აკაკი ჯიჯელავას ეზო მარტვილის რაიონის სოფელი ტალერში.🤩🌿🌳♥️
ნახეთ ვიდეო:
ტყე მხოლოდ ხეები არ არის – ეს სიცოცხლის დიდი ქსელია, სადაც ყველაფერი ერთმანეთთან მჭიდროდაა დაკავშირებული
21 მარტი – ტყის საერთაშორისო დღეა
ტყე მხოლოდ ხეები არ არის – ეს სიცოცხლის დიდი ქსელია, სადაც ყველაფერი ერთმანეთთან მჭიდროდაა დაკავშირებული.
ტყეები გვაცოცხლებენ – ისინი ასუფთავებენ ჰაერს, ინარჩუნებენ წყლის ციკლს, გვაძლევენ სახლს და საკვებს.
მნიშვნელოვანია ტყეები ჩვენი მომავლისთვის!
გაეროს გენერალურმა ასამბლეამ 2012 წელს 21 მარტი ტყის საერთაშორისო დღედ გამოაცხადა. აღნიშნული დღე მიზნად ისახავს ცნობიერების ამაღლებას ყველა ტიპის ტყის მნიშვნელობის შესახებ. ქვეყნები ვალდებულნი არიან განახორციელონ ადგილობრივი, ეროვნული და საერთაშორისო ძალისხმევა ტყეების დაცვასთან დაკავშირებული ღონისძიებების ორგანიზებისთვის, როგორიცაა ხეების დარგვის კამპანიები.
ტყეს დედამიწის ხმელეთის მესამედი უკავია, ხოლო დაახლოებით 1,6 მილიარდი ადამიანისთვის იგი საარსებო და თავშესაფრის წყაროს წარმოადგენს. Გარდა ამისა, 750 მილიონი ადამიანისთვის ტყე საცხოვრებელი ადგილია, მათ შორის 60 მილიონი მკვიდრ, ადგილობრივ მოსახლეობას შეადგენს.1990-დან 2020 წლამდე მსოფლიომ დაკარგა დაახლოებით 178 მილიონი ჰექტარი ტყე, ფაქტობრივად, ლიბიის ტერიტორიის სიდიდის ტყე. ქალაქად მცხოვრები ადამიანებისთვის ტყე სუფთა ჰაერისა და წყლის მთავარი წყაროა. ტყე ბიოლოგიურად ყველაზე მრავალფეროვანი ეკოსისტემაა ხმელეთზე, სადაც ბინადრობს ხმელეთის ცხოველთა, მცენარეთა და მწერების 80%-ზე მეტი. მიუხედავად ყველა ამ ფასდაუდებელი ეკოლოგიური, ეკონომიკური, სოციალური და ჯანმრთელობის სარგებელისა, ტყეების საფარი საგანგაშო სისწრაფით ნადგურდება. [1]
ტყის მდგრადი მართვა და მისი რესურსების გონივრული გამოყენება საკვანძოა კლიმატის ცვლილებით გამოწვეულ პრობლემებთან საბრძოლველად და ასევე გადამწყვეტ როლს ასრულებს გაეროს მდგრადი განვითარების მიზნების (SDGs) მიმართულებით.
გარდა ამისა, ტყეები და ტყის ნიადაგები შთანთქავენ ტრილიონ ტონაზე მეტ ნახშირბადს. ამიტომ, ტყეები გადამწყვეტ როლს თამაშობენ კლიმატის კატასტროფულ ცვლილებებთან ბრძოლაში ნახშირორჟანგის დიდი რაოდენობით შთანთქმით და შენახვით. ხეებს შეუძლიათ ქალაქებში 8°C-მდე შეამცირონ ტემპერატურა, ხოლო ტრანსპორტის გამონაბოლქვი კი 40%-მდე. თუმცა, სამწუხაროდ, ხეების მოჭრის შედეგად ისინი კარგავენ გლობალური კლიმატის რეგულირების უნარს.
