საქართველოში დაგროვებითი საპენსიო სისტემა 2019 წლის პირველი იანვრიდან ამოქმედდა. მიუხედავად იმის, რომ 7 წელი გავიდა, სქემასთან დაკავშირებით ადამიანებს დღემდე ბევრი კითხვა აქვთ.

„დაგროვებითი პენსიის შესახებ“ საქართველოს კანონის საფუძველზე, პენსიის/საპენსიო აქტივების მიღება შესაძლებელია შემდეგ შემთხვევებში:

მონაწილის მიერ საპენსიო ასაკის მიღწევისას;
მონაწილის შესაძლებლობის შეზღუდვისას;
საპენსიო აქტივების მონაწილის მემკვიდრისთვის გადაცემა (გარდაცვალების შემთხვევაში);
საქართველოს სამუდამოდ დატოვებისას.
შეზღუდული შესაძლებლობის სტატუსის მქონე პირი საპენსიო სქემაში ერთვება და ზოგავს თანხას სასურველ ვადამდე. მას შემდეგ, როცა გადაწყვეტს თანხით სარგებლობას, მას შეუძლია ერთიანად, თანხა დაქვითვის გარეშე გაიტანოს. თუმცა ამ შემთხვევაში სქემაში უკან დაბრუნების უფლებას კარგავს, რადგან კანონის თანახმად, მან უკვე ისარგებლა დაგროვებითი პენსიით.

საპენსიო სქემაში მონაწილე პირის გარდაცვალების შემთხვევაში, თანხა მემკვიდრეს გადაეცემა.

თუ საქართველოს მოქალაქე მოქალაქეობაზე იტყვის უარს და სხვა ქვეყანაში მუდმივად წავა საცხოვრებლად, მას შეუძლია, საპენსიო ასაკამდე დაგროვილი თანხა გაიტანოს, თუმცა სახელმწიფოს მხრიდან 20%-ით დაიბეგრება.

ყველა ჩვენგანს უყვარს ყველი – არომატული, ნაზი და გემრიელი, მაგრამ ხანდახან ზედმეტი მარილი მის გემოს აფუჭებს.

განსაკუთრებით ეს ეხება ქართული ტიპის ყველებს, როგორიცაა სულგუნი, იმერული ან გუდის ყველი, რომლებიც ხშირად ზედმეტად მარილიანია.

სასიამოვნო ამბავი ისაა, რომ არსებობს რამდენიმე მარტივი და ეფექტური გზა, როგორ მოვაშოროთ ყველს მარილი ისე, რომ მისი გემო და სტრუქტურა არ დაზიანდეს.

ჩვეულებრივი წყლით გაჟღენთა
ყველაზე გავრცელებული და მარტივი მეთოდია წყალში ჩალბობა.

როგორ უნდა გააკეთოთ:

ყველი დაჭერით საშუალო ზომის ნაჭრებად, რომ ზედაპირი უფრო დიდ ფართობზე შეეხოს წყალს.
მოათავსეთ ღრმა ჭურჭელში და გადაასხით ცივი, წინასწარ ადუღებული წყალი.
დატოვეთ 2–3 საათით.
წყალი შეცვალეთ და, საჭიროების შემთხვევაში, პროცესი გაიმეორეთ.

თუ ყველი ძალიან მარილიანია, პროცესი შეიძლება გაგრძელდეს 6–8 საათამდე. ამ დროს უმჯობესია წყალი შეიცვალოს ყოველ 2 საათში ერთხელ, რათა მარილი თანდათან გამოიდევნოს.

რძეში გაჟღენთა

თუ გსურთ, რომ ყველი რბილი და არომატული გახდეს, გამოიყენეთ რძე წყლის ნაცვლად.

ინსტრუქცია:

ყველი მოათავსეთ თბილ რძეში (არავითარ შემთხვევაში მდუღარეში).
დაახურეთ თავსახური და დატოვეთ მაცივარში დაახლოებით 3–5 საათით.
შემდეგ გაასუფთავეთ და დააგემოვნეთ – მარილი საგრძნობლად შემცირდება, ხოლო ტექსტურა გახდება უფრო ნაზი. რძე არა მხოლოდ ამცირებს მარილს, არამედ აძლევს ყველს დამატებით სირბილეს და თეთრ შეფერილობას.

მარილიანი ყველის შერევა უმარილოსთან

თუ სწრაფი გადაწყვეტილება გჭირდებათ, შეგიძლიათ მარტივად შეურიოთ მარილიანი ყველი უცხიმოსთან ან ნაკლებმარილიანთან (მაგალითად, იმერული + ხაჭო ან სულგუნი).

ასე მიიღებთ დაბალანსებულ გემოს და ტექსტურას, რომელიც შესაფერისია სალათებისთვის, ხაჭაპურისთვის ან სენდვიჩებისთვის.