცა არც მისი მყნობაა დიდი პრობლემა. იმყნობა ისე, როგორც ყველა სხვა მერქნიანი კულტურა.

ზღმარტლი და მისი სასარგებლო თვისებები – მკვლევართა უმეტესობა ზღმარტლის სამშობლოდ…

წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)

#datashvil #drpkhakadze #sheniambebi #shenisofeli

ხენდროს მოსავლის აღე­ბიდან 2-4 კვირის შემდეგ ფოთლებს მთლი­ანად ჭრიან მიწის ზედაპირიდან 5-7 სმ-ის სიმაღლეზე და წვავენ

მიერ
SheniSofeli.ge
-
0

ივლისი

თქვენს ბაღჩა-ბოსტანში, ბაღსა და ვენახში ივ­ლისშიც ბევრი სამუშაოა. ხენდროს მოსავლის აღე­ბიდან 2-4 კვირის შემდეგ ფოთლებს მთლი­ანად ჭრიან მიწის ზედაპირიდან 5-7 სმ-ის სიმაღლეზე და წვავენ. თუ ნარგავი ძალიან გახშირებულია, შეათხელეთ და ახალ ადგილზე გა­დარგეთ.
ბაღში ივლისის მეორე ნახევრიდან აგვისტოს ბოლომდე კვირტით მყნობის დროა. იმ დღეს, როცა მყნობას და­აპირებთ, თქვენთვის სასურველი ჯი­შის მსხმოიარე ხიდან ააჭე­რით წლე­ვანდელი, ოღონდ კარგად გამერქნებული ყლორტი. წააჭერით თავსა და ბოლოში ორი მუხლის სიგრძე და გადაყარეთ. რაც დაგ­რჩებათ, ის გახლავთ საუკეთესო სანამყენე კვირტები. წააჭერით ყველა ფოთოლი და დატო­ვეთ მხო­ლოდ ფოთლის ყუნწები, ჩა­ალაგეთ ყლორტები წყლიან ჭურჭელში ბოლოებით ქვემოთ ისე, რომ ჩაყოფილი ჰქონდეს მხოლოდ ერთი მუხლის ზომაზე. მიიტანეთ ამ მდგომა­რეობაში ყლორტები დასამყნობად შერჩეულ საძირე ხემდე. საძირის ტოტების ზედა ნაწილში სამყნობი და­ნით, რომელსაც საპირისპირო მხა­რეს აქვს სპეციალური პლასტმასის ბრტყელი, წამახვილებული ფორმის ფირფიტა, გააკეთეთ ასო თ-ს მაგვარი ჭრილი, რომლის ზომებიც უნდა იყოს: ვერტიკალურად – 3-4 სმ, ჰორიზონტალურად – 1,5 სმ. დანის სპეციალური ფირფიტით (ან წამახვილებული ჯოხით) გახსენით კვირტის ჩასასმელი ადგილი, ამოიღეთ ყლორტი წყლიდან, აათალეთ კალმიდან კვირტი თავის ყუნწიანად ისე, რომ კვირტის ზემოთ დარჩეს არა უმეტეს 0,5სმ-ისა, ხოლო ქვემოთ – 1,5 სმ. ჩასვით კვირტი ფაქიზად და შ­ემოუჭირეთ საიზოლაციო ლენტი. სახვევი მოახვიეთ ზემოდან ისე, რომ კვირტი ჩანდეს, დანარჩენი ნაწილი კი კარგად იყოს შეკრული. 2 კვირის შემდეგ შეამოწმეთ ნამყენი. თუ ფოთლის ყუნწი ხელის ოდნავი შეხებით მოძვრება, ე.ი. კვირტი შეხორცებულია.