ძლიერი წვიმის დროს ხეები ბარიერის როლს თამაშობენ წყალდიდობების წინააღმდეგ; ასევე, ტყის საფარი ხელს უშლის ნიადაგის ეროზიას და ამარტივებს წყლის შეწოვას ნიადაგში. გარდა ამისა, მშრალ და გვალვიან ამინდებში ტყეები წყლის აორთქლებით ტემპერატურას არეგულირებენ. Საინტერესოა, რომ თანამედროვე მედიკამენტების მეოთხედზე მეტი, რომელიც წელიწადში დაახლოებით 108 მილიარდ აშშ დოლარს შეადგენს, ტროპიკული ტყის მცენარეებიდან მოდის.
უნდა გვახსოვდეს, რომ ტყის მოჭრა მთელი ეკოსისტემის ნგრევას იწვევს, რასაც ყველა ჩვენგანისთვის მძიმე შედეგები მოაქვს.
ვინ არის თურქი ექიმი, ვინც ქართველ გოგონას ყბა-სახის ოპერაცია გაუკეთა
ვინ არის ექიმი, რომელმაც მარიამს უსასყიდლოდ ოპერაცია გაუკეთა
პაციენტების სასწაულ გარდასახვას ახდენს ეს კაცი. ალთან ვაროლი დაიბადა 12/11/1977 წელს ბულგარეთში, პლოვდივში ინფორმაციას სოციალურ ქსელში, „ემიგრანტები იტალიაში“ ჯგუფის ერთ-ერთი ადმინისტრატორი, ირმა ენდელაძე ავრცელებს.
„2001 წელს დაამთავრა მარმარის უნივერსიტეტის სტომატოლოგიური ფაკულტეტი. დოქტორ ალთან ვაროლი იმავე წელს ჩაირიცხა ფაკულტეტის პირის ღრუს და ყბა-სახის დაავადებათა და ქირურგიის ფაკულტეტის სადოქტორო პროგრამაზე.
2007 წელს დაასრულა დისერტაცია სინოვიალური მიკროვასკულარიზაციის შეფასების შესახებ “Power Doppler”-ით და ულტრაბგერითი დეგენერაციული სახსრის მქონე პაციენტებში, რომლებსაც უტარდებათ სახსრის დროებითი ართროსკოპია.
ალთან ვაროლი მუშაობდა ასოცირებულ პროფესორად 2011-2016 წლებში.
2021 წლიდან მსახურობს ბაჰჩეშეჰირის უნივერსიტეტის სტომატოლოგიური ფაკულტეტის, პირის ღრუს და ყბა-სახის დაავადებების და ქირურგიის დეპარტამენტის ხელმძღვანელად.
2010 წლიდან ჰიგიენურ კლინიკაში, რომელიც აღჭურვილია მაღალი ტექნოლოგიით, ათაშეჰირში, აწარმოებენ მომსახურებას ყბის დეფორმაციების კორექციას (ორთოგნატიური ქირურგია – ყურადღების მიქცევა), ყბის და სახის მოტეხილობების, დროებითი სახსრის დარღვევები და მკურნალობა, ძილის აპნოე, ტემპერამენტული და ტუმბოზური ერთობლივი ქირურგია.
პირის ღრუს და ყბა-სახის დაავადებათა და ქირურგიის განყოფილებაში კარიერის განმავლობაში მან გააკეთა 8 პოსტერი, 21 ზეპირი პრეზენტაცია და 45 პუბლიკაცია.
პროფ. დოქტორი ალთან ვაროლი არის პირის ღრუს და ყბა-სახის ქირურგიის ასოციაციის (2014), ქალა-ყბა ქირურგიის ევროპული ასოციაციის (2011), სტამბულის სტომატოლოგთა პალატის (2010), ბალკანეთის პირის ღრუს და ყბა-სახის ქირურგიის ასოციაციის (2010), ამერიკის ასოციაციის წევრი (2010). “cial Section Association”
(2009-2016), ორალური და ყბა-სახის ქირურგიის საერთაშორისო ასოციაცია (2003) და თურქეთის პირის ღრუს და ყბა-სახის ქირურგიის ასოციაცია (2001).
მან მოიგო მარმარის უნივერსიტეტის გამოცემის წამახალისებელი ჯილდო 2003 წელს, მარმარის უნივერსიტეტის გამოცემის წამახალისებელი ჯილდო 2004 წელს და მარმარის უნივერსიტეტის სადოქტორო დისერტაციის გამოქვეყნებისთვის ჯილდო 2008 წელს“, – წერს ირმა ენდელაძე.
