როგორ გავამრავლოთ და მოვუაროთ ჩინურ ვარდს
ჩინური ვარდი, – მცენარე მრავლდება კალმით, დაკალმება შეიძლება მთელი წლის განმავლობაში, უმჯობესია თებერვალ-მარტსა და აგვისტოში. დასაფესვიანებლად კალმებს ათავსებენ ყუთებში, რომლებშიც გრუნტის სახით ჩაყრილია ტორფისა და ქვიშის ნარევი. დაფესვიანების ტემპერატურაა არანაკლებ 22º-ისა, საუკეთესოა 24-25º, რომელსაც იცავენ 2-3 კვირის განმავლობაში.
დაფესვიანებული კალმები გადააქვთ 7-9 სმ-იან ქოთნებში, რომლებშიც წინასწარ ჩაყრილია ნარევი: 1 წილი ტყის მიწა, 2 წილი გადამწვარი ნაკელი, 1წილი კორდის მიწა და 1 წილი ქვიშა. ოთახში, სადაც უნდა მოთავსდეს ნარგავები, ტემპერატურა არ უნდა იყოს 18º-ზე ნაკლები. როცა ქოთნებში ნერგების ფესვები ერთმანეთში გადაიხლართება, გადააქვთ ჯერ 10-12 სმ სიმაღლის ქოთნებში, ხოლო შემდეგ იმ ჭურჭელში (კასრი, ქოთანი, სპეც. ყუთი), რომელშიც უნდა იყოს საბოლოოდ.
ჩინური ვარდი ნიადაგისადმი მეტად მომთხოვნია, რისთვისაც შეაქვთ ორგანული და მინერალური სასუქები. შეძლებისდაგვარად 1მ2 ფართობზე შეაქვთ 3კგ რქის ბურბუშელა და 2კგ ძვლის ფქვილი; მორწყვა საჭიროებისდა მიხედვით.
რაც შეეხება სხვლას, პირველ რიგში, აცლიან ზედმეტ ყლორტებს და უნარჩუნებენ ლამაზ ფორმას. რა თქმა უნდა, ხმელი და მოტეხილი ტოტები უნდა შეაცალოთ.
რა უნდა ვიცოდეთ თხილის კულტურის გაშენებისას
წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)
