გადაცემაში “ექიმები” ლევან ქარაზანიშვილმა და რეზო ომიაძემ დაასახელეს ის პროდუქტები, რომლებიც დილით, უზმოზე არ უნდა მიიღოთ:

ფორთოხლის წვენი – უზმოზე კუჭში მოხვედრისას მას არც თუ ისე კარგი რეაქცია ექნება, რადგანაც ხილის წვენი დიდი რაოდენობით ფრუქტოზას შეიცავს. ახალგაღვიძებულ ორგანიზმს, პანკრეასსა და ღვიძლს ძალიან უჭირს მისი გადამუშავება. უმჯობესია, ის მას შემდეგ დალიოთ, როცა უკვე სხვა რაღასაც მიირთმევთ. ასევე, უნდა გავითვალისწინოთ, რომ დღის განმავლობაში ერთ ფორთოხალზე მეტი არ არის რეკომენდებული.

ცოცხალი ბოსტნეულით დამზადებული სალათები – უზმოზე უმი ბოსტნეული არც თუ ისე კარგი არჩევანია. მთელი ღამის დასვენების შემდეგ ორგანიზმს უხეში უჯრედისის დამუშავება უჭირს. ამიტომ, თუ დისკომფორტის თავიდან აცილება გსურთ, სალათები ცოტა მოგვიანებით მიირთვით.

ცხარე საკვები – ეს კუჭ-ნაწლავს გააღიზიანებს და შესაძლოა, გულძმარვა მთელი დღე გაგყვეთ. მაგალითად, თუ საუზმეზე კვერცხს შეარჩევთ, უმჯობესია, რომ მას ცხარე სოუსი არ მოასხათ.

იოგურტი – ის სასარგებლო პროდუქტია, თუმცა თუ დილით რომელიმე ფერმენტირებული პროდუქტის ჭამა მოისურვეთ, მანამდე აუცილებლად სხვა საკვები უნდა მიირთვათ, რადგან უზმოზე იოგურტის მიღებამ შესაძლოა, კუჭში მეგობარი ბაქტერიების ბალანსი დაარღვიოს. ეს არ ეხება ყველს. ყველი თავისუფლად შეგიძლიათ დილით მიირთვათ, რადგან მას კუჭი კარგად და მარტივად გადაამუშავებს.

ყოველი დილა, უზმოზე 1 ჭიქა წყლით უნდა დაიწყოთ. წყალი უნდა იყოს ოთახის ტემპერატურის. ასევე არ შეიძლება ცხელი სითხის მიღება.

რეჰანი ნაზი, სითბოს მოყვარული მწვანილია. შუა საუკუნეების “სააქიმო წიგნებში” მას სასწაულმოქმედ მცენარედ მოიხსენიებენ. ძველი წყაროების თანახმად, თურმე რეჰანი ძლიერ აღვივებდა ვნებას, მის ფხვნილს კი შაკიკიანი ავადმყოფები ყნოსავდნენ.

რეჰანის საუცხოო სურნელი და გემო მასში შემავალი ეთერზეთების დამსახურებაა, მის სასარგებლო თვისებებს კი P ვიტამინისა და A პროვიტამინის მარაგი განაპირობებს. რეჰანს ანტიმიკრობული მოქმედება აქვს, ხსნის თავის ტკივილს, ასტიმულირებს საჭმლის მონელებას, შველის უძილობას.

ექსპერტების აზრით, რეჰანი უნიკალური მცენარეა. პოტენციურად მას ადამიანის სიცოცხლის გახანგრძლივება შეუძლია. მცენარეს ასევე აქვს ანტიბაქტერიული, სოკოს საწინააღმდეგო, ანტიოქსიდანტური, ანთების საწინააღმდეგო თვისებები. ის აძლიერებს იმუნიტეტს, ებრძვის ინფექციებს, სასარგებლოა გულ-სისხლძარღვთა სისტემის, კანისა და თმისთვის.

იმისათვის, რომ ზამთრის პერიოდში ორგანიზმი დავიცვათ გაციებითი დაავადებებისგან და საჭმლის მონელებასთან დაკავშირებული დისკომფორტისგან, ექსპერტები გვთავაზობენ, რეჰანი (გამხმარი და დაფქული) შევურიოთ კრისტალურ შაქარს და ყოველდღე მივიღოთ.

მცენარე ამცირებს ტკივილის (მათ შორის, საყრდენ-მამოძრავებელი აპარატის დაავადებებით პროვოცირებული), ღებინების შეგრძნებას.

თმის გაყოფილი ბოლოები ქალებში საკმაოდ გავრცელებული პრობლემაა. თმის ფენი და უთო უარყოფითად მოქმედებს თმის სტრუქტურაზე. ჩვენ გეტყვით, რა უნდა გააკეთოთ.

შეიჭრათ თმის ბოლოები

იდეალურ შემთხვევაში, ბოლოების მოსაჭრელად თვე-ნახევარ ორ თვეში ერთხელ უნდა ეწვიოთ სალონს, თუმცა სიგრძის გაწირვა მოგიწევთ.

ქოქოსის ზეთი

ეს ზეთი კარგად ატენიანებს თმას. წაისვით თბილი ზეთი თმაზე 30 წუთის განმავლობაში, შემდეგ ჩამოიბანეთ შამპუნით. ქოქოსის ზეთი ხელს უწყობს თმის ბოლოების მკურნალობას.

კვერცხის ნიღაბი

ათქვიფეთ კვერცხი და წაისვით თმის ბოლოებზე. 20 წუთის შემდეგ ჩამოიბანეთ ნიღაბი შამპუნით. ექსპერტები ამბობენ, რომ კვერცხი მდიდარია ცილებით, ამიტომ ისინი ხელს უწყობენ თმის გაძლიერებას.

 მოერიდეთ თმის საშრობებს

თმის საშრობი, სახვევი უთოები ათბობს თმას და უარყოფითად მოქმედებს მის სტრუქტურაზე. თქვენ უნდა გამოიყენოთ თერმული დაცვა, რათა დაიცვათ თმა მაღალი ტემპერატურისგან