ბუნებრივი კატასტრიფებით გამოწვეული საგანგებო მდგომარეობები
საგანგებო სიტუაცია არის ისეთი მდგომარეობა, როდესაც დაუყოვნებლივ დგება ჯანმრთელობის, სიცოცხლის, გარემოს ან ქონების დაზიანების რისკი. საგანგებო სიტუაციების უმეტესობა, საჭიროებს დაუყოვნებელ რეაგირებას, რათა არ მოხდეს სიტუაციის გაუარესება.
საგანგებო სიტუაცია შესაძლოა იყოს, როგორც ბუნებრივი ისე ადამიანის მიერ შექმნილი
მოვლენით გამოწვეული. საჭიროა სწორად დაგეგმილი რეაგირება, რათა დაიცვათ
საკუთარი თავი და გარშემომყოფები.
ქვემოთ მოცემული მასალა დაგეხმარებათ შესაბამისად იმოქმედოთ ბუნებრივი
კატასტროფებით გამოწვეული საგანგებო სიტუაციებისას.
წყალდიდობა არ აქვს მნიშვნელობა წყალდიდობის მასშტაბი დიდია თუ პატარა, მან შესაძლოა ნებისმიერ შემთხვევაში იქონიოს დამანგრეველი გავლენა თქვენს ოჯახსა და
საცხოვრებელზე.
სწორად დაგეგმილი რეაგირების ნაბიჯების მეშვეობით, თქვენ შეძლებთ შეამციროთ
წყალდიდობისგან მიყენებული ზიანი. მოემზადეთ წყალდიდობისთვის, ეცადეთ
უზრუნველყოთ საკუთარი უსაფრთხოება და ჯანმრთელობის დაცვა წყალდიდობისას და
სახლში დაბრუნებისას.
წყლდიდობის საფრთხის შემთხვევაში, მუდმივად ეცადეთ იყოთ ინფორმირებული, თვალი ადევნეთ საინფორმაციო საშუალებებს, რათა დროულად მიიღოთ ინფორმაცია არსებულ სიტუაციასთან დაკავშირებით. თუ იმყოფებით საფრთხის ზონაში, დაუყოვნებლივ დაუკავშირდით შესაბამის სამსახურებს და დეტალურად მიაწოდეთ ინფორმაცია თქვენი მდგომარეობის შესახებ, მიჰყევით მათ მითითებებს და ეცადეთ დარჩეთ უსაფრთხო ადგილას.
წყალდიდობის საფრთხის შემთხვევაში საჭიროა გარკვეული საგანგებო მარაგის არსებობა.
უნდა ეცადოთ, რომ სახლში შექმნათ მარაგი, რომელიც აუცილებელია საგანგებო
სიტუაციისთვის. ეს მარაგი უნდა შეიცავდეს:
- სუფთა წყლის რეზერვუარები, რომელშიც შეგიძლიათ შეინახოთ 3-5 დღის სამყოფი
სასმელი წყალი;
• 3-5 დღის სამყოფი საკვები, რომლის მომზადებასაც არ სჭირდება
ელექტროენერგია;
• პირველადი დახმარების ნაკრები, წამლები და მათი გამოყენების ინსტრუქცია;
• რადიო და ფანარი, რომელიც მუშაობს ელემენტზე, ასევე დამატებითი ელემენტები;
• საძილე ტომრები ან დამატებითი პლედები;
• გამწმენდი საშუალებები, როგორიცაა: იოდის ტაბლეტები ან საყოფაცხოვრებო
ქლორი, საწმენდი საშუალებები;
• ბავშვის საჭმელი/ან გამზადებული ფორმულა, საფენები და სხვა საჭირო ნივთები;
• ერთჯერადი საწმენდი საშუალებები;
• პირადი ჰიგიენის ნივთები;
• საგანგებო კომპლექტი თქვენი მანქანისთვის: საკვები, ფანარი, აკუმლიატორისთვის
ელ.ენერგიის დამატებით მიწოდების სადენები, რუქები, ხელსაწყოები, პირველადი
დახმარების ნაკრები, ცეცხლსაქრობი, საძილე ტომრები და სხვა;
• რეზინის ჩექმები, გამძლე ფეხსაცმელი და წყალგაუმტარი ხელთათმანი
• რეპელენტები, გრძელტოტიანი ტანსაცმელი.
ბუნებრივი კატასტრიფებით გამოწვეული საგანგებო მდგომარეობები
