მომღერალი გიდი-მძღოლი-ფოტოგრაფი, ახალ­გაზ­რდა კაცი, რო­მელ­მაც სა­ზო­გა­დო­ე­ბა­ში დიდი მო­წო­ნე­ბა და­იმ­სა­ხუ­რა და სოციალური ქსელი დაიპყრო, ალექ­სან­დრე ალიმ­ბა­რაშ­ვი­ლია

https://youtu.be/N7er-8r3eVo

მომღერალი გიდი-მძღოლი-ფოტოგრაფი, ახალ­გაზ­რდა კაცი, რო­მელ­მაც სა­ზო­გა­დო­ე­ბა­ში დიდი მო­წო­ნე­ბა და­იმ­სა­ხუ­რა და სოციალური ქსელი დაიპყრო, 34 წლის ალექ­სან­დრე ალიმ­ბა­რაშ­ვი­ლია.

„თავისუფალ დროს, როცა არ მაქვს ტური, ვცდილობ დამატებითი შემოსავლისათვის ვიმუშაო ბოლტის აპლიკაციით…

დღის გან­მავ­ლო­ბა­ში ბევ­რი დას­ტრე­სი­ლი ადა­მი­ა­ნი მხვდება. ვცდი­ლობ, რომ მუ­სი­კით გა­ვა­ქარ­წყლო მათი პრობ­ლე­მე­ბი. უმე­ტე­სად მი­ღე­ბენ ვი­დე­ოს, რაც ძა­ლი­ან სა­სი­ა­მოვ­ნოა ჩემ­თვის. იმე­დია, ეს “აფეთ­ქე­ბა” სწო­რად გაგ­რძელ­დე­ბა და ვეც­დე­ბი ხალ­ხის იმე­დე­ბი გა­ვა­მარ­თლო”, – ამ­ბობს ალექ­სან­დრე ალიმ­ბა­რაშ­ვი­ლი.

ალექ­სან­დრე 5 წლის ასა­კი­დან მღე­რის და სიმ­ღე­რა მისი ცხოვ­რე­ბის გა­ნუ­ყო­ფე­ლი ნა­წი­ლია. 2012 წელს მუ­სი­კა­ლურ პრო­ექ­ტში – „ახა­ლი ხმა“ – იღებ­და მო­ნა­წი­ლე­ო­ბას.

დაამ­თავ­რა ილი­ას სახელმწიფო უნი­ვერ­სი­ტე­ტი (ბიზ­ნე­სის და მართვის მი­მარ­თუ­ლე­ბით, მეორად პროფესიად არჩეული ჰქონდა ტურიზმი). ასევე დაამთავრა თბილისის ვანო სარაჯიშვილის სახელობის სახელმწიფო კონ­სერ­ვატორია (ვოკალური განყოფილება – პროფესია: ვოკალი). პატარაობაში გახლდათ ქართული ხალხური ცეკვების ანსამბლ „მამულის“ სოლისტი. 11 წელი დადიოდა კალათბურთზე ბატონ ნიკოლოზ დერიუგინთან.

უყვარს ცურვა, ფეხბურთი, კრივი. აქვს საკუთარი­ ტურისტული კომპანია „ალექსტურ ჯორჯია“, რომელიც თითქმის 10 წელია ემ­სა­ხუ­რე­ბა რო­გორც უცხო­ელ, ასევე ქარ­თველ ტუ­რის­ტებს. მისი ცხოვ­რე­ბის ნა­ხე­ვა­რზე მეტი უკა­ვია მუ­სი­კას.

ჰყავს 7 წლის ქალიშვილი მია ალიმბარაშვილი, რომელიც ძალიან ნიჭიერი და მონდომებულია, სწავლობს კერძო სკოლა „მწიგნობართუხუცესში’’,  მე-2 კლასში.

ასევე ცეკვაზე დადის ქალბატონ თეა დარჩიასთან.

ჰყავს დედ-მამა და სამი და. დები: ანა ალიმბარაშვილი (35 წლის, დიასახლისი, ჰყავს მეუღლე და 4 შვილი), მარიამ ალიმბარაშვილი (28 წლის, მოცეკვავე და მრავალ გზის ლაურეატი. ჰყავს 7 წლის ქალიშვილი მარია) და ელენე ალიმბარაშვილი (17 წლის; სრულყოფილად იცის იტალიური, ინგლისური, გერმანული, რუსული, კორეული ენები. არის ხატმწერი. მისი რამოდენიმე დაწერილი ხატი საქართველოს სხვადასხვა ტაძრებშია შეწირული).

დედა: როზეტა კიტოვანი – დიზაინერი, მოცეკვავე, ხელოვანი. მრავალგზის ლაურეატი, საკუთარი ქვეყნის პატრიოტი, რომელმაც ქვეყნის გარეთ გაიტანა ჩვენი ქვეყნის სახელი და ასახელა სრულიად საქართველო.

მამა: ნუგზარ ალიმბარაშვილი – აფხაზეთის ომის ვეტერანი, ვახტანგ გორგასლის II ხარისხის ორდეროსანი, მაიორი, კრივის ოსტატი და მრავალგზის პრიზიორი.

#datashvil #drpkhakadze #sheniambebi #shenisofeli