ბაქტერიები აქტიურდებიან და განსაკუთრებული სუნის მქონე ნივთიერებებს გამომუშავებას იწყებენ – რასაც ჩვენ „გაზაფხულის სუნს“ ვუწოდებთ, შესაძლოა, ორგანიზმისთვის ზიანის მომტანი აღმოჩნდეს
როდესაც ჰაერში გამლღვალი მიწის პირველი არომატები ჩნდება, ჩვეულებრივი ამბავია, რომ „გაზაფხულის სუნი“ დატრიალდება ხოლმე ჰაერში. სინამდვილეში კი, ამ სუნის ქიმიური ანალიზი არც ისე სასიამოვნოა.
მეცნიერები ამბობენ, რომ ბაქტერიები აქტიურდებიან და განსაკუთრებული სუნის მქონე ნივთიერებებს გამომუშავებას იწყებენ. ჯეოსმინი მათი მეტაბოლიზმის თანამდევი პროდუქტია და ასე „სურნელობს“ გაზაფხული. სწორედ ამიტომ, მას გაზაფხულის სუნიც კი არ აქვს, არამედ გამლღვალი მიწის სუნი. ასე უწოდებენ მას ჩვეულებრივ. ეს სუნი ხშირად შეინიშნება ყვავილების ქოთნებშიც, მორწყვის დროს.
წვიმის დროს ბაქტერიებიც აქტიურდებიან, რის გამოც ნაცნობი მიწის სუნი შეიძლება იგრძნოთ კოკისპირული წვიმის შემდეგ. თუმცა, ჩვეულებრივი ბიოლოგიური პროცესები ფართო საზოგადოების მიერ ზედმეტად რომანტიზებულია. სხვათა შორის, ოფლის სუნიც ბაქტერიული აქტივობის შედეგია და ეს გასაკვირი არ არის.
„პრინციპში, ნებისმიერი წყალი გამოიწვევს ამ პროცესებს. ბაქტერიები ვერ იცოცხლებენ ტენიანობის გარეშე. უდაბნოში ბაქტერიები ძალიან ცოტაა ან პრაქტიკულად არ არსებობს, რადგან ტენიანობა არ არის და მათ მის გარეშე გადარჩენა არ შეუძლიათ“, – აღნიშნავენ ბიოლოგები.
თუ მიწიდან ჩამოცვენილ ფოთოლს აიღებთ და წიგნის ფურცლებს შორის მოათავსებთ, ის გაშრება და სუნი გაქრება – რადგან ტენიანობა აღარ არის. მეცნიერები ამბობენ, რომ „გაზაფხულის სუნი“ საერთოდ არ არის პოეზია, არამედ ჩვეულებრივი ქიმიაა.
ადამიანის ცხვირი ფუნქციონირებს როგორც მაღალმგრძნობიარე დეტექტორი: ჩვენ შეგვიძლია აღმოვაჩინოთ ჯეოსმინი კონცენტრაციებში, რაც სიტყვასიტყვით რამდენიმე ათეული მოლეკულის ეკვივალენტურია ჰაერის კუბურ სანტიმეტრზე. ეს ბუნებაში ერთ-ერთი ყველაზე დახვეწილი სუნია.
გარდა ამისა, „გაზაფხულის სურნელი“ მხოლოდ ჯეოსმინი არ არის. ის მნიშვნელოვან, მაგრამ არა ერთადერთ როლს ასრულებს. სამეცნიერო თვალსაზრისით, დიდი ხნის ნანატრი სითბოს არომატი აქროლადი ნაერთების რთული ნაზავია. ის ასევე მიუთითებს მცენარეების გამოღვიძებაზე: ტემპერატურის მატებასთან ერთად, წვენის დინება ძლიერდება და ჰაერში მსუბუქი, ტკბილი, ხის ნოტები ჩნდება – ახალი ქერქის, კვირტებისა და არყის წვენის სურნელი.
და ორგანული ნივთიერების სუნი: დნობისას წყალი გასული წლის ფოთლებში მიკროორგანიზმების აქტივობას იწვევს და ჰაერში აქროლადი ნაერთები გამოიყოფა, რაც ტყის ფსკერის დამახასიათებელ სურნელს ქმნის.
