პარასკევი, მაისი 1, 2026
- Advertisement -
Google search engine
მთავარი წაკითხვა გვერდი 101

ბათუმის ბოტანიკურ ბაღს 100 წელზე მეტი ხნის ისტორია აქვს, ის 1912 წელს დაარსდა

მიერ
SheniSofeli.ge
-
0
ბათუმის ბოტანიკურ ბაღს 100 წელზე მეტი ხნის ისტორია აქვს, ის 1912 წელს დაარსდა. ბოტანიკური ბაღის დაარსება უკავშირდება ხარკოვის უნივერსიტეტის პროფესორის, ანდრია კრასნოვის, სახელს. 1998 წლიდან ბათუმის ბოტანიკური ბაღი მსოფლიოს ბოტანიკური ბაღების მცენარეთა დაცვის საერთაშორისო საბჭოს (BGCI) წევრი გახდა.
ბოტანიკური ბაღი აჭარაში, ქალაქ ბათუმიდან 9 კმ დაშორებით, მდინარე ჩაქვისწყლის შესართავს და მწვანე კონცხს შორის მდებარე სანაპირო ზოლზე მდებარეობს. ბაღს ზღვის სანაპირო ზოლის დაახლოებით 1 კმ სიგრძის სამხრეთ-დასავლეთი მონაკვეთი უკავია, რომელიც ზღვის დონიდან 0-220 მეტრ სიმაღლემდე ვრცელდება.
მცენარეთა კოლექცია შეიცავს 5000-ზე მეტ სახეობას, სახესხვაობას, ფორმასა და ჯიშს. ბოტანიკურ ბაღში შეგხვდებათ: იელების მდიდარი კოლექცია, საპნის ხე, ქონის ხე, ბამბუკის მრავალი სამრეწველო ჯიში, მამონტის ხე, მარადმწვანე სექვოია და სხვა.

#datashvil #drpkhakadze #sheniambebi #shenisofeli

თიბისის მხარდაჭერით, Index | Wealth Management-ის პირველი პროექტი – „რივერ პარკი“ შენდება

მიერ
SheniSofeli.ge
-
0

თიბისის მხარდაჭერით, თბილისში, დიღომი 8-ში, უძრავი ქონების საინვესტიციო კომპანიის – Index | Wealth Management-ის პირველი პროექტი, მრავალფუნქციური უბანი – „რივერ პარკი“ შენდება.

მტკვრის პირას, უნიკალურ მიკროკლიმატურ ზონაში, 30 000 მ2  ფართობის პროექტი დაბალი განაშენიანების გენერალური გეგმითა და 4 სართულიანი შენობებით გამოირჩევა.

პროექტის ინფრასტრუქტურა პარკებს, სასეირნო ბილიკებს, საბავშვო გასართობ სივრცეებს, რეკრეაციულ ზონებსა და საცურაო აუზს აერთიანებს.

პროექტის ერთ-ერთ მთავარი მახასიათებელია კეთილმოწყობილი, ფუნქციური და უსაფრთხოების სისტემებით აღჭურვილი საერთო მოხმარების გამწვანებული სახურავები, რომელთა ჯამური ფართობი 1 ჰექტარზე მეტია.

დიღომი 8 გაქირავების კუთხით მოთხოვნადი უბანია როგორც ადგილობრივ მოსახლეობაში, ისე დიმპლომატიურ და ბიზნეს სექტორში. ბოლო კვლევებით, დიღმის ტერიტორიაზე 26%-ითაა გაზრდილი უძრავი ქონების ფასები. ამ ტენდენციების გათვალისწინებით, „რივერ პარკი“ მომხმარებლებისთვის როგორც ცხოვრების ხარისხის გაუმჯობესების, ასევე უძრავ ქონებაში გონივრული ინვესტირების შესაძლებლობაა.

პროექტში კვ.მ-ის ფასი 1450$-დან იწყება. გადახდის მოქნილი პირობებით, მომხმარებელს შესაძლებლობა აქვს ბინა წინასწარ შენატანის გარეშე, თვეში 1000$-დან შეიძინოს.

