მთავრობამ ლანჩხუთში 625 ჰა ტერიტორიაზე სამონადირეო მეურნეობის მოწყობის უფლება გასცა – შესაბამის განკარგულებას ირაკლი კობახიძემ ხელი 27 აგვისტოს მოაწერა.
27 აგვისტოს, საქართველოს პარლამენტის თავმჯდომარემ, ირაკლი კობახიძემ, ხელი მოაწერა განკარგულებას, რომელიც ლანჩხუთში 625 ჰექტარ ფართობზე სამონადირეო მეურნეობის მოწყობის უფლებას იძლევა. ეს გადაწყვეტილება მნიშვნელოვნად შეცვლის რეგიონში ეკოლოგიურ და ეკონომიკურ ვითარებას და ახალ შესაძლებლობებს შექმნის როგორც ადგილობრივი მოსახლეობისთვის, ასევე ტურისტებისთვის.
სამონადირეო მეურნეობის მოწყობა/ფუნქციონირებისთვის არანაკლებ 200 000 ლარის ინვესტიცია უნდა განხორციელდეს.
განკარგულების მიხედვით, მეურნეობა ჯუმათის სატყეო კვარტალში უნდა მოეწყოს. ლიცენზია 10 წლის ვადით შემდეგი პირობებით გაიცემა:
- უნდა მოხდეს სამონადირეო სავარგულებით ადგილობრივ მცხოვრებთა პრიორიტეტული უზრუნველყოფა;
- სამონადირეო მართვის გეგმის შემუშავება უნდა მოხდეს ადგილობრივი თემის ჩართულობით კანონის შესაბამისად და მხოლოდ ამის შემდეგ უნდა წარუდგინოს ლიცენზიანტმა სამინისტროს;
- სამონადირეო მეურნეობის მართვის გეგმის დამტკიცებიდან ყოველწლიურად უნდა მოხდეს კოლხური ხოხბისა და სხვა სახეობების აღწარმოება, შემდგომში ამავე ტერიტორიაზე გაშვების მიზნით;
- უნდა მოხდეს შესაბამისი კვლევის შედეგად გამოკვლევა, არის თუ არა არსებულ ტერიტორიაზე უცხო ინვაზიური სახეობების. ასეთის არსებობის შემთხვევაში, უნდა მოხდეს მათი გარემოდან ამოღება;
- უნდა მოეწყოს საშენი კვლევის შედეგად იდენტიფიცირებული სახეობებისთვის. ცხოველთა სახეობების ბუნებაში აღდგენის მიზნით;
- უნდა მოხდეს ფოტოხაფანგების მოწყობა;
- სამონადირეო უბნები უნდა მოეწყოს არანაკლებ 250 მეტრში კოლხეთის ეროვნული პარკიდან.
ასევე, განკარგულება მოიცავს სხვა, “ცხოველთა სამყაროს შესახებ” კანონით გათვალისწინებულ წესებს.
