გურჯაანში მცხოვრები ხელოვანი, მხატვრული მინის დიზაინერი ქეთი მექერიშვილი მინას ამუშავებს და მისგან სხვადასხვა ხელნაკეთ ნივთებს, პანოებს, ყველის დაფებს, ვიტრაჟებს, მინისგან შექმნილ პეიზაჟებს და პორტრეტებს ამზადებს.
ქეთი აღნიშნული საქმიანობით 15 წლის წინ დაინტერესდა. საქართველოში თეორიული სწავლის შემდეგ, ევროპაში მიიღო ყველაზე დიდი პრაქტიკული გამოცდილება, შემდეგ კი ისევ საკუთარ ქვეყანაში დაბრუნდა და წლების განმავლობაში მივიწყებული დარგის ხელახლა გაცოცხლება გადაწყვიტა.
ქეთი თავდაპირველად თბილისში, შემდეგ კი გურჯაანში ჩამოვიდა და აქტიურად საქმიანობა დაიწყო. ის საკუთარი ხელით ამუშავებს მინას და საკუთარი დიზაინით, ქართულ მოტივებზე ქმნის ყველა ნივთს, რომლის ანალოგსაც სხვაგან ვერსად ნახავთ.
#datashvil #drpkhakadze #sheniambebi #shenisofeli
მასალის გამოყენების პირობები