Index | Wealth Management უძრავი ქონების დეველოპერული და საინვესტიციო კომპანიაა, რომლის პორტფელიც ამჟამად 8 პროექტს ქალაქის შემდეგ უბნებში აერთიანებს: დიღომი 8, ავლაბარი, გლდანი, ორთაჭალა და სხვა. ამ ეტაპისთვის მიმდინარე 4 პროექტი თიბისის მხარდაჭერით ხორციელდება.

Index | Wealth Management-ის პროექტებსა და კომპანიის შესახებ გაეცანით ბმულზე.

#datashvil #drpkhakadze #sheniambebi #shenisofeli

ატმის ექსპორტი 93%-ით გაიზარდა – ძირითადი სარეალიზაციო ბაზარი კვლავ რუსეთია

მიერ
SheniSofeli.ge
-
0
ატმის ექსპორტი

2024 წლის პირველ ნახევარში საქართველოდან ახალი ატმისა და ნექტარინების ექსპორტი გაიზარდა.

2022 წლის პირველ ექვს თვის მონაცემებით, ატმის ექსპორტის მკვეთრი შემცირების შემდეგ ადგილობრივად წარმოებული აგროპროდუქტის ქვეყნის საზღვრებს გარეთ გაყიდვების მაჩვენებელი მზარდია.

ისიც უნდა აღინიშნოს, რომ 2022 წელს ექსპორტი რეკორდული იყო და 30.4 მლნ დოლარს შეადგენდა.

2024 წლის 6 თვის სტა.ტისტიკის მიხედვით, საქართველომ 2 537 ტონა ატმის ექსპორტით 2 მილიონ 748 ათასი დოლარის შემოსავალი მიიღო, რაც 92.9%-ით გაზრდილი მაჩვენებელია.

საქართველოში ატმის ექსპორტი მოსავლის აღებასთან ერთად აქტიურდება. პროცესი მაისიდან იწყება და ზაფხულის თვეებში იზრდება. ექსპორტის დიდი ნაწილი ივნისზე მოდის.

წლების განმავლობაში ატმის ძირითადი სარეალიზაციო ბაზარი რუსეთია. წელსაც პროდუქტის ძირითადი მოცულობები სწორედ ამ მიმართულებით გავიდა.

იანვარ-ივნისში რუსეთში ჯამში 2 მილიონ 448 ათასი დოლარის ღირებულების 2 140 ტონა ატამი და ნექტარინები გაიყიდა, რაც გასული წლის ამავე პერიოდთან შედარებით თითქმის გაორმაგებული მაჩვენებელია.

მეორე ქვეყანა, სადაც ატმის ექსპორტი განხორციელდა, სომხეთია. მეზობელ ქვეყანაში ჯამში 300 ათასი დოლარის 396 ტონა ატამი გავიტანეთ.

უნდა აღინიშნოს, რომ საქართველოში 2024 წლის პირველ ექვს თვეში ატმის იმპორტიც გაიზარდა. ამ პერიოდისთვის ქვეყანაში 482 ათასი დოლარის ღირებულების 948 ტონა ატამი შემოვიდა, მაშინ როდესაც 2023 წლის 6 თვეში იმპორტირებული 551 ტონა ატმის ღირებულება 147 ათას დოლარს არ აღემატებოდა.

საქართველო ატამს ორი ქვეყნიდან ყიდულობს. თურქეთიდან წელს 480 ათასი დოლარის 947 ტონა ატამი შევიძინეთ, ნიდერლანდებიდან კი მცირე რაოდენობა მხოლოდ 2 ათასი დოლარის 0.4 ტონა ატამი შემოვიდა.

სოფელი საქართველოში, რომელსაც უცნაური სახელი აქვს…

მიერ
SheniSofeli.ge
-
0

სოფელი, რომელსაც უცნაური სახელი აქვს…

მათხოჯი – სოფელი ხონის მუნიციპალიტეტში. სოფლის ჩრდილოეთ მხარეს 150 მეტრი სიმაღლის მთაზე დგას მე-6 საუკუნის ციხე-სიმაგრე, ამჟამად ე.წ “ნაციხარი”. სოფელში ორი ტაძარია: წმიდა ნინოს სახელობის დედათა მონასტერი და წმიდა ბასილის ეკლესია.