გუშინ, მთელი საქართველო 16 წლის მარიამ კოხრეიძეს გულშემატკივრობდა, რომელსაც თურქეთის დედაქალაქ სტამბოლში 7 საათიანი ოპერაცია ჩაუტარდა. გოგონა ქუთაისელმა ფოტოგრაფმა დანტესმა იგივე დავით ოქროპილაშვილმა აღმოაჩინა.
- მარიამი ხუთშვილიან ოჯახში ცხოვრობს. მისი პრობლემები 6 წლიდან დაიწყო, როდესაც ყბის განვითარება შეფერხდა. ბოლო წლებში პრობლემა კიდევ უფრო გართულდა და გოგონას საკვების მიღება უჭირდა.
„დანტესი ფოტოგრაფი“ იყო ის ადამიანი, რომელმაც მარიამის პრობლემის მოსაგვარებლად საზოგადოების ჩართულობა ითხოვა. მას თურქეთში მცხოვრები ქართველი მედ გიდი სტამბოლის წარმომადგენელი მედეა იობაშვილი გამოეხმაურა და საერთო ძალებითა და ხალხის ფინანსური დახმარებით შეძლეს, რომ გოგონას ოცნება აუხდა და 20 მარტს მარიამი მეორედ დაიბადა.
- მარიამს ორი ქირურგიული ჩარევა დასჭირდა. გოგონას ყბა გაუხსნეს და პროთეზები გაუკეთეს. ცნობილია ისიც, რომ ექიმმა ჰონორარზე უარი თქვა.
“მარიამის მდგომარეობა ახლა სტაბილურია, საბედნიეროდ მას არ დასჭირდა რეანიმაცია, რისი მოლოდინიც ექიმს ჰქონდა. ნარკოზიდან გამოსვლის შემდეგ გოგონა პირდაპირ პალატაში აიყვანეს და გუშინ გავლაც მოახერხა. საჭმელსაც ჭამს და საუბარსაც იწყებს – ამბობს ოქროპილაშვილი “რუსთავი 2“-თან ჩართვაში.
“ოპერაცია 7 საათს გაგრძელდა. მარიამი ტანით ძალიან პატარაა, როდესაც ექიმმა ბავშვი ნახა, გვითხრა, რომ შეიძლება ორი დღე დასჭირდეს რეანიმაციაშიო. ოპერაციის შემდეგ მედეა ამბობდა, თუ კი ვინმემ ილოცა, ყველა ლოცვა მოუვიდა ბავშვს, ოპერაციის პროცესში ერთი პატარა შეფერხებაც არ გვქონიაო”.
ახლა გოგონა კლინიკაშია, სადაც რამდენიმე დღეს გაატარებს. ოქროპილაშვილის თქმით, საავადმყოფოდან გაწერის შემდეგ კიდევ რამდენიმე დღე იქნება ექიმის ზედამხედველობის ქვეშ. ამისთვის კი სტამბოლში სასტუმრო უკვე დაქირავებულია.
“თვალებს ვერ ვაშორებ ისეთი ლამაზია” – რა ახალი ინფორმაცია ვრცელდება თურქეთიდან მარიამზე
“თვალებს ვერ ვაშორებ ისეთი ლამაზია” – რა ახალი ინფორმაცია ვრცელდება თურქეთიდან მარიამზე
მარიამი, რომელსაც მთელი საქართველო გულშემატკივრობს ოპერაცია ჩაუტარდა და თავს კარგად გრძნობს – ინფორმაციას და კადრებს „დანტესი ფოტოგრაფი“ ავრცელებს.
“ეს ის მომენტია როცა მთელს ერს გვიხარია “ისეთი ლამაზია, თვალს ვერ ვაშორებ”,-წერენ კომენტარებში.
ნახეთ, ვიდეო:
რა განსხვავებაა ჩარჩოიან სკის თაფლსა და ჯარას თაფლს შორის
ველური და ნახევრად ველური მეფუტკრეობიდან შინაურ მეფუტკრეობამდე
რა განსხვავებაა ჩარჩოიან სკის თაფლსა და ჯარას თაფლს შორის
– ქედის მუნიციპალიტეტის სოფელ პირველი მაისის მკვიდრი, რეზო თურმანიძე
რა ვაკეთოთ აპრილში, როდის დავიწყოთ ნერგების თესვა…
მარტის ბოლოს და აპრილის დასაწყისში ღია გრუნტში დავთესოთ ბოსტნეული, – ოხრახუში, ნიახური, თვის ბოლოკი, მწვანე ხახვი, წიწმატი, ქინძი, ნიორი, მხალეული.
