ხულოს მუნიციპალიტეტის მერია, ქალთა სოციალურ-ეკონომიკური გაძლიერების პროგრამის ფარგლებში, საგრანტო კონკურსს ახორციელებს. პროგრამით უკვე 30-ზე მეტმა ბენეფიციარმა ისარგებლა.
მიმდინარე წელს “ქალთა სოციალურ-ეკონომიკური გაძლიერების” პროგრამის ბიუჯეტი 85 000 ლარს შეადგენს. პროგრამა ხორციელდება ხულოს მუნიციპალიტეტის მერიისა და “აჭარისწყალი ჯორჯიას” მხარდაჭერით და მიზნად ისახავს ქალთა ეკონომიკური შესაძლებლობების გაძლიერებას, მეწარმეობის ხელშეწყობასა და ადგილობრივი სამეწარმეო სექტორის განვითარებას.
