მინდა გაგაცნოთ დავით ხომასურიძე, რომელიც ლონდონიდან ჩამოვიდა და თეთრიწყაროს რაიონის სოფელ ფარცხისში მეფრინველეობის მეურნეობა დაიწყო. აქვს ტექნოლოგიურად მოწყობილი შენობები, სადაც წიწილებს ზრდიან  სამ ოთხ კვირამდე. ისინი იკვებებიან მაღალი ხარისხის კომბინირებული საკვებით.

ვერაფრით წარმოიდგენდა, რომ მათი სოფლის ქათამი უალტერნატივოდ და უკონკურენტოდ ყველასთვის სასურველი და საყვარელი ნატურალური პროდუქტი გახდებოდა.

დავით ხომასურიძე დაკავებულია ბიო–ორგანული მეურნეობის მშენებლობა–განვითარებით. მისი მიზანია ბიო–ორგანული ბოსტნეულის წარმოება.

დავით ხომასურიძე სიკეთის, საჭირო და სასარგებლო იდეების მატარებელი კაცია. მისთვის ეს მხოლოდ ბიზნესი არაა, ეს პრინციპია – ხარისხი არ უნდა იყოს შემთხვევითი! ვარიები შემთხვევით არ არის გემრიელი, უპირატესია გემო, ჯანსაღი გარემო და ხარისხი! ეს პროექტი იმიტომ გახდა წარმატებული, რომ მისი ანალოგი საქართველოში ძნელად მოიძებნება.
საკუთარი გამოცდილებით ვამბობ, რომ ასეთ გემრიელ და ჯანსაღ ქათამს ვერსად იპოვით. აი ეს არის ნამდვილი სოფლის ქათამი. ეს ის ქათამია, ბებია რომ სიმინდით, ბალახით და სიყვარულით ზრდიდა. აღმოაჩენთ მონატრებულ გემოს. როცა გემო არა მხოლოდ შიმშილს აცხრობს, არამედ ბავშვობის მოგონებებსაც აღვიძებს. ვარიებს ასუფთავებენ და გაკრიალებული, გატუსულ–გაპიწკინებული მიაქვთ მომხმარებლამდე.

თქვენ წარმოდგენაც კი არ გაქვთ, რამხელა მნიშვნელობა აქვს ბავშვის და მოზარდის რაციონს. ეს პერიოდი კრიტიკულია ბავშვის ფიზიკური, გონებრივი და ემოციური განვითარებისთვის და საკვები არა მხოლოდ ზრდის „საწვავია“, არამედ მთელი ორგანიზმის ჯანმრთელობის საფუძველიც. ეს პროდუქტი სწორედ იმათთვის არის, ვისაც სურს შვილს შესთავაზოს ნატურალური და ჯანსაღი საკვები.

ინტერვიუ დავით ხომასურიძესთან:

– გაეცანით ჩვენს მკითხველს.

– მე ვარ დავით ხომასურიძე და დაკავებული ვარ ბიო–ორგანული მეურნეობის მშენებლობა-განვითარებით.

– რატომ დაინტერესდით მეფრინველეობით და როგორ დაიწყეთ ეს საქმიანობა?

• ჩემი მიზანიაბიო–ორგანული ბოსტნეულისწარმოება. ამისთვის საჭიროა ორგანული სასუქი. ამიტომ დავიწყე კომპოსტის წარმოება. ამ პროცესში მონაწილეობენ ფრინველებიც. მათი მონაწილეობა ამდიდრებს და აჩქარებს პროცესს.

დიდი ხანი ვიმუშავე ამ პროექტზე, სანამ დავიწყებდი. შევისწავლე, მივეცი პროექტის სახე და დაახლოებით 3 წლის წინ შევუდექი ამ საქმიანობას.

– სოფელში ცხოვრებას, ფერმერობას ყოველთვის ახლავს გარკვეული სირთულეები. რა სირთულეებს აწყდებით ყველაზე ხშირად?

• დიახ, ძირითადად მიწევსსოფელშიყოფნა, რადგან ძალიან მიყვარს ბუნებასთან სიახლოვე, იქ ყოფნა ჩემთვის ძალიან სასიამოვნოა. ყველა საქმიანობას ახლავს გამოწვევები, სირთულეები. თუმცა შეუძლებელი არაფერია. პირველ რიგში, მთავარია ზუსტად იცოდე, რა გინდა, შემდეგ – გიყვარდეს, რასაც აკეთებ… და წარმატება გარანტირებული გაქვს.

– ფინანსურად რამდენად მომგებიანია ეს საქმიანობა თქვენთვის?

– თუ სწორად არის დაგეგმილი, ყველა საქმესაუცილებლად ფინანსური სარგებელიც მოაქვს. რა თქმა უნდა, მომგებიანია.

– სად ყიდით თქვენს პროდუქციას? ვინ არიან მომხმარებლები?

– ჩვენი პროდუქციით სარგებლობს როგორც ადგილობრივი, ასევე თბილისის, რუსთავის, წყნეთის მოსახლეობა. ჩვენი პროდუქციის მომხმარებელი ძირითადად ოჯახებია. ჩვენ გვაქვს ტრანსპორტი, რითაც ჩვენს პროდუქციას პირდაპირ ვაწვდით მყიდველებს.

– თქვენი პროდუქციის კონკურენტული უპირატესობა რაში მდგომარეობს?

– ხარისხი, ფასი და სერვისი.

– ფრინველს როგორ უვლით და რით კვებავთ?

– ჩვენ გვაქვს ტექნოლოგიურად მოწყობილი შენობები, სადაც ვზრდით წიწილებს სამ ოთხ კვირამდე. ისინი იკვებებიან მაღალი ხარისხის კომბინირებული საკვებით. ერთი თვის შემდეგ გადაგვყავს სპეციალურად მოწყობილ ტერიტორიაზე. ეს ტერიტორია არის ბალახით სავსე, რაც მათ რაციონს ამდიდრებს სასარგებლო ვიტამინებით და ასევე მდიდარია ბუნებრივი პროტეინებით (მწერებით, ჭიაყელებით და სხვა მიკროორგანიზმებით). ასევე, ამ ტერიტორიაზე ქათმები იკვებებიან კომპოსტის წარმოების პროცესიდანაც. ეს ყველაფერი ქმნის მაღალი ხარისხის, გემრიელ პროდუქტს, რასაც დიდი სიამოვნებით მიირთმევენ ჩემი, ჩემი მეგობრის შვილები და ყველა ის, ვისთვისაც ხარისხიანი საკვები მნიშვნელოვანია.

– რა ჯიშის ქათმები გყავთ?– ჩვენ ვცდილობთ მოვერგოთ ჩვენი პროდუქციის მომხმარებლების მოთხოვნებს და რადგან მათი მოთხოვნები სხვადასხვაა, ამიტომ შერეული ჯიშები გვყავს.

– რამდენი ფრთა ქათამი გყავთ?

– რთულია მათი დათვლა, მით უმეტეს კვერცხმდებელი ქათმების. ისინი თავისუფლად, დიდ ტერიტორიაზე ცხოვრობენ. რაც შეეხება ვარიებს, ვცდილობთ მუდმივად, ყოველთვიურად 9000 ცალი გვყავდეს.

– ცოცხლად ყიდით?

• თითქმის არა.ჩვენ გადავწყვიტეთ ჩვენი პროდუქტის მომხმარებლებს გავუადვილოთ ცხოვრება(ვარია/ქათამი არის სრულიად გასუფთავებული და გატუსული), დავეხმაროთ დროის დაზოგვაში და ჩვენი პატარა სასარგებლო წვლილი შევიტანოთ მათ ჯანმრთელობაში.

– თქვენი ქათმები ალბათ ძალიან გემრიელია. 

– ასე ამბობენ. (იღიმის)😊

– ამ საქმეს მარტო უძღვებით თუ გეხმარებათ ვინმე?

– დაახლოებით ორწელიწადნახევარი მხოლოდ მე ვაშენებდი. მეხმარებოდა ძირითადად დედაჩემი. მამაჩემი, მისი ჯანმრთელობიდან გამომდინარე, რაც შეეძლო, ჩემ გვერდით იყო და არის. ამჟამად 12 ადამიანი გვყავს დასაქმებული.

– რა დროს ხარჯავთ მათ მოვლაზე?

– ამ პროექტის მართვით, განვითარებით, გაფართოებით, მომხმარებლებთან ურთიერთობით ვარ უმეტესად დაკავებული. ცოტა სხვა საქმეებსაც ვასწრებ.

– აპირებთ, საქმიანობის გაფართოებას?

– კი, 100%-ით.

– საქმით კმაყოფილი ხართ?

– ძალიან ბევრ დადებით ენერგიას ვიღებ კმაყოფილი მომხმარებლებისგან. როდესაც გჯერა, რომ კარგ საქმეს ემსახურები, ამაზე ჯანმრთელი სიამოვნების წყარო არა მგონია არსებობდეს.

–თქვენი გამოცდილების საფუძველზე რა სირთულეებს შეიძლება წააწყდეს დამწყები მეწარმე საქართველოში?

-მე მირჩევნია სირთულეებზე არ ვისაუბრო. ამ გზით შეიძლება, მხოლოდ ნეგატიური შედეგი გამოვიწვიო.

მე ასე ვიტყოდი, არ არსებობს გადაულახავი სირთულე, თუ შენ გჯერა შენი საქმის, შრომობ მუხლჩაუხრელად, ემსახურები ადამიანებისთვის სარგებლის მომტან საქმეს.

–გაგვანდეთ თქვენი სამომავლო გეგმები

-დიდი სურვილი მაქვს, გავამრავალფეროვნო ჩემი პროდუქცია, რა თქმა უნდა მხოლოდ ჯანსაღი მიმართულებით. ეს არის ორგანული ბოსტნეული. ვფიქრობ საქონლის ხარისხიანი ხორცის წარმოებაზეც (ამის პოტენციალიც გვაქვს)

ჩემი საქმიანობა ჯანსაღი  საკვების გარშემო ტრიალებს, რადგან მიმაჩნია რომ ამაშია ჯანმრთელობის კარის გასაღები.

მადლობას გიხდით, წარმატებებს გისურვებთ

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!