აპრილი ის თვეა, როცა ყველა სახის სამუშაოს ჩატარება შეიძლება. მათ შორის – წინა თვეებში ჩაუტარებელი ღონისძიებებისაც.
ახლა შეიძლება ყველა სახის მრავალწლოვანი კულტურის დარგვა, როგორც ხე მცენარეების, ისე – ბუჩქოვნების (ჟოლო, მოცხარი, ხურტკმელი).
ვინც ახლა აპირებთ ბაღის გაშენებას, აუცილებლად დარგეთ: ვაშლი, მსხალი, ატამი, 1 ძირი ტყემალი, ალუჩა, ბალი, ალუბალი, კომში, ლეღვი, უნაბი, გარგარი, კაკალი (1 ძირი) თხილი 2-3 ბუჩქი, ნუში, რაღა თქმა უნდა, საუკეთესო ჯიშის ვაზი იმდენი, რამდენსაც დაიტევს თქვენი ბაღი. ჩამოთვლილი კულტურები უნდა დარგოთ იქ, სადაც შესაფერისი პირობები არსებობს.
ვისაც ნაკვეთი დიდი ხანია აქვს, იქ კულტურებს დასჭირდება რიგთაშორისების გაფხვიერება, მორწყვა, ნათესის გამოხშირვა, მავნებლებისა და დაავადებების წინააღმდეგ ბრძოლა. აპრილში ღია გრუნტში ითესება: პომიდორი, ლობიო, კიტრი, საზამთრო, ნესვი, გოგრა, ყაბაყი, პატისონი, ქინძი, კამა, თვის ბოლოკი.
ღია გრუნტში ირგვება: პომიდორი, ბადრიჯანი, წიწაკა, პრასი.
თუ მეურნე დაინტერესებულია, მალე მოხდეს ბოსტნეულის ზრდა-განვითარება, კვალსათბური ცელოფნით უნდა გადავხუროთ.
ღია გრუნტში დათესვა არ უნდა შეგვეშინდეს იმის გამო, რომ ზრდის პროცესი, შესაძლოა, შედარებით დაბალი ტემპერატურის გამო, ნელი ტემპით მოხდეს.
გოგრა და კიტრი ძალიან მგრძნობიარე არიან სიცივის მიმართ. დათესვისთანვე აუცილებლად უნდა დავხუროთ ცელოფნით ან სათბურში გამოვიყვანოთ ჩითილების სახით.
მარტის ბოლოდან, ასევე, უნდა ვიზრუნოთ ბადრიჯნის, წიწაკის, პომიდვრის, შაშტრამის და რეჰანის ჩითილების გამოყვანაზე.
ამ დროისთვის სასურველია მოვასწროთ გადაბარვა, ორგანული ნაკელის შეტანა ჩვენს ნაკვეთებში. წინასწარ უნდა მოვამზადოთ პატარ-პატარა ორმოები ჩითილებისთვის. ჩავყაროთ ნეშომპალა, გადამწვარი ნაკელი.
2. ბულგარული წიწაკა
თესლის დამუშავებაც შეიძლება ზრდის სტიმულატორით, შემდეგ გააღვივეთ და ყუთებში გადარგეთ დაახლოებით 0,5 სანტიმეტრ სიღრმეზე. ამოსვლას ისინი 2-დან 3 კვირამდე ანდომებენ. ისევე როგორც ბადრიჯანს. მათაც 25-30 გრადუსი ტემპერატურა ესაჭიროებათ. ტკბილი წიწაკის დათესვა თებერვლის ბოლოდან შეგიძლიათ.
3. ნიახური
ნიახურის ფოთლოვანი სახეობები მოგვიანებით პირდაპირ კვალში შეგიძლიათ დათესოთ, მაგრამ სხვა სახეობები ჯერ ნერგად უნდა დათესოთ. დასათესად საუკეთესო დრო თებერვლის ბოლო და მარტის პირველი დეკადაა, ნიადაგში გადარგვამდე 60-70 დღით ადრე.
4. პომიდორი
პოიმიდვრის ნერგების რაფაზე გაზრდა შემდეგ პირობებს მოითხოვს: სინათლის დიდი რაოდენობას (უკეთესია თუ ფანჯარა სამხრეთისკენ არის), მაღალი ტენიანობა (ნერგებს დღეში ორჯერ უნდა შეასხუროთ წყალი, არ იგულისხმება მორწყვა), ტემპერატურა კი 18-დან 25 გრადუსამდე უნდა შეინარჩუნოთ.
შეგიძლიათ თესლი წინსწარ არ გააღივოთ, მაგრამ მისი ზრდის სტიმულატორით დამუშავება ცუდი იდეა ნამდვილად არ იქნებოდა.
თესვისას ის მიწაში 1 სანტიმეტრით უნდა ჩადოთ. თებერვლის ბოლოდან შეგიძლიათ ადრეული სახეობები დარგოთ ღია ნიადაგში. მარტის მეორე ნახევარში სასათბურე ადრეული სახეობები.
5. კიტრი
კიტრის თესლს დათესვამდე წინასწარი დამუშავება ესაჭიროება. ჯერ ოთახის ტემპერატურის მქონე, მარილის სამპროცენტიან ხსნარში უნდა ჩაყაროთ – გარკვეული დროის შემდეგ ცარიელი თესლი მაღლა ამოტივტივდება, კარგი კი დაილექება.
შემდეგ თესლი 30 წუთი კალიუმის პერმანგანატში უნდა გააჩეროთ. ამის შემდეგ გარეცხეთ და სველ ქსოვილში გააღივეთ – 2-3 დღის მანძილზე, 25 – 30 გრადუს ტემპერატურაზე. როდესაც თესლს 3 – 4 მილიმეტრის წანაზარდები გაუჩნდება, ის შეგიძლიათ ნერგებად გადაიტანოთ.
კიტრის ნერგები ღია ნიადაგში 3 – 4 კვირის ასაკში ირგვება. ხოლო გადახურვის გარეშე 10 ივნისის შემდეგ რგავენ. ეს ნიშნავს რომ თესლის სანერგედ გამზადება 10-15 მაისიდან უნდა დაიწყოთ.
კიტრის სათბურში დარგვის საშუალებას ჩვენი კლიმატური პირობები აპრილიდან გვაძლევენ.
6. კომბოსტო
მიწაში ცოტაოდენი ნაცარი დაამატეთ, რომელიც კომბოსტოს დაავადების გავრცელებისგან დაგიცავთ. ადრეული სახეოებები შეგიძლიათ 10 მარტიდან დათესოთ. ბროკოლი და ყვავილოვანი კომბოსტო – მარტის შუა რიცხვებიდან.
თებერვალში დათესილი მცენარე გარდა მორწვის, განოყიერების და სითბოსი, დმატებით განათებასაც მოითხოვს. ამიტომ აუცილებელია ადრიდანვე ვიზრუნოთ სხვადასხვა მანათობელი საშუალებების მომზადებაზე.
როგორ დავაფესვიანოთ ვარდის კალამი
ვარდის ყვავილიანი ყლორტის წვერი ჰორიზონტალურად გადავჭრათ ზედა კვირტიდან 5-7 მილიმეტრის დაცილებით, ხოლო ქვედა ნაწილი – ირიბად, კვირტიდან 1,5-2 მილიმეტრის დაცილებით. ყლორტზე უნდა დარჩეს 7-8 კვირტი. ქვედა ფოთლები მთლიანად სცილდება, ხოლო ზედა ფოთლებს ეჭრება ნახევარი. კალმები მოვათავსოთ სუფთა წყლიან ქილაში, რომელშიც წყლის დონე 1,5-2 სმ-ია. ერთ ქილაში შეიძლება მოთავსდეს რამდენიმე კალამი, ოღონდ ისე, რომ ფოთლები ერთმანეთს არ ეხებოდეს.
კალმებიანი ქილა დავდგათ მზიან ადგილზე. ქილას არავითარი სახურავი არ სჭირდება. ყურადღება უნდა მიექცეს წყლის ოდენობას ქილაში. როგორც კი მოაკლდება, მაშინვე შევავსოთ იმ დონემდე, რამდენიც იყო. წყლის ტემპერატურა უნდა იყოს 20-25 გრადუსი.
10-12 დღის შემდეგ წარმოიქმნება კალუსი (შეხორცების ადგილი), რაც იმის მაჩვენებელია, რომ შეიძლება ღია გრუნტში გადატანა. ნიადაგი ასე მოამზადეთ: გადამწვარი ნაკელი – 0,5 წილი, სილა – 1 წილი, ტორფი და ყამირი მიწა თითო წილი. გადარგული კალმები უხვად უნდა მორწყოთ და დაახუროთ შიგნიდან კირით შეთეთრებული მინის ქილა. ნარგავი ყოველთვის ტენით უნდა იყოს მომარაგებული, ოღონდ – ნორმალურად.
ერთი კვირის შემდეგ დაიწყება კვირტების გაშლა და ნაზარდის გამოტანა. იმისათვის, რომ ნაზარდი მიეჩვიოს ღია გრუნტის პირობებს, დღეში 10-15 წუთით ქილები მოვხადოთ. გადახდის დრო ნელ-ნელა გავახანგრძლივოთ და შემდეგ საერთოდ მოვაცილოთ ქილები.
ამ მეთოდით 1 წელიწადში გექნებათ თითქმის 100%-ით დაფესვიანებული, მაღალხარისხოვანი, ნებისმიერი ჯიშის ნერგი.
გოგონა, რომელსაც მთელი საქართველო გულშემატკივრობს, საოპერაციოდ შეიყვანეს – რა კადრებს ავრცელებს დანტესი
გოგონა, რომელსაც მთელი საქართველო გულშემატკივრობს საოპერაციოდ შეიყვანეს – ინფორმაციას და კადრებს „დანტესი ფოტოგრაფი“ ავრცელებს:
„ყველაფერი მზად არის და რამდენიმე წუთში დაიწყება მარიამის ოპერაცია“.
როდის გამოიდარებს საქართველოში – უახლესი პროგნოზი
საქართველოში, ბოლო რამდენიმე დღეა საქართველოში ამინდი გაუარესდა და კიდევ რამდენიმე დღე არამდგრადი ამინდი შენარჩუნდება. მოსალოდნელია ღრუბლიანი ამინდი, წვიმა, ქარის გაძლიერება.
როგორი ამინდი იქნება საქართველოში თვის განმავლობაში.
კვირის განმავლობაში მაღალმთიან რაიონებში თოვლიც არის მოსალოდნელი.
“ზოგადად, მარტის თვის მთლიანი პროგნოზი, ნორმასთან შედარებით 2 გრადუსით მაღალია და ნალექები, ნორმაზე ნაკლებია. მარტი, ასეა თუ ისე მაინც ცვალებადია.
მარტს როგორც ახასიათებს, ცვალებადი ამინდები იქნება რამდენიმე დღე. 26 მარტიდან, კვლავ ველით გამოდარებას.
თვის ბოლოსკენ, ტემპერატურა +27 გრადუსს მიაღწევს. დედაქალაქში, უნალექო და მზიანი ამინდებია მოსალოდნელი. მარტის ბოლოს გაზაფხული ძალაში შედის, ამიტომ თვის ბოლოსკენ, კიდევ უფრო საგრძნობი იქნება გაზაფხულის შემოსვლა”,- ამბობს სინოპტიკოსი, ხათუნა ქოქოსაძე.
საქალაქთაშორისო ტრანსპორტის მძღოლებისთვის ახალი წესი ამოქმედდა
“სამედიცინო შემოწმების გარეშე რეისში ვერცერთი მძღოლი ვერ გავა,“ – აღნიშნულს გულისხმობს მგზავრთა გადაყვანის ახალი წესი, რომელიც 2025 წლის 1-ლი მარტიდან ამოქმედდა.
აღსანიშნავია ისიც, რომ საავტომობილო სამგზავრო გადაყვანისთვის პირებს 2025 წლის 1-ლი მარტიდან სპეციალური ნებართვის ვალდებულება წარმოეშობათ. საუბარია, იმ პირებზე, ვინც ახორციელებს როგორც საერთაშორისო არარეგულარულ სამგზავრო გადაყვანას, ასევე ქვეყნის შიდა რეგულარულ სამგზავრო.
როგორც ავტოსადგურ „ოკრიბას“ თანამშრომლები palitravideo.ge-სთან საუბრისას აცხადებენ, ტერიტორიაზე ყველა მძღოლი ლიცენზიით მუშაობს. მათ კი ვინც სტანდარტებს ვერ აკმაყოფილეს „ოკრიბას“ ტერიტორიაზე შესვლა ეკრალებათ.
„ლიცენზია აღებული მაქვს 3 წლის ვადით. პირველი მარტიდან მოგვთხოვეს ნარკოლოგიური შემოწმება და ცნობა ნასამართლეობაზე. მანქანის საბუთები, ინდმეწარმის საბუთები, ეს ყველაფერი ჩავაბარეთ იუსტიციის სახლში. რაში სჭირდებათ არ ვიცი. საუბარია, სადგურების მოწესრიგებაზე, შესაძლოა, ეს სადგური საერთოდაც გააუქმონ. სადგურებს თხოვენ რეგულაციებს, ეს ჩვენ მძღოლებს არ გვეხება. როცა ამ საკითხს მოაწესრიგებენ მერე გაგვიგრძელებენ ხელშეკრულებას.
ყველას ყველაფერი გავლილი გვაქვს. ვინც არ დგას სადგურის ტერიტორიაზე, ე.ი. არ შემოუშვეს. თუ რომელიმე მძღოლმა შემოწმება არ გაიარა ან საბუთები არ აქვს მოწესრიგებული, არ უშვებენ სადგურის ტერიტორიაზე. სამედიცინო შემოწმებაც გავიარეთ და მერე იდება ხელშეკრულება ავტოსადგურთან,“ – აცხადებენ მძღოლები.
ცნობისთვის, საქალაქთაშორისო გადაყვანებთან დაკავშირებით რამდენიმე ახალი რეგლამენტი 2024 წლის განმავლობაში დამტკიცდა. ამ რეგლამენტებს შორის არის ავტოსადგურების მოწესრიგების ვალდებულებაც, რომლის შესრულებაც ზოგიერთ სადგურში უკვე დაწყებულია და ეს პროცესი 2025 წელს უნდა დასრულდეს. კერძოდ, ავტოსადგურები აღჭურვილი უნდა იყოს მძღოლის მოსასვენებელი სივრცით, სამედიცინო პუნქტით, საპირფარეშოებით, მგზავრების მოსაცდელი სივრცით, ბაქნებითა და ა.შ. მოთხოვნები ყველა სადგურისთვის მისი ზომისა და ტიპის მიხედვით ინდივიდუალურად არის ფორმულირებული.
რჩევები პომიდვრის მოვლა-მოყვანის შესახებ
მანამ, სანამ პომიდვრის მოვლისა და მოყვანის შესახებ დავიწყებთ უშუალო საუბარს, პირველ რიგში, გამოვყოთ და განვიხილოთ პომიდვრის ვეგეტატიური ზრდის ეტაპები, ესენია:
ინდეტერმინანტული – მაღალმოზარდი მცენარე, გამოიყენება სათბურებში, ნაყოფები თანდათან მწიფდებიან, რაც იძლევა მოსავლის ეტაპობრივად აღების საშუალებას.
დეტერმინანტული – დაბალმოზარდი მცენარე, იყენებენ ღია გრუნტზე მოსაყვანად, ნაყოფი მწიფდება ერთდროულად და მოსავლის აღებაც შესაბამისად ერთბაშად ხდება.
ზრდის ფაზები შეგვიძლია გავაერთიანოთ 6 ძირითად პერიოდში:
1. თესვიდან აღმოცენებამდე
2. აღმოცენებიდან ჩითილის გადარგვამდე
3. გადარგვიდან ბუტონების წარმოქმნამდე
4. ბუტონების წარმოქმნიდან ყვავილობამდე
5. ყვავილობიდან ნაყოფების ფორმირებამდე
6. ნაყოფების ფორმირებიდან სიმწიფემდე
*თავის მხრივ ამ პერიოდებში საკვებ ელემენტებზე მოთხოვნილებაც განსხვავებულია
თითოეული ფაზის ხანგრძლივობა დამოკიდებულია ჰიბრიდის ან ჯიშის მახასიათებლებზე და ასევე გარემო პირობებზე.
ნიადაგის შერჩევა
პომიდორი მოყავთ როგორც ღია, ასევე დახურულ გრუნტზე. უმჯობესია მსუბუქი თიხნარი და თიხნარი ნიადაგები. ოპტიმალური pH 6.0-6.5. უფრო მაღალ ან დაბალ pH – ის შემთხვევაში, საკვები ელემენტების ათვისების კოეფიციენტი მცირდება.
ტემპერატურა
პომიდვრის ზრდისთვის საჭირო ტემპერატურა, აღმოცენებიდან სიმწიფემდე, არის 10 ℃ – 30 ℃.
ტემპერატურასთან ერთად მნიშვნელოვანია სინათლის ინტენსივობა, რაც განაპირობებს ფოტოსინთეზის მიმდინარეობასა და შაქრების დაგროვებას მცენარეში. კარგი განათების პირობებში მცენარე ენერგიულია და შესაბამისად, მსხმოიარობაც იმატებს.
ირიგაცია
პომიდორი სითბოს მოყვარული მცენარეა და გამძლეა მსუბუქი გვალვებისადმი თუმცა წყლით უზრუნველყოფა აუცილებელია. განსაკუთრებული მოთხოვნილება მცენარეს ყვავილობის წინ უჩნდება.
ღია გრუნტზე პომიდვრის მოთხოვნილება წყლის მიმართ მერყეობს 4000-6000 მ3/ჰა-ზე, სათბურში 10000 მ3/ჰა- მდე. ფესვთა სისტემის 70% ნიადაგის 20 სმ ფენამდეა განვითარებული. საწყავი სისტემებიდან საუკეთესოა წვეთოვანი ტიპის საწყავი სისტემის გამოყენება. დაწვიმებითი მორწყვის შემთხვევაში, საგრძნობლად იზრდება სოკოვანი დაავადებების გავრცელების რისკი. რწყვის რეჟიმი აგრეთვე დამოკიდებულია ნიადაგის მექანიკურ შედგენილობაზეც. იმ შემთხვევაში თუკი ნიადაგი ან წყალი არის დამლაშებული საჭიროა წყლის რაოდენობის გაზრდა 20%-30%-ით, ან სპეციალური პრეპარატების გამოყენება, რომელიც დამლაშებას ამცირებს.
მცენარეთა დაცვა
მავნებელ-დაავადებათა კომპლექსი ერთ-ერთი დიდი გამოწვევაა ნებისმიერი ფერმერისთვის, განურჩევლად სასოფლო-სამეურნეო კულტურისა. პომიდვრის შემთხვევაშიც ეს პრობლემა ხშირია და საჭიროა დროული და გონივრული ღონისძიებების ჩატარება. სოკოვანი და ბაქტერიული დაავადებების წინააღმდეგ საბრძოლველად გამოიყენება კონტაქტური, კონტაქტურ-სისტემური და სისტემური პრეპარატები.
გამოკვება
მაღალი და ხარისხიანი მოსავლის მისაღებად აუცილებელია მცენარის სწორი გამოკვება. ძირითადი N-აზოტი P-ფოსფორი K-კალიუმი მაკროელემნების გარდა, საჭიროა მეორადი მაკრო და მიკროელემენტები, როგორიცა Mg-მაგნიუმი, Ca-კალციუმი, Fe-რკინა და სხვა. სასუქების და მათი დოზების შერჩევა ხდება ნიადაგის ანალიზის საფუძველზე. გამოკვება ხორციელდება ნიადაგიდან და ფოთლიდან ვეგეტაციის სხვადასხვა ეტაპზე.
კომპანია ბარაქა გთავაზობთ საუკეთესო ხარისხის სათესლე მასალას, ნიადაგში და ფოთლიდან შესატან სასუქებს, მცენარეთა დაცვის საშუალებებს, პროფესიონალი აგრონომების ჩართულობას მცენარის თესვიდან მოსავლის მიღებამდე და სხვა აუცილებელ მომსახურებას, რომელიც ფერმერს შესაძლებლობას მისცემს, რომ მიიღოს ჯანსაღი და ბარაქიანი მოსავალი.
წყარო: WWW.BARAKA.GE