შვიდგზის ზეთისცხება შვიდი საიდუმლოდან ერთ-ერთია და ყოველთვის დიდ მარხვაში ტარდება – ვისთვის შეიძლება და ვისთვის არა შვიდგზის ზეთისცხება – ეს ბევრმა არ იცის
შვიდგზის ზეთისცხება შვიდი საიდუმლოდან ერთ-ერთია და ყოველთვის დიდ მარხვაში ტარდება. მართლმადიდებელ ქრისტიანს შვიდჯერ ეცხება წითელ ღვინოში არეული ზეთი მღვდლების მიერ.
მრავალგზის იკითხება სახარება და ლოცვები სნეულთათვის. ეს ყველაფერი ქრისტიანის სულისა და ხორცის განკურნებისთვის სრულდება. ზეთის კურთხევისას, ეკლესიის ერთობლივი ლოცვისა და სნეულის ნაკურთხი ზეთითა და ღვინით ცხებისას, ავადმყოფ ქრისტიანზე საღმრთო მადლი გადმოდის, რომელსაც მისი ფიზიკური და სულიერი სნეულებების განკურნება შეუძლია. ზეთის კურთხევა უკავშირდება სინანულის საიდუმლოს. შვიდგზის ზეთის ცხება შეუძლია მხოლოდ მას, ვისაც ერთხელ მაინც აქვს აღსარება ჩაბარებული.
ზეთის კუთხევა დიდ მარხვაში იმიტომ სრულდება, რომ ადამიანი უფრო განწმენდილია, გაძლიერებულ ლოცვაშია და საერო ცხოვრებიდან გადასულია ეკლესიურ ცხოვრებაში. ზეთის კურთხევა ტაძარში მაშინ ტარდება, როცა მეტი თავისუფალი დროა, რადგან ხალხი არ დარჩეს ზეთის ცხების გარეშე. ლოცვების მოსმენის შემდეგ უკვე იწყება შვიდგზის ზეთისცხება.
საეკლესიო ტიპიკონის მიხედვით ზეთის კურთხევის საიდუმლოს შვიდი მოძღვარი ასრულებს, თუმცა შეიძლება ერთმაც აღასრულოს. იკითხება შვიდი ადგილი სახარებიდან, შვიდი საქმე „წმიდათა მოციქულთა”. ამ ტექსტებს შორის ზოგიერთი თემატიკა ზეთს უკავშირდება, ასევე ვისმენთ იმ მონაკვეთებს, სადაც მაცხოვრის მიერ სნეულთა განკურნების ამბებია მოთხრობილი. ყველა წაკითხული სახარების შემდეგ არის ჩამოლოცვა, სადაც მღვდელი ევედრება იმ დღის წმიდანებს. იმავდროულად, იკურთხება ზეთი და ღვინო, რომლებიც ერთმანეთში ირევა და შემდეგ მორწმუნე მრევლს „შვიდგზის აცხებენ შვიდ ალაგას”- შუბლზე, ნიკაპზე, თვალებზე, ყურებზე, ხელებზე, ლოყებსა და ყელზე.
შვიდგზის ზეთისცხება შეიძლება ჩატარდეს მძიმე ავადმყოფთან სახლში, წლის ნებისმიერ დროს, როდესაც ამის აუცილებლობა არსებობს, თუმცა დიდი მარხვის პერიოდში ეკლესიებში აღსრულებულ ამ მსახურებას საზოგადო ხასიათი აქვს და შესაძლებლობა ეძლევა მორწმუნე, მაზიარებელ, აღმსარებელ ადამიანებს იცხონ ზეთი, როგორც ხორციელი, ისე სულიერი სნეულებისაგან განსაკურნებლად და ცოდვათა მისატევებლად. ეკლესიის მიერ არ არის განსაზღვრული კონკრეტული დღე თუ როდის უნდა ჩატარდეს შვიდგზის ზეთისცხება, ამას თითოეული ტაძრის წინამძღვარი თავად წყვეტს.
შვიდი მღვდელი შეიკრიბება, მოამზადებენ სპეციალურ მაგიდას, მასზე დააბრძანებენ სახარებას და ჯვარს, ასევე მრგვალი ფორმის თასს, რომლის ძირზეც მობნეულია ხორბალი, შიგ ჩადგავენ პატარა ჭურჭლით ზეთს და ამ თასის გარშემო შვიდ სანთელს დაანთებენ. ასევე მოიმარაგებენ ზეთსა და ღვინოს. სპეციალურ ჩხირებს ბამბის ფილებით, რომელიც გამოიყენება ზეთისცხებისათვის.
შვიდი რიცხვი, სანთელთან მიმართებით და თავად შვიდ გზის ზეთისცხებაც სულიწმინდის შვიდ ნიჭზე მიუთითებს. ზეთი – ადამიანთა მადლის მიერ კურნებაზეა აქცენტირებული; წითელი ღვინო – ჯვარცმული ქრისტეს სისხლი გახლავთ; ხორბალი ადამიანის ცხოვრების ცვალებადობას, მის ფერისცვალებას გულისხმობს, რაც მოიაზრებს, რომ პიროვნებამ განახლებული სულიერი და ხორციელი ცხოვრება უნდა დაიწყოს.როდესაც ღვინოსა და ზეთს ურევენ ერთმანეთში ეს მსგავსია იმ მოწყალე სამარიტელისა, რომელმაც გვემულ ადამიანს მიხედა და წყლულებზე ზეთი და ღვინო დაასხა. რაც შეეხება ზეთისცხების ჩხირებს, იგი სიმბოლურად მსგავია იმ რტოსი, რომელიც წარღვნის დასრულების შემდეგ ნოეს მოუტანა მტრედმა.
როგორც ცნობილია, ძველად ზეთს და ღვინოს ჩვეულებრივ იყენებდნენ მედიცინაში, ითვლებოდა, რომ ღვინო ჭრილობების დეზინფექციას ახერხებდა, ხოლო ზეთი ტკივილგამაყუჩებელი საშუალება იყო.
ხშირად ისმის კითხვა: რამდენჯერ შეიძლება მორწმუნემ შვიდგზის ზეთისცხების მსახურებაში მიიღოს მონაწილეობა?
სასურველია ერთხელ იცხოს ზეთი, თუმცა უმთავრესია მოძღვრის კურთხევით გადაწყვიტოს მორწმუნემ ეს საკითხი.
წყარო: სულის საყდარი
მოშუშული ისპანახის რეცეპტი
მოშუშული ისპანახის რეცეპტი
ინგრედიენტები
- ისპანახი – 2 კგ
- სოდა – 0.5 ჩკ
- ხახვი – 3 ც
- ნიორი – 2 კბილი
- ქინძი
- დაღერღილი წიწაკა და მარილი გემოვნებით
მომზადების წესი
ისპანახი დავარჩიოთ, გავრეცხოთ, მოვხარშოთ, გადავიღოთ საწურზე, გავაცივოთ და ხელით გავწუროთ.
ტაფაზე კახურ ზეთში მოშუშეთ ხახვი, ნიორი, დაუმატეთ დანით დაკეპილი ისპანახი, ქინძი, მარილი და დაღერღილი წიწაკა გემოვნებით.
ისპანახის შემადგენლობა:
წყალი, ცილები, ნახშირწყლები, ცხიმები, ბოჭკოვანა, სახამებელი, შაქარი, კალციუმი, მაგნიუმი, ნატრიუმი, კალიუმი, ფოსფორი, რკინა, თუთია, სპილენძი, მარგანეცი, სელენი… ვიტამინები: A, B1, B2, B4, B5, B6, B7 B9, C, E, К, PP.
ისპანახი მდიდარია ვიტამინებითა და ანტიოქსიდანტებით, ასევე უჯრედისით. კვლევები მოწმობს, რომ კვების რაციონში დიდი რაოდენობით ისპანახის ჩართვა აუმჯობესებს გონებრივ შესაძლებლობებს, ზრდის სისხლძარღვთა დაზიანებისადმი ტვინის წინააღმდეგობის უნარს. ისპანახი „მუხტავს” მეხსიერებას და თავიდან გვაცილებს დაბერებით გამოწვეულ ჩავარდნას ნერვული სისტემის მუშაობაში. ისპანახი შეიცავს ლუთეინს, რომელიც ტვინის უჯრედებს დაშლისგან იცავს.
