რადიო “პოზიტივი” მედიაჰოლდინგ “შენის” პარტნიორი გახდა.
ჯანდაცვის საერთაშორისო ექსპერტი, პროფესორი გიორგი ფხაკაძე, რომელიც მედიაჰოლდინგ “შენის” დამფუძნებელია, რადიო “პოზიტივის” ხელმძღვანელ კონსტანტინე წივწივაძეს შეხვდა და საერთო საქმიანობის დეტალებზე ესაუბრა.
რადიო “პოზიტივი” უკვე წლებია, 104.3 სიხშირეზე მაუწყებლობს და მსმენელს გემოვნებიან მუსიკას და საინფორმაციო გადაცემებს სთავაზობს.
მედიაჰოლდინგი “შენი” კი ქართულ მედიასივრცეში ახლად დაფუძნებულია, 11 ვებგვერდს აერთიანებს და 15-ზე მეტი სოციალური ქსელით, სრულიად საქართველოს მოსახლეობას აწვდის საზოგადოებრივი ჯანდაცვის საკითხებს სხვადასხვა მიმართულებით.
მხარეებმა შეხვედრაზე გამოხატეს კმაყოფილება პარტნიორული შეთანხმების შესახებ და იმედოვნებენ, რომ აღნიშნული სიახლე ორივე მედიასაშუალების წარმატების საწინდარი იქნება.
#datashvil #drpkhakadze #sheniambebi #shenisofeli
