ქართული კულტურისა და გასტრონომიის აღმოსაჩენად, ტურიზმის ეროვნული ადმინისტრაციის ინიციატივით, საქართველოს საერთაშორისო მოგზაურები და გასტრობლოგერები ესტუმრნენ, რომელთაც ეთნოგრაფში ვუმასპინძლეთ.
ეთნოგრაფი ქართული სტუმარმასპინძლობის ცოცხალი მუზეუმია, სადაც ნაციონალური სამზარეულო, რეგიონული კერძების სახასიათო გემოები, ინტერიერში დაბრუნებული კულტურული არტეფაქტები, ქართული ცეკვა-მუსიკა და სტუმრის მიღების საუკეთესო ტრადიციები ერთად იყრის თავს.
გვახარებს, რომ ქართულ მოლხენას, ჩვენი კერძების ავთენტურ გემოსა და გამასპინძლების წესს, სწორედ ეთნოგრაფში ვაზიარეთ სხვადასხვა ქვეყნის 180-მდე სტუმარი, რომელთაც აქამდე განუცდელი ემოციები გაიყოლეს თან.
მადლობას ვუხდით ტურიზმის ეროვნულ ადმინისტრაციას შესაძლებლობისთვის, რომ ქართული კულტურისა და გემოს გასაცნობად, ეთნოგრაფი შეარჩია. გვიხარია, რომ ჩვენი კომპანიის სოციალური პასუხისმგებლობის ფარგლებში, სწორედ ამ მისიას ვემსახურებით.
#datashvil #drpkhakadze #sheniambebi #shenisofeli
მასალის გამოყენების პირობები