ისპანახი ორგანიზმს საკვები ნივთიერებებით ამარაგებს, გამოჰყავს შლაკები და ტოქსინები. სხვა ბოსტნეულიდან მხოლოდ სტაფილო შეიცავს მეტ კაროტინს, ვიდრე ისპანახშია, ხოლო რკინის მაღალი შემცველობის წყალობით ისპანახი ჰემოგლობინს გააქტიურებასა და უჯრედების ჟანგბადით მომარაგებაში ეხმარება; ის აუმჯობესებს ნივთიერებათა ცვლას და ორგანიზმის მიერ ენერგიის გამომუშავებას უწყობს ხელს.
ისპანახი ძალზე სასარგებლოა ორსულებისა და პატარა ბავშვებისთვის, რადგან მასში თითქმის ყველა აუცილებელი ვიტამინი და მრავალი მინერალური ნივთიერებაა; ამ ბოსტნეულს შენაშნავად ითვისებს ორგანიზმი, რადგან მასში არის ნივთიერებები, რომლებიც ასტიმულირებს სანერწყვე ჯირკვლისა და პანკრეასის მოქმედებას. გამოფიტვის, ნერვულის სისტემის დაავადებების, ანემიის, ჰიპერტონიის, შაქრიანი დიაბეტის, გასტრიტისა და ენტეროკოლიტის დროს კვებაში აქტიურად რთავენ ისპანახს, როგორც მსუბუქი შარდმდენი, საფაღარათო, ანთების საწინააღმდეგო და მატონიზირებელი მოქმედების მქონე დიეტურ პროდუქტს.
ისპანახი ძალზე სასარგებლოა არა მხოლოდ როგორც დიეტური პროდუქტი, არამედ როგორც პროფილაქტიკური და მრავალი დაავადების სამკურნალო საშუალება. ისპანახი კარგია კბილებისა და ღრძილებისთვის, ხელს უშლის ანემიისა და სიმსივნეების განვითარებას, აძლიერებს სისხლძარღვოვან სისტემას, ასტიმულირებს კუჭქვეშა ჯირკვლის მუშაობას და აწესრიგებს ნაწლავების მუშაობას. სიმსივნეებზე ისპანახის მოქმედება იმდენად ეფექტურია, რომ ექიმები მას სხივური დაავადების დროს დამატებითი დიეტის სახით ნიშნავენ.
ისპანახი იცავს დაზიანებისგან ლორწოვან გარსს, აწესრიგებს ნახშირწყლების ცვლას, მონაწილეობს ორგანიზმისთვის აუცილებელი ჰორმონების გამომუშავებაში და ადამიანს ზედმეტი წონის დაკლებაში ეხმარება. ადამიანებს, რომლებიც ხშირად იმყოფებიან სტრესულ ვითარებაში, ისპანახი სიმშვიდესა და შრომისუნარიანობის აღდგენაში ეხმარება.
ისპანახი შეიცავს იოდს, ამიტომ ის დადებითად მოქმედებს ფარისებრი ჯირკვლის მუშაობაზე. მას ორგანიზმი ადვილად ამუშავებს და სწრაფად ითვისებს.
ისპანახში ბევრი უჯრედისი და ქლოროფილია, ამიტომ ის ნაწლავების მუშაობას ასტიმულირებს და ძალზე ეფექტური საშუალებაა შეკრულობის დროს.
ისპანახი ძალიან კარგად მოქმედებს თვალებზე. მასში შემავალი ნივთიერება ლუთეინი გროვდება თვალის ქსოვილებში, აუმჯობესებს მხედველობას და ხსნის კომპიუტერთან მუშაობით გამოწვეულ დაღლილობას. თუ ადამიანი კვირაში რეგულარულად თუნდაც 350 გრამ ისპანახს იღებს, მხედველობის ასაკობრივი გაუარესება გაცილებით გვიან იჩენს თავს. თუ მხედველობის გაუარესება უკვე დაწყებულია, მაშინ მის აღსადგენად ადამიანმა დღე-ღამეში 250 გრამი ისპანახი მაინც უნდა მიიღოს.
ისპანახს იყენებენ როგორც ცოცხლად, ისე მოხარშული სახით, ღვეზელების გულსართად, სალათებში და ა.შ. აუცილებლად უნდა აღინიშნოს, რომ ისპანახი ორგანიზმს ხორცის, თევზის და სხვა ცილოვანი საკვების გადამუშავებაში ეხმარება.
