თხილის მწარმოებელთა ასოციაციის ინფორმაციით, თხილის ბუჩქების უეცარი ხმობის პრობლემამ პიკს მიაღწია და ზოგიერთ ბაღებში ხმობის კოეფიციენტი 50%-საც აღწევს. გაერთიანება მეთხილე ფერმერებს მიმართავს და მათ ხმობის შესახებ ინფორმაციის მიწოდებას სთხოვს.
“ორი წელია თხილის მწარმოებელთა ასოციაცია, სოფლის მეურნეობის სამეცნიერო კვლევით ცენტრთან ერთად ვცდილობთ მიზეზის იდენტიფიცირებას და პრევენციის გზების პოვნას. პროცესში ჩართულები არიან იტალიელი და თურქი მეცნიერებიც. სამწუხაროდ კონკრეტული მიზეზის იდენტიფიცირება მაინც ვერ მოხერხდა, თუმცა ამ მომენტისათვის ჩვენი საერთო ფოკუსი “ქსანტომონას” ბაქტერიაა”, – წერია განცხადებაში.
ასოციაციის ცნობითვე, ჯერჯერობით უცნობია რა ფართობზე გახმა თხილის ნარგავები, ამიტომ ასოციაციის წევრ ფერმერებს სთხოვენ მიაწოდონ ინფორმაცია, ზარალის მასშტაბის დასადგენად.
“მოწოდებული ინფორმაციის საფუძველზე ვგეგმავთ მოვიძიოთ რესურსები, რათა დავეხმაროთ ფერმერებს რომლებიც აღმოჩნდნენ აღნიშნული გამოწვევის წინაშე და გავზარდოთ პრევენციული ღონისძიებების ეფექტურობა”, – წერია განცხადებაში.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
შენი ექიმი – ცოდნა ჯანმრთელობისთვის.
#შენიექიმი #sheniekimi #
გიორგიფხაკაძე #ჯანმრთელობა #აქხარისხია #drpkhakadze