მათხოჯი გამოირჩევა თავისი მოხდენილი გეოგრაფიული მდებარეობით და სილამაზით.

იმერეთში მდებარე სოფელ მათხოჯის შესახებ ერთი უცნაური ისტორია არსებობს. სოფელში მცხოვრებ მათეს ჰყოლია ცხენი, სახელად ხოჯი. ერთ დღე ხოჯი დაიკარგა, მთელი დღის ძებნის შემდეგ ცხენი იპოვეს და პატრონს დაუძახეს: მათე ხოჯი აქაა-ო. ასე დაერქვა სოფელს მათხოჯი.

„თხილის ბაღის მესაკუთრეებს 21 მლნ ლარის მიზნობრივი დახმარება გადავეცით“ – ოთარ შამუგია

მიერ
SheniSofeli.ge
-
0

„44 000 ჰა-ზე მეტი ფართობის თხილის ბაღის მესაკუთრეებს, 21 მლნ ლარის მიზნობრივი დახმარება გადავეცით. სახელმწიფო მხარდაჭერის პროგრამას 2024 წელსაც განახორციელებს“, – ამის შესახებ გარემოს დაცვისა და სოფლის მეურნეობის მინისტრობის კანდიდატმა ოთარ შამუგიამ პარლამენტში, კომიტეტების გაერთიანებულ სხდომაზე განაცხადა.

ინფორმაციას სოფლის მეურნეობის სამინისტრო ავრცელებს.

„თხილი ათასობით ოჯახის შემოსავლის წყარო და მნიშვნელოვანი საექსპორტო პროდუქტია. ექსპორტის 70%-ზე მეტი ევროკავშირის ბაზარზე ხორციელდება. ჩვენ გასულ წელს დავიწყეთ მხარდაჭერის პროგრამა, რომლის ფარგლებშიც, 44 000 ჰა-ზე მეტი ფართობის თხილის ბაღის მესაკუთრეებს, 21 მლნ ლარის მიზნობრივი დახმარება გადავეცით. სახელმწიფო მხარდაჭერის პროგრამას 2024 წელსაც განახორციელებს“, – განაცხადა გარემოს დაცვისა და სოფლის მეურნეობის მინისტრობის კანდიდატმა ოთარ შამუგიამ პარლამენტში, კომიტეტების გაერთიანებულ სხდომაზე.

როგორც მინისტრობის კანდიდატმა აღნიშნა, გაგრძელდება ბიოწარმოების ხელშეწყობის პროგრამა, ასევე მაღალმთიან რეგიონებში სხვადასხვა ბიზნესსაქმიანობის სტიმულირება და მხარდაჭერა, რისთვისაც გასულ წელს, სამინისტრომ ახალი პროგრამა დაიწყო. დაფინანსდა 60 ბიზნესიდეა.

კომიტეტების გაერთიანებულ სხდომაზე, ოთარ შამუგიამ აგროდაზღვევის პროგრამაზეც ისაუბრა და განაცხადა, რომ პროგრამის ფარგლებში ანაზღაურებული ზიანი 80 მლნ ლარს აღემატება. სამინისტრო აქტიურად მუშაობს სადაზღვევო კომპანიებთან ერთად, რათა პროგრამა უფრო მეტად მორგებული იყოს ფერმერების ინტერესებზე.

#datashvil #drpkhakadze #sheniambebi #shenisofeli

აჭარიდან გადასახლებულ ეკომიგრანტ ქალებს, ამ სილამაზეებისთვისაც რჩებათ დრო…

მიერ
SheniSofeli.ge
-
0
“აჭარელ ქალს ქარგვა და ქსოვა სისხლში აქვს” …
 ულამაზესი აჭარული ნაქარგობები მარნეულში, სოფელ მარადისშიც აღმოვაჩინეთ… აჭარიდან გადასახლებულ ეკომიგრანტ ქალებს, ამ სილამაზეებისთვისაც რჩებათ დრო…

 

#datashvil #drpkhakadze #sheniambebi #shenisofeli

„ატმოსფერულ ჰაერში ფიქსირდება მყარი ნაწილაკების მატება, თუმცა ეს პანიკის მიზეზს არ იძლევა” – გარემოს ეროვნული სააგენტო

მიერ
SheniSofeli.ge
-
0

გარემოს ეროვნული სააგენტოს ინფორმაციით, საქართველოს ზოგიერთ რაიონში, ასევე, დედაქალაქში, ატმოსფერულ ჰაერში ფიქსირდება მყარი ნაწილაკების (PM10, PM2.5) მატება, რაც, ძირითადად, ტრანსსასაზღვრო დაბინძურებას უკავშირდება.