რა თქმა უნდა, ცოცხალი ისპანახი ბევრად სასარგებლოა, მაგრამ ისიც უნდა ითქვას, რომ ისპანახი ერთ-ერთი იმ გამონაკლისთაგანია, როდესაც ბოსტნეული მოხარშვის შემდეგ თავის სასარგებლო თვისებებს კარგად ინარჩუნებს.
ისპანახის ახალი წვენი, თუ მას უზმოზე მივიღებთ, წმენდს ორგანიზმს, ხსნის დაღლილობას და ენერგიის მარაგებს ავსებს, წვენი ასტიმულირებს ბევრი ორგანოსა და სისტემის მუშაობას: კარგად მოქმედებს ღვიძლზე, თირკმელებსა და ნაწლავებზე, შველის ასთმისა და მშრალი ხველის დროს.
ღრძილების ანთების დროს მას ივლებენ პირში, ნუშისებრი ჯირკვლების ანთებისას – ყელში. ისპანახის წვენი ორგანიზმზე დამამშვიდებელ ეფექტს ახდენს.
ღვინის ეროვნული სააგენტო აშშ-ში ქართული ღვინის მარკეტინგულ კამპანიას კიდევ უფრო მასშტაბურს გახდის
ქართული ღვინის ერთ-ერთ უმნიშვნელოვანეს სტრატეგიულ ბაზარზე – აშშ-ში, მისი ცნობადობისა და პოპულარიზაციის გაზრდის მიზნით, ღვინის ეროვნულმა სააგენტომ ამერიკულ მარკეტინგულ კომპანიასთან – „Colangelo & Partners“ ხელშეკრულება გააფორმა.
მიმდინარე წელს, კომპანიის „Colangelo & Partners“ ორგანიზებით და ღვინის ეროვნული სააგენტოს ფინანსური მხარდაჭერით, დაგეგმილია ქართული ღვინის მარკეტინგული კამპანია, რომელიც მოიცავს სტრატეგიულ მიმართულებებს ქართული ღვინის აშშ-ის ბაზარზე მოთხოვნისა და გაყიდვების ზრდის უზრუნველსაყოფად. არსებული აქტივობების პარალელურად, გაძლიერდება მომხმარებელზე ორიენტირებული ღონისძიებები, რაც ხელს შეუწყობს ქართული ღვინის პოპულარიზაციასა და ამერიკელი მომხმარებლების ჩართულობის ზრდას.
„Colangelo & Partners“-ის მარკეტინგული კამპანიის ფარგლებში, აშშ-ის სხვადასხვა ქალაქში გაიმართება დეგუსტაცია-სემინარები ღვინის პროფესიონალებისა და ღვინით ვაჭრობის სფეროს წარმომადგენლებისთვის. ასევე, ქართული ღვინო წარმოდგენილი იქნება საერთაშორისო გამოფენებზე, განხორციელდება მიზნობრივი სარეკლამო და მედია კამპანიები. გარდა ამისა, მედიის, სომელიეებისა და გაყიდვების სფეროს წარმომადგენლებისთვის მოეწყობა ღვინის ტურები საქართველოში, რაც ხელს შეუწყობს ქართული ღვინის უკეთ გაცნობასა და პოპულარიზაციას ამერიკულ ბაზარზე.
2022 წლიდან, მარკეტინგული კომპანია „Colangelo & Partners“ ქართულ ღვინოს აშშ-ის ბაზარზე ღვინის ეროვნული სააგენტოს კონტრაქტის ფარგლებში უწევს პოპულარიზაციას. ამ პერიოდის განმავლობაში დაფიქსირდა ქართული ღვინის ექსპორტის მზარდი ტენდენცია. 2024 წელს ექსპორტმა 1,2 მილიონ ლიტრს მიაღწია, რაც 2023 წლის მაჩვენებელს 32%-ით აღემატება.
აშშ ერთ-ერთი ყველაზე მაღალფასიანი ბაზარია ქართული ღვინისთვის. აქ ერთი ლიტრი ღვინის საშუალო ფასი 6 აშშ დოლარის ფარგლებში მერყეობს, რაც ქართული ღვინის მაღალი ხარისხისა და მოთხოვნის ზრდაზე მიუთითებს.
ინფორმაციას ღვინის ეროვნული სააგენტო ავრცელებს.
როდის დაისვენებენ სკოლები და საბავშვო ბაღები – ნახეთ, დეტალები
სკოლებსა და საბავშვო ბაღებში დასვენების დღედაა გამოცხადებული 9 აპრილი; 18-21 აპრილი (აღდგომის დღეები); 9 მაისი; 12 მაისი; 26 მაისი.
რაც შეეხება მეორე სემესტრში სასწავლო დღეების რაოდენობას, იგი განსხვავებულია პირველი, მეთორმეტე და მეორე-მეთერთმეტე კლასელებისთვის; II-XI კლასებისთვის 96 სასწავლო დღეა განსაზღვრული (სწავლის დასასრული – 13 ივნისი); I კლასის მოსწავლეებისთვის 83 დღე; (სწავლის დასასრული – 27 მაისი); XII კლასის მოსწავლეებისთვის 79 დღე (სწავლის დასასრული – 20 მაისი).
მცენარეთა დაავადებები და მათთან ბრძოლა
მცენარეთა დაავადებები და მათთან ბრძოლა
ხახვის ჭრაქი – ფოთლებზე ჩნდება ყვითელი ფერის წაგრძელებული ლაქები, რომლებიც მონაცრისფრო-იასამნისფერი ფიფქით იფარება. მცენარის ღერო იგრიხება და ლპება.
ბრძოლის ღონისძიება – წამლობა იწყება, როცა მცენარე 10 სმ სიმაღლეს მიაღწევს. იწამლება 1%-იანი ბორდოს ხსნარით. წამლობა მეორდება 10-15 დღის შემდეგ.
გოგროვანთა ნაცარი – კიტრის, გოგრისა და ნესვის ფოთლებზე ჩნდება ბაცი ნაცრისფერი ლაქები, ფოთლები ყვითლდება და ჭკნება.
ბრძოლის ღონისძიება – 0,5%-იანი კოლოიდური გოგირდის ხსნარის შესხურება.
ფიტოფტოროზი (შავლაქიანობა) აზიანებს პამიდვრისა და კარტოფილის ფოთლებს, ღეროებსა და ნაყოფს.
ბრძოლის ღონისძიება – პირველი წამლობა უნდა ჩატარდეს ჩითილების გადარგვამდე 1-2 დღით ადრე 0,5%-იანი ბორდოს ხსნარით ან კუპროზანის 0,4%-იანი ხსნარით. გადარგვის შემდეგ უნდა შეიწამლოს 3-4-ჯერ პროფილაქტიკის მიზნით. საჭიროებისამებრ, წამლობა უნდა განმეორდეს 5-7 დღის შემდეგ 1%-იანი ბორდოს ხსნარით ან კუპროზანის 0,4%-იანი ხსნარით.
ბადრიჯნის ფომოფსისი – აზიანებს ფოთლებს, ღეროებსა და ნაყოფს.
ბრძოლის ღონისძიება – იგივეა, რაც ფიტოფტოროზის დროს.
ვაზის ჭრაქი
პამიდვრის ფიტოფტოროზი
აბზინდა – შხამქიმიკატების „კონკურენტი“
წყარო: ნიკოლოზ იოსებიძე, ყველაფერი საოჯახო მეურნეობის შესახებ (გამომცემლობა პალიტრა L)
“ჩემი გზავნილი სასამართლომდე მივიტანე. ჩემი გზავნილი იყო ის, რომ ეს ბრალდებულები არიან საზოგადოებისთვის საშიშნი. მათ თავზეხელაღებით, მიზეზის უკითხავად, გაურკვევლად, პირდაპირ, ყოველგვარი კომუნიკაციის გარეშე შეუძლიათ მოკლან ადამიანი“- გიგა ავალიანის დედა ეკა კუპატაძე
თბილისის საქალაქო სასამართლოში გიგა ავალიანის საქმეზე დაკავებულების სასამართლო პროცესი გაიმართა. სხდომას გარდაცვლილის დედა, ეკა კუპატაძე დაესწრო.
კუპატაძე თავდაპირველად მოწმის სახით უნდა დაეკითხათ, თუმცა დაცვის მხარემ ეს პროცედურა უდავოდ ცნო. მას მინიჭებული აქვს დაზარალებულის უფლებამონაცვლის სტატუსი.
სასამართლოში ეკა კუპატაძემ მოსამართლეს საკუთარი პოზიცია გააცნო და ბრალდებულების საზოგადოებისთვის საფრთხის შემცველობაზე გაამახვილა ყურადღება.
“ჩემი გზავნილი სასამართლომდე მივიტანე. ჩემი გზავნილი იყო ის, რომ ეს ბრალდებულები არიან საზოგადოებისთვის საშიშნი. მათ თავზეხელაღებით, მიზეზის უკითხავად, გაურკვევლად, პირდაპირ, ყოველგვარი კომუნიკაციის გარეშე შეუძლიათ მოკლან ადამიანი. შევთავაზე მოსამართლეს, რომ გაითვალისწინოს ეს ყველაფერი განაჩენის წაკითხვამდე, იზოლირებული გახადოს ეს ბრალდებულები საზოგადოებისგან რაც შეიძლება დიდი ხნით,” – განაცხადა ეკა კუპატაძემ.
საქმეზე სამართალდამცველებმა ოთხი პირი დააკავეს. ერთს ბრალი წარდგენილი აქვს ჯანმრთელობის განზრახ მძიმე დაზიანებაში, რამაც სიცოცხლის მოსპობა გამოიწვია, ორი არასრულწლოვანია ბრალდებული ჯანმრთელობის განზრახ მძიმე დაზიანებაში ჯგუფურად, ხოლო კიდევ ერთ პირს დანაშაულის შეუტყობინებლობას ედავებიან.
საქართველოს ეროვნულ ბოტანიკურ ბაღში „საკურას ყვავილობის დღეები“ გაიმართება
საქართველოს ეროვნულ ბოტანიკურ ბაღში „საკურას ყვავილობის დღები“ იწყება.
5 და 6 აპრილს საქართველოს ეროვნულ ბოტანიკურ ბაღში „საკურას ყვავილობის დღეები“ გაიმართება.
ბოტანიკურ ბაღში იწყება ფესტივალების სეზონი და გაზაფხულზე პირველი ფერადი და სურნელოვანი ღონისძიება გელოდებათ.
ღონისძიება გაიხსნება იაპონური ტრადიციული ჩაის ცერემონიალით, ჩაის ცერემონიას წარუძღვება ოსტატი იაპონიიდან, ტოშიკო ონერი – “SOHO”,
ჩაის ცერემონიალის შემდეგ, 5 აპრილს 14:00 საათზე სუშის მასტერკლასი გაიმართება, რომელსაც შეფ მანუელი და პროფესიული კოლეჯი ”იკაროსის” შეფი მიხეილ ხუციშვილი გამართავენ,
ღონისძიებაზე დაგვხდებათ იაპონური თემატიკის ნივთები, მანგებისა კომიქსების მრავალფეროვნება,
ასევე, შეგეძლებათ შეიძინოთ სუში, იაპონური ჩაი და სხვა გემრიელობები
გელოდებით 5 და 6 აპრილს 12:00 საათიდან 18:00 საათამდე,
ეროვნული ბოტანიკური ბაღის ორგანიზებით, თბილისის მერიისა და საქართველოში იაპონიის საელჩოს მხარდაჭერით, ბოტანიკურ ბაღში „საკურას ყვავილობის დღეები“ მეექვსედ იმართება.
– – – – – – – – – – – – – – – –
ბოტანიკურ ბაღში შემოსვლის საფასური:
ზრდასრულები 4 ₾
ბავშვები 6 წლამდე უფასო
სკოლის მოსწავლეების ბილეთის საფასური 50 თეთრი
პენსიონერები 1 ₾
სტუდენტები 1₾
სოციალურად დაუცველები საბუთის წარდგენის შემთხვევაში უფასო.
ბავშვები 6 წლამდე უფასო
სკოლის მოსწავლეების ბილეთის საფასური 50 თეთრი
პენსიონერები 1 ₾
სტუდენტები 1₾
სოციალურად დაუცველები საბუთის წარდგენის შემთხვევაში უფასო.
