ათასწლეულების განმავლობაში ადამიანები ყველს სხვადასხვა დანიშნულებით იყენებენ, თუმცა მას ხშირად არასწორად ინახავენ – შედეგად კი პროდუქტი შრება ან ფუჭდება.
The Takeout-ს ამ თემაზე სერტიფიცირებული ყველის ექსპერტი, მოლი ბრაუნი ესაუბრა, რომლის თქმითაც, ყველის შენახვის მთავარი გასაღები ჰაერის ნაკადის სწორად მართვაა.
ყველაზე ხშირი შეცდომები ყველის შენახვაში
1. მაცივარში დაუფარავად შენახვა
ექსპერტი გვირჩევს, ყველი ყოველთვის იყოს შეფუთული. საუკეთესოა სპეციალური ყველის შესაფუთი ფირი, რომელიც საშუალებას აძლევს ყველს “ისუნთქოს” და იცავს გამოშრობისგან.
თუ ეს ფირი არ გაქვთ, გამოიყენეთ პერგამენტის ქაღალდი + პლასტმასის პარკი/კონტეინერი, რათა მიკროკლიმატი შეიქმნას.
გარდა ამისა, ყველი უმჯობესია, მაცივრის ბოსტნეულის ან ყველის უჯრაში შეინახოთ – აქ ტემპერატურა და ტენიანობა უფრო სტაბილურია და პროდუქტი არ შთანთქავს სხვა საკვების სუნს.
2. არასწორი ტემპერატურა
საუკეთესო ტემპერატურაა 1–4°C. ყველის გაყინვა არ არის რეკომენდებული, რადგან მისი ტექსტურა და არომატი იცვლება.
თუ სპეციალური უჯრა არ გაქვთ, შეინახეთ ყველი კარიდან შორს, რათა ტემპერატურის ხშირი რყევები არ იყოს.
3. ყველის ტიპის იგნორირება
მყარ ყველებს (პარმეზანი და სხვ.) დაბალი ტენიანობის გამო 6 კვირამდე შეინახავთ. მათთვის იდეალურია ყველის ქაღალდი, თუმცა პლასტიკური შეფუთვაც გამოდგება.
ნახევრად მაგარი ყველები დაახლოებით 1 თვემდე ინახება. ქერქიანზე უმჯობესია ქაღალდი, ქერქის გარეშე ვარიანტებისთვის – პლასტმასის შეფუთვა.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
QR კოდი
სტატიის ციტირება
შენი სოფელი. (2025). 3 შეცდომა, რის გამოც ყველი მაცივარშიც კი მალე ფუჭდება. 8 დეკემბერი, 2025. https://shenisofeli.ge/3-shetsdoma-ris-gamots-qveli-matsivarshits-ki-male-fuch/
