სვანეთში უძველესი ისტორიის მქონე დღესასწაული, ლამპრობა წელსაც, ტრადიციულად, ხალხმრავალ გარემოში აღინიშნა.
ამ დღეს სვანეთისთვის განსაკუთრებული დატვირთვა აქვს.
დღესასწაული ყოველ წელს აღდგომამდე 10 კვირით ადრე ტარდება. ადგილობრივები სამზადისს გვიან ღამით იწყებენ და მზის ამოსვლას ერთად ხვდებიან.
საგანგებოდ ამ დღისთვის, ყველა ოჯახში კვერები, – ლემზირები ცხვება და ოჯახისთვის წმინდა გიორგის სადიდებელი ლოცვა იკითხება.