გარემოს ეროვნული სააგენტოს მიერ გავრცელებულ ინფორმაციაშია აღნიშნული, რომ პანიკის მიზეზი არ არსებობს.

„აღსანიშნავია, რომ ტრანსასაზღვრო დაბინძურება წლის განმავლობაში გარკვეულ დღეებში ფიქსირდება ანალოგიური სინოპტიკური სიტუაციის დროს, მეტეოროლოგიური მოვლენაა და პანიკის მიზეზს არ იძლევა. საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით. ნებისმიერ დაინტერესებულ პირს შესაძლებლობა აქვს გაეცნოს ინფორმაციას ჰაერის ხარისხის მდგომარეობის შესახებ და მიიღოს ჯანდაცვითი რეკომენდაციები ატმოსფერული ჰაერის ხარისხის პორტალზე“, – ნათქვამია სააგენტოს გავრცელებულ ინფორმაციაში.

#datashvil #drpkhakadze #sheniambebi #shenisofeli

„ქელეხზე ჩვენს წინაპრებს მენიუც სხვა ჰქონდათ და ლექსიკაც იყო გაწერილი“

მიერ
SheniSofeli.ge
-
0
რიტუალური ქართული გასტრონომია
„ქელეხზე ჩვენს წინაპრებს მენიუც სხვა ჰქონდათ და ლექსიკაც იყო გაწერილი“
დალი ცატავა – გასტრონომიული კულტურის მკვლევარი, საქართველოს გასტრონომიის ასოციაციის პრეზიდენტი.
„ჩვენი სუფრის ფილოსოფიის სიმდიდრე არის მისი დიფერენცირებული ხასიათი.
ქელეხზე, ჩვენს წინაპრებს მენიუც სხვა ქონდათ. ლექსიკა იყო გაწერილი.
სიტყვა „თამადას“ და „ტოლუმბას“ ვერ გაიგონებდი იმიტომ, რომ მას ერქვა “სუფრის ხელმძღვანელი“.

#datashvil #drpkhakadze #sheniambebi #shenisofeli

ხორბლის ფასი და მისი გავლენა საქართველოში

მიერ
SheniSofeli.ge
-
0
ხორბლის ფასი და მისი გავლენა საქართველოში
#image_title

ხორბლის ფასი და მისი გავლენა საქართველოში

2024 წლის ივლისში ხორბლის ფასი გლობალურად თვიურად 4.5%-ით შემცირდა. ეს ცვლილება საკმაოდ მნიშვნელოვან გავლენას ახდენს მსოფლიო სოფლის მეურნეობასა და სურსათის ბაზარზე, განსაკუთრებით ჩინეთის რეგიონში.

Galt&Taggart-ის ანალიზი ადასტურებს, რომ ჩინეთის ადგილობრივი ბაზარი გლობალური ფასების მნიშვნელოვან ცვლილებებს აწყობს. ჩრდილოეთ ჩინეთში ინტენსიური ნალექი და უარყოფითი ამინდი ფერმერებს აიძულებს ხორბალი რაც შეიძლება სწრაფად გაყიდონ, რათა მოსავალი არ დაზიანდეს. თუმცა, ფქვილის ადგილობრივი მოთხოვნა ეკონომიკური სუსტი მდგომარეობის გამო დაბალია, რაც ამცირებს ფასებს 3-წლიან მინიმუმამდე.

ჩინეთის მთავრობა გეგმავს ადგილობრივი შესყიდვების გაზრდას, რაც იმპორტის საჭიროების შემცირებას და გლობალურ ფასებზე გავლენის შემცირებას გამოიწვევს.

2024 წლის პირველ ნახევარში საქართველოს ხორბლის იმპორტი 33.4%-ით გაიზარდა, რაც 27 მილიონ 569 ათას დოლარის ღირებულების 114 290 ტონა ხორბალს მოიცავს. აღნიშნული პერიოდის განმავლობაში, ხორბლის იმპორტის მოცულობა წლიურად 69.1%-ით გაიზარდა, ხოლო ღირებულება 33.4%-ით მოიმატა. წელს, ხორბლის ერთადერთი იმპორტიორი ქვეყანა რუსეთია.

რაც შეეხება საქართველოს, 2024 წლის 6 თვეში ფქვილის იმპორტი 61.8%-ით შემცირდა. ხორბლის იმპორტი კი, 33.4%-ით გაიზარდა.

ოფიციალური სტატისტიკის მიხედვით, ამ პერიოდში ქვეყანაში 27 მილიონ 569 ათასი დოლარის ღირებულების 114 290 ტონა ხორბალი შემოვიდა. ხორბლის იმპორტის მოცულობა წლიურად 69.1%-ით, ღირებულება კი შედარებით ნაკლებად 33.4%-ით გაიზარდა. წელს, ხორბლის ერთადერთი იმპორტიორი ქვეყანა რუსეთია.

ხოლო, ფქვილის იმპორტიორი ქვეყნების ჩამონათვალი ასე გამოიყურება:

  • რუსეთი – $8 მლნ, 36 433 ტონა;
  • თურქეთი – $500 ათასი, 910 ტონა;
  • იტალია – $164 ათასი, 148 ტონა;
  • ლიეტუვა – $49 ათასი, 125 ტონა;
  • საფრანგეთი – $36 ათასი, 30 ტონა;
  • ავსტრია – $16 ათასი, 20 ტონა;

მთებიდან ზღვამდე ქართული სამზარეულო მადრიდის გასტრო კონგრესს Madrid Fusión დაიპყრობს

მიერ
SheniSofeli.ge
-
0

მსოფლიოში ყველაზე გავლენიანი გასტრო კონგრესი Madrid Fusión საქართველოს შესახებ Facebook გვერდზე მორიგ პოსტს აქვეყნებს. „მთებიდან ზღვამდე ქართული სამზარეულო მადრიდის გასტრო კონგრესს Madrid Fusión დაიპყრობს. აღმოაჩინეთ ჩვენი სტუმარი ქვეყნის გასტრონომიული არსი. საქართველო ეს არის ქვეყანა, სადაც მთავარი კერძი სტუმარმასპინძლობაა“, – ამის შესახებ ინფორმაციას ტურიზმის ეროვნული ადმინისტრაცია ავრცელებს.

მისი თქმით, 29-31 იანვარს, საქართველო Madrid Fusión 2024-ზე, სტუმრის სტატუსით მიიღებს მონაწილეობას. ღონისძიების ფარგლებში საქართველოს ტურიზმის ეროვნული ადმინისტრაციის სტენდთან სტუმრებსა და კულინარიის სფეროს წარმომადგენლებს საშუალება ექნებათ გაეცნონ ქართულ სამზარეულოს, ღვინოსა და ტურისტულ პროდუქტებს.

სტუმრის სტატუსის ფარგლებში საქართველოს ტურიზმის ეროვნულ ადმინისტრაციას დამატებით თემატური სცენები დაეთმობა, რომლის ფარგლებშიც მთავარ სცენაზე ქართული კერძების მასტერკლასები და სამი სახის ღვინის დეგუსტაცია გაიმართება.

Madrid Fusión-ზე ქართულ სამზარეულოს ქართველი შეფმზარეული დავით ნარიმანაშვილი წარადგენს.

Desde las montañas hasta el mar, la cocina de Georgia conquistará #MadridFusion2024 . Descubre la esencia gastronómica de nuestro país invitado. 🇬🇪 Georgia Travel
———-
From the mountains to the sea, Georgia’s cuisine will conquer #MadridFusion2024. Discover the gastronomic essence of our guest country. 🇬🇪

Georgia – Where Hospitality Is The Main Course …..

#datashvil #drpkhakadze #sheniambebi #shenisofeli

1...100101102...175გვერდი 101 of 175

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge