სკოლებსა და საბავშვო ბაღებში ახალი სასწავლო წელი 16 სექტემბრიდან დაიწყება.
აღსანიშნავია, რომ მოქმედი კანონით, საჯარო სკოლებში სასწავლო წელი 15 სექტემბერს იწყება. თუმცა, თუ 15 სექტემბერი დასვენების ან უქმე დღეს ემთხვევა, სწავლა მის მომდევნო პირველ სამუშაო დღეს დაიწყება. წელს 15 სექტემბერი კვირა დღეს ემთხვევა, შესაბამისად, მოსწავლეები ახალ სასწავლო წელს 16 სექტემბრიდან დაიწყებენ.
მრავლდება თესლით და ვეგეტაციურადაც. ცოცხლობს 250 წლამდე. შინდი გაცილებით დიდი რაოდენობით გვხვდება ბარში, მაგრამ არც თუ იშვიათად გვხვდება იგი მთაშიც 1500 მეტრამდე სიმაღლეზე ზღვის დონიდან.
შინდის ნაყოფი 10 პროცენტ შაქარს, 2-3,5 პროცენტ ორგანულ მჟავებს და 55 მგ პროცენტ ვიტამინ C-ს შეიცავს. გამოიყენება მურაბისა და კომპოტის, ხილფაფის და მარმელადის, გამაგრილებელი სასმელებისა და ლიქიორის დასამზადებლად. ნედლ და ხმელ ნაყოფებს იყენებენ როგორც საწებ-სანელებელს ხორციანი კერძებისათვის.
მიირთვით ახალი და მწიფე ნაყოფი უმად, რათა სრულად მოიწვდოს მისი გემო და სარგებელი.
გამოიყენეთ ნაყოფი სალათების, სოუსების, დესერტებისა და სასმელების მოსამზადებლად.
დაარეგულირეთ მისი გემო კერძებში სხვადასხვა ინგრედიენტების დახმარებით, რათა მიიღოთ საუკეთესო შედეგი.
როგორც ჯანდაცვის მინისტრმა მიხეილ სარჯველაძემ ბრიფინგზე განაცხადა, დღეს, სამინისტროსა და სააგენტოს ვებგვერდებზე, გამოქვეყნდება აღნიშნული ოჯახებისთვის მინიჭებული ქულების შესახებ ინფორმაცია და დაიწყება კანონმდებლობით განსაზღვრული დეტალური მუშაობა, საბოლოო შედეგების ჩამოყალიბებისთვის.
მინისტრის თქმით, სიის გამოქვეყნებიდან 15 სამუშაო დღის ვადაში იძულებით გადაადგილებულ ოჯახებს დამატებითი დოკუმენტაციის წარმოდგენის შესაძლებლობა ეძლევათ. შესაბამისი საფუძვლის არსებობის შემთხვევაში, წინასწარი ქულები გადაფასდება, რის შემდგომაც განახლებული სია გამოქვეყნდება.
„ცნობილია, რომ ქუთაისში, მიმდინარეობს აღნიშნული ოჯახების, მორიგი ნაწილისთვის, ახალი საცხოვრებელი კორპუსების მშენებლობა, რომლის მშენებლობაც ფინალურ ეტაპს უახლოვდება.
უახლოესი რამდენიმე თვის განმავლობაში, ის დასრულდება და ჩვენ შეგვეძლება, 1040 ოჯახს გადავცეთ საცხოვრებელი ბინა. არის გათვალისწინებული 1, 2 და 3-ოთახიანი ბინები, რომლებიც განაწილდება ოჯახის სულადობის მიხედვით.
აღნიშნულის გათვალისწინებით, სააგენტომ, უკანასკნელი თვეების განმავლობაში, ბინის მიღების კანდიდატი ოჯახების წარმოდგენილი განცხადების წინასწარი შეფასების მოსამზადებლად. სულ, 5 706 განაცხადი შემოვიდა, რომელთაგან, წინასწარი მონაცემებით, შემდგომ განხილვას ექვემდებარება 3 905 ოჯახის განაცხადი.
ამ პროცესში, ყველას ექნება შესაძლებლობა, დღევანდელი დღიდან, 15 სამუშაო დღის განმავლობაში, წარმოადგინოს ინფორმაცია, რომელსაც დაამუშავებს სააგენტო გაივლის კანონმდებლობით განსაზღვრულ პროცედურებს და შედეგად, ჩამოყალიბდება იმ ოჯახების ჩამონათვალი, რომლებსაც მიენიჭება პრიორიტეტი მათი საჭიროებების სიმწვავის, ასევე ოჯახის წევრთა სიმრავლის მიხედვით.
მინდა, ვთხოვო ყველა დაინტერესებულ პირს, რათა დევნილთა, ეკომიგრანტთა და საარსებო წყაროებით უზრუნველყოფის სააგენტოს მიაწოდონ ის ინფორმაცია, რომლის მიხედვითაც შესაძლოა, მინიჭებული ქულა მოითხოვდეს დაზუსტებასა და გადახედვას. ამ გზით სააგენტო შეძლებს მაქსიმალურად ზუსტ მონაცემებზე დაყრდნობით მიიღოს გადაწყვეტილებები, სწორედ განსაზღვროს პრიორიტეტები, სწორად განსაზღვროს , ვის რამდენად მწვავე საჭიროება აქვს საცხოვრებელი უზრუნველყოფისთვის.
ამავდროულად, მინდა ყველამ გაითვალისწინოს, რომ გამოქვეყნებული მონაცემები არის წინასწარი შეფასების შედეგად და ეს არ არის საბოლოო შეფასება, ამიტომ, ყველას ვთხოვ, რომ რაიმე წინასწარი დათვალიერებისა და პროგნოზებისგან თავი შეიკავონ.
ასვე იქნება გათვალისწინებული, რომ ეს არ არის ერთიანი სია. ბინების ზომების გათვალისწინებით და ოჯახების სულადობის მიხედვით განისაზღვრება და ჩამოყალიბდება საბოლოო გადაწყვეტილებები. სხვადასხვა ოჯახს აქვს განაცხადი ,ზოგ ერთოთახიან ბინაზე, ზოგს ოროთახიანზე და ზოგს სამოთახიანზე. აქვე გათვალისწინებული იქნება განსახლების წინა ეტაპზე დაუკმაყოფილებელი ოჯახებიც, რომელთაც კანონმდებლობის ან/და სასამართლოს გადაწყვეტილების თანახმად აქვთ მინიჭებული პრიორიტეტი“, – განაცხადა მიხეილ სარჯველაძემ.
მეორადი ტანსაცმელი მსოფლიოში სულ უფრო მოთხოვნადი და პოპულარული ხდება, ამ ტენდენციას არც საქართველო ჩამორჩება. შესაბამისად, მზარდია იმპორტიც. სტატისტიკის ეროვნული სამსახურის მონაცემებით, წელს თებერვალში საქართველოში 3,078 მლნ აშშ დოლარის მეორადი მოხმარების ტანსაცმელი შემოვიდა, რაც 38%-ით მეტია წინა წლის მაჩვენებელზე. 2023 წლის თებერვალში საქონლის იმპორტმა 2,236 მლნ აშშ დოლარი შეადგინა.
რაც შეეხება წლიურ ჭრილს, 2023 წელს, 2022 წელთან შედარებით, მეორადი ტანსაცმლის იმპორტი 6,2 მლნ აშშ დოლარით არის გაზრდილი. კერძოდ, გასულ წელს საქართველოში 40,745 მლნ აშშ დოლარის მეორადი ტანსაცმელი შემოვიდა, 2022 წელს 34,513 მლნ აშშ დოლარის.
სპეციალისტები ამბობენ, რომ მეორადი ტანსაცმლით ვაჭრობის და მოხმარების ზრდა ცუდი არ არის, თუმცა კონტროლი აუცილებელია, რაც ჩვენს ქვეყანაში არ ხდება. მით უფრო, რომ მეორადი ტანსაცმელი დამუშავებისა და შენახვის პირობებიდან გამომდინარე, შესაძლოა, ჯანმრთელობისთვის საშიში აღმოჩნდეს.
„დამუშავებულიც რომ იყოს, ისიც გასარკვევია, რა პირობებში ინახებოდა, სანამ წამოვიდა. შეიძლება დაამუშავეს, მაგრამ იყო ნესტში, სადაც არ ნიავდებოდა, რაც „კარგი წყაროა“ ობის სოკოს განვითარებისთვის და მტვრის ტკიპასთვის. ამ შემთხვევაში, შეიძლება, კანის ქავილი დაიწყოს, უკვე არსებული დაავადებები გაამწვავოს, კანზე ალერგიული რეაქცია წამოვიდეს. მეორეს მხრივ, თუ დამუშავებულია, შეიძლება თვითონ ამ ქიმიურმა საშუალებებმა ალერგიული რეაქცია მოგცეთ“,- აღნიშნა ნინო ორახელაშვილმა.
რაც შეეხება რეკომენდაციებს, დერმატოლოგი ამბობს, რომ აუცილებელია ტანსაცმლის 60-70 გრადუსში გარეცხვა, ასევე, ორთქლით დამუშავება.
„არის ქსოვილები, რომელიც ასეთ ტემპერატურაზე ვერ გაირეცხება, მაგალითად, აბრეშუმი, ამიტომ ორთქლით უნდა დამუშავდეს. უთოებს აქვს ახლა ეგ ფუნქცია და აუცილებლად უნდა მოხდეს დამუშავება. ფეხსაცმელშიც, არის სადეზინფექციო საშუალებები, რომლის შესხურებაც ხდება და შემდეგ დახურულ პარკში შენახვა.
თუ ატყობენ, რომ კანი გაღიზიანდა, ან უცაბედად ქავილი დაიწყო, ეს შეიძლება მუნი იყო, ან კანის გაღიზიანება, აღარ გამოიყენონ ეს ტანსაცმელი და მიმართონ დერმატოლოგს“,- განაცხადა ნინო ორახელაშვილმა.
მცხეთის საზოგადოებრივ ტრანსპორტში მგზავრობის საფასურის გადახდა უკვე შესაძლებელია თიბისის ნებისმიერი ბარათით. მგზავრობის საფასურის გადახდა შეიძლება, როგორც ფიზიკური ბარათით ასევე ციფრული საფულის მეშვეობით.
თბილისის, ქუთაისის, გორის, ფოთის, თელავის, ბაკურიანის, ბორჯომის, ბათუმის, რუსთავის, ზუგდიდის შემდეგ მცხეთა მე-11 ქალაქია, სადაც თიბისის ბარათებით საზოგადოებრივ ტრანსპორტში გადახდას შეძლებთ.
მცხეთაში, ისევე როგორც ქუთაისში, გორში, ფოთში, თელავში, ბაკურიანსა და ბორჯომში მგზავრობის საფასურის გადახდა შესაძლებელია ასევე ქალაქის სატრანსპორტო ბარათით. ქალაქის სატრანსპორტო ბარათის აღება შესაძლებელია თიბისის ფილიალებში.
მცხეთაში თიბისის ბარათებით გადახდისას შეღავათიანი ტარიფი მოქმედებს: მცხეთის საჯარო სკოლის მოსწავლეებისთვის თიბისი ბანკის მოსწავლის ბარათებით მგზავრობა უფასოა. ხოლო მცხეთის მუნიციპალიტეტში რეგისტრირებულ სტუდენტებზე – თიბისი ბანკის სტუდენტურ ბარათებზე მოქმედებს 50% იანი შეღავათიანი ტარიფი. შეღავათები ვრცელდება მხოლოდ ფიზიკური ბარათით გადახდის შემთხვევაში.
სატრანსპორტო ბარათის ღირებულება 2 ლარია და მისი შევსება შესაძლებელია თიბისი ფეის სწრაფი გადახდის აპარატების მეშვეობით, რომლებსაც აქვს ბარათის წამკითხველი.
ტრანსპორტში თიბისის საბანკო ბარათით გადახდა ხორციელდება Offline რეჟიმში, რა დროსაც ბარათზე ნაშთის შემოწმება არ ხდება, ამიტომ შესაძლებელია ბარათი გადახდის მომენტში გავიდეს მინუსში.
„ლაურუს ნობილის“ – ასე ჰქვია დაფნას ლათინურად, სიტყვა „ნობილის“ კეთილშობილს ნიშნავს. კეთილშობილი დაფნის გვირგვინით რომ საბერძნეთში გმირებს, პოეტებსა და გამარჯვებულ სპორტსმენებს ამკობდნენ, საყოველთაოდ ცნობილია, მაგრამ სიტყვა „ლაურეატი“ რომ „ლაურუსი“-დან წარმოდგება, ეს შეიძლება ბევრმა არც იცოდეს.
დაფნა ველურად იზრდება ხმელთაშუა ზღვის სანაპირო ტყეებში, სწორედ აქედან დაიწყო მისი გავრცელება.
დაფნა თავისი უნიკალური თვისებების წყალობით მალე გავრცელდა იტალიაში, საბერძნეთში, იუგოსლავიაში, თურქეთში, სირიაში, ყირიმსა და კავკასიაში; მრავლდება თესლით. იმის გამო, რომ თესლი ადვილად ხმება, თესავენ შემოდგომით.
დაფნის ფოთლები და ახალგაზრდა ყლორტები შეიცავს ეთერზეთებს, რომლებიც გამოიყენება სანელებლად. ნაყოფის ცხიმოვანი ზეთი გამოიყენება მედიცინაში. იმის გამო, რომ კარგად იტანს გაკრეჭას, დეკორატიულ ნარგაობებშიც ხშირად შეხვდებით. ხშირი ნარგაობა ღობედაც მშვენიერია.
დაფნის გამრავლება ყველაზე იოლია ბუჩქის ამონაყარებითა და თესლით.
კალმები დასაფესვიანებლად უნდა აიჭრას აპრილში, შეიძლება ივნის-ივლისშიც; თითოეული მათგანი უნდა იყოს 6-8 სმ სიგრძისა, მომწიფებული, მაგრამ არა გახევებული. ფოთლების დამოკლების შემდეგ კალმებს ნეშომპალა-ქვიშიან ქოთნებში რგავენ. ქვედა ფენის, ანუ ნეშომპალიანი შრის სისქე უნდა იყოს 2-4სმ, ხოლო ქვიშიანი შრე – 2-3 სმ. დაფესვიანებას 1 თვე ესაჭიროება. ამის შემდეგ კალმები მუდმივ ადგილზე გადაირგვება. დაფნა იშვიათი მცენარე არ არის და მისი ნერგის, თესლის, აგრეთვე კალმის შოვნა სირთულეს არ წარმოადგენს; თანაც ძალიან ადვილი მოსავლელია და მისი გახარება საქართველოს თითქმის ყველა კუთხეშია შესაძლებელი.
დაფნის ფოთოლი ყველაზე გავრცელებული სანელებელია – გამოიყენება არა მარტო ოჯახურ პირობებში, არამედ კვების მრეწველობაშიც. მას ამატებენ გამდნარ ყველს, აუცილებელია კიტრის, პატისონის, პამიდვრის მწნილებისა და მარინადების დასამზადებლად, თევზის კონსერვების, ძეხვისა და ხორცის წარმოებაში. ზოგიერთ ქვეყანაში დაფნის ფოთოლი სასმელებისთვის, დესერტისა და ჩაისთვის არომატის მისაცემად გამოიყენება. გარდა ამისა, დაფნის ფოთლის ეთერზეთი და თესლის ცხიმოვანი ზეთი სამკურნალო საშუალებად ითვლება.
ფეიხოა სამხრეთამერიკული მარადმწვანე ბუჩქი ან 5 მეტრამდე სიმაღლის ხეა
წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)
დაფნა (Laurus nobilis) მცენარე, რომელიც ფართოდ გამოიყენება არამარტო სამზარეულოში, არამედ მედიცინაში და სილამაზის მოვლაში თავისი მრავალფეროვანი სამკურნალო თვისებებით. დაფნის ფოთლები და თესლები მდიდარია აქტიური კომპონენტებით, რომლებიც ხელს უწყობენ სხვადასხვა ჯანმრთელობის პრობლემების მოგვარებას. ამ სტატიაში განვიხილავთ დაფნის ფოთლის ეთერზეთის და თესლის ცხიმოვანი ზეთის გამოყენების სარგებელს და პრეპარატების მოქმედებას.
დაფნის ფოთლის ეთერზეთის სარგებელი
დაფნის ფოთლის ეთერზეთი ცნობილია თავისი ძლიერი ანტიმიკრობული, ანთების საწინააღმდეგო და სუნთქვის გზების გამწმენდ თვისებებით. მისი გამოყენება ჯანმრთელობის სხვადასხვა სფეროში შეიძლება.
დაფნის თესლის ცხიმოვანი ზეთის სარგებელი
დაფნის თესლის ცხიმოვანი ზეთი აქვს მრავალი სასარგებლო თვისება.
როგორ უნდა გამოიყენოთ დაფნის ფოთლის ეთერზეთი და თესლის ცხიმოვანი ზეთი
გარემოს დაცვისა და სოფლის მეურნეობის სამინისტრო „ცხოველთა სამყაროს ობიექტების, მათი სახეობების მიხედვით მოპყრობის წესების, ვადებისა და მოპოვებისთვის დაშვებული იარაღისა და მოწყობილობების ჩამონათვალის შესახებ დამტკიცების თაობაზე“ ბრძანების შესაბამისად, ნადირობის სეზონს 2024 წლის აგვისტოს მეოთხე შაბათს (24 აგვისტო) გახსნის. ინფორმაციას გარემოს დაცვისა და სოფლის მეურნეობის სამინისტრო ავრცელებს.
„გადამფრენ ფრინველებზე ნადირობის მსურველს ნადირობა გარემოდან გადამფრენი ფრინველების ამოღებაზე დაწესებული მოსაკრებლის (10 ლარი) გადახდის შემდეგ, აგვისტოს მეოთხე შაბათიდან მომდევნო წლის პირველ მარტამდე პერიოდში შეეძლება. მოსაკრებლის გადახდა შესაძლებელია საქართველოს ნებისმიერ ბანკში, მიმღები ბანკი: სახელმწიფო ხაზინა, ბანკის კოდი: 220 101 222, ანგარიშის ნომერი: №200122900, ბიუჯეტის შემოსულობების სახის განმსაზღვრელი სახაზინო კოდი: 3033.
გასათვალისწინებელია, რომ ნადირობა აკრძალულია საქართველოს კანონმდებლობით დადგენილ ადგილებში, მათ შორის: საქართველოს ქალაქების ადმინისტრაციულ საზღვრებში, სახელმწიფო ნაკრძალებში, ეროვნულ პარკებში, ნუგზარ ზაზანაშვილის სახელობის სამუხის მრავალმხრივი გამოყენების ტერიტორიაზე, ასევე სახელმწიფო ნაკრძალების გარშემო 500-მეტრიან და ეროვნული პარკების გარშემო 250-მეტრიან ზონებში; სამინისტროს სსიპ ველური ბუნების ეროვნული სააგენტოს მართვაში/სარგებლობაში არსებული საშენი მეურნეობების ფართობებზე.
გადამფრენ ფრინველებზე ნადირობის მსურველმა ასევე უნდა გაითვალისწინოს, რომ ნადირობა აკრძალულია ყველა სხვა იარაღიდან, რომელიც მითითებული არ არის „იარაღის შესახებ“ საქართველოს კანონის მე-7 მუხლში, კერძოდ: სანადირო გლუვლულიანი ცეცხლსასროლი იარაღიდან (თოფი), სანადირო ხრახნილლულიანი ცეცხლსასროლი იარაღიდან (კარაბინი ან შაშხანა), სანადირო კომბინირებული ცეცხლსასროლი იარაღიდან (ხრახნილლულიანი და გლუვლულიანი თოფო), სანადირო ცივი და ცივი სასროლი იარაღიდან და სანადირო პნევმატური იარაღიდან.
ნადირობისათვის დაშვებული გადამფრენი ფრინველების სახეობების ჩამონათვალი, ნადირობის ვადები და დღიური ლიმიტები ნადირობის ადგილების მიხედვით ვრცლად იხილეთ მითითებულ ბმულზე“, – აღნიშნულია სამინისტროს ინფორმაციაში.
USAID-ი სოფლის მეურნეობის პროგრამის ფარგლებში, მემცენარეობის მიმართულებით, საგრანტო დაფინანსებით დაფნის მწარმოებელს წლებია ეხმარება.
რამდენი გადამამუშავებელი საწარმო დაფინანსდა, რომელ რეგიონებში და ჯამში ქართული დაფნის წარმოების მხარდასაჭერად რა ინვესტიციაა გაშვებული დონორის მიერ? – ინტერვიუ USAID-ის სოფლის მეურნეობის პროგრამის თანამშრომელთან, გიორგი (გივი) ჯავახიშვილთან
რა უნდა გავაკეთოთ თუ მეზობელი ხმაურობს, არ გვაძინებს და მასთან შეთანხმება ვერ შედგა – ასეთ შემთხვევებისთვის, არსებობს ხმის რეგულირების სტანდარტი, რომელსაც სამეზობლო ურთიერთობების სამოქალაქო კოდექსი არეგულირებს.
აკუსტიკური ხმაურის დასაშვები ნორმის გადამეტებას თბილისის მასშტაბით დედაქალაქის მუნიციპალური ინსპექციის თანამშრომლები აკონტროლებენ. მათ მოვალეობაში ადგილზე გასვლა და სიტუაციის შემოწმება შედის.
სამეზობლო ურთიერთობებს სამოქალაქო კოდექსი არეგულირებს და თუ ადამიანი ვერ ახერხებს მეზობელთან ურთიერთობის მშვიდობიანად მოგვარებას, იძულებული ხდება კანონს მიმართოს.
ინფორმაციის მიმწოდებლები ძირითადად არიან მოქალაქეები, რომლებიც ამავე სამსახურს ცხელი ხაზის ან Facebook-ის ოფიციალური გვერდის მეშვეობით უკავშირდებიან. ხმაურის ნორმის გადაჭარბებაზე მუნიციპალიტეტში ოფიციალური განცხადებებიც შედის.
ე.წ. ხმაურის კანონი, რომლის მიხედვითაც დღისა და ღამის საათებში საცხოვრებელი სახლებისა და საზოგადოებრივი/საჯარო დაწესებულების შენობაში აკუსტიკური ხმაურის დასაშვები ნორმების გადამეტებისთვის ადმინისტრაციული პასუხისმგებლობა დაწესდა, 2017 წლიდან ამოქმედდა. აკუსტიკური ხმაურის დასაშვები ნორმები განსხვავებულია დღისა (08:00 სთ-დან 23:00 სთ-მდე) და ღამის (23:00 სთ-დან 08:00 სთ-მდე) პერიოდებისათვის.
ხმაურის დასაშვებ ნორმად ბინებსა და სახლებში ითვლება არაუმეტეს 35 დეციბელისა დღისით და არაუმეტეს 30 დეციბელისა ღამით. სავაჭრო ობიექტებში — 55 დეციბელი, სამედიცინო დაწესებულებებში — 40, ხოლო სასწავლო დაწესებულებებში — 35 დეციბელი.
თუ ჩათვლით, რომ მეზობელმა ხმაურის დაშვებულ ნორმას გადააჭარბა და ის თქვენთვის აუტანელი გახდა, შეგიძლიათ გაასაჩივროთ. პირველ ჯერზე ურჩ მეზობელს გააფრთხილებენ, ხოლო თუ ერთი წლის განმავლობაში მსგავსი დარღვევა კიდევ დაფიქსირდა, 150 ლარით დააჯარიმებენ. ამავე პერიოდში ხმაურის დასაშვები ნორმის მესამედ გადამეტების შემთხვევაში, ფინანსური სანქცია 300 ლარს შეადგენს.
იურიდიული პირები, გაფრთხილების შემდეგ, თუ ერთი წლის განმავლობაში მსგავსი დარღვევა კიდევ დაფიქსირდა, ჯარიმის ოდენობა 500 ლარი იქნება, ხოლო ამავე პერიოდში ხმაურის დასაშვები ნორმის მესამედ გადამეტების შემთხვევაში, ჯარიმა 1000 ლარი იქნება.
© SheniEkimi.ge