წაიკითხეთ სრულად

წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)

#datashvil #drpkhakadze #sheniambebi #shenisofeli

„600 ოჯახი, რომელსაც რთულ ვითარებასა და პირობებში უწევდა ცხოვრება, დღეს უკვე მიიღებს ახალ ბინას, მოქალაქეებზე ზრუნვა ჩვენი მთავარი პასუხისმგებლობაა და დღევანდელი დღე არის ამის გამოხატულება“

მიერ
SheniSofeli.ge
-
0

„მინდა მოგილოცოთ დღევანდელი დღე, ამ უმნიშვნელოვანესი პროექტის დასრულება. 600 ოჯახი, რომელსაც რთულ ვითარებასა და პირობებში უწევდა ცხოვრება, დღეს უკვე მიიღებს 600 ახალ ბინას“, – ამის შესახებ საქართველოს პრემიერ-მინისტრმა ირაკლი კობახიძემ ბათუმის „ოცნების ქალაქში“ მცხოვრები ოჯახებისთვის ბინების გადაცემის ცერემონიაზე სიტყვით გამოსვლისას განაცხადა.

მთავრობის მეთაურის თქმით, დღევანდელი დღე არის კიდევ ერთი იმის გამოხატულება, თუ როგორია ხელისუფლების დამოკიდებულება საკუთარი მოქალაქეების, ხალხის, ადამიანების მიმართ.

„მინდა მოგილოცოთ ეს ძალიან მნიშვნელოვანი სიახლე, მათ შორის არის 800 ბავშვი, ამას ცალკე მინდა ხაზი გავუსვა. ეს არის ძალიან მნიშვნელოვანი ჩვენთვის. მე ვიტყოდი, რომ დღევანდელი დღე არის კიდევ ერთი იმის გამოხატულება, თუ როგორია ხელისუფლების დამოკიდებულება საკუთარი მოქალაქეების, ხალხის, ადამიანების მიმართ. რა თქმა უნდა, ჩვენს მოქალაქეებზე ზრუნვა არის ჩვენი მთავარი პასუხისმგებლობა, რომელიც გვაკისრია ჩვენ, ხელისუფლებას და კიდევ ერთხელ ვიტყვი, დღევანდელი დღეც არის ამის გამოხატულება. 600 ოჯახს მოგილოცავთ დღევანდელ დღეს.

რა თქმა უნდა, ამით არ სრულდება ეს პროექტი, დაგეგმილია კიდევ 1000-ზე მეტი ოჯახის დაკმაყოფილება ბინებით და ეს პროექტიც გაგრძელდება უახლოეს მომავალში. უზრუნველყოფილი იქნება თითოეული ოჯახი შესაბამისი საცხოვრებელი სივრცით, რაზეც უკვე დაწყებული აქვს მუშაობა მთავრობის თავმჯდომარეს და აჭარის ავტონომიური რესპუბლიკის მთავრობას. კიდევ ერთხელ გილოცავთ დღევანდელ დღეს“, – განაცხადა პრემიერმა.

ბათუმში, „ოცნების ქალაქში“ სამი 12-სართულიანი კორპუსი აშენდა, ამ წუთებში ბინებს ოჯახებს გადასცემენ. ახალ საცხოვრებელ ბინას პირველ ეტაპზე 582 ოჯახი მიიღებს.

ცერემონიაზე შეკრებილებს სიტყვით აჭარის მთავრობის თავმჯდომარემ და პრემიერ-მინისტრმა მიმართეს. ირაკლი კობახიძემ აღნიშნა, რომ პროექტი გაგრძელდება და დაგეგმილია კიდევ 1000-ზე მეტი ოჯახის დაკმაყოფილება.

#datashvil #drpkhakadze #sheniambebi #shenisofeli

„ხალხური რეწვა აჭარაში“ – ბათუმში კიდევ ერთი საინტერესო წიგნის მომზადება მიმდინარეობს

მიერ
SheniSofeli.ge
-
0
xr:d:DAGBhznMY_s:42,j:5888880433950390835,t:24040513

„ხალხური რეწვა აჭარაში“ ამ სახელწოდებით ბათუმში ახალი სახელმძღვანელოს მომზადება მიმდინარეობს, – ამის შესახებ ინფორმაციას აჭარის ტურიზმის დეპარტამენტი ავრცელებს.

„აჭარის ტურიზმის დეპარტამენტის ტურისტული პროდუქტების განვითარების სააგენტო ახალ სახელმძღვანელოს რეგიონში არსებული და მივიწყებული რეწვის დარგების პოპულარიზაციის მიზნით ამზადებს. წიგნის მოსამზადებლად აჭარაში მივიწყებული დარგების კვლევა-შესწავლა განხორციელდა, მასალა დასურათდა და გზამკვლევში გაერთიანდა. მასში ვრცელი თავები ეთმობა ფეიქრობას, მეთუნეობას, ხალხურ მეტალურგიას, ხითხურობას, ქვითხურობასა და ქართულ ხალხურ დეკორს. წიგნის ბეჭდვა მაისის ბოლომდე იგეგმება.

„ხალხური რეწვა აჭარაში“ რიგით მეხუთე წიგნია, რაც ტურისტული პროდუქტების განვითარების სააგენტომ ბოლო სამი წლის განმავლობაში მოამზადა. წიგნებს შორისაა „კულინარიული მოგზაურობა აჭარაში“, „თევზეული ქართულ სამზარეულოში“, „ხალხური ტრადიციები და რიტუალები აჭარაში“ და „ხალხური თამაშობები აჭარაში“. აღნიშნული წიგნების ელექტრონული ვერსიების ნახვა დაინტერესებულ პირებს სააგენტოს ვებგვერდზე https://visitajara.com/ka -ზე შეუძლიათ“, – აღნიშნულია გავრცელებულ ინფორმაციაში.

ფოტოები: აჭარის ტურიზმისა და კურორტების დეპარტამენტი

წაიკითხეთ – აღტაცებული და გაოცებული ტურისტი რას წერს სოფელ ხცისში მცხოვრებ ოჯახზე

მიერ
SheniSofeli.ge
-
0
წაიკითხეთ - აღტაცებული და გაოცებული ტურისტი რას წერს სოფელ ხცისში მცხოვრებ ოჯახზე
#image_title

წაიკითხეთ – აღტაცებული და გაოცებული ტურისტი რას წერს სოფელ ხცისში მცხოვრებ ოჯახზე

სტუმარმასპინძლობა რომ უძველესი ქართული ტრადიციაა, უკვე მსოფლიოს მრავალი ქვეყნისთვისაა ცნობილი. საქართველო ხომ ღვინისა და სტუმარ-მასპინძლობის ქვეყანაა.
რა სჯობს – „მასპინძელოს” დაძახილზე გამოგებებულ „მობრძანდი”-ს, ნაცნობ-უცნობის უანგაროდ და უყოყმანოდ შემფარებელ ადამიანს.

ქართველი ადამიანი ყველა სტუმარში ღმერთს ხედავს და რა გასაკვირია, რომ ყველაფერი საუკეთესოც მისთვის ემეტებოდეს.

სწორედ ასეთი სტუმარ-მასპინძლობის, ძალიან თბილი, ბუნებრივი, სტუმართმოყვარე, კეთილი ოჯახის შესახებ გიამბობთ, სწორედ ისეთი, ყველა სტუმარში ღმერთს რომ ხედავს.

გთავაზობთ სარას მიერ გადაღებულ ფოტოებსაც.

ტურისტმა სარამ საკმაოდ დიდი ხნის შემდეგ, ველოსიპედით ტურისტულ ზონებში მოგზაურობის შემდეგ, წვიმიან დღეს ხაშურის მუნიციპალიტეტის პატარა სოფელ ხცისს მიაღწია. ყველა სახლი შემოღობილი იყო. ერთი ეზოდან ორი ქალის საუბარი გაიგონა.

დაიყვირა, –  გამარჯობა! გამარჯობა!
ერთი ქალბატონი აივნის კიბეზე ავიდა, როცა დაინახა, კარი გაუღეს.
მედეას ქმარი, მევლუდი ლომიძე სახლიდან გამოვიდა და სახლში შეიპატიჟეს.
სარამ ამის შესახებ სოციალურ ქსელში დაწერა და ფოტოებიც გამოაქვეყნა.
სარა წერს, რომ ეს იყო ნამდვილი, კეთილი სტუმართმოყვარეობა.
გაშალეს სუფრა, მედეამ სახელდახელოდ გამოაცხო ხაჭაპური, მიიტანეს ნაირ-ნაირი საჭმელი…
 
WARM WELCOME
„საკმაოდ დიდი ხნის შემდეგ ველოსიპედით ტურისტულ ზონებში სიარულის შემდეგ, წვიმიან დღეს პატარა სოფელს, ხცისს მივაღწიე. ყველა სახლი შემოღობილი იყო. გავიგონე, ორი ქალი (მედეა და ლალი) ერთმანეთს ელაპარაკებოდა, მაგრამ ვერ დავინახე ისინი.
– “Gamarjoba! Gamarjoba! ” დავიყვირე (გამარჯობა! გამარჯობა! ). მომენტს დაველოდე.
ერთი ქალბატონი კიბეზე ავიდა და დამინახა, მერე კარებიდან გამოვიდნენ, მკითხეს, რა მჭირდებოდა. მათი გამომეტყველების და ერთმანეთთან საუბრის მანერით, მივხვდი, რომ დამეხმარებოდნენ. ქმარი, მავლადი (ესპანელი ტურისტი მევლუდის თავისებურად მავლადით იხსენიებს) სახლიდან გამოვიდა და მაშინვე თქვა – “მოდი, მოდი! ” (მოდი, მოდი! ).
და ასე შევხვდით!
როგორც კი მიმიღეს, სუფრა გაშალეს, მოიტანეს ნაირ-ნაირი საჭმელი, მათი დამზადებული წვენი და ღვინო. მედეამ უგემრიელესი ხაჭაპური გამოაცხო.
მედეამ და მავლადიმ დაურეკეს მეგობრებსა და მათ ქალიშვილს, ჩვენი შეხვედრის შესახებ უამბეს, რომ ესპანეთიდან ჰყავდათ სტუმარი. ვიდეო ზარიც მქონდა ესპანეთში მცხოვრებ მათ ქართველ მეგობართან.
მედეა ძალიან მხიარული ქალბატონია. მეკითხებოდა ყველაფრის შესახებ. მკითხა, იმ საჭმელების სახელები ესპანურად, რაც მაგიდაზე იყო. აინტერესებდა, როგორ ჟღერდა ეს.
(მათ ვუკავშირდები ხოლმე. მოგვიანებით ვკითხე, ახსოვდა თუ არა. უმეტესობა დაავიწყდა, როგორც მე დამავიწყდა ქართული სახელები…)
*****
🙂ეს იყო ნამდვილი, კეთილი სტუმართმოყვარეობა, რომელიც მომენატრა. მადლობა მედეა, მავლადი ლომიძეებს და ლალის“.
ლალი ქაფიანიძე მათი ნათესავია. მის მეუღლეს სოსო ქაფიანიძეს ფუტკრის სკები აქვს.
აქვთ ნატურალური თაფლი.“🙂

Journey From the Road

A WARM WELCOME
As soon as they received me, they started bringing all sorts of food to the table, as well as homemade juice and wine.
Medea and Mavladi called their friends and their daughter to tell them about our encounter, and to tell them they had a guest from Spain. I also had a video call with their Georgian friend who lived in Spain.
Medea was so funny, she always asked about the Spanish names of everything that was on the table. She was curious about it, she was curious about how it sounded. Later on, I tested her to see if she remembered. She forgot most of it (as I forgot the Georgian names…).
*****
After quite some time cycling through touristy areas, it was about time to cross small villages again. It was a rainy day. I reached a small village, Khtsisi. All houses were fenced. I heard two women talking to each other but I couldn’t see them.
“Gamarjoba! Gamarjoba!” I shouted (Hello! Hello!). I waited for a moment.
Medea climbed the stairs and saw me, then they came out from the door to see what I needed. Because of their expression and the way they talked to each other, I knew they were going to help me. The husband, Mavladi came out of the house and said right away “Modi, modi!” (come, come!).
And this is how we met 🙂
That was the genuine, kind hospitality I missed. Thank you Medea, Mavladi, and Lali

საქპატენტში თუშური გუდას ასოციაციის წარმომადგენლებისთვის ორდღიანი ტრენინგი ჩატარდა

მიერ
SheniSofeli.ge
-
0

ქართველი ფერმერების, მეწარმეებისა და ასოციაციების ხელშეწყობის მიზნით, საქართველოს ინტელექტუალური საკუთრების ეროვნული ცენტრი – „საქპატენტი“ ინტელექტუალური საკუთრების მსოფლიო ორგანიზაციასთან (WIPO) ერთად, ახორციელებს პროექტს, რომელიც ითვალისწინებს მწარმოებლების შესაძლებლობების გაძლიერებას, ასევე მათი მარკეტინგული უნარ-ჩვევების გამომუშავებასა და ცოდნის გაღრმავებას კონკურენტუნარიანობის გაუმჯობესების მიმართულებით.

წაიკითხეთ სრულად

#datashvil #drpkhakadze #sheniambebi #shenisofeli

გურიაში 15 ჰექტარზე დაცული ტერიტორია შეიქმნება

მიერ
SheniSofeli.ge
-
0

საქართველოს პარლამენტში ინიცირებულია კანონპროექტი, რომლის თანახმად, გურიაში დაცული ტერიტორია უნდა შეიქმნას.

კანონპროექტის განმარტებით ბარათში წერია, რომ მისი მიღების შემდეგ ჩოხატაურისა და ოზურგეთის მუნიციპალიტეტის ტერიტორიაზე 15 310 ჰა ფართობს მიენიჭება ეროვნული პარკის სტატუსი და შეიქმნება ახალი დაცული ტერიტორია – გურიის ეროვნული პარკი. უნდა შეიქმნას გურიის ეროვნული პარკის ადმინისტრაცია, სადაც საჭიროა არაუმეტეს 20 საშტატო ერთეული.

„1990-1991 წლებში დამუშავდა საქართველოში დაცული ტერიტორიების სივრცითი სტრუქტურის განვითარების პირველი სქემა, რომლის შემუშავებაშიც მონაწილეობას იღებდნენ ქართველი და გერმანელი ექსპერტები. აღნიშნული სქემის ფარგლებში განისაზღვრა საქართველოს შემდეგ რეგიონებში ეროვნული პარკების შექმნა: კოლხეთის დაბლობი, ცენტრალური კავკასიონი, ფშავ-ხევსურეთ-თუშეთი, მთიანი კახეთი, ივრის ზეგანი, ბორჯომი და აჭარა-გურია-იმერეთი.

დღეის მდგომარეობით, დაარსებულია ბორჯომ-ხარაგაულის ეროვნული პარკი, კოლხეთის ეროვნული პარკი, ფშავ-ხევსურეთის ეროვნული პარკი, თუშეთის ეროვნული პარკი, ვაშლოვანის ეროვნული პარკი, მტირალას ეროვნული პარკი, მაჭახელას ეროვნული პარკი, რაჭის ეროვნული პარკი და ერუშეთის ეროვნული პარკი. აღნიშნული სქემის გათვალისწინებით, დარჩენილია გურიის ეროვნული პარკის დაარსება გურიის რეგიონში“, – წერია კანონპროექტის განმარტებით ბარათში. კანონპროექტზე მომხსენებლად გარემოს დაცვის მინისტრის მოადგილე ნინო თანდილაშვილია დანიშნული.

კანონი დამტკიცების შემდეგ ძალაში 2024 წლის 1-ელი ივლისიდან უნდა შევიდეს.

#datashvil #drpkhakadze #sheniambebi #shenisofeli

1...101102103...174გვერდი 102 of 174

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge