საქართველოში ყვავილების იმპორტი იზრდება და ძვირდება – საიდან შემოგვაქვს?

საქართველოში ყვავილების იმპორტი მზარდია. მიმდინარე წლის იანვარში ქვეყანაში 1,3 მლნ დოლარის ღირებულების 200 ტონა მოჭრილი ყვავილების და კოკრების იმპორტი განხორციელდა, მაშინ როცა 2024 წლის იანვარში ეს მაჩვენებელი 497 960 დოლარის 167 ტონა იყო, ხოლო 2023 წელს – 322 690 დოლარის ღირებულების 140 ტონა.

ეს მონაცემები აჩვენებს, რომ ყვავილების იმპორტი ზრდასთან ერთად, ძვირდება კიდეც.

მზარდია ყვავილების იმპორტის წლიური მაჩვენებლებიც. 2024 წელს, ჯამურად ქვეყანაში 11,4 მლნ აშშ დოლარის 1901 ტონა ყვავილი შემოვიტანეთ, 2023 წელს კი 5,1 მლნ დოლარის 1719 ტონა.

რაც შეეხება საიმპორტო ქვეყნებს, საქსტატის მიმდინარე წლის იანვრის მონაცემებით, მთავარი საიმპორტო ბაზრები შემდეგია:

1. თურქეთი – 225 870 აშშ დოლარი; 77 ტონა
2. ეკვადორი – 561 580 აშშ დოლარი; 64 ტონა
3. სომხეთი – 196 690 აშშ დოლარი; 29 ტონა
4. კენია – 187 600 აშშ დოლარი; 18 ტონა
5. ნიდერლანდები – 146 450 აშშ დოლარი; 9 ტონა