შაბათი, აპრილი 25, 2026
- Advertisement -
Google search engine
მთავარი წაკითხვა გვერდი 50

საქართველოში მუხის 7 სახეობაა გავრცელებული, რომელთაგან 5 წითელი ნუსხითაა დაცული

მიერ
SheniSofeli.ge
-
0
საქართველოში მუხის 7 სახეობაა
#image_title

მუხა – Quercus

მსოფლიოში გავრცელებულია მუხის გვარის 450-600-მდე სახეობა, რომელთაგან ნაწილი ფოთოლმცვენია, ნაწილი მარადმწვანე (ძირითადად, ტროპიკებსა და სუბტროპიკებში).

საქართველოში მუხის 7 სახეობაა გავრცელებული, რომელთაგან 5 წითელი ნუსხითაა დაცული (კოლხური მუხა/Quercus hartwissiana Stev; იმერული მუხა/Quercus imeretina Stev. Ex Malleev; მაღალმთის მუხა/Quercus macranthera Fisch et Mey; ჭალის მუხა/Quercus; pedunculiflora C. Koch.;პონტოს მუხა/Quercus pontica C. Koch.).
მუხა გავრცელებულია ჩრდილოეთ ამერიკაში, ევროპასა და ხმელთაშუა ზღვის სანაპიროებზე, ასევე აფრიკასა და აზიაში. ხეებია, იშვიათად ბუჩქები, გვხვდება როგორც მარადმწვანე, ისე ფოთოლმცვენი. მარადმწვანე მუხა გავრცელებულია თბილ ქვეყნებში.
მუხა საქართველოს ტყეების ძირითადი შემქმნელი სახეობაა და ქმნის ტყის მნიშვნელოვან მასივებს.
ზოგი მუხის სახეობა სინათლისა და სითბოს მომთხოვნია, ზოგი კი სიცივის ამტანი და სინესტის მოყვარული. ზოგი – ტანმაღალი ხეა გაშლილი ვარჯით, ზოგი კი ტანდაბალი და დაბრეცილი ღეროთი ხასიათდება.მრავლდება თესლით, ძირკვის ამონაყრით. მუხა ქმნის როგორც წმინდა ასევე შერეულ კორომებს.
მუხის სიცოცხლის ხანგრძლივობა, ძირითადად, 400-500 წელია, ზოგიერთი სახეობის შემთხვევაში – 1000-1500 წელი.
მუხა, სხვა ხეებთან შედარებით, უამრავი სახეობის ცოცხალ ორგანიზმებს მასპინძლობს. ხოჭოები ბურღვით ცდილობენ სქელი დახეთილი ქერქის ქვეშ დაბინავებას, ფუღუროებში ბუები და ღამურები იდებენ ბინას, ციყვებისთვის მუხა საუკეთესო მასპინძელია. მრავალი ცხოველი აფარებს თავს მუხის ძირს.
მუხის ნაყოფს, რომელსაც რკო ეწოდება, ადამიანი საკვებად იყენებდა. რკოსგან დღესაც ამზადებენ ბურღულს, ორცხობილას, ყავას და სპირტს. რკო გამორჩეული საკვებია ფრინველებისა და ცხოველებისთვის.
მუხის მერქანი გამძლე, უმაღლესი ხარისხის სამშენებლო მასალაა, ხოლო მერქნის გული, უნიკალური ქიმიური შემადგელობის გამო, შეუცვლელია ღვინისა და კონიაკის წამოებაში. მუხის მერქნისგან დამზადებულ კასრებში დაძველებული სპირტი, დროთა განმავლობაში, განსაკუთრებულ გემოს, ხარისხსა და უნიკალურ თვისებებს იძენს.
მუხის ქერქის ნაყენი მრავალი ანთებითი თუ სხვა დაავადების მკურნალია. მუხის კორომში დასვენება კი, გულ-სისხლძარღვთა დაავადებების მქონე ადამიანებისთვის სამკურნალოა.
ევროპაში ყველაზე ასაკოვანი მუხის ხე ავსტრიის ქალაქ ბად ბლუმაში ხარობს და იგი 1200 წლისაა, ხოლო ტანის გარშემოწერილობა 8,7 მეტრს აღწევს. ასევე ცნობილია უძველესი მუხა, რომელიც სახელგანთქმულია როგორც რობინ ჰუდის მუხა, იგი ინგლისში, შერვუდის ტყეში ხარობს და 800-1000 წლამდე ასაკისაა.

წყარო: ეროვნული სატყეო სააგენტო 

ავტოტრანსპორტით მგზავრთა გადაყვანის წესები იცვლება

მიერ
SheniSofeli.ge
-
0
ავტოტრანსპორტით მგზავრთა გადაყვანის წესები იცვლება
#image_title

ავტობუსებსა და მიკროავტობუსებში, რომლებიც მგზავრთა გადაყვანას ახორციელებს, სიჩქარის შემზღუდავი მოწყობილობები დამონტაჟდება.

ფონდ „პარტნიორობა საგზაო უსაფრთხოების“ დირექტორი ირაკლი იზორია აცხადებს, რომ რეგულაცია მიზნად ისახავს მგზავრთა უსაფრთხო გადაყვანას.

მისი თქმით, გარდა სიჩქარის შემზღუდავებისა, აღნიშნული ტიპის მიკროავტობუსებსა და ავტობუსებში ტაქოგრაფებიც დამონტაჟდება.

2025 წლიდან საქართველოში ყველა ავტობუსსა და მიკროავტობუსში, რომელიც მგზავრთა გადაყვანას ახორციელებს, დამონტაჟდება სიჩქარის შემზღუდავი მოწყობილობები და ტაქოგრაფები. აღნიშნული რეგულაცია მიზნად ისახავს ავტოსაგზაო შემთხვევების შემცირებასა და მგზავრთა უსაფრთხოების გაზრდას.

სიჩქარის შემზღუდავი მოწყობილობები და ტაქოგრაფები – როგორ იმუშავებს სისტემა?
რეგულაციის მიხედვით, ავტობუსებსა და მიკროავტობუსებში დამონტაჟდება სიჩქარის შემზღუდავი მოწყობილობები, რაც საშუალებას მისცემს ავტორიტეტულ ორგანოებს მუდმივად აკონტროლონ მძღოლების მიერ ზედმეტი სიჩქარის გადაჭარბება. გარდა ამისა, აღნიშნული ტრანსპორტისთვის აუცილებელი იქნება ტაქოგრაფის ინსტალაცია – მოწყობილობა, რომელიც ავტომატურად თვლის მძღოლის მუშაობისა და დასვენების პერიოდებს.

რა არის ტაქოგრაფი და როგორ მუშაობს?
ტაქოგრაფი არის მოწყობილობა, რომელიც ავტობუსის ან მიკროავტობუსის მოძრაობასა და მძღოლის მოქმედებებს მონიტორინგს უწევს. პოტენციური დარღვევების აღმოჩენის შემთხვევაში, პატრულს შეუძლია 30 დღის განმავლობაში ამოიღოს მონაცემები და გაიგოს, სად გადააჭარბა მძღოლმა სიჩქარეს, რამდენ ხანს დაისვენა და სხვა მნიშვნელოვანი დეტალები.

ასევე, რას ითვალისწინებს რეგულაცია?
რეგულაცია ითვალისწინებს, რომ მხოლოდ ვიდეო კონტროლის ან პოლიციის პატრულის მიერ გზებზე ზოგჯერ შეუძლებელია ყოველი მოძრაობის კონტროლი. სწორედ ამიტომ, სიჩქარის შემზღუდავი მოწყობილობები და ტაქოგრაფები მოგვცემენ უფრო დეტალურ და ზუსტ მონიტორინგს, რაც მნიშვნელოვნად გაზრდის ავტობუსებისა და მიკროავტობუსების მოძრაობის უსაფრთხოებას.

ვადები და ცვლილებები
როგორც ირაკლი იზორია განმარტავს, რეგულაციები ვრცელდება ავტობუსებსა და მიკროავტობუსებზე, რომლებიც მგზავრთა გადაყვანას ახორციელებენ, და მათი ამოქმედება 2025 წლიდან დაიწყება, როდესაც ახალი ავტოსადგურების რეგულაციები ამოქმედდება. ამ დროისთვის ყველა ავტობუსი და მიკროავტობუსი უნდა იყოს აღჭურვილი სიჩქარის შემზღუდავი მოწყობილობებითა და ტაქოგრაფებით.

რატომ არის ეს რეგულაცია მნიშვნელოვანი?
რეგულაცია მნიშვნელოვნად წაადგება საქართველოს ავტოტრანსპორტის უსაფრთხოებას. დღეისთვის საქალაქთაშორისო მგზავრთა გადაყვანა კვლავ ერთ-ერთი პრობლემური სფეროა, რაც ხშირად ავტოსაგზაო შემთხვევებს იწვევს. ტაქოგრაფების და სიჩქარის შემზღუდავი მოწყობილობების დაყენება მიზნად ისახავს ავტოსაგზაო შემთხვევების შემცირებას, გაუმჯობესებული კონტროლის პირობებში. გარდა ამისა, აღნიშნული სისტემა ასევე დაგვეხმარება საგზაო უსაფრთხოების გაუმჯობესებაში.

დასკვნა
ახალი რეგულაციები ავტობუსების და მიკროავტობუსების სიჩქარის კონტროლისა და მძღოლების მონიტორინგის პროცესს მნიშვნელოვნად გააუმჯობესებს. 2025 წლიდან ამ რეგულაციების ამოქმედება შემოიტანს კიდევ უფრო მეტ უსაფრთხოებას გზებზე და ხელს შეუწყობს ავტოსაგზაო შემთხვევების შემცირებას. ამ ნაბიჯით, საქართველო გაემიჯნება წარსულს, სადაც საგზაო უსაფრთხოება არ იყო საკმარისი, და ერთ ნაბიჯს წინ გადადგამს ევროპული სტანდარტებისკენ.

ვარიაში არაჟნის შენახვისა და კარაქის დღვების ტრადიცია

მიერ
SheniSofeli.ge
-
0
ვარიაში არაჟნის შენახვისა და კარაქის დღვების ტრადიცია
#image_title

ვარიაში არაჟნის შენახვისა და კარაქის დღვების ტრადიცია |

ხის მორისგან ძველებური ჭურჭლის, საგომელის დამზადების წესი

 

ზოგიერთი რამ ბოცვერსა და მებოცვრეობაზე

მიერ
SheniSofeli.ge
-
0
ზოგიერთი რამ ბოცვერსა და მებოცვრეობაზე
#image_title

ზოგიერთი რამ ბოცვერსა და მებოცვრეობაზე

მიუხედავად იმისა, რომ ბოცვერი და კურ­დღელი ერთი ოჯახის წარმომადგენლები არიან და შესახედავადაც გაჭრილი ვაშლივით ჰგვანან ერთმანეთს, მაინც სხვადასხვა გვარს მიეკუთვნებიან და ბევრი რამითაც განსხვავდებიან. ში­ნაური ბოცვრების წინაპრები დღესაც არსებობენ და შესანიშნავად გრძნობენ თავს ევროპის ბევრ ქვეყანაში, აზიაში, აფრიკაში. ბოცვრების სამშობლოდ მიჩნეულია ესპანეთი. ბოცვრის მა­კეობის ხანგრძლივობა 28-30 დღეა, კურდღლი­სა 50-52 დღე; კურდღლის ბაჭიები იბადებიან თვალ­ახელილნი და ბეწვით შემოსილნი, ბოც­ვრისა – შიშვლები და თვალაუხელელნი. კურდღლები აწოვებენ რამდენიმე დღეს, ბოცვრები 30-45 დღეს. ველური ბოცვრები ც­ხო­ვ­რობენ სოროში დიდ ჯგუფად, კურდღლები კი სოროს საერთოდ არ იკეთებენ.

ბოცვრის ბაჭიები 5-7 დღის შემდეგ ბეწვით იმოსებიან, 9-10 დღის შემდეგ თვალებს ახე­ლენ; პირველი 3 კვირის განმავლობაში ბოცვრის ბა­ჭიები მხოლოდ ძუძუთი იკვებებიან.
კარგი კვების პირობებში ბაჭიები 3,5-4 თვის ასაკში 2,8-3,3 კგ-ს აღწევენ. 8-10 თვის ბაჭიები უკვე ზრდასრულნი არიან. მათ გამრავლების მიზ­ნით მხოლოდ 3-4 წელს ინა­ხავენ. დასაკლავი ფაზა 3,5-4 თვეა.
ბოცვრების ზომა და წონა ჯიშების მიხედვით­ სხვადასხვაა და მერყეობს 2,5 კგ-დან 8 კგ-მდე (ცო­ცხალი წონა).
ბოცვერი ერთ-ერთი ყველაზე მაღალნაყო­ფი­ერი ცხოველია, ერთი დედალი წელიწადში 50-60 ბაჭიას შობს. ხუთი დედლის ნამრავლი სრუ­ლიად საკმარისია 4-5-სულიანი ოჯახის ხორცით გამოსაკვებად მთელი წლის განმავლობაში. მისი ხორცი რეკომენდე­ბულია ნებისმიერი დიეტის დროს იმიტომ, რომ მასში, სხვა ხორცთან შედარებით, ქოლესტერინი ყველაზე ნაკლებია, ცილების შემცველობა კი ყველაზე მეტი.
ეს მცირე მონაცემებიც საკმარისია იმისთვის, რომ მეურნე კაცი დაინტერესდეს მებოცვრეობით. რა თქმა უნდა, დასაწყისში ყოველგვარი საქმიანობა ძნელია, კონსულტაციებს ჩვენ მო­გაწ­ვდით `მამულ-დედულის~ მეშვეობით. თქვენს მამულში ჩადგით ბოცვრებისათვის განკუთ­ვნი­ლი გალიები თავისი საკვებურებითურთ. ნაკ­ვეთში იმდენი საკვების მოპოვება შეიძლება, როგორც კულტურული მცენარეების ნარჩენების, ისე სარეველების სახით, რომ ბოცვრების საკვების 50% შინ გექნებათ, დანარჩენს კი, რა თქმა უნდა, შეიძენთ. კარგად მოვლილი ფერმა სულ მალე დაფარავს თქვენს ხარჯებს და დიდ სარგებელსაც მოგიტანთ. ბოცვრების მხოლოდ ხორცი როდია შემოსავლიანი, მისი ნავარცხნი ბეწვი და ტყავი – თუ თქვენი ბოცვრები ჯიშია­ნები არიან – ნამდვილად კარგ შემოსავალს მოგცემთ. მაგრამ თუ ხელმარჯვე კაცი არა ხართ და იმის უნარი არ შეგ­წევთ, დამოუკიდებლად მოაწყოთ ფერმა, ჯობს, საქმე არც წა­მოიწყოთ.
ვისაც შრომა არ გეზარებათ და სახელოსნო იარაღების ხმარებაც იცით, გააკეთეთ, რასაც ქვემოთ გირჩევთ. დაიცავით ყველა ძირითადი პირობა და თქვენი საქმე წარმატებული იქნება.
მაშ ასე, გამონახეთ თქვენს ნაკვეთში მშრა­ლი ადგილი, რომელსაც წვიმის დროს დატბორ­ვა არ ემუქრება. იმისთვის, რომ გალიები დაცული იყოს ქარისა და ზაფხულში მცხუნვარე მზის პირდაპირი სხივებისაგან, ჩადგით ისინი ან ხეებით შემოვლებულ ად­გილებზე, ან სპეციალურად გააშენეთ ნარგაობა.
გალიები იდგმება ფასადით აღმოსავლეთით ან დასავლეთით ისე, რომ გარკვეული დროის განმავლობაში მზის სხივი ხვდებოდეს გალიებს.

გალიები ააგეთ სამშენებლო მასა­ლების ნარ­ჩენებით: მორების ჩა­მონახერხებით, ყავრით, სხვა საქმეში გამოუსადეგარი ფიც­რებით, აგურით და ა.შ.
თუ ყავრით აშენებთ, მისი სისქე უნდა იყოს 2 სმ, კარებისათვის ხმარობენ 3 სმ სის­ქის ფიც­რებს.
დიდი ზომის ზრდასრული სახორცე-საბეწვე ჯიშის ბოცვრების შენახვა ჯობია ერთ ან ორგანყოფილებიან გალიებში. გალიის ზომებია: სიგრძე – 80-130 სმ, სიგანე – 60-70 სმ. ასეთ გალიაში შეგიძლიათ იყოლიოთ დედა კურდღელი თავისი ბაჭიებით, ცალკე გალიაში გადასმის პერიოდამდე, ან 6-8 სასაქონლო ბოცვერი 3 თვის ასაკამდე, ან 1 მამალი ბოცვერი.
მამლების შესანახად აშენებენ მრგვალი ფო­რ­მის 70-75 სმ დიამეტრისა და 70 სმ სიმაღ­ლის გალიებს. იატაკს აგებენ ვიწრო ფიცრებით ან ხა­ოიანი პლასტმასის მასალით.
მოზარდებისათვის მიზანშეწონი­ლია ჯგუფური შენახვა. მათი გალიის ზომები დამოკიდებულია მათ რაოდენობაზე. ყველაზე მისაღებია 170სმ სიგრძის, 70 სმ სიგანისა და 35-60 სმ სი­მაღ­ლის გალია. იქ შეიძლება მოთავსდეს 10 სა­­სა­ქონ­ლო ბოცვერი. ყოველ გალიაში ათავსებენ ერ­­თი სქესის, ასაკის და დაახლოებით ერთი წო­ნის მო­ზარ­დებს. მო­ჩ­ხუბ­რებს ათავსებენ ცალ­კე. სი­სუფ­თავის დასაცავად, რაც ყველაზე მთა­ვა­რია, საუკეთესოა ორმაგი იატაკი – ქვეშ ბა­დე და ზე­მოდან მოძრავი იატაკი, რომლის აღე­ბა-დადებაც შეიძლება.
საუკეთესო სახორცე-საბეწვე ჯი­შებად ითვლება: თეთრი გოლიათი – სიგრძე 60სმ, ცოცხა­ლი წონა – 5,1 კგ; რუხი გოლიათი – სიგრძე 60-61 სმ, წონა 5 კგ; საბჭოური შინშილა – სიგრძე 62სმ, ცოცხალი წონა 5 კგ და სხვ.

წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)

სარეველად ითვლება ყოველი მცენარე, რომელიც დამუშავებულ მიწაზე მამულის პატ­რონის სურვილის გარეშე ხარობს და, როგორც წესი, დიდ ზიანს აყენებს მეურნეობას და მნიშვნელოვ­ნად ამცირებს მოსავალს

„საქართველოს დედაქალაქში და ზოგიერთ რაიონში ატმოსფერულ ჰაერში მყარი ნაწილაკების (PM10, PM2.5) შემცველობის მატება ფიქსირდება“

მიერ
SheniSofeli.ge
-
0
„ჰაერში მყარი ნაწილაკების შემცველობის მატება ფიქსირდება“ - გარემოს ეროვნული სააგენტო ინფორმაციას ავრცელებს
#image_title

21 ნოემბრიდან საქართველოს დედაქალაქში და ზოგიერთ რაიონში ატმოსფერულ ჰაერში ფიქსირდება მყარი ნაწილაკების (PM10, PM2.5) შემცველობის მატება, რაც ძირითადად ტრანსასაზღვრო დაბინძურებას უკავშირდება და სამხრეთ, სამხრეთ-აღმოსავლეთიდან უდაბნოს მტვრის მასების მცირედ გავრცელებით არის განპირობებული. ინფორმაციას გარემოს ეროვნული სააგენტო ავრცელებს.

„საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით.

ნებისმიერ დაინტერესებულ პირს შესაძლებლობა აქვს გაეცნოს ინფორმაციას ჰაერის ხარისხის მდგომარეობის შესახებ და ასევე მიიღოს ჯანდაცვითი რეკომენდაციები ატმოსფერული ჰაერის ხარისხის პორტალზე www.air.gov.ge “რეკომენდაციების” ველში”, – აღნშიშნულია ინფორაციაში.

10 სასარგებლო რჩევა – რითი ებრძოდნენ ჩვენი წინაპრები მცენარეთა დაავადებებს და მავნებლებს

მიერ
SheniSofeli.ge
-
0
თაფლოვანი მცენარეები, ყვავილობის დრო და ნექტარპროდუქტულობა
#image_title

10 სასარგებლო რჩევა – რითი ებრძოდნენ ჩვენი წინაპრები მცენარეთა დაავადებებს და მავნებლებს

სასარგებლო რჩევები

1. ძროხის ნაკელში გამრავლებული ბაქ­ტე­რიები კარგად უმკლავდებიან დაავადება ნა­ცარს. ამიტომ 1 წილი ნაკელი გახსენით 3 წილ წყალ­ში, დააყოვნეთ 3 დღე-ღამის განმავლობაში, გაწურეთ, გააზავეთ წყლით 1:3-ზე და საღამოს შეასხურეთ დაავადებულ მცენარეს.
2. ყინვების დაწყებამდე შტამბსა და დე­­და ტოტებზე ბაქტერიული კიბოთი დაზი­ანე­ბული ადგილები ამოჭერით საღ მერქნამდე, და­ამუშავეთ 3%-იანი შაბიამნის ხსნარით და ამოლესეთ ნაზავით: 70% ნიგროლი, 15% კანიფოლი, 15% პარაფინი, ან 70% ნიგროლი და 30% ხის ნაცარი. ბაქტერიული კიბოს წინააღმდეგ ფოთოლცვენის დაწყებამდე ასხურებენ 1%-იან ბორდოს ხსნარს (1 კგ შაბიამანი, 1 კგ კირი 100ლ წყალზე).
3. ატმის ფოთლის სიხუჭუჭის წინააღმდეგ, ფო­­თოლ­ცვენის შემდეგ, მცენარეებსა და შტამბის გარშემო ნიადაგს შეასხურეთ 5%-იანი შარდოვანას ხსნარი (10 ლ წყალზე 500 გ შარდოვანა). ახალგაზრდა ხეებს შეასხურეთ იგივე 4%-იანი ხსნარი. ფოთლის სიხუჭუჭის პროფილაქტიკ­ის საუკეთესო საშუალებაა მცენარეთა შეს­ხურება და ფესვების დამუშავება ეკოლოგიურად სუფთა პრეპარატ „ბიორაგის“ ხსნარით.
4. მავნებელთა და დაავადებათა მოზამთრე სტადიების გასანადგურებლად, ფოთოლცვენის შემდეგ, ვეგეტაციის დაწყებამდე, როცა ჰაერის ტემპერატურა +5ºჩ-ზე მაღალია და 20ºჩ-ზე დაბალი, კარგია ხე-ბუჩქნარს შეასხუროთ 1%-იანი დნოკის ხსნარი (10 ლ წ­ყალზე – 100 გ), შესხურება რეკომენდებულია 2-3 წელიწადში ერთხელ.
5. პამიდვრის ახალი, საღი მიწისზედა ნა­წილებისა და ფესვების 4 კგ ნედლი მასალის ნაყენი გამოიყენება ხერხიების ღიად მცხოვ­რები მატლების წინააღმდეგ.
ნახარშის დამზადების წესი: 4 კგ ახალ, ნედლ მწვანე მასას ათავსებენ ჭურჭელში, ასხამენ 10ლ წყალს და ადუღებენ 30 წუთს. შესხურების წინ აზავებენ წყლით შეფარდე­ბით 1:3 და უმატებენ 10 ლ ნახარშზე 40 გ საპონს.
6. გვირილის ფოთლებსა და თანაყვა­ვი­ლე­დებს აშრობენ ჩრდილში, დაქუცმაცებულ მშრალ­ მა­სალას ათავსებენ ვედროში. 1 კგ მშრალ მა­სას ასხამენ 10 ლ წყალს და აჩე­რე­ბენ 12 სთ. შემდეგ ატარებენ საცერში, აზავებენ წყლით (1:3), უმატებენ 40გ საპონს და ასხურებენ. ვეგეტაციის პერიოდში გამოიყენება ტილების, ტკიპების და სხვა მწუწნავი მავნებლების წინააღმდეგ.
7. ფარსმანდუკის ფოთლებს და მწვანე მასას აგროვებენ ყვავილობის დასაწყისში. მასას აშრობენ, აქუცმაცებენ. 800 გ გამომშრალ მასალას უმატებენ 10 ლ ადუღებულ წყალს და აჩერებენ 36-38 საათს, ანდა ადუღებენ 30 წუთს. 10ლ ნახარშს უმატებენ 20 გ საპონს და იყენებენ ხეხილის ფსილების, ტილების, ტკიპების და სხვა მწუწნავი მავნებლების წინააღმდეგ ერთჯერადი შესხურებისთვის მავნებლის გამოჩენისთანავე.
8. აბზინდის მწვანე მასას აგროვებენ ყვავილობის დროს, 1 კგ-ს ათავსებენ ვედროში, ასხა­მენ 10 ლ წყალს, ადუღებენ 10-15 წუთს. აცივებენ, ატარებენ საცერში, უმატებენ 40 გ საპონს 10 ლ ნახარშზე და ასხურებენ ვეგეტაციის პერიოდში მღრღნელი მავნებლების წინააღმდეგ 15 დღის ინტერვალით 2-ჯერ.
9. ბურბუშელას კარგად გარეცხილ 300გ ფეს­ვებს ან 400გ წინასწარ დაჭრილ ნედლ ფოთ­ლებს ასხამენ 10 ლ თბილ წყალს და აჩერე­ბენ 1-2სთ. ატარებენ საცერში და ას­ხურებენ მცენარეს ვე­გე­ტაციის პერიოდში დაყვავილების­თანავე.
10. ფორთოხლის ქერქის ნაყენის დასამზადებლად 1კგ გამხმარ დაქუცმაცებულ ქერქს ას­ხამენ 10 ლ წყალს და ტოვებენ 3 დღის განმავ­ლობაში ბნელ ადგილას, გაზავების გარეშე ას­ხუ­რებენ ცრუფარიანების წინააღმდეგ ოთახის პირობებსა და სათბურებში.

ბაღის მავნებლებსა და დაავადებებთან ბრძოლის კალენდარი. 

წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

როგორ შევამოწმოთ ახალია თუ არა კვერცხი – 5 ეფექტური მეთოდი

მიერ
SheniSofeli.ge
-
0
როგორ შევამოწმოთ ახალია თუ არა კვერცხი - 5 ეფექტური მეთოდი
#image_title

 მნიშვნელოვანია იცოდეთ, როგორ შეამოწმოთ კვერცხები ყიდვამდე. როგორ უნდა შეამოწმოთ კვერცხი ყიდვამდე: 5 ეფექტური მეთოდი

კვერცხების უსაფრთხოება მნიშვნელოვანია ჩვენი ჯანმრთელობისთვის. ძველი კვერცხის ჭამამ, თუნდაც მოხარშულის, შეიძლება სერიოზულ პრობლემები გამოიწვიოს. ამიტომ მნიშვნელოვანია იცოდეთ, როგორ უნდა შეამოწმოთ კვერცხების მდგომარეობა ყიდვამდე. აქ მოცემულია ხუთი ეფექტური მეთოდი, რომლითაც შეგიძლიათ დარწმუნდეთ კვერცხების freshness-ის ხარისხში.

1. შეანჯღრიეთ კვერცხი

კვერცხების სიჯანსაღის დასადგენად პირველ რიგში შეანჯღრიეთ ისინი. თუ ყრუ ხმა ან შიგნით რხევა გესმის, ეს შეიძლება მიუთითებდეს იმაზე, რომ კვერცხი გაფუჭებულია. ასეთ შემთხვევაში, საუკეთესოა კვერცხი არ შეიძინოთ.

2. შეამოწმეთ ნაჭუჭი

კვერცხების ნაჭუჭი უნდა იყოს გლუვი და სუფთა. ბზარები, ნადები ან არაბუნებრივი ნიშნები, როგორიცაა ჩაქვეტილობები, მიუთითებს იმაზე, რომ კვერცხი შეიძლება გაფუჭებული იყოს. ასეთ კვერცხებს მოერიდეთ.

3. გამოიყენეთ ფანარი

იმის დასადგენად, კვერცხი ახალია თუ არა, შეგიძლიათ გამოიყენოთ ფანარი. განათავსეთ კვერცხი სინათლის წყაროს წინ და დააკვირდეთ მისი შიგთავსის ფერს. თუ გული მუქია, ეს შეიძლება მიუთითოს კვერცხის გაფუჭებაზე.

4. ულტრაიისფერი ფანარი

თუ ხელთ გაქვთ ულტრაიისფერი ფანარი, გამოიყენეთ იგი კვერცხების სიახლის შესამოწმებლად. ახალი კვერცხი ბნელი ფერის იქნება, რაც უფრო ძველი არის კვერცხი, მით უფრო ღია ფერის გახდება ნაჭუჭი.

5. შეამოწმეთ ეტიკეტი

რაც შეეხება ეტიკეტირებას, ყოველთვის შეამოწმეთ კვერცხების ვადა. მწარმოებლები, რომლებიც აფასებენ თავიანთ რეპუტაციას, ყოველთვის აწერენ ეტიკეტზე ვადას და სხვა მნიშვნელოვან ინფორმაციას, რაც დაგეხმარებათ დარწმუნდეთ კვერცხების სიჯანსაღეში.

დასკვნა

თქვენ შეგიძლიათ უზრუნველყოთ კვერცხების შემოწმება ამ მარტივი, მაგრამ ეფექტური მეთოდების გამოყენებით. გამოყენების წინ თითოეული კვერცხის შემოწმება დაგეხმარებათ თავიდან აიცილოთ ჯანმრთელობის პრობლემები და მიაწოდოთ უსაფრთხო პროდუქტები თქვენ და თქვენს ოჯახს.

გამოიყენეთ ეს რჩევები და შეიძენთ მხოლოდ საუკეთესო ხარისხის კვერცხებს!

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

სარეველად ითვლება ყოველი მცენარე, რომელიც დამუშავებულ მიწაზე მამულის პატ­რონის სურვილის გარეშე ხარობს და, როგორც წესი, დიდ ზიანს აყენებს მეურნეობას და მნიშვნელოვ­ნად ამცირებს მოსავალს

მიერ
SheniSofeli.ge
-
0
სარეველად ითვლება ყოველი მცენარე, რომელიც დამუშავებულ მიწაზე მამულის პატ­რონის სურვილის გარეშე ხარობს
#image_title

სარეველად ითვლება ყოველი მცენარე, რომელიც დამუშავებულ მიწაზე მამულის პატ­რონის სურვილის გარეშე ხარობს და, როგორც წესი, დიდ ზიანს აყენებს მეურნეობას და მნიშვნელოვ­ნად ამცირებს მოსავალს. ეს თითქოსდა უწ­ყინარი, ზოგჯერ სამკურნალო ან საჭმე­ლად ვარგისი სარეველა მცენარეები:

– იწოვენ წყლის მნიშვნელოვან რაოდენობას, გაცილებით მეტს, ვიდრე კულტურული მცენარეები. ძლიერ გამრავლებული სარეველა ხელს უშლის კულტურის ზრდა-განვითარებას.
– იყენებენ საკვები ნივთიერებების გაცილე­ბით მეტ რაოდენობას, ვიდრე კულტურული მცე­ნარეები. მაგალითად, მათთან შედარებით სარეველა ბოლოკას, რომელიც შვრიის ყანაში იზ­რდება, გაცილებით ძლიერი ფესვთა სისტემა აქვს, შესაბამისად, ნიადაგიდან კალიუმისა და აზო­ტის ორჯერ და ფოსფორის სამჯერ მეტ ნა­ერთებს იწოვს.
– გაცილებით სწრაფად იზრდებიან და კულტურულ მცენარეებს ჩრდილავენ, რაც ხელს უშლის მათ ნორმალურ განვითარებას.
– აქვეითებენ ნიადაგის ტემპერატურას, რადგან ნიადაგის ზედაპირს ჩრდილავენ. სარეველებით ძლიერ მოდებული და სუფთა ნათესების ნიადაგის ტემპერატურის სხვაობა 3ºჩ-ია.
– ავიწროებენ კულტურულ მცენარეებს, რადგან კვალში უმეტეს ადგილს იკავებენ, რითაც ხელს უშლიან მათ ზრდა-განვითარებას.
– ზიანს აყენებენ ნათესებს. მაგალითად, ხვიარა მცენარეები ხვართქლა და ბეგიაური იწვევენ ყანის ჩაწოლას, რომელიც გვიან და ცუდად ვითარდება. ჩაწოლილ ყანაში ხშირად მატულობს სინესტე, განსაკუთრებით წვიმების დროს, რაც უარყოფითად მოქმედებს ნათესზე.
– გადააქვთ ვირუსული დაავადებები, ჟანგა სოკო და სხვ. ხელს უწყობენ გრძელცხვირა ხოჭოების, ბაღლინჯოებისა და სხვა მავნებლების გამრავლებას.
– ფესვთა ძლიერი სისტემის გამო აძნელებენ ნიადაგის დამუშავებას, ართულებენ ჭარხლის მექანიზებული წესით ამოთხრას და ა.შ.
– მათი თესლის მინარევი აუფასურებს სათესლე მასალას; მიწისზედა ნაწილები – საქონლის საკვებად გათიბულ მცენარეებს, რადგან მათ შორის ხშირია შხამიანი მცენარეები, მაგალითად, შალაფა, ხვართქლა, ლენცოფა და სხვ.
სათესლე მასალიდან სარეველების თესლის გამორჩევა საკმაოდ შრომატევადი და ხარჯებთან დაკავშირებული საქმეა.
მოდებული სარეველებისგან (განსაკუთრებით ფესურის მქონე სახეობებისგან) მცირე ზო­­მის ფართობების გასუფთავება მექანიკური წე­­სით – დაბარვითა და გათოხნით, ყველაზე ეფექ­­­­ტუ­რი და ჯანმრთელობისთვის უსაფრთ­ხ­ოა. ყო­­­ველი დაბარვის დროს ფესურები უნდა აიკ­რი­­­ფოს და დაიწვას.
სარეველების განადგურებამდე გასათვა­ლი­ს­­წინებელია, რომ ზოგიერთ მათგანს სამ­კურ­ნალო თვისებები აქვს ან პირუტყვის სა­კ­ვებად გამოიყენება. მაგალითად, ისეთი ძვირფასი მცე­­ნარეები, როგორიცაა: კრაზანა, შავბალახა, ენდრო, მრავალძარღვა, ორკბილა, მატიტელა, ჭინ­ჭარი და მრავალი სხვა, თავის დროზე უნდა მოიკრიფოს, გაშრეს და სახლის აფთიაქს შეემა­ტოს. ასევე დასანანია ნაცარქათამა, ჯიჯლაყა, ჭინჭარი, კოფრჩხილა და ა.შ. ასეთები შეიძლება მარგვლის დროს გადავარჩიოთ და მხლად ვიხმაროთ.
ქვემოთ მოყვანილია გავრცელებული სარევე­ლების დახასიათება და მათ წინააღმდეგ ბრძო­ლის ხერხები და საშუალებები.

რით გავაშენოთ ქარსაფარი ზოლი ?

წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)

საქსტატი – 2024 წლის ოქტომბერში სამრეწველო პროდუქციის მწარმოებელთა ფასების ინდექსი წლიურად 6.8 პროცენტით გაიზარდა

მიერ
SheniSofeli.ge
-
0
#image_title

სტატისტიკის ეროვნული სამსახურის მონაცემებით, 2024 წლის ოქტომბერში სამრეწველო პროდუქციის მწარმოებელთა ფასების ინდექსი, წინა თვესთან შედარებით, 0.1 პროცენტით შემცირდა, ხოლო წინა წლის შესაბამის თვესთან შედარებით სახეზეა ინდექსის 6.8-პროცენტიანი მატება.

საქსტატის ცნობით, 2024 წლის სექტემბერთან შედარებით, ფასები 4.6 პროცენტით გაიზარდა სამთო-მოპოვებითი მრეწველობისა და კარიერების დამუშავების ჯგუფზე, რამაც 0.3 პროცენტული პუნქტით იქონია ზეგავლენა ჯამური ინდექსის ცვლილებაზე. ამავე პერიოდში ფასები -0.8 პროცენტით შემცირდა დამამუშავებელი მრეწველობის პროდუქციის ჯგუფზე, რამაც -0.62 პროცენტული პუნქტი შეიტანა მთლიანი ინდექსის ცვლილებაში.

ჯგუფში შემავალი პროდუქტებიდან აღსანიშნავია ფასების -3.5 პროცენტიანი კლება კვების პროდუქტებზე. გარდა ამისა, ფასების 2.1-პროცენტიანი ზრდა დაფიქსირდა ელექტროენერგიის, აირის, ორთქლის და კონდიცირებული ჰაერის ჯგუფზე, რომლის წვლილმაც თვის ჯამური ინდექსის ცვლილებაში 0.22 პროცენტული პუნქტი შეადგინა.

„12-თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 29.7 პროცენტით, რაც მთლიანი ინდექსის ცვლილებაზე 1.7 პროცენტული პუნქტით აისახა. ჯგუფში აღსანიშნავია ფასების მატება ლითონის მადნებზე (35.9 პროცენტი); დამამუშავებელი მრეწველობის პროდუქცია: ფასები გაიზარდა 5.3 პროცენტით, რამაც მთლიანი ინდექსის ზრდაზე 4.32 პროცენტული პუნქტით მოახდინა გავლენა. ფასები გაიზარდა შემდეგ ქვეჯგუფებზე: კვების პროდუქტები (6.6 პროცენტი) და ძირითადი ლითონები (11.8 პროცენტი); ელექტროენერგია, აირი, ორთქლი და კონდიცირებული ჰაერი: ფასები გაიზარდა 4.4 პროცენტით, რამაც მთლიანი ინდექსის წლიურ ცვლილებაზე 0.54 პროცენტული პუნქტით იქონია გავლენა; წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 10.9 პროცენტით, რამაც მთლიან ინდექსზე 0.26 პროცენტული პუნქტით იქონია გავლენა“ – აღნიშნულია საქსტატის მიერ გამოქვეყნებულ ანგარიშში.

“აქ ყველაფერი ჩვენი შრომით არის შექმნილი” -სოფელ აჭყვისთავში მცხოვრები რევაზ რომანაძის ოჯახის მიერ შექმნილი ულამაზესი ეზო

მიერ
SheniSofeli.ge
-
0
#image_title

ქობულეთის მუნიციპალიტეტუს სოფელ აჭყვისთავში მცხოვრები რევაზ რომანაძის ოჯახის მიერ შექმნილი ულამაზესი ეზო, რომლითაც უამრავი ადამიანი მოიხიბლა.

 „ეს ჩვენი ოჯახი ნამუშევარია.

ყვე­ლა­ფე­რი ჩვენი ხე­ლით არის გა­კე­თე­ბუ­ლი.

დამტვრეული თოჯინები განვაახლე. ჩემი აწყობილი თოჯინებია. თავად შევკერე კაბები. ერთ თოჯინას კისერი ქონდა მოტეხილი, ისეთი კაბა შევკერე და მოვარგე, რომ არ ჩანს მოტეხილი კისერი. ნაბეღლავის ბოთლებში ჩავსვი დაზიანებული თოჯინები და შპაკლით ჩავამაგრე. არ მიყვარს არაფრის გადაგდება…

#image_title
#image_title

ეზოში „ნატვრის ხე გვაქვს“, რომელსაც უამრავი თოჯინა და სათამაშო ამშვენებს“

1...495051...173გვერდი 50 of 173

ბოლო სიახლეები

„აგროთანადაფინანსების პროგრამა მომზადდა ფერმერებთან ფართო დიალოგისა და საუკეთესო საერთაშორისო პრაქტიკის გათვალისწინებით, ქვეყნის რეალურ საჭიროებებზე დაყრდნობით“-აგროსექტორის მხარდასაჭერად გარემოს დაცვისა და სოფლის მეურნეობის სამინისტრომ ახალი სახელმწიფო...

ქართული ვაზისა და ღვინის კულტურის კვლევის სამეცნიერო პროექტის ფარგლებში, ველური ვაზის შესწავლის ღონისძიებები გრძელდება

პრემიერი: „აგროთანადაფინანსების“ ახალი პროგრამით ჩვენ ვაერთიანებთ აგროწარმოების ყველა საკვანძო მიმართულებას, ჩვენი მთავარი მიზანია საშუალო ზომის ფერმერული მეურნეობების გაძლიერება – ზოგ შემთხვევაში სახელმწიფო თანადაფინანსება ორმაგდება

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge