სამშაბათი, მაისი 5, 2026
- Advertisement -
Google search engine
მთავარი წაკითხვა გვერდი 33

ბაზარზე რძის პასტისგან წარმოებული ყველის რაოდენობამ იმატა

მიერ
SheniSofeli.ge
-
0
ბაზარზე რძის პასტისგან წარმოებული ყველის რაოდენობამ იმატა
#image_title

„2024 წელს ნედლი რძის წარმოება ქვეყანაში კიდევ უფრო მეტად შემცირდა, ფასი კი გაიზარდა. ბაზარზე მომატებულია ფალსიფიცირებული პროდუქციის რაოდენობაც, რომელიც სათანადოდ არ კონტროლდება, რაც დარგს მნიშვნელოვნად აზარალებს“. ამის შესახებ რძის სექტორში მომუშავე კომპანიები აცხადებენ.

საქსტატის ინფორმაციით, 2024 წელს საქართველოს რძის სექტორში კიდევ უფრო მეტად შემცირდა ნედლი რძის წარმოება, ხოლო მისი ფასი მნიშვნელოვნად გაიზარდა. გარდა ამისა, ბაზარზე გააქტიურდა ფალსიფიცირებული პროდუქცია, რომელიც სათანადოდ არ კონტროლდება და დარგს სერიოზულ პრობლემებს უქმნის. 

როდის დაიწყო რძის ბაზრის გამოწვევები?

საქსტატის მონაცემებით, 2024 წელს რძის შემცვლელი პასტის იმპორტი საქართველოში 71%-ით გაიზარდა, რაც დარგის წარმომადგენლების შეფასებით, საგანგაშო ტენდენციაა. როგორც ისინი აცხადებენ, ამ პროცესმა სერიოზულად დააზარალა ადგილობრივი პროდუქციის წარმოება, რაც სამომავლოდ ბაზარზე რძის წარმოებას მოაკლებს.

რა პრობლემებს აწყდებიან რძის სექტორში?

„კავკასუს გენეტიკას“ დირექტორის გიორგი ხატიაშვილის თქმით, 2024 წელს ევროპიდან მსხვილფეხა საქონლის იმპორტი შემცირდა, რამაც ადგილობრივ ფერმებს შესაძლებლობა არ მისცა თავიანთი ბიზნესები შეემცირებინათ და ფერმების გაფართოება განეხორციელებინათ. როგორც ხატიაშვილი აღნიშნავს, ნედლი რძის წარმოების უკვე შემცირებულ ფონზე, ეს დამატებითი გამოწვევა იყო, რაც დარგისთვის კიდევ უფრო დიდი პრობლემაა.

ნედლი რძის დეფიციტი და მისი შედეგები

კომპანიის წარმომადგენლები განმარტავენ, რომ საქართველოში რძის დეფიციტი შეინიშნება, რომლის შევსებაც იმპორტირებული რძის პასტის და ფხვნილის საშუალებით ხდება. 2024 წელს ქვეყანაში, მიუხედავად იმისა, რომ რამდენიმე ახალი და თანამედროვე ფერმა გაიხსნა და რძის წარმოებამ ნაწილობრივ მოიმატა, პარალელურად მაჩვენებელი რძის ფხვნილისგან დამზადებულ პროდუქტებში შეიცვალა. ამისგან მოყვანილი პროდუქციის რაოდენობამ, განსაკუთრებით კი ყველის წარმოება, იმპორტირებული სასურსათის ზრდის ფონზე კვლავ გაჭირდა.

რა გავლენა იქონია იმპორტისა და დაავადების ფაქტორებმა?

2024 წელს, ევროპაში გავრცელებული ბლუტანგის დაავადების გამო, სანაშენე ცხოველების ექსპორტი შეჩერდა, რამაც ფერმებს კიდევ ერთი სერიოზული პრობლემის წინაშე დააყენა. რის გამოც სანაშენე ცხოველების ექსპორტი მთლიანად აიკრძალა და აღარ მოხდა შემოყვანა ბაზარზე. ჩვენ ადგილზე სანაშენე საქონელს ვერ ვაწარმოებთ, შესაბამისად, ფერმების დაკომპლექტება ვერ მოხერხდა. ეს იყო ერთ-ერთი მნიშვნელოვანი გამოწვევა გასულ წელს და მიზეზი იმისა, რომ ნედლი რძის რაოდენობა ვერ გაიზარდა.”- ამბობს “კავკასუს გენეტიკას” დირექტორი გიორგი ხატიაშვილი.

დასკვნა:

2024 წელი რძის სექტორისთვის კიდევ ერთი მძიმე წელი აღმოჩნდა, რადგან ნედლი რძის წარმოება არ გაიზარდა, ხოლო იმპორტის ზრდამ და ფალსიფიცირებული პროდუქციის არსებობამ სერიოზული გამოწვევები წარმოშვა. მომავალი წლებში, განსაკუთრებით ფერმების გაფართოების და ნედლი რძის წარმოების გადარჩენისათვის, საჭიროა დამატებითი ნაბიჯების გადადგმა, რათა შემცირდეს იმპორტზე დამოკიდებულება და გაიზარდოს ადგილობრივი პროდუქციის წარმოება.

ღვინის საიდუმლო, რომელიც ყველა ქართველმა უნდა იცოდეს

მიერ
SheniSofeli.ge
-
0
ღვინის საიდუმლო, რომელიც ყველა ქართველმა უნდა იცოდეს
#image_title

ღვინის საიდუმლო, რომელიც ყველა ქართველმა უნდა იცოდეს

ერთმა კაცმა სუფრაზე ღვინო არ დალია.
«რატომ არ სვამო», ჰკითხეს და კაცმა უპასუხა:
«იმიტომ, რომ ვიცი ვისი დაყენებულიც არისო»
— რას ამბობ, ნატურალურია, ხატზე დავიფიცებ, — შეიცხადა მასპინძელმა.
— შეიძლება ნატურალურიც არის, მაგრამ ღვინო რომ წამლად შეგერგოს, მარტო ეგ არ კმარაო, — უპასუხა კაცმა.
— აბა კიდევ რა არის საჭირო? — ჰკითხა მასპინძელმა.
— აბა, ჯერ შენ მიპასუხე, თუ იცი, ჩვენი წინაპრები როგორ წურავდნენ ყურძენს?
— საწნახელში იდგნენ და ფეხებით ჭყლეტდნენ, — უპასუხა მასპინძელმა.
— მთავარი გამოგრჩა: ამ დროს მღეროდნენ, გალობდნენ, მხიარულობდნენ, და იცი რატომ? — იკითხა სტუმარმა.
— არ ვიცი, — მხრები აიჩეჩა ოჯახის უფროსმა.
— იმიტომ, რომ დაწურულ ყურძენს უცნაური მეხსიერება აქვს, ის იმახსოვრებს იმ სულს, იმ გარემოს, რა გარემოშიც იქცევა წვენად და ის სული ცოცხლდება შემდეგ ღვინოში.
ამიტომაც ხარობდნენ ჩვენი წინაპრები ყურძნის დაწურვისას, რომ ღვინო გამხდარიყო სამხიარულო, სასიყვარულო, საჯანმრთელო, და სასიკეთო.
— მერე?
— მერე ის, რომ ვინც ეს ღვინო დააყენა და მოგყიდა, ვიცნობ იმ კაცს, მის ოჯახში სულ ჩხუბი და აყალმაყალია, ბოროტი სული ტრიალებს მაგის სახლში და მისი ღვინოც ბოროტი სულის მატარებელი იქნებაო, — უპასუხა კაცმა.
ჩვენი წინაპრების სიბრძნე გვასწავლის, რომ ღვინო უბრალოდ სასმელი არ არის – ის ატარებს იმ გარემოსა და ემოციას, რომელშიც შეიქმნა. თუ ღვინო სიყვარულით, სიხარულით და დადებითი ენერგიითაა დამზადებული, მას შეუძლია სარგებლობა მოუტანოს როგორც სხეულს, ისე სულს.
თუმცა, თანამედროვე მეცნიერება გვიჩვენებს, რომ ღვინის სარგებლიანობა დამოკიდებულია არა მხოლოდ მის წარმომავლობაზე, არამედ მოხმარების კულტურაზე. ზომიერად და გონივრულად სმა უმჯობესებს გულ-სისხლძარღვთა სისტემის მუშაობას, ამცირებს სტრესს და ხელს უწყობს ჯანსაღ სოციალურ ურთიერთობებს.
მთავარი მესიჯი ნათელია – ღვინო უნდა იყოს სიხარულის, მეგობრობისა და ჯანმრთელობის სიმბოლო და არა ზედმეტი ან მავნე ჩვევის ნაწილი.
@highlight
@[61552603185704:2048:SheniEkimi.ge • http://xn--podalbard8ewa.ge/]
@[61554408115760:2048:SheniAmbebi.ge • http://xn--lodcajcveug2j.ge/]
@[61555666515821:2048:SheniSupra.ge • http://xn--lodhmpvfoi4a.ge/]
შეიძლება იყოს ტექსტი-ის პოპ-არტი

„სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, გარდაბნის მუნიციპალიტეტის 40 სოფელში საერთო კრებები 11 თებერვლიდან დაიწყება

მიერ
SheniSofeli.ge
-
0
„სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, გარდაბნის მუნიციპალიტეტის 40 სოფელში საერთო კრებები 11 თებერვლიდან დაიწყება
#image_title

გარდაბნის მუნიციპალიტეტის ადმინისტრაციულ ერთეულებში, საქართველოს რეგიონებში განსახორციელებელი პროექტების ფონდიდან „სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, დასახლების საერთო კრებები 11 თებერვლიდან დაიწყება და მუნიციპალიტეტის 40 სოფელში ეტაპობრივად ჩატარდება.

გარდაბნის მუნიციპალიტეტის ინფორმაციით, საპროექტო წინადადებების მიღებასა და მათი შემუშავების პროცესში მერის ბრძანების საფუძველზე შექმნილი საკოორდინაციო ჯგუფის წევრები და ადმინისტრაციულ ერთეულებში მერის წარმომადგენლები ჩაერთვებიან.

„2026 წელს გარდაბნის მუნიციპალიტეტში აღნიშნული პროგრამის განხორციელებისთვის 662 000 ლარი გამოიყო.

შეხვედრების განრიგისა და სოფლებისთვის გამოყოფილი თანხების შესახებ დეტალური ინფორმაცია იხილეთ ბმულზე – https://gardabani.gov.ge/2026-tslis-sophlis-mkhardatcheris-programa-itsqheba/“, – გარდაბნის მუნიციპალიტეტში.

ქართული ვაშლისთვის განსაკუთრებით პერსპექტიულ ბაზრებად განიხილება ახლო აღმოსავლეთი (საუდის არაბეთი, არაბთა გაერთიანებული საამიროები), ჩრდილოეთ აფრიკა (ეგვიპტე), ინდოეთი და ცენტრალური აზიის ქვეყნები, რაც ექსპორტის დივერსიფიკაციის რეალურ შესაძლებლობას ქმნის

მიერ
SheniSofeli.ge
-
0
5 მიზეზი, რატომ უნდა მიირთვათ დღეში ერთი ვაშლი - სასარგებლო თვისებები
#image_title

2025 წელს დაფიქსირდა რეკორდული მაჩვენებელი – 14 მლნ აშშ დოლარის ღირებულების 20.6 ათასი ტონა ვაშლის ექსპორტი, რასაც თან ახლავს საშუალო საექსპორტო ფასის ზრდაც.

შედეგი განპირობებულია წარმოების ზრდით, შენახვა-გადამუშავების ინფრასტრუქტურის გაუმჯობესებით, რამაც უზრუნველყო  ხარისხი და უწყვეტი მიწოდება.

ქართული ვაშლისთვის განსაკუთრებით პერსპექტიულ ბაზრებად განიხილება ახლო აღმოსავლეთი (საუდის არაბეთი, არაბთა გაერთიანებული საამიროები), ჩრდილოეთ აფრიკა (ეგვიპტე), ინდოეთი და ცენტრალური აზიის ქვეყნები, რაც ექსპორტის დივერსიფიკაციის რეალურ შესაძლებლობას ქმნის.

სახელმწიფოსა და კერძო სექტორის კოორდინირებული მოქმედება – ტექნოლოგიების განვითარება, ხარისხის სტანდარტების დაცვა და ახალი ბაზრების ათვისება ქმნის მყარ საფუძველს ქართული ვაშლის საერთაშორისო ბაზრებზე წარმატებული პოზიციონირებისთვის.

წაიკითხეთ სრულად:  https://mepa.gov.ge/Ge/Files/ViewFile/55536

სელის თესლი -რა უნდა ვიცოდეთ

მიერ
SheniSofeli.ge
-
0
სელის თესლი -რა უნდა ვიცოდეთ
#image_title

სელის თესლი მდიდარია სასარგებლო ნივთიერებებით – შეიცავს უჯრედისს, ცხიმოვან მჟავებსა და ვიტამინებს.

სელის თესლი ხშირად გამოიყენება კვებაში, მედიცინასა და კოსმეტიკაში. მოდით, გავიგოთ, რას გვაძლევს სელის თესლის მიღება, ვის შეუძლია მისი მოხმარება და როგორ უნდა მივიღოთ სწორად.

მდიდარია ვიტამინებითა და მინერალებითსელის თესლი შეიცავს B1 ვიტამინს (თიამინი), სპილენძს, ფოსფორსა და მოლიბდენს, რომლებიც აუცილებელია ნერვული სისტემის, კანის, ძვლებისა და მეტაბოლიზმის ნორმალური ფუნქციონირებისთვის.

აუმჯობესებს გულ-სისხლძარღვთა სისტემის მუშაობას.

სელის თესლის რეგულარული მოხმარება ამცირებს „ცუდი“ ქოლესტერინის (LDL) დონეს 9-18%-ით. ეს ეფექტი უჯრედისისა და ლიგნანების შემცველობით არის განპირობებული.

შეიცავს ომეგა-3 და ალფა-ლინოლენის მჟავებს (ALA), რომლებიც ხელს უწყობენ ანთების შემცირებას და ამცირებენ გულის დაავადებების რისკს.

გამოაქვს ტოქსინები და ხელს უწყობს ნაწლავების რეგულარულ მოქმედებას.

არეგულირებს სისხლში შაქრის დონეს კვლევების მიხედვით, 10-20 გრ დაფქვილი სელის თესლის ყოველდღიური მიღება 1-2 თვის განმავლობაში ხელს უწყობს სისხლში შაქრის დონის 19.7%-ით შემცირებას.

გაითვალისწინეთ რომ არასასურველია ორსულობისას – სელის თესლის ზოგიერთი კომპონენტი ესტროგენს ჰგავს და შეიძლება, არ იყოს უსაფრთხო ორსულებისთვის. გამოყენებამდე საჭიროა ექიმის კონსულტაცია.

ღვინისა და აგროტურიზმის საქმიანობით მიღებული 700 000 ლარამდე შემოსავალი არ დაიბეგრება

მიერ
SheniSofeli.ge
-
0
ღვინისა და აგროტურიზმის საქმიანობით მიღებული 700 000 ლარამდე შემოსავალი არ დაიბეგრება
#image_title

ღვინისა და აგროტურიზმის საქმიანობები, რომელთა შემოსავლები 700 ათას ლარამდეა, აღარ დაიბეგრებიან. ამის შესახებ „სპეციალური დაბეგვრის რეჟიმების შესახებ“ საქართველოს მთავრობის დადგენილებაში წერია, რომელშიც ბოლო ცვლილება 2025 წლის 24 იანვარს შევიდა.

2024 წელს, პარლამენტმა ღვინის და აგროტურიზმის შესახებ კანონი მიიღო, რომლითაც მთავრობას სტატუსის განსაზღვრა დაევალა. სწორედ ამ კანონის ნაწილია დაწესებული საგადასახადო შეღავათიც.

დადგენილებით უცვლელი დარჩა ზღვარი მცირე ბიზნესის სტატუსის მქონე ფიზიკური პირებისთვის, რომელიც 2018 წლის შემდეგ 500 000 ლარია.

2010 წლიდან, როცა დადგენილება ამოქმედდა დაბეგვრის სპეციალურ რეჟიმში ზღვრის ფარგლებში არ ექცევა შემდეგი საქმიანობები:

  • ქონების იჯარით გაცემა;
  • სესხის გაცემიდან მიღებული შემოსავალი;
  • სათამაშო ბიზნესიდან მიღებული მოგებები;
  • ჩუქება;
  • ნამეტი შემოსავალი, რომელიც მიღებულია შემდეგი ქონების რეალიზაციით: უძრავი ქონება; ავტოსატრანსპორტო საშუალება და ფასიანი ქაღალდები;
  • მემკვიდრეობით მიღებული ქონების სახით მიღებული შემოსავალი;
  • დივიდენდის სახით მიღებული შემოსავალი;
  • პროცენტის სახით მიღებული შემოსავალი;
  • როიალტის სახით მიღებული შემოსავალი;
  • ვალის პატიებით მიღებული შემოსავალი;
  • პარტნიორის წილის რეალიზაციით მიღებული ნამეტი.

ლაშა ავალიანი: „კომპენსაციის გაცემის წესი ცოფთან ბრძოლის მსოფლიო პრაქტიკის ნაწილია“

მიერ
SheniSofeli.ge
-
0
ლაშა ავალიანი: „კომპენსაციის გაცემის წესი ცოფთან ბრძოლის მსოფლიო პრაქტიკის ნაწილია“
#image_title

 გარემოს დაცვისა და სოფლის მეურნეობის სამინისტროს ინიცირებით, საქართველოს მთავრობამ მიიღო მსხვილფეხა და წვრილფეხა საქონლის, ასევე, ღორის ცოფით სიკვდილის შემთხვევებში კომპენსაციის გაცემის და მისი ოდენობის განსაზღვრის წესი. ინფორმაციას გარემოს დაცვისა და სოფლის მეურნეობის სამინისტრო ავრცელებს.

მთავრობის დადგენილებით, 2026 წლის 27 იანვრიდან მსხვილფეხა, წვრილფეხა საქონლის, ასევე ღორის ცოფით სიკვდილის შემთხვევაში მეპატრონე კომპენსაციას მიიღებს.

 გარემოს დაცვისა და სოფლის მეურნეობის მინისტრის მოადგილის ლაშა ავალიანის განცხადებით, აღნიშნული წესი ეფუძნება მსოფლიო პრაქტიკას და ხელს შეუწყობს როგორც ცოფის გავრცელების პრევენციას, ასევე ფერმერების მოტივირებას, დროულად მიაწოდონ ინფორმაცია სურსათის ეროვნულ სააგენტოს.

 „ეს წესი არის ცოფთან ბრძოლის მსოფლიო პრაქტიკის ნაწილი და მისი მიზანია, როგორც ფერმის ცხოველის მეპატრონის ზარალის ნაწილობრივი ანაზღაურება, ასევე, მისი მოტივირება, რომ დროულად მიაწოდოს სათანადო ინფორმაცია სურსათის ეროვნულ სააგენტოს. ამ შემთხევაში კომპენსაცია გაიცემა როგორც მსხვილფეხა, ასევე წვრილფეხა საქონელზე და ღორზე. კომპენსაციას აქვს თავისი წინაპირობები, რომელიც დადგენილებითაა განსაზღვრული. აღსანიშნავია, რომ რამდენიმე წლის აქტიური ღონისძიებების შედეგად, ცხოველებში ცოფით დაავადებების რაოდენობა შემცირებულია 92 %-ით. მაგალითისთვის, 2013 წელს, ცოფის 116 შემთხვევა იყო ცხოველებში, ხოლო 2025 წელს მხოლოდ 9. დღეისათვის, მოქმედებს ცხოველებში ჯილეხის კომპენსაციის წესი, რომელიც ძალაში 2024 წელს შევიდა და 2025 წელს, ჯამურად, 10 ათასი ლარის ოდენობის კომპენსაცია ორმა ფერმერმა მიიღო“, -აღნიშნა ლაშა ავალიანმა.


ცოფით მსხვილფეხა და წვრილფეხა ცხოველის სიკვდილის შემთხვევაში, მეპატრონე კომპენსაციას მიიღებს

მიერ
SheniSofeli.ge
-
0
ჯილეხით მკვდარი ცხოველის მეპატრონემ სახელმწიფოსგან კომპენსაცია პირველად მიიღო
#image_title

საქართველოს მთავრობის №33 დადგენილებით, 2026 წლის 27 იანვრიდან ცოფით მსხვილფეხა და წვრილფეხა (ცხვარი, თხა, ღორი) ცხოველის სიკვდილის შემთხვევაში, მეპატრონე კომპენსაციას მიიღებს. ინფორმაციას სურსათის ეროვნული სააგენტო ავრცელებს.

მათივე ცნობით, ცხოველის მფლობელს, ცოფით ცხოველის სიკვდილის შემთხვევაში, მიყენებული ზარალი ნაწილობრივ აუნაზღაურდება, რაც მას გაუჩენს მოტივაციას, დროულად მიაწოდოს ინფორმაცია სურსათის ეროვნულ სააგენტოს ცოფის სავარაუდო ან დადასტურებული შემთხვევის შესახებ.

„აღნიშნული ხელს შეუწყობს ცხოველებში ცოფის გავრცელების პრევენციას და ადამიანების დაცვას დაავადებისგან.

კომპენსაცია გაიცემა იმ შემთხვევაში, თუ:

1. ცოფით დაავადება დადასტურებულია ლაბორატორიულად;

2. ცხოველის სადგომი რეგისტრირებულია მონაცემთა ერთიან ბაზაში;

3. ცხოველის მფლობელი რეგისტრირებულია მონაცემთა ერთიან ბაზაში და ასრულებს ამ დადგენილებით განსაზღვრულ ვალდებულებებს;

4. ცხოველი იდენტიფიცირებული და რეგისტრირებულია შემთხვევამდე არანაკლებ 15 დღით ადრე.

კომპენსაცია არ გაიცემა, თუ კარანტინის პერიოდში დაინფიცირებულ პუნქტსა და საფრთხის ქვეშ მყოფ ტერიტორიაზე ცხოველის მეპატრონე უარს ამბობს ცოფის საწინააღმდეგოდ მსხვილფეხა საქონლის, წვრილფეხა საქონლის ან/და ღორის ვაქცინაციაზე და ამ შემთხვევიდან ერთი წლის ვადაში ცხოველი დაავადდება ცოფით.

კომპენსაციის ოდენობას, მონაცემთა ერთიან ბაზაში მითითებულ მონაცემებზე დაყრდნობით, ადგენს სპეციალურად შექმნილი კომისია.

დეტალური ინფორმაციისათვის იხილეთ საქართველოს მთავრობის №33 დადგენილება.

საქართველოში 2024 წლიდან მოქმედებს მთავრობის №332 დადგენილება, რომელიც ცხოველის ჯილეხით სიკვდილის შემთხვევაში სახელმწიფოსგან კომპენსაციის გადახდას ითვალისწინებს.

სურსათის ეროვნულმა სააგენტომ, გაეროს სურსათისა და სოფლის მეურნეობის ორგანიზაციის (FAO) ცხოველთა იდენტიფიკაცია-რეგისტრაციისა და მიკვლევადობის ეროვნული სისტემის (NAITS) პროექტის მხარდაჭერით, ჯილეხით მკვდარი ცხოველების მეპატრონეზე კომპენსაცია გასული წლის აგვისტოში გასცა. ამჯერად, ცხოველის მეპატრონეებს საშუალება ექნებათ, კომპენსაციით ისარგებლონ ცხოველის ცოფით სიკვდილის შემთხვევაშიც“, – ნათქვამია ინფორმაციაში.

“ნუშის ფასი საერთაშორისო ბაზარზე იზრდება”

მიერ
SheniSofeli.ge
-
0
#image_title

„საერთაშორისო ბაზარზე ნუშის ფასი იზრდება და უკვე იმ ნიშნულთანაა მიახლოებული, რომელიც ბიზნესისთვის საინტერესოა“. ამის შესახებ ნუშის და კაკლის მწარმოებელთა ასოციაციის სამეთვალყურეო საბჭოს წევრმა, ნიკო ნიკოლაძემ განაცხადა.

მისი თქმით, 2024 წელი ნუშის სექტორისთვის განსაკუთრებით საინტერესო იყო. 2025 წელიც საინტერესოდ დაიწყო, რადგან საერთაშორისო ბაზრებზე ნუშის ფასი ზრდის ტენდენციას აჩვენებს. ეს კი სავარაუდოა, რომ აშშ-ში პირველი მოსავლის მიღებამდე უნდა გაგრძელდეს.

„მოგეხსენებათ, აშშ არის ნუშის ყველაზე მსხვილი მწარმოებელი, რომელსაც მთლიანი ბაზრის 70% უკავია, რაც მნიშვნელოვან როლს თამაშობს ფასის ცვლილების პროგნოზისას. შესაბამისად, ფასის ზრდა სავარაუდოდ აშშ-ს პირველი მოსავლის მიღებამდე უნდა გაგრძელდეს.

2024 წელს, საქართველოში ნუშის მოსავალი 3000 ტონას შეადგენდა. საუბარია გაუტეხავ ნუშზე. ეს მონაცემები დაფუძნებულია ნუშის და კაკლის მწარმოებელთა ასოციაციის მიერ გამოკითხვის შედეგების მიხედვით. გამოკითხულია დაახლოებით 2200 ჰა-ის მფლობელი ფერმერი ჯამურად, რაც საერთაშორისო ბაზარს რომ შევადაროთ, მცირე მოცულობაა“,– განაცხადა ნიკოლაძემ.

მისი თქმით, საქართველოში ნუშის მოხმარება გაიზარდა, რაც გაზრდილ ვეგანიზმსა და ფასის რეგულირებას უკავშირდება. ანუ ფასი ადეკვატურ ნიშნულზეა. შესაბამისად, ნიკოლაძე ვარაუდობს, რომ ნუშზე მოთხოვნა ადგილობრივ ბაზარზე ყოველწლიურად გაიზრდება.

„ნუშის მოხმარება საქართველოში გაზრდილია, რადგან საქართველოში ნუშის ფასი საერთაშორისო ფასს დაუახლოვდა. აღარ არის ამოვარდნილი რეალური ფასიდან. ხალხმა ამ პროდუქტის მოხმარება ინტენსიურად დაიწყო და ვფიქრობთ, რომ ეს ყოველ წელს კიდევ უფრო გაიზრდება. გვგონია, რომ ჩვენი წარმოების დიდი ნაწილი საქართველოში დარჩება“, – ამბობს ნუშის და კაკლის მწარმოებელთა ასოციაციის სამეთვალყურეო საბჭოს წევრი.

ნიკო ნიკოლაძე ეთერში აცხადებს, რომ ადგილობრივად ნუშის წარმოების ზრდა არის მოსალოდნელი, თუმცა ის დრამატული არ იქნება, რადგან გამომდინარე იქიდან, რომ ახალი ბაზრები, რომელიც აგრო ინჟინერიითაა გაშენებული, ჯერჯერობით მსხმოიარობაში ვერ შევა.

„მოსავლის ზრდას ბუნებრივია ველოდებით, თუმცა ეს არ იქნება დრამატული ნახტომი, გამომდინარე იქიდან, რომ ახალი ბაზრები, რომელიც აგრო ინჟინერიითაა გაშენებული, ჯერჯერობით მსხმოიარობაში ვერ შევა. ამისთვის მას დაახლოებით 2 წელი დასჭირდება.

დღეის მდგომარეობით, საქართველოში მოყვანილი ნუში სრულად დარჩება საქართველოში, თუ არ ექნა მწარმოებელს იმის მოტივაცია, რომ პროდუქტი ექსპორტზე გაიტანოს“, – განაცხადა ნიკოლაძე.

ნიკოლაძე ამბობს, რომ ფასის პროგნოზი რთულია, რადგან ფასი ბევრ ფაქტორზეა დამოკიდებული, მათ შორის აშშ-ს მოსავალზე, რომელიც ნუშის საბაზრო ფასის ერთ-ერთი განმსაზღვრელია.

დავით სონღულაშვილმა ელჩს ქართული საექსპორტო პროდუქტების, მათ შორის, ღვინო, მინერალური წყლები, წყალი და სხვა, შესახებ ინფორმაცია მიაწოდა

მიერ
SheniSofeli.ge
-
0
დავით სონღულაშვილმა ელჩს ქართული საექსპორტო პროდუქტების, მათ შორის, ღვინო, მინერალური წყლები, წყალი და სხვა, შესახებ ინფორმაცია მიაწოდა
#image_title

გარემოს დაცვისა და სოფლის მეურნეობის მინისტრი დავით სონღულაშვილი ბრაზილიის ფედერაციული რესპუბლიკის საგანგებო და სრულუფლებიან ელჩს საქართველოში  კარლოს რიკარდო მარტინს სელიას შეხვდა.

შეხვედრაზე მხარეებმა სავაჭრო-ეკონომიკური თანამშრომლობის გაღრმავების შესაძლებლობები განიხილეს.

დავით სონღულაშვილმა ისაუბრა ორ ქვეყანას შორის პარტნიორული ურთიერთობის მნიშვნელობაზე, რაც თანამშრომლობის განვითარების ნაყოფიერ საფუძველს წარმოადგენს და ელჩს ქართული საექსპორტო პროდუქტების, მათ შორის, ღვინო, მინერალური წყლები, წყალი და სხვა, შესახებ ინფორმაცია მიაწოდა.

შეხვედრაზე მინისტრმა ყურადღება გაამახვილა ბრაზილიური კომპანიებისთვის საქართველოს რეგიონულ სავაჭრო ჰაბად განხილვის საკითხზე.

როგორც საგანგებო და სრულუფლებიან ელჩმა განაცხადა, საქართველო ბრაზილიისთვის საინტერესო  პარტნიორი ქვეყანაა და არსებობს შესაძლებლობა ორმხრივად საინტერესო და ეკონომიკურად ეფექტიანი თანამშრომლობისთვის.

შეხვედრას გარემოს დაცვისა და სოფლის მეურნეობის სამინისტროს საერთაშორისო ურთიერთობებისა და ევროინტეგრაციის  დეპარტამენტის უფროსი დავით ჩიტაიშვილი ესწრებოდა.

1...323334...175გვერდი 33 of 175

